សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ការវិនិយោគលើវិស័យឧស្សាហកម្មរោងចក្រកាត់ដេរសម្លៀកបំពាក់ និងរោងចក្រកែច្នៃនានាក្នុងប្រទេសកម្ពុជាត្រូវបានមើលឃើញថានៅតែបន្តកើតមានជាហូរហែក្នុងឆ្នាំ២០២៣ ជាពិសេសក្រោយវិបត្តិកូវីដ១៩បានធូរស្រាលឡើងវិញ។ ទុនវិនិយោគក្នុងវិស័យនេះត្រូវបានមើលឃើញថាមានទឹកប្រាក់ក្រោម១០ដុល្លារអាមេរិកក្នុងមួយគម្រោងៗ ។
បើតាមសេចក្ដីប្រកាសព័ត៌មានរបស់ក្រុមប្រឹក្សាអភិវឌ្ឍន៍កម្ពុជាចេញជាបន្តបន្ទាប់បានបង្ហាញថា គម្រោងដែលក្រុមប្រឹក្សាអភិវឌ្ឍន៍កម្ពុជាបានចេញវិញ្ញាបនបត្រចុះបញ្ជីវិនិយោគជាផ្លូវការភាគច្រើនជាគម្រោងឧស្សាហកម្ម ជាក់ស្ដែងកាលពីថ្ងៃទី០៧ ខែកុម្ភៈ ឆ្នាំ២០២៣កន្លងទៅនេះ ក្រុមប្រឹក្សាអភិវឌ្ឍន៍កម្ពុជាបានចេញវិញ្ញាបត្រចុះបញ្ជីវិនិយោគជាផ្លូវការនូវគម្រោងថ្មីចំនួន១១ ហើយសុទ្ធតែជាគម្រោងរោងចក្រមានទុនក្រោម១០លានដុល្លារអាមេរិក។
ក្នុងសេចក្ដីប្រកាសនោះបានបញ្ជាក់ផងដែរថា ក្នុងចំណោមតំបន់ដែលទទួលបានគម្រោងថ្មីៗគឺកំពង់ស្ពឺហាក់មានសក្ដានុពលក្នុងការទាក់ទាញលើគម្រោងវិនិយោគថ្មីៗជាពិសេសគម្រោងវិនិយោគលើរោងចក្រឧស្សាហកម្ម ។ តាមរយៈគម្រោងវិនិយោគរោងចក្រថ្មីៗជាបន្តបន្ទាប់នេះដែរ បានជំរុញឱ្យតម្រូវការប្រើប្រាស់ដីធ្លីនៅក្នុងតំបន់សក្ដានុពលមានការកើនឡើងជាបន្តបន្ទាប់ ដោយរំពឹងថាតម្លៃដីធ្លីនៅតំបន់សក្ដានុពលវិនិយោគរោងចក្រទាំងនេះនឹងបន្តកើនឡើងបន្ថែមទៀត ។
លោក ឌឹត ចណ្ណា អគ្គនាយកក្រុមហ៊ុន Lucky realty បានឱ្យដឹងថា ដោយសារតែមានការវិនិយោគលើឧស្សាហកម្មរោងចក្រជាបន្តបន្ទាប់ ដូចជា ឃ្លាំងស្តុកទំនិញ រោងចក្រនានាទើបធ្វើឱ្យតម្រូវការដីធ្លីកាន់តែកើនឡើង ហើយកាលពីអំឡុងកូវីដ-១៩ ក៏ការវិនិយោគលើរោងចក្រនៅតែបន្តមានសកម្មភាព ជាក់ស្ដែងតាមរយៈក្រុមប្រឹក្សាអភិវឌ្ឍន៍បានចេញផ្សាយបន្តបន្ទាប់ក៏បានបង្ហាញពីគម្រោងរោងចក្រថ្មីៗផងដែរ ។
លោក ប៉ូ អ៊ាវគង់ អគ្គនាយកក្រុមហ៊ុន Advance ក៏បានឱ្យដឹងផងដែរថា តំបន់ឧស្សាហកម្មត្រូវបានបែកចែងផ្សេងៗគ្នា ក្នុងនោះ តំបន់ប៉ែកខាងត្បូង និងខាងលិចភ្នំពេញ ជាតំបន់ដែលមានការវិនិយោគលើរោងចក្រឧស្សាហកម្មច្រើនជាងគេ ជាពិសេសនៅតាមបណ្ដោយផ្លូវជាតិលេខ២ លេខ៣ និងផ្លូវជាតិលេខ៤ ។ តាមរយៈសកម្មភាពនៃការវិនិយោគរោងចក្រឧស្សាហកម្មនេះដែរ បានជួយផ្ដល់ឱកាសការងារដល់ប្រជាពលរដ្ឋកម្ពុជាច្រើន និងបានផ្ដល់ប្រាក់ចំណូលដល់ពួកគេសម្រាប់ផ្គត់ផ្គង់ជីវភាពគ្រួសារផងដែរ ។ យោងតាមក្រុមប្រឹក្សាភិបាលកម្ពុជាឱ្យដឹងថា ក្នុងរយៈពេល១ខែដំបូងនៃឆ្នាំ២០២៣ ក្រុមប្រឹក្សាអភិវឌ្ឍន៍កម្ពុជាបានអនុម័តគម្រោងថ្មីចំនួន១០ ហើយក្នុងចំណោមគម្រោងវិនិយោគទាំង១០នោះ សុទ្ធតែជាគម្រោងរោងចក្រទាំងអស់ ដូចជារោងចក្រកាត់ដេរសម្លៀកបំពាក់ ស្បែកជើង រោងចក្រផលិតបន្ទះសូឡា និងរោងចក្រអេឡិចត្រូនិកជាដើម ៕
Account
Security
Favourite Content