សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ក្រសួងរៀបចំដែនដី នគរូបីយកម្ម និងសំណង់ បានឱ្យដឹងថា ផែនការរៀបចំដែនដីខេត្តមណ្ឌលគិរី បានសិក្សាចប់ ត្រូវបានសិក្សាចប់សព្វគ្រប់ និងកំពុងដំណើការអនុម័ត ដើម្បីផ្តល់នូវទិសដៅជាយុទ្ធសាស្ត្រសម្រាប់ការអភិវឌ្ឍសេដ្ឋកិច្ចខេត្តប្រកបដោយចីរភាព និងតុល្យភាព។
យោងតាមគោលនយោបាយជាតិស្តីពីការរៀបចំដែនដីនៃព្រះរាជាណាចក្រកម្ពុជា បញ្ជាក់ថា ផែនការរៀបចំដែនដីខេត្តមណ្ឌលគិរី ជាផ្នែកមួយនៃប្រព័ន្ធឋានានុក្រមផែនការរៀបចំដែនដី ដែលរួមមានផែនការរៀបចំ ដែនដីថ្នាក់ជាតិ ថ្នាក់ក្រោមជាតិ និងថ្នាក់មូលដ្ឋាន។ របាយការណ៍នេះបន្តថា ផែនការរៀបចំដែនដីខេត្តមណ្ឌលគិរីត្រូវបានបង្កើតឡើងជាក្របខ័ណ្ឌអភិវឌ្ឍន៍ ដែនដីដោយផ្អែកលើចក្ខុវិស័យ និងផ្តល់នូវទិសដៅជាយុទ្ធសាស្ត្រសម្រាប់ការអភិវឌ្ឍខេត្តក្នុងរយៈពេល ២០ឆ្នាំ។
ផែនការរៀបចំដែនដីខេត្តមណ្ឌលគិរីនេះ មានគោលបំណងចង្អុលបង្ហាញនូវគោលនយោបាយ ផែនការ កម្មវិធី និងយុទ្ធសាស្ត្រពាក់ព័ន្ធ ផ្សេងៗពីថ្នាក់ជាតិ និងដើម្បីតម្រង់ទិសនិងធ្វើសមាហរណកម្មតាមខ្សែបណ្ដោយនៃផែនការរៀបចំដែនដីថ្នាក់ក្រោមជាតិ។ ផែនការរៀបចំដែនដីខេត្តនេះ ក៏មានគោលបំណងដើម្បីទាញយកផលប្រយោជន៍ពីការធ្វើសំយោគនិងលើកឡើងពី ការថ្លឹងថ្លែងផលប្រយោជន៍រវាងវិស័យនានាក្នុងកម្រិតខេត្ត ដោយធ្វើសមាហរណកម្មតាមខ្សែទទឹង។
ផែនការនេះ មានគោលបំណងដើម្បីកំណត់នូវរចនាសម្ព័ន្ធដែនដីរបស់ខេត្តនាពេលអនាគត និង កំណត់មុខងារជាក់លាក់ទៅតាមតំបន់ផ្សេងៗគ្នាក្នុងដែនដីរបស់ខេត្ត។ សមាសធាតុសំខាន់ៗនៃរចនាសម្ព័ន្ធដែនដីមានចំនួន ០៤ គឺ៖ ប្រព័ន្ធប្រើប្រាស់ដីសំខាន់ៗ ការដឹកជញ្ជូននិងបណ្តាញតភ្ជាប់រចនាសម្ព័ន្ធពហុមជ្ឈមណ្ឌលទីប្រជុំជន និងប៉ូលអភិវឌ្ឍន៍សេដ្ឋកិច្ច។ ផែនការរៀបចំដែនដីខេត្តមណ្ឌលគិរី បានបង្ហាញអំពីទិសដៅសកម្មភាពសម្រាប់អនាគតរបស់ធាតុផ្សំ នៃរចនាសម្ព័ន្ធដែនដីខេត្តទាំងបួនសម្រាប់ចក្ខុវិស័យរយៈពេល ២០ ឆ្នាំ។
បន្ទាប់ពីពិនិត្យមើលឃើញពីភាពលេចធ្លោនៃធនធានធម្មជាតិនៅក្នុងខេត្ត ផែនការរៀបចំដែនដីខេត្តមណ្ឌលគិរីបានផ្តល់ នូវអនុសាសន៍បច្ចេកទេស ដើម្បីជាមូលដ្ឋាននៃការសម្រេចចិត្ត និងបង្កើតនូវភាពជាម្ចាស់រួមគា្ននៅជុំវិញការអភិវឌ្ឍ ប្រកបដោយតុល្យភាពរវាងការគ្រប់គ្រងធនធានធម្មជាតិ ការអភិវឌ្ឍសេដ្ឋកិច្ចប្រកបដោយនិរន្តរភាព និងការទទួលបាន នូវសេវាសាធារណៈប្រកបដោយសមធម៌។ ផែនការរៀបចំដែនដីខេត្តនេះ ផ្ដល់នូវគោលការណ៍អភិវឌ្ឍន៍ និងឧបករណ៍ គតិយុត្តិសម្រាប់គាំទ្រដល់ការធ្វើសេចក្តីសម្រេចចិត្ត និងដំណើរការនៃការអភិវឌ្ឍដែនដីដ៏មានប្រសិទ្ធភាព ដើម្បីលើកកម្ពស់ការអភិវឌ្ឍដែនដីប្រកបដោយតុល្យភាព៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content