ទីក្រុងប៉ារីស ៖ ក្នុងជំនួប​ជាមួយសម្ដេច​មហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជា​ណាច​ក្រ​ក​ម្ពុ​ជា​ នាទីក្រុង​ប៉ារីស​ប្រទេស​បារាំងនាថ្ងៃដើមសប្ដាហ៍នេះ ថ្នាក់​ដឹកនាំ​នៃ​ក្រុមហ៊ុន​ ACCOR Group ដែលមានជំនាញលើការ​គ្រប់គ្រង​សេវាកម្មសណ្ឋាគារ​នៅលើពិភពលោក​ បានបង្ហាញ​សុទិដ្ឋិ​និយម​ចំពោះវិស័យទេសចរណ៍​នៅក្នុ​ង​ប្រទេស​កម្ពុជា ដោយរំពឹងថាវិស័យនេះ​នឹង​មានភាពល្អប្រសើរឡើង​នៅក្នុងឆ្នាំ២០២៤​នេះ ។​

ក្នុងឱកាសនៃជំនួបនោះ លោកស្រី Maud BAILLY នាយក​ប្រតិបត្តិ​នៃ​ក្រុមហ៊ុន ACCOR Group បាន​ថ្លែង​អំ​ណ​រ​គុណចំពោះ សម្តេចធិបតី ដែល​បាន​ឆ្លៀត​ពេល​វេ​លា​ដ៏មមាញឹកអនុញ្ញាតឱ្យរូបលោកស្រី និងសហការីចូល​ជួ​ប​សម្តែ​ងការគួរសម ព្រមទាំងបាន​ជ​ម្រា​ប​អំ​ពី​វឌ្ឍ​ន​ភា​ពរី​ក​ច​ម្រើ​ន​នៃ​ស​ក​ម្មភា​ពអា​ជី​វ​កម្ម​រ​ប​ស់ក្រុ​ម​ហ៊ុ​ន​ A​C​C​OR Group នៅក្នុងប្រទេសកម្ពុជា។ នៅក្នុងជំនួបនេះផងដែរ លោកស្រី Maud BAILY ក៏បានជម្រា​ប​អំ​ពី​ស្ថា​ន​ភា​ពកា​ន់​តែល្អប្រសើរ​ និង​ដំណើរ​វិវឌ្ឍន៍​នៃ​វិស័យ​ទេសចរ​ណ៍នៅព្រះរាជាណាចក្រកម្ពុជា មាន​សុទិ​ដ្ឋិ​និយ​មថា វិស័យទេសចរណ៍នៅកម្ពុជាឆ្នាំ២០២៤នេះ នឹងរីកចម្រើន និងមានភាពល្អប្រសើរ។

លោកស្រីបានមានប្រសាសន៍​ថា​ ក្រុមហ៊ុន  ACCOR Group បាន និងកំពុងវិនិយោគក្នុងវិស័យសណ្ឋាគារដែល​មាន​ស​ណ្ឋា​គា​រ​បែ​បទំ​នើ​​ប និងមធ្យម ក៏ដូចជាបែប Boutique Hotel ផ្សេងៗទៀត គឺជាការចូលរួមលើក​ស្ទួ​យនៃ​រូ​​បភា​ពដែលជាកិត្យានុភាពនៃប្រទេសកម្ពុជា ។

លោកស្រីបានលើកឡើងដែរថា តាមរយៈសណ្ឋាគារសូហ្វីតែល ដែល​មា​នប្រ​តិ​ប​ត្តិ​ការ​អា​ជី​វ​ក​ម្មនៅ​ជុំវិ​ញ​ពិភ​ព​លោ​ក​ ​បា​នចូលរួមផ្សព្វផ្សាយនូវវប្បធម៌ និងភាពល្អ​ឥ​ត​ខ្ចោះនៃតំបន់រមណីយដ្ឋានអង្គរ ដើម្បីជំរុញ​ឱ្យអ្ន​​ក​ទេស​ចរមកទស្សនាខេត្តសៀមរាបនៅឆ្នាំ២០២៤ ឱ្យកាន់តែច្រើនថែមទៀត។

ជាកា​រឆ្លើយតប សម្តេចធិបតី ហ៊ុន ម៉ាណែត បានស្វាគមន៍ និងរីករាយដែលបានជួបពិភាក្សាការងារជាមួយលោកស្រី Maud BAILLY ព្រមទាំងសហការី និងបានអរគុណចំពោះ ការ​វិនិយោគរបស់ក្រុមហ៊ុននៅកម្ពុជានាពេលកន្លងមក។

សម្តេចធិបតី ​ក៏បានគូសបញ្ចាក់ដែរថា រាជរដ្ឋាភិបាលកម្ពុជាបានដាក់ចេញកម្មវិធីពិសេស «ទស្សនាសៀ​មរា​បឆ្នាំ​២​០​២៤​» ដែលនឹងជួយលើកស្ទួយវិស័យទេសចរណ៍ឱ្យមានសម្ទុះឡើងវិញ និងវិវ​ត្ត​ទៅរ​កស្ថា​នភា​ព​មុ​ន​វិ​បត្តិ​កូ​វី​ដ​-១៩ និងបានបង្កើតការងារដល់ប្រជាពលរដ្ឋ ដែលជាការចូលរួមចំណែកដល់កំណើនសេដ្ឋកិច្ចជាតិ។ ក្នុង​ជំ​នួ​ប​នេះដែរ សម្ដេចបានលើកទឹកចិត្តដល់ក្រុមហ៊ុន ACCOR Group ពង្រី​​ក​កា​រ​វិ​និយោ​គ​ប​ន្ថែ​ម​ទៅ​លើ​វិ​ស័​យ​ស​ណ្ឋា​គា​រ​ និងវិស័យផ្សេងៗទៀតក្នុងពេលដែលស្ថានភាពនៃវិស័យទេសចរណ៍បន្តងើបឡើងវិញ ។

គួរ​បញ្ជាក់ថា Group ACCOR ជាក្រុមហ៊ុនដែលប្រតិបត្តិការលើសេវាកម្មសណ្ឋាគារដែលគ្រប់​គ្រងលើ​សណ្ឋា​គា​រ​ជាង៤០ម៉ាកនៅទូទាំងពិភពលោក ដែលក្នុងនោះ Group ACCOR ក៏បានដាក់ទុនវិនិយោគចំនួន ៩​ ទីតាំងនៅកម្ពុជា រួមមាននៅក្នុងរាជធានីភ្នំពេញ ខេត្តសៀមរាប និងខេត្តព្រះសីហនុ ដូចជា ៖ Raffles Hotel Le Roy​al, Raffles Grand Hotel d’Angkor, Sofitel Angkor Phokeethra Golf & Spa Resort, Sofitel Phnom Penh Phokeethra, ibis budget Phnom Penh Riverside, ibis Styles Siem Reap, TRIBE Phnom Penh Post Office Square, Novotel Phnom Penh BKK 1 និង Novotel Sihanoukville Holiday Resort  ៕