រយៈ​ពេល១ខែ​ ផ្លូ​វល្បឿនលឿនភ្នំពេញ-ក្រុងព្រះសីហនុ​មានយានយន្ត​ឆ្លងកាត់​ជាង ៤៣ម៉ឺន​គ្រឿង​

ភ្នំពេញ ៖ គិតចាប់ពីថ្ងៃទី០១ ​ដល់ថ្ងៃទី៣១​ ខែតុលា​ ឆ្នាំ២០២២​ ផ្លូវល្បឿនលឿន​ភ្នំពេញ-ក្រុងព្រះសីហនុ​ទទួល​បាន​យានយន្ត​ឆ្លងកាត់សរុប​ចំនួន​៤៣,៧ម៉ឺនគ្រឿង​ ដោយឆ្លងកាត់តាមស្ថានីយ៍​ទាំង​៨​ទីតាំង​នៅលើ​ផ្លូវ​ល្បឿ​ន​លឿននេះ។ ​នេះបើតាម​របាយការណ៍កត់ត្រា​ដោយក្រុមហ៊ុនគ្រប់គ្រង​ផ្លូ​វល្បឿនលឿន​ភ្នំពេញ​ក្រុង​ព្រះ​សី​ហនុ ។

យោងតាម​សេចក្ដី​ប្រកាស​ព័ត៌មាន​របស់​ក្រសួង​សាធារណការ​ និងដឹកជញ្ជូន​ឱ្យដឹងថា​ រាប់ចាប់ពីម៉ោង​៧ព្រឹក​ថ្ងៃទី​០១ ខែតុលា​ ដល់​ម៉ោង​២៤យប់​ថ្ងៃទី​៣១ ខែ​តុលា ​ឆ្នាំ២០២២​ ​មានយានយន្ត​ឆ្លងកាត់ផ្លូ​វល្បឿនលឿន​ចំនួន ​៤៣៧ ៣៨១​គ្រឿង​ ដោយចេញចូល​តាមស្ថានីយ៍​ទាំង៨​ទីតាំង ។ នៅក្នុង​រយៈពេល​១ខែនេះដែរ នៅលើផ្លូ​វល្បឿនលឿន​ភ្នំពេញ​ក៏​មានគ្រោះថ្នាក់ចរាចរណ៍ចំនួន​១៩​ករណី ឬស្មើនឹង ​០,០០៤ភាគរយ​ បើធៀប​នឹង​បរិមាណ​ចរាចរណ៍​ឆ្លងកាត់ ។​

សេចក្ដី​ប្រកាស​ព័ត៌មានដដែល​នេះបានឱ្យដឹងថា ក្រុមហ៊ុនផ្លូវល្បឿន​លឿន​បានចាប់ផ្ដើមគិតថ្លៃសេវាធ្វើ​ដំណើ​រ​ហើយ​​​ចាប់តាំងពីថ្ងៃទី​១ ខែវិច្ឆិកា ឆ្នាំ​២០២២​ ចាប់ពីម៉ោង​៧ព្រឹក​តទៅ ដោយសេវា​ធ្វើ​ដំណើរ​​នឹងត្រូ​វគណនា​តា​មចម្ងា​យ​​ជាក់ស្ដែង​នៃការ​បើក​បរ​និងតាមប្រភេទ​យានយន្ត​។

តាម​រយៈផ្លូវ​ល្បឿនលឿន​ភ្នំពេញ​-ក្រុងព្រះសីហនុ​នេះ​ដែរ បាន​ទាក់ទាញ​ភ្ញៀវទេសចរជាតិ និងអន្តរជាតិ​ក្នុង​ប្រទេស​ទៅ​ទស្សនា​ និងកម្សាន្ត​នៅ​ក្នុង​ខេត្តព្រះសីហនុ​យ៉ាង​ច្រើន ​ជាក់ស្ដែង​នៅថ្ងៃ​ចុងសប្ដាហ៍​កន្លងទៅនេះ រយៈពេលតែ២ថ្ងៃប៉ុណ្ណោះ ភ្ញៀវទេសចរ​ទៅកម្សាន្ត​នៅក្នុង​ខេត្តព្រះសីហនុ​មានចំនួន​រហូត​ទៅដល់​១៥ម៉ឺន​នាក់​ដែលជា​បរិមាណមួយច្រើន​លើស​ថ្ងៃ​បុណ្យ​ជាតិនានា​​កន្លងមក​ ។​

ឯកឧត្តម ​ស៊ុន ចាន់​ថុល​ រដ្ឋមន្ត្រី​ក្រសួង​សាធារណការ ​និងដឹកជញ្ជូន​បានថ្លែង​ផងដែរថា ​​ផ្លូវល្បឿនលឿន​ភ្នំ​ពេញ​​​ក្រុងព្រះសីហនុ​នេះ​ក្រុមហ៊ុន​ចាប់ផ្ដើមយក​ថ្លៃ​សេវា​រយៈ​ពេល៥០​ឆ្នាំ​ ហើយនៅឆ្នាំទី​៥១​ ក្រុមហ៊ុននឹង​ប្រគល់​ជូនរដ្ឋាភិបាល​យើង​វិញ ហើយនៅក្នុងកុងត្រា​​បាន​កំណត់​ថា ​ស្ថានភាពផ្លូវត្រូវតែស្អាត​ដូច​ស្ថាន​ភាពបច្ចុប្បន្ន។

ឯកឧត្តមបញ្ជាក់ថា ៖

“នៅពេលនោះ​រដ្ឋាភិបាល​របស់យើង​នឹង​បន្ត​យក​ថ្លៃពីពលរដ្ឋ​ធ្វើ​ដំណើរ ​ឬក៏​បញ្ឈប់​យកថ្លៃ យើង​អត់ដឹងទេ ​ពីព្រោះពេលនោះ​ខ្ញុំលែង​នៅ​ហើយ ទុកឱ្យក្មេង​ៗជំនាន់​ក្រោយ​ជា​អ្នកចាត់ចែងទៅចុះ”

ឯកឧត្តម​បន្តថា ផ្លូ​វល្បៀនលឿនភ្នំពេញ​ក្រុងព្រះសីហនុ​គឺជាផ្លូ​វតភ្ជាប់ប៉ូល​សំខាន់ៗ​ពីរ​ភ្នំពេញ និងក្រុងព្រះ​សីហនុ ដែល​វានឹ​ងជំរុញឱ្យ​មានការ​ធ្វើ​សេដ្ឋកិច្ច ពាណិជ្ជកម្មរវាង​​តំបន់​សំខាន់ៗទាំង​ពីរ។ ​ក្រៅពីផ្លូ​វល្បឿ​ន​លឿន​ភ្នំពេញ ក្រុងព្រះសីហនុនេះដែរ កម្ពុជាក៏កំពុង​តែពន្លឿន​ឱ្យក្រុមហ៊ុន​អភិវឌ្ឍន៍​ផ្លូវ​ល្បឿនលឿន​មួយ​នេះ​​សិក្សា​គម្រោងផ្លូវ​ល្បឿនលឿនទី​២​ គឺភ្នំពេញ-បាវិត ដើម្បីធ្វើយ៉ាងណាអាច​បើក​ការដ្ឋាន​សាសងសង់​នៅ​ពាក់កណ្ដាល​ឆ្នាំ ២០២៣​ខាងមុខ ។

ក្រសួង​សាធារណការ ​និងដឹកជញ្ជូន​​សំណូមពរ​ដល់​បងប្អូន​ប្រជាពលរដ្ឋ​គ្រប់រូប​ចូលរួម​ស្វែង​យល់​ និងអនុវត្ត​តាម​សេចក្ដី​ណែនាំឱ្យ​បាន​ម៉ឺងម៉ាត់​ ចំពោះគ្រប់លក្ខខណ្ឌ​ក្នុងការ​បើក​បរ​លើ​ផ្លូវល្បឿនលឿននេះ និងគោរព​ច្បាប់​ចរាចរណ៍​ផ្លូវគោក​ឱ្យ​បាន​ខ្ជាប់ខ្ជួន ដើម្បី​ធ្វើដំណើរ​របស់​បងប្អូន​ប្រកបដោយ​ភាពសប្បាយរីករាយ ៕ 


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ប្រាក់ចំណូលរបស់អ្នកបម្រើការងារតាមផ្ទះរួមចំណែកផ្នែកសេដ្ឋកិច្ចយ៉ាងសំខាន់ និងជួយកាត់បន្ថយភាពក្រីក្រ

ព្រឹត្តិការណ៍, សេដ្ឋកិច្ច

• 17/06/2024

ប្រាក់ចំណូលរបស់កម្មករការងារតាមផ្ទះ រួមចំណែកមួយផ្នែកធំដល់សេដ្ឋកិច្ចយ៉ាងសំខាន់ និង បានរួមចំណែកកាត់បន្ថយភាពក្រីក្រនៅកម្ពុជា

ផែនការមេដឹកនាំរុស្ស៊ីបំពេញទស្សនកិច្ចនៅវៀតណាមបង្កប្រតិកម្មពីប្រទេសជាដៃគូពាណិជ្ជកម្មធំៗ

ព្រឹត្តិការណ៍, សេដ្ឋកិច្ច

• 17/06/2024

វៀតណាមបានធ្វើពហិកាមិនចូលរួមកិច្ចប្រជុំនៅស្វីស ប៉ុន្តែបញ្ជូនអនុរដ្ឋមន្ត្រីការបរទេសទៅចូលរួម BRICS នៅក្នុងប្រទេសរុស្ស៊ីទៅវិញកាលពីសប្តាហ៍មុននេះ

រដ្ឋមន្ត្រីកសិកម្ម ៖ ការចិញ្ចឹមត្រីតាមបច្ចេកទេសត្រឹមត្រូវធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ព្រឹត្តិការណ៍, សេដ្ឋកិច្ច

• 17/06/2024

រដ្ឋមន្ត្រីក្រសួងកសិកម្មបានលើកឡើងថា ការចិញ្ចឹមត្រីអនុវត្តតាមបច្ចេកទេសត្រឹមត្រូវ អាចធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ក្រុមហ៊ុនលំដាប់ពិភពលោក BOSCH នឹងមកសិក្សាពីលទ្ធភាពបើករោងចក្ររបស់ខ្លួននៅកម្ពុជា

ព្រឹត្តិការណ៍, សេដ្ឋកិច្ច

• 17/06/2024

ក្រុមហ៊ុន BOSCH លំដាប់ពិភពលោកដែលមានបុគ្គលិកជិត ៤៣ ម៉ឺននាក់ នឹងមកសិក្សាពីលទ្ធភាពបើករោងចក្ររបស់ខ្លួននៅព្រះរាជាណាចក្រកម្ពុជា ។

៤០ឆ្នាំក្នុងនាមជារោងចក្រពិភពលោក តែមិនប្រាកដថាអាចបន្តភាពជោគជ័យក្នុងទីផ្សាររថយន្តអគ្គិសនីនោះឡើយ

ព្រឹត្តិការណ៍, សេដ្ឋកិច្ច

• 14/06/2024

រថយន្តអគ្គិសនីរបស់ចិន មិនប្រាកដថាអាថវាយឡុកទីផ្សារពិភពលោកបានជោគជ័យដូចជាទីផ្សារផលិតផល និងទំនិញរបស់ខ្លួនដែលធ្លាប់ធ្វើបានជាង៤០ឆ្នាំនោះឡើយ

ព្រែកជីកហ្វូណនតេជោ នឹងផ្លាស់ប្ដូរមុខមាត់ និងមានដង្ហើមសេដ្ឋកិច្ចដូចព្រែកជីក Rhine–Main–Danube នៅអាល្លឺម៉ង់

ព្រឹត្តិការណ៍, សេដ្ឋកិច្ច

• 14/06/2024

ព្រែកជីកហ្វូណនតេជោ នឹងផ្លាស់ប្ដូរមុខមាត់កម្ពុជាថ្មី និងមានដង្ហើមសេដ្ឋកិច្ចដូចព្រែកជីក Rhine–Main–Danube នៅប្រទេសអាល្លឺម៉ង់ ក្រោយពេលស្ថាបនារួច

វិស័យ SMEs ជាកម្លាំងជំរុញដ៏សំខាន់ក្នុងដំណើររបស់កម្ពុជាឆ្ពោះទៅការសម្រេចបានគោលដៅជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០

ព្រឹត្តិការណ៍, សេដ្ឋកិច្ច

• 14/06/2024

សហគ្រាសធុនមីក្រូ តូច និងមធ្យមគឺជាកម្លាំងជំរុញដ៏សំខាន់ក្នុងដំណើររបស់កម្ពុជាឆ្ពោះទៅការសម្រេចបានគោលដៅជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០

ការជួបជុំធុរជនជិត ៥ពាន់នាក់មកពី ៥០ប្រទេសនៅសៀមរាប ផ្តល់ចំណូលដល់វិស័យទេសចរណ៍ និងសេដ្ឋកិច្ចកម្ពុជា

ព្រឹត្តិការណ៍, សេដ្ឋកិច្ច

• 13/06/2024

ការជួបជុំធុរជនជិត ៥ ពាន់នាក់មកពី ៥០ប្រទេស ទីក្រុងសៀមរាប ខេត្តសៀមរាប ផ្តល់ចំណូលដល់វិស័យទេសចរណ៍ និង សេដ្ឋកិច្ចកម្ពុជា

សម្ដេចធិបតី ៖ យើងមិនអាចរស់ដោយពឹងគេរហូតទេ ត្រូវតែពង្រឹងខ្លួនឯងឱ្យដើរចេញពីប្រទេសអភិវឌ្ឍន៍តិច

ព្រឹត្តិការណ៍, សេដ្ឋកិច្ច

• 13/06/2024

សម្រាប់កម្ពុជា គឺកំពុងតែរំកឹលខ្លួនបន្តិចម្ដងៗចេញពីប្រទេសដែលមានចំណូលមធ្យមកម្រិតទាប ទៅជាប្រទេសដែលមានចំណូលមធ្យមកម្រិតខ្ពស់ក្នុងរយៈពេល៥ឆ្នាំខាងមុខនេះ

ប្រទេសសមាជិកអាស៊ានចំនួន ៦ មានកំណើនសេដ្ឋកិច្ចល្អប្រសើរ

ព្រឹត្តិការណ៍, សេដ្ឋកិច្ច

• 13/06/2024

យោងតាម​ការ​ព្យាករណ៍​របស់ Maybank Research Pte Ltd បានឲ្យដឹងថា ផលិតផលក្នុងស្រុកសរុបរបស់ប្រទេសអាស៊ានទាំង ៦ រួមមាន៖ ឥណ្ឌូណេស៊ី ម៉ាឡេស៊ី សិង្ហបុរី ថៃ វៀតណាម និងហ្វីលីពីន