សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ដើម្បីសម្រួលដល់ការធ្វើដំណើររបស់ប្រជាពលរដ្ឋនៅក្នុងរាជធានីភ្នំពេញ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជាបានណែនាំឱ្យសាលារាជធានីភ្នំពេញ ដាក់ឱ្យប្រើប្រាស់បណ្ដោះអាសន្ននូវស្ពានអាកាសមរតកតេជោ ជាន់ទី២ ដំណាក់កាលទី១ តភ្ជាប់ចរាចររវាងមហាវិថី សម្ដេចតេជោ ហ៊ុន សែន និងមហាវិថីព្រះមុនីវង្ស ស្ថិតនៅក្នុងមូលដ្ឋានខណ្ឌមានជ័យ និងខណ្ឌចំការមន រាជធានីភ្នំពេញចាប់ពីថ្ងៃទី០១ ខែមេសា ឆ្នាំ ២០២៤នេះតទៅ ។
យោងតាមសេចក្ដីជូនដំណឹងរបស់សាលារាជធានីភ្នំពេញនៅថ្ងៃទី ២៨ មីនា ឆ្នាំ ២០២៤ បានឱ្យដឹងថា បច្ចុប្បន្ន កាសាងសង់ស្ពានអាកាស មរតកតេជោ ជាន់ទី២ ដំណាក់កាលទី១ ដែលតភ្ជាប់ចរាចររវាងមហាវិថីសម្ដេចតេជោហ៊ុន សែន និងមហាវិថីព្រះមុនីវង្ស បានសម្រេចស្ទើរទាំងស្រុង និងនៅសេសសល់ការងារមួយចំនួនតូច ហើយគ្រោងនឹងបញ្ចប់ការដ្ឋាននៅថ្ងៃទី៣០ ខែមីនា ឆ្នាំ ២០២៤នេះ ។ ចំពោះមុខ ដើម្បីសម្រួលដល់លំហូរចរាចរណ៍ និងការធ្វើដំណើររបស់ប្រជាពលរដ្ឋនាឱកាសបុណ្យចូលឆ្នាំថ្មីប្រពៃណីជាតិខ្មែរ ដែលនឹងឈានចូលមកដល់ក្នុងពេលឆាប់ៗខាងមុខនេះ ក៏ដូចជាជួយដោះស្រាយការកកស្ទះចរាចរណ៍បានមួយកម្រិត ត្រង់ចំណុចប្រសព្វមហាវិថីទាំង៣ សម្ដេចធិបតី ហ៊ុន ម៉ាណែត បានផ្ដល់គោលការណ៍អនុញ្ញាតដ៏ខ្ពង់ខ្ពស់បំផុតឱ្យរដ្ឋបាលសាលារាជធានីភ្នំពេញដាក់ប្រើប្រាស់ជាបណ្ដោះអាសន្ននូវស្ពានអាកា មរតកតេជោ ជាន់ទី២ ដំណាក់ទី១ ដែលតភ្ជាប់ចរាចររវាងមហាវិថីសម្ដេចតេជោ ហ៊ុន សែន និងមហាវិថីព្រះមុនីវង្ស ចាប់ពីថ្ងៃទី១ខែមេសា ឆ្នាំ ២០២៤តទៅ ។
ស្ពានអាកាស មរតកតេជោ កម្ពស់ពីរជាន់ ស្ថិតនៅចំណុចប្រសព្វរវាងមហាវិថី សម្ដេចតេជោហ៊ុន សែន មហាវិថីព្រះមុនីវង្ស និងមហាវិថីកងយោធពលខេមរភូមិន្ទ ក្នុងមូលដ្ឋានខណ្ឌមានជ័យ និងខណ្ឌចំការមន រាជធានីភ្នំពេញ ត្រូវបានបើកការដ្ឋានសាងសង់កាលពីថ្ងៃទី៣១ សីហា ឆ្នាំ ២០២២ ក្រោមអធិបតីភាពដ៏ខ្ពង់ស្ពស់បំផុតរបស់សម្ដេចអគ្គមហាសេនាបតីតេជោហ៊ុន សែន អតីតនាយករដ្ឋមន្ត្រីនៃព្រះរាជាណាចក្រកម្ពុជា ដោយមានក្រុមហ៊ុនវិនិយោគទុនអាណិកជនកម្ពុជា ជាអ្នកទទួលការសាងសង់ ។
ស្ពានអាកាស មរតកតេជោត្រូវបានគ្រោងទឹកប្រាក់សាងសង់ប្រមាណ៣៦លានដុល្លារអាមេរិក ហើយវានឹងក្លាយជាស្ពានអាកាសដ៏សំខាន់មួយនៅតំប់ដែលមានការកកស្ទះចរាចរប៉ែកខាងត្បូងរាជធានីភ្នំពេញ ។ ហើយស្ពាននេះដែរ ក៏នឹងហុចសក្ដានុពលបន្ថែមទៀតដល់តំបន់នៃខណ្ឌ មានជ័យ ជាពិសេសផ្លូវ៦០ម៉ែត្រ និងតំបន់អាកាសយានដ្ឋានអន្តរជាតិតេជោ ៕
Account
Security
Favourite Content