Description

កម្មវិធី Khmer Insider រដូវកាលទី ៣ ៖ ភាគទី ១៨ - លោក វុនមុនីរ័ត្ន ស្ថាបនិកសិប្បកម្មប្រហិតសាច់គោ ហ៊ុយ ហ៊ុយ ផ្តើមចេញពីអាជីវកម្មខ្នាតតូច ហុយ ហុយ ត្រូវបានគេស្គាល់ថា ជាទីតាំងលក់អាហារស៊ុបចង្កាក់ ដ៏មានប្រជាប្រិយភាព គួរឱ្យកត់សម្គាល់តាំងពីអំឡុងឆ្នាំ២០១៧ មកម៉្លេះ។ ជារៀងរាល់ថ្ងៃ សហគ្រិននៃស៊ុបហុយហុយ តែងតែបញ្ជាទិញបន្លែចម្រុះ សាច់ និងប្រហិតគ្រប់ប្រភេទ ពីទីផ្សារក្នុងស្រុក ហើយប្រហិតសាច់គោ គឺជាផលិតផលដ៏ សំខាន់មួយ ដែលលោក ត្រូវការចាំបាច់ ក្នុងសម្រាប់ផ្គត់ផ្គង់ដល់ដំណើរការនៃហាងទាំង៧សាខា។ យ៉ាងណាក៏ដោយ ដោយសាររសជាតិនៃប្រហិតសាច់គោ នៅលើទីផ្សារទូទៅនៅមិនទាន់ ត្រូវនឹងអ្វីដែលលោកចង់បាន សហគ្រិនរូបនេះបានស្វែងរករូបមន្តបង្កើនរសជាតិថ្មី គ្មានជាតិគីមី ហើយថែមទាំងបានបង្កើតសិប្បកម្មមួយផ្ទាល់ខ្លួន ដើម្បីផ្គត់ផ្គង់ចូលហាងអាហារដ្ឋានគ្រប់សាខារបស់លោកវិញតែម្ដង។