សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ជាមោទនភាពបំផុតសម្រាបប្រទេសកម្ពុជាដែលមានកិត្តិយសក្នុងការធ្វើជាម្ចាស់ផ្ទះរៀបចំកិច្ចប្រជុំកំពូលអាស៊ានលើកទី៤០ និង ៤១ ក្នុងនាមជាប្រធានអាស៊ានប្ដូរវេណលើកទី៣ ឆ្នាំ២០២២ ចាប់ពីថ្ងៃទី០៨-១៣ ខែវិច្ឆិកា ក្រោមមូលបទ “អាស៊ានរួមគ្នាធ្វើ និងដោះស្រាយបញ្ហាប្រឈមទាំងអស់គ្នា”។
មូលបទនេះ គឺសំដៅដល់ស្មារតីរបស់សមាជិកអាស៊ានទាំងអស់ក្នុងការរួបរួម (Togetherness) ជាសហគមន៍តែមួយ និងឆន្ទៈរួមគ្នាក្នុងកិច្ចខិតខំប្រឹងប្រែងរួមគ្នា ដើម្បីដោះស្រាយ និងជំនះបញ្ហាដែលកំពុងប្រឈមនៅក្នុងតំបន់អាស៊ាន។ ការរួបរួម (Togetherness) គឺជាការបង្ហាញពីយុទ្ធសាស្ត្រតម្រង់ទិសនៃសកម្មភាពរបស់អាស៊ាន ដោយផ្អែកលើស្មារតីស្នូល «ភាពជឿជាក់ សាមគ្គីភាព និងភាពសុខដុមរមនានៃសមាជិកទាំងអស់របស់គ្រួសារអាស៊ាន»។
នៅក្រោមមូលបទនេះផងដែរ កម្ពុជាមានគោលបំណងរក្សាឱ្យបាននូវមជ្ឈភាព និងសាមគ្គីភាពរបស់អាស៊ានប្រកបដោយសុខដុមរមនា សន្តិភាព ស្ថិរភាព និងវិបុលភាព ក្រោមការចូលរួមពិសមាជិកអាស៊ាន ដើម្បីឆ្លើយតបទៅនឹងបញ្ហា និងផលប៉ះពាល់ក្នុងតំបន់ឱ្យកាន់តែទូលំទូលាយ និងភាពមិនច្បាស់លាស់ដែលបណ្តាលមកពីបញ្ហាប្រឈមក្នុងតំបន់ និងពិភពលោកផងដែរ។ បញ្ហាដែលត្រូវផ្តោតសំខាន់ទាំងនោះរួមមានដូចជា ៖ ការរាតត្បាតនៃកូវីដ-១៩, បម្រែបម្រួលអាកាសធាតុ និងការអភិវឌ្ឍន៍ប្រកបដោយនិរន្តរភាព, ការប្រកួតប្រជែងរវាងមហាអំណាច, ជម្លោះទឹកដី, សង្គ្រាមពាណិជ្ជកម្ម និងបច្ចេកវិទ្យា និងបញ្ហា្កគំរាមគំហែងសន្តិសុខសង្គមផ្សេងៗទៀត។
ក្នុងការសម្រេចគោលដៅ និងកសាងសមិទ្ធផលបន្តពីប្រធានអាស៊ានមុនៗ កម្ពុជាបានបន្តប្តេជ្ញាចិត្តយ៉ាងមុតមាំចំពោះការរួបរួមគ្នារបស់អាស៊ាន ដើម្បីបន្តផែនការការងារ ការរៀបចំព្រឹត្តិការណ៍ និងភារកិច្ចសំខាន់ៗទាំងអស់ ជាពិសេសក្នុងការពន្លឿនដំណើរការកសាងសហគមន៍អាស៊ានប្រកបដោយសមធម៌ រឹងមាំ និងសាមគ្គីភាព ដែលស្របតាមបាវចនាអាស៊ាន “ចក្ខុវិស័យមួយ អត្តសញ្ញាណមួយ សហគមន៍មួយ”។
និមិត្តសញ្ញាអាស៊ានសម្រាប់ឆ្នាំ២០២២ គឺមានរូបត្របកឈូកជាទម្រង់ក្បាច់ខ្មែរ ដែលដកស្រង់ចេញពីក្បាច់តាមជញ្ជាំងប្រាសាទបុរាណខ្មែរ បង្ហាញពីភាពបរិសុទ្ធ និងការកកើតឡើងវិញខ្លួនឯង។ រូបផ្កាឈូក មានរង្វង់ពណ៌មាសព័ន្ធជុំវិញតំណាង និងមានរូបអាស៊ាននៅចំកណ្តាល តំណាងឱ្យភាពរុងរឿង និងភាពសុខដុមរមនានៃសន្តិភាពដែលប្រទេសសមាជិកអាស៊ានទាំង១០ បានខិតខំផ្សារភ្ជាប់គ្នាដោយចំណងមិត្តភាព និងសាមគ្គីភាព ដោយមានគោលដៅរួមតែមួយក្នុងការជំនះរាល់បញ្ហាប្រឈមនានា។ ពណ៌ទាំងបីនៅលើស្រទាប់របស់ផ្កាឈូក គឺបានមកពីពណ៌នៃទង់ជាតិកម្ពុជា។ ពណ៌ខៀវនៃត្របកឈូក ៦ ស្រទាប់ តំណាងឲ្យស្ថិរភាព ទំនុកចិត្ត ភាពជឿជាក់ សាមគ្គីភាព និងកិច្ចសហប្រតិបត្តិការ ដែលជាស្នូលចម្បងរបស់អាស៊ាន។ ពណ៌ក្រហមនៃត្របកឈូក ៤ ស្រទាប់ តំណាងឲ្យអាយុជីវិត សុខុមាលភាព ភាពក្លាហាន និង ថាមពលរបស់អាស៊ាន។ រង្វង់ពណ៌មាស តំណាងពីភាពអស្ចារ្យ ភាពជោគជ័យ សមិទ្ធផល និងជ័យជំនះក្នុងដំណើរការអភិវឌ្ឍន៍សហគមន៍អាស៊ានដោយស្មារតីរួបរួមគ្នាជាធ្លុងមួយ។ ការបង្កើតចេញជាពណ៌ចម្រុះគ្នាទាំងនេះ តំណាងឲ្យភាពចម្រុះជាតិសាសន៍នៃសមាជិកអាស៊ានទាំង ១០ ប្រទេស៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
អ្នកជំនាញសាទរគម្រោងវិនិយោគបង្កើតរោងចក្រផលិតគ្រឿងបង្គុំរថយន្តលើកដំបូងនៅកម្ពុជា
ព្រឹត្តិការណ៍, អាជីវកម្មថ្មី និងនវានុវត្ត
• 20/05/2026
ដោយមើលឃើញពីសក្តានុពលនៃការវិនិយោគ ក្រុមហ៊ុនអន្តរជាតិមួយ បានបង្ហាញពីគោលបំណងបោះទុនវិនិយោគបង្កើតរោងចក្រផលិតគ្រឿងបង្គុំរថយន្តលើកដំបូងបង្អស់នៅកម្ពុជា
ប្រព័ន្ធផ្គត់ផ្គង់ទឹកស្អាតតម្លៃជាង១២លានដុល្លារ ជួយប្រជាពលរដ្ឋជិត៩ពាន់គ្រួសារបន្ថែមទៀតនៅក្នុងក្រុងកំពង់ចាម
ព្រឹត្តិការណ៍, អាជីវកម្មថ្មី និងនវានុវត្ត
• 20/05/2026
ប្រព័ន្ធផ្គត់ផ្គង់ទឹកស្អាតតម្លៃជាង១២លានដុល្លារ ជួយប្រជាពលរដ្ឋជិត៩ពាន់គ្រួសារបន្ថែមទៀតនៅក្នុងក្រុងកំពង់ចាម និងតំបន់ជុំវិញ បានទទួលសេវាទឹកស្អាត
លើកកម្ពស់ផលិតផលក្នុងស្រុក និងពង្រឹងសមត្ថភាពសហគ្រាសធុនតូច និងមធ្យម – សហគ្រិនខ្មែរ និងផ្សារអុីអន រៀបចំពិព័រណ៍ផលិតផលក្នុងស្រុក
ព្រឹត្តិការណ៍, អត្ថបទពាណិជ្ជកម្ម
• 20/05/2026
លើកកម្ពស់ផលិតផលក្នុងស្រុក និងពង្រឹងសមត្ថភាពសហគ្រាសធុនតូច និងមធ្យម - សហគ្រិនខ្មែរ និងផ្សារអុីអន រៀបចំពិព័រណ៍ផលិតផលក្នុងស្រុក
Amazon បញ្ឈប់ការលក់ទំនិញនៅសិង្ហបុរី ខណៈមិនអាចទប់ទល់នឹងការប្រកួតប្រជែងខ្ពស់ក្នុងតំបន់
ព្រឹត្តិការណ៍, អាជីវកម្មថ្មី និងនវានុវត្ត
• 20/05/2026
វេទិកាពាណិជ្ជកម្មអេឡិចត្រូនិចដ៏ល្បីរបស់អាម៉េរិក Amazon សម្រេចចិត្តបញ្ឈប់ការលក់ និងដឹកជញ្ជូនទំនិញក្នុងស្រុកនៅប្រទេសសិង្ហបុរី ដោយសារពិបាកក្នុងការជ្រៀតចូលទីផ្សារនៅអាស៊ីអាគ្នេយ៍ និងមិនអាចទប់ទល់នឹងការប្រកួតប្រជែងខ្ពស់នៅក្នុងតំបន់មួយនេះ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content