Description

កម្មវិធី Khmer Insider រដូវកាលទី ៣ ៖ ភាគទី១០ - លោក គង់ ឈៀងឈុន ម្ចាស់សិប្បកម្ម គង់ កីស្ទើរតែគ្រប់ច្រកល្ហក គេ តែងប្រទះ ឃើញ ទូអាជីវកម្មលក់ កាហ្វេមាន ជាហូរហែ តាម ផ្លូវ សាធារណៈនិងទីប្រជុំជន។ ដោយសារមុខរបរនេះនៅរក្សាភាព ពេញនិយមនៅកម្ពុជា និងចំណាយដើមទុនជាមធ្យមពី១០០០ដុល្លារឡើងទៅ សិប្បកម្ម គង់ កី នៅតែអាចឈរជើងលើជំនាញឯកទេសផលិតទូអាជីវកម្មមិនក្រោម៣០ឆ្នាំ ពោលគឺតាំងពីឆ្នាំ ១៩៩០មកម្លេះ។ លោក គង់ ឈៀងឈុន ជាកូនមួយរូបក្នុងចំណោមកូន២នាក់ ដែលបានស្នងតំណែងពីឪពុក មានមហិច្ចតាខ្ពស់ចង់ពង្រីកសិប្បកម្មនេះឲ្យកាន់តែធំមានគ្រប់បណ្តាខេត្តក្រុង។ ជាពិសេសលោកចង់ បង្កើតជម្រើសជាច្រើនបែប ទាំងការរចនាទាន់សម័យកាល ទាំងទំហំ តម្លៃ ជូនអតិថិជនដែលអាចប្រកបរបរនៅទីតាំងរបស់ខ្លួន ដោយបង្កើនចំណូលបន្ថែមដល់គ្រួសារ និងបានចាកផុតពីបន្ទាត់ក្រីក្រ។