សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ កាលពីពេលថ្មីៗនេះ មានការចុះផ្សាយព្រោងព្រាតពីគម្រោងវិនិយោគមួយនៅខេត្តកោះកុងដែលមានទំហំទឹកប្រាក់ប្រមាណ៦០០ពាន់លានដុល្លារអាមេរិក ជាគម្រោងទីក្រុងឆ្លាតវៃមួយនៅខេត្តជាប់មាត់សមុទ្រមួយនេះ។ ប៉ុន្តែការផ្សព្វផ្សាយព័ត៌មានទាំងនេះត្រូវបានអ្នកនាំពាក្យរដ្ឋបាលខេត្តកោះកុងបានច្រានចោលថាមិនមាននោះទេ។
លោក សុខ សុទ្ធី អ្នកនាំពាក្យរដ្ឋបាលខេត្តកោះកុងបានថ្លែងប្រាប់ឱ្យដឹងថា រហូតមកដល់ពេលនេះ គម្រោងវិនិយោគតម្លៃ ៦០០ពាន់លានដុល្លារដែលត្រូវបណ្តាលសារព័ត៌មានក្នុងស្រុកជាច្រើនចុះផ្សាយនោះមិនទាន់មានឯកសារជាផ្លូវការណាមួយបញ្ជូនដល់រដ្ឋបាលខេត្តកោះកុងនៅឡើយទេ ហើយរដ្ឋបាលខេត្តកោះកុងក៏មិនដឹងរឿងនេះដែរ។
លោកបន្តថា វាគ្រាន់តែជាការចុះផ្សាយរបស់បណ្ដាញសារព័ត៌មាន ខណៈរដ្ឋបាលខេត្តកោះកុងក៏មិនបានដឹងថា តើទីតាំងវិនិយោគនោះនៅទីណាដែរ ខណៈដែលព័ត៌មានចុះផ្សាយថាមានទំហំរហូតដល់ប្រមាណ ៥ម៉ឺនហិកតា។ នេះគឺជាការចុះផ្សាយរបស់បណ្ដាញព័ត៌មានដែលធ្វើឲ្យកញ្ច្រោលដល់តម្លៃដីធ្លី។
គួរកត់សម្គាល់ដែរថា កាលពីដើមខែកុម្ភៈ ឆ្នាំ២០២២ កន្លងទៅថ្មីៗនេះ តាមសេចក្ដីប្រកាសរបស់ក្រុមហ៊ុន Bilderber Investment Group បានប្រកាសពីគម្រោងវិនិយោគក្រុងទំនើបដ៏ឆ្លាតវៃមួយនៅលើទឹកដីនៃខេត្តកោះកុងដែលមានទំហំផ្ទៃរហូតដល់១២ម៉ឺនហិកតា ក្នុងទំហំទឹកប្រាក់ ៦០០ពាន់លានដុល្លារអាមេរិក។
លោក ទុយ ប៉ោហេង ប្រធានសាខានៃក្រុមហ៊ុន Century 21 Zillion Holding ប្រចាំខេត្តកោះកុងបានឱ្យដឹងថា គម្រោងខាងលើនេះនៅមិនទាន់មានព័ត៌មានផ្លូវការពីខាងរដ្ឋបាលខេត្តនោះទេ គ្រាន់តែឮថាគម្រោងនេះនឹងចូលមកក្នុងខេត្តកោះកុង។
លោកបន្តថា ៖
“រហូតមកដល់ពេលនេះមិនទាន់ឃើញមានការរៀបចំដីសម្រាប់គម្រោងវិនិយោគតម្លៃ ៦០០ពាន់លានដុល្លារក្នុងខេត្តកោះកុងនៅឡើយទេ តែយ៉ាងណាបើសិនជាគម្រោងពិតជាមកវិនិយោគមែន មិនខ្វះដីសម្រាប់ផ្ដល់ជូនម្ចាស់គម្រោងឡើយ”
លោកបន្តថា បើសិនជាគម្រោងនេះវិនិយោគ ៦០០ពាន់លានពិតជាមាននៅក្នុងខេត្តកោះកុងប្រាកដមែន វានឹងជួយលើកមុខមាត់ខេត្តកោះកុងកាន់តែលេចធ្លោ និងជំរុញឱ្យគម្រោងវិនិយោគនានាជាច្រើនទៀតចូលមកកាន់ខេត្តមាត់សមុទ្រមួយនេះ ហើយសង្ឃឹមថាគម្រោងវិនិយោគនេះពិតជាមាននៅក្នុងខេត្តកោះកុង ដែលអាចជួយលើកសក្ដានុពលខេត្តបន្ថែមទៀត៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ជិះកង់ទស្សនាសមរាត្រីក្នុងតំបន់អង្គរ ៖ បទពិសោធន៍ថ្មីនៃការភ្ជាប់បេះដូងជាមួយបេតិកភណ្ឌវប្បធម៌ និងធម្មជាតិ
Top News, ព្រឹត្តិការណ៍, សេដ្ឋកិច្ច
• 21/09/2026
សៀមរាប ៖ ក្រសួងទេសចរណ៍ និងស្ថាប័នពាក់ព័ន្ធបានរៀបចំព្រឹត្តិការណ៍ជិះកង់ទស្សនាសមរាត្រីនៅតំបន់អង្គរ ក្នុងគោលបំណងជំរុញផលិតផលទេសចរណ៍កីឡា តាមរយៈការជិះកង់ឆ្លងកាត់តំបន់ព្រៃ និងតំបន់បេតិកភណ្ឌក្នុងតំបន់អង្គរ ព្រមទាំងជួយជំរុញចលនាទេសចរណ៍ក្នុងស្រុក ជាពិសេសការទាក់ទាញភ្ញៀវទេសចរមកកាន់ខេត្តសៀមរាបក្នុងរដូវកាលបៃតង។ ព្រឹត្តិការណ៍ជិះកង់ទស្សនាសមរាត្រីក្នុងតំបន់អង្គរនៅរដូវកាលបៃតង ក្រោមប្រធានបទ «កីឡាផ្សារភ្ជាប់នឹងទេសចរណ៍» បានទាក់ទាញអ្នកចូលរួមជាភ្ញៀវទេសចរជាតិ និងអន្តរជាតិប្រមាណ ១ ៣០០នាក់ ដោយធ្វើដំណើរតាមផ្លូវប្រមាណ ១២គីឡូម៉ែត្រ ឆ្លងកាត់តំបន់បេតិកភណ្ឌវប្បធម៌ និងធម្មជាតិនៃតំបន់អង្គរ។
ទិន្នផលគ្រាប់ស្វាយចន្ទី ឆ្នាំ២០២៧ អាចធ្លាក់ចុះ ខណៈដែលសមាគមអំពាវនាវឱ្យកសិករយកចិត្តទុកដាក់ថែទាំប្រភពទឹក
ជំនួញ, ព្រឹត្តិការណ៍, សេដ្ឋកិច្ច
• 18/09/2026
ភ្នំពេញ ៖ សមាគមស្វាយចន្ទីកម្ពុជា បានបង្ហាញពីក្ដីព្រួយបារម្ភចំពោះការកើនឡើងកម្តៅ និងគ្រោះរាំងស្ងួតបង្កដោយបាតុភូត អែល នីញ៉ូ(El Niño) ដែលអាចគំរាមកំហែងដល់ទិន្នផល និងគុណភាពស្វាយចន្ទីនៅឆ្នាំ២០២៧ ហើយបានអំពាវនាវឱ្យកសិករដាំដុះទាំងអស់យកចិត្តទុកដាក់ថែទាំ និងរក្សាប្រភពទឹកឱ្យបានល្អ។ ប្រធានសមាគមស្វាយចន្ទីកម្ពុជា លោក អួន ស៊ីឡុត បានប្រាប់បណ្ដាញព័ត៌មាន AMS ថា ពេលនេះកសិករបានដាំស្វាយចន្ទីថ្មីរួចរាល់ហើយ
មេផ្សារមូលបត្រកម្ពុជា បញ្ជាក់ពីការកើនឡើងផលចំណេញ និងការជួញដូរភាគហ៊ុនកំពុងមានភាពមមាញឹក
ជំនួញ, ព្រឹត្តិការណ៍, សេដ្ឋកិច្ច
• 18/09/2026
ភ្នំពេញ ៖ អគ្គនាយកក្រុមហ៊ុនផ្សារមូលបត្រកម្ពុជា បានលើកឡើងថា គិតត្រឹមដើមខែកញ្ញា ឆ្នាំ២០២៦នេះ ទីផ្សារមូលបត្រកម្ពុជាបន្តទទួលបានផលជាវិជ្ជមាន ខណៈអ្នកវិនិយោគខ្លះអាចរកចំណេញបានប្រមាណ ២០ ទៅ ៣០ភាគរយ ក្នុងរយៈពេលតែប៉ុន្មានសប្តាហ៍ ស្របពេលដែលទំហំជួញដូរភាគហ៊ុនក៏បន្តកើនឡើងយ៉ាងខ្លាំងគួរឱ្យកត់សម្គាល់។ លោក ហុង សុហួរ អគ្គនាយកក្រុមហ៊ុនផ្សារមូលបត្រកម្ពុជា បានឱ្យដឹងថា បច្ចុប្បន្ន ទីផ្សារភាគហ៊ុនកម្ពុជាកំពុងផ្តល់ផលចំណេញខ្ពស់ក្នុងរយៈពេលខ្លីដល់អ្នកវិនិយោគ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content