Description

កម្មវិធី Khmer Insider រដូវកាលទី ៣ ៖ ភាគទី១៥ - លោក ម៉ាច ម៉ុយ និង ម៉ុយ ប៊ុនលាប សិប្បកម្មខ្មែរម៉ាច ម៉ុយតា ម៉ុយ ធ្វើភ្លេង ជារហស្សនាមពិសេសមួយដែលប្រជាពលរដ្ឋប្រចាំឃុំព្រះស្រែ ស្រុកឧដុង្គ ក្នុងខេត្តកំពង់ស្ពឺតែងតែហៅលោកម៉ាច ម៉ុយ ថាសិប្បករចំណាស់ឆ្នើមម្នាក់ដែលតស៊ូលើការងារផលិតឧបករណ៍ភ្លេងបុរាណខ្មែរតាំងពីទសវត្សរ៍ទី៨០។ជាងនេះទៅទៀត លោកបានបន្តវេនចំណេះដឹងជំនាញទៅកូនចៅ រហូតក្លាយជាអាជីវកម្មឈានមុខក្នុងស្រុកភូមិផង និងល្បីដល់បណ្តាប្រទេសអឺរ៉ុបមួយចំនួនផង។ចំពោះអាជីវកម្មបែបអភិរក្សមរតកដូនតាមួយនេះមិនមែនត្រឹមតែផលិតទៅតាមអ្វីដែលអតិថិជនកម្មង់នោះទេ គ្រួសារលោកតាម៉ាចម៉ុយ មានក្តីស្រមៃធំ ចង់មានជារោងចក្រប្រមូលផ្តុំវត្ថុធាតុដើមក្នុងស្រុក រួមទាំងមានក្រុមការងារជាយុវជនពោរពេញទៅដោយសមត្ថភាពមានជំនាញច្បាស់លាស់ អាចបែងចែកការផលិតផ្សេងៗ ដើម្បីផ្គត់ផ្គង់ទៅគ្រប់ទិសទី ឲ្យសមជាផលិតផលខ្មែរមានគុណភាព និងកេរ្តិ៍ឈ្មោះល្បីរន្ទឺ៕