សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងទៅតាមប្រភពព័ត៌មានពី Hellen Shipping News បានរាយការណ៍ថា កំណើនសេដ្ឋកិច្ចថ្មីរបស់ចិននឹងមានឥទ្ធិពលវិជ្ជមានលើសេដ្ឋកិច្ចពិភពលោកនៅឆ្នាំ២០២៣នេះ ក្នុងនាមជាប្រទេសមានសេដ្ឋកិច្ចធំទីពីររបស់ពិភពលោក ដែលមានការស្ទុះងើបឡើងវិញនាពេលថ្មីៗនេះ។
អត្រាកំណើននៃអ្នកធ្វើដំណើរមានការកើនឡើងខ្លាំងក្នុងអំឡុងពេលថ្ងៃឈប់សម្រាកចូលឆ្នាំចិនរយៈពេល ៧ថ្ងៃ រួមទាំងអ្នកធ្វើដំណើរពីបរទេសក៏មានច្រើនផងដែរ។ ក្នុងអំឡុងពេលថ្ងៃឈប់សម្រាកនៃពិធីបុណ្យនិទាឃរដូវ ការធ្វើដំណើរក្នុងស្រុកមានចំនួន ៣០៨ ឬ ស្មើប្រហែល ៩០ ភាគរយនៃតួលេខឆ្នាំ២០១៩ និងការកក់សំបុត្រយន្តហោះទៅក្រៅប្រទេសបានកើនឡើង ៦,៧ ដងធៀបនឹងឆ្នាំ២០២២។ ដោយឡែក ស្ថានភាពនៅក្នុងស្រុកវិញ រោងកុនបានបើកដំណើរការឡើងវិញប្រហែល ៩០ ភាគរយ និងការលក់សំបុត្រក្នុងពេលវិស្សមកាលទទួលបានជាង ៦,៧ ពាន់លានយ័ន (៩៩០ លានដុល្លារ) ដែលជាចំណូលខ្ពស់បំផុតទីពីរសម្រាប់ថ្ងៃឈប់សម្រាក។
មូលនិធិរូបិយវត្ថុអន្តរជាតិ (IMF) បានបង្កើនការព្យាករណ៍របស់ខ្លួនសម្រាប់កំណើនសេដ្ឋកិច្ចរបស់ប្រទេសចិនដល់ ៥,២ ភាគរយ ហើយបានបញ្ជាក់ថា ប្រទេសនេះអាចជាអ្នករួមចំណែកធំបំផុតដល់កំណើនពិភពលោកនៅឆ្នាំ ២០២៣។ ក្រុមហ៊ុនបរទេសដូចជា Morgan Stanley និង Goldman Sachs មានការគិតវិជ្ជមានចំពោះសេដ្ឋកិច្ចរបស់ប្រទេសចិន និងង្កើនការព្យាករណ៍កំណើនរបស់ពួកគេដល់ជាង ៥ ភាគរយ។ ទន្ទឹមនឹងនោះ វិធានការមិត្តភាពពាណិជ្ជកម្មរបស់ប្រទេសចិនបានជំរុញឱ្យអាជីកម្មក្នុងស្រុកមានទំនុកចិត្ត ហើយចិនបានកំណត់គោលនយោបាយសេដ្ឋកិច្ចរបស់ប្រទេសសម្រាប់ឆ្នាំខាងមុខ និងបានសង្កត់ធ្ងន់លើការគាំទ្រសម្រាប់សេដ្ឋកិច្ចឯកជន ដើម្បីការពារសិទ្ធិ និងផលប្រយោជន៍របស់ពួកគេ ដោយមើលឃើញពីការកើនឡើងនៃភាពលំបាកដែលក្រុមហ៊ុនប្រឈមមុខដោយសារកូវីដ-១៩ ។ នៅដើមឆ្នាំនេះ នាយកប្រតិបត្តិមកពីក្រុមហ៊ុនឯកជនរបស់ចិនចំនួន ២១ បានបង្ហាញពីសុទិដ្ឋិនិយមចំពោះសេដ្ឋកិច្ចក្នុងស្រុក ដោយក្រុមហ៊ុនទាំងនោះដឹកនាំការអភិវឌ្ឍន៍ក្នុងវិស័យបច្ចេកវិទ្យា អាហារ សុខភាព ថាមពលនៅក្នុងប្រទេស ហើយនោះជាមូលហេតុដែលពួកគេមានគំនិតវិជ្ជមានឡើងវិញ។ ស្របពេលនេះដែរ ចិនបានលើកកម្ពស់ពាណិជ្ជកម្មអន្តរជាតិផងដែរ ដោយបានរកឃើញថាប្រហែល ៩៩ ភាគរយមានទំនុកចិត្តលើសេដ្ឋកិច្ចរបស់ប្រទេសចិន និង ៩៨ ភាគរយរំពឹងថានឹងពង្រីកការវិនិយោគរបស់ពួកគេនៅចិន។ មនុស្សជាច្រើនបានរំពឹងថា ក្រុមហ៊ុបច្ចេកវិទ្យារបស់ចិននឹងឆ្លងកាត់វដ្តនៃការអភិវឌ្ឍន៍ថ្មី ដែលនឹងជំរុញការបង្កើតការងារ និងការស្តារសេដ្ឋកិច្ចរបស់ប្រទេស៕
Account
Security
Favourite Content