ផលិតផលពីឫស្សីកំពុងមានតម្រូវការខ្លាំងក្នុងឱកាសបុណ្យចូលឆ្នាំថ្មី

បុណ្យចូលឆ្នាំថ្មីប្រពៃណីជាតិ គឺជាបុណ្យមួយ ដែលប្រជាជនខ្មែរបានឈប់សម្រាក ពិសេសគឺការជួបជុំបងប្អូនក្រុមគ្រួសារ និងរៀបចំផ្ទះទទួលទេវតាឆ្នាំថ្មី។ ពិសេសជាងនេះទៀតទៅ មិនត្រឹមតែតាមផ្ទះនេះទេ សូម្បីតែតាមសាលារៀន វត្តអារាម និងស្ថាប័ននានា ក៏មានការរៀបចំតុបតែងល្អ ដែលជាឱកាសមួយសម្រាប់ផលិតផលធ្វើពីឫស្សីទទួលបានទីផ្សារ និងតម្រូវការខ្ពស់ផ្គត់ផ្គង់ស្ទើរមិនទាន់។

ជាក់ស្ដែង អ្នកស្រី ហូរ ស្រីលក្ខ័ ជាអ្នកតំណាងឱ្យក្រុមអ្នកផលិតផលសម្ភារៈតាំងលម្អ និងប្រើប្រាស់ច្នៃចេញពីឬស្សី ស្ថិតក្នុងភូមិគោកដូង សង្កាត់ទឹកវិល ក្រុងសៀមរាប បានមានប្រសាសន៍ឱ្យដឹងថា ក្នុងឱកាសបុណ្យចូលឆ្នាំថ្មីនេះ ឃើញថា ផលិតផលពីសហគមន៍របស់យើងមានតម្រូវការខ្លាំងខុសពីឆ្នាំមុនៗ។

អ្នកស្រីបានបញ្ជាក់ថា ៖

“សម្រាប់ផលិតផលធ្វើដោយដៃរបស់យើងឃើញថា មានតម្រូវការខ្លាំង ពោលគឺគេសម្រុកកម្ម៉ង់ទិញតាំងពីមុនបុណ្យចូលឆ្នាំមួយខែ គឺដាច់ខ្លាំង ដែលគេទិញយកទៅតុបតែង​គ្រប់កន្លែង គ្រប់ផលិតផល គ្រប់ទំហំតែម្ដង មានប៉ុន្មានក៏គេយកអស់ៗ”

អ្នកស្រីបានបន្ថែមទៀតថា ផលិតផលយើងគឺលក់ដាច់គ្រប់មុខមិនថា អង្រុត ឈ្នាង ត្រក ទាំងខ្នាតតូចសម្រាប់ទុកជាវត្ថុអនុស្សាវរីយ៍ និងខ្នាតធំសម្រាប់ដាក់តាំងលំអរ ពិសេសពេលមានកម្មវិធីសង្ក្រាន្តតាមកន្លែងនីមួយៗ។ សម្រាប់ឈ្មួញវិញ គឺមានការកម្ម៉ង់ជាបន្តបន្ទាប់ មិនថាអ្នកបោះដុំ អ្នកទិញយកទៅលក់បន្ត និងអ្នកទិញយកទៅលក់នៅតាមតំបន់ប្រាសាទនោះទេ។

ដោយសារតម្រូវការខ្លាំងបែបនេះ អ្នកតំណាងខាងលើ បានលើកឡើងដែរថា ផលិតផលយើងអាចលក់បានក្នុងតម្លៃល្អជាងមុន ប៉ុន្តែក៏ជួបផលលំបាកខ្លះដែរ ដោយសារផលិតផលទាំងនេះត្រូវចំណាយពេលយូរក្នុងការផលិត ហើយក្នុងរដូវនេះកសិករភាគច្រើនជាប់ដៃប្រមូលផលស្រែវប្រាំងច្រើន ជាហេតុធ្វើឱ្យខ្វះកម្លាំងផលិតផងដែរ។

គួរបញ្ជាក់ដែរថា ដើម្បីសម្រេចបាននូវផលិតផលនីមួយៗ អ្នកផលិតត្រូវការចំណាយពេលយូរ និងច្រើនដំណាក់កាលតាំងពីការពុះច្រៀកឫស្សី ការបិតសម្អាតឱ្យស្អាត រួចក្រងដំឡើងជារូបរាង។ បន្ថែមពីនេះ គេត្រូវការវល្លិ៍ផ្សេងៗទៀត ដើម្បីយកមកផលិតឱ្យបានជាផលិតផលសម្រេចមួយសម្រាប់ដាក់តាំងលម្អ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ

ព្រឹត្តិការណ៍, អត្ថបទពាណិជ្ជកម្ម

• 13/06/2024

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ

អាជីវកម្មកែច្នៃភេសជ្ជៈទឹកអំពិលទុំផ្គត់ផ្គង់ទីផ្សារក្នុងស្រុក កំពុងមានតម្រូវការខ្ពស់

ជំនួញ, ព្រឹត្តិការណ៍

• 13/06/2024

សហគ្រាសទឹកអំពិលទុំស្នាដៃអ្នកម្តាយ TAPT ជាសហគ្រាសដែលកំពុងផលិតភេសជ្ជៈទឹកអំពិលទុំមានរសជាតិឆ្ងាញ់ និងកំពុងមានតម្រូវការទីផ្សារខ្ពស់

គិតត្រឹមត្រីមាសទី១ ឆ្នាំ២០២៤ ស្ថានភាពបំណុលសាធារណៈរបស់កម្ពុជា ស្ថិតក្នុងភាពអាចគ្រប់គ្រងបាន

ព្រឹត្តិការណ៍, ហិរញ្ញវត្ថុ

• 13/06/2024

ស្ថានភាពបំណុលសាធារណៈរបស់កម្ពុជា គិតត្រឹមត្រីមាសទី១ ឆ្នាំ២០២៤ នេះ នៅតែត្រូវបានវាយតម្លៃថា ស្ថិតក្នុងភាពអាចគ្រប់គ្រងបាន ពោលគឺនៅតែមាន “ចីរភាព” និង “ហានិភ័យកម្រិតទាប” ដដែល

ការជួបជុំធុរជនជិត ៥ពាន់នាក់មកពី ៥០ប្រទេសនៅសៀមរាប ផ្តល់ចំណូលដល់វិស័យទេសចរណ៍ និងសេដ្ឋកិច្ចកម្ពុជា

ព្រឹត្តិការណ៍, សេដ្ឋកិច្ច

• 13/06/2024

ការជួបជុំធុរជនជិត ៥ ពាន់នាក់មកពី ៥០ប្រទេស ទីក្រុងសៀមរាប ខេត្តសៀមរាប ផ្តល់ចំណូលដល់វិស័យទេសចរណ៍ និង សេដ្ឋកិច្ចកម្ពុជា

សម្ដេចធិបតី ៖ យើងមិនអាចរស់ដោយពឹងគេរហូតទេ ត្រូវតែពង្រឹងខ្លួនឯងឱ្យដើរចេញពីប្រទេសអភិវឌ្ឍន៍តិច

ព្រឹត្តិការណ៍, សេដ្ឋកិច្ច

• 13/06/2024

សម្រាប់កម្ពុជា គឺកំពុងតែរំកឹលខ្លួនបន្តិចម្ដងៗចេញពីប្រទេសដែលមានចំណូលមធ្យមកម្រិតទាប ទៅជាប្រទេសដែលមានចំណូលមធ្យមកម្រិតខ្ពស់ក្នុងរយៈពេល៥ឆ្នាំខាងមុខនេះ

មធ្យោបាយ​ធ្វើដំណើរ​ទៅកាន់បណ្ដាខេត្ត​ជាប់​សមុទ្រ​នឹង​កាន់តែសំបូរបែប​នាពេលឆាប់ៗនេះ ខណៈ​សក្ដានុពល​វិនិយោគ​ក៏​កាន់​តែ​ទាក់​ទាញ​​

ព្រឹត្តិការណ៍, អចលនទ្រព្យ

• 13/06/2024

តំបន់​សមុទ្រ​កាន់តែបង្ហាញពីសក្ដានុពល​ទាក់ទាញខ្លាំង ក្រោយសមិទ្ធផល​ និងគម្រោង​វិនិយោគ​របស់រដ្ឋ​ និងឯកជន​បានបង្ហាញ​ខ្លួន​ជា​បន្តបន្ទាប់

ប្រទេសសមាជិកអាស៊ានចំនួន ៦ មានកំណើនសេដ្ឋកិច្ចល្អប្រសើរ

ព្រឹត្តិការណ៍, សេដ្ឋកិច្ច

• 13/06/2024

យោងតាម​ការ​ព្យាករណ៍​របស់ Maybank Research Pte Ltd បានឲ្យដឹងថា ផលិតផលក្នុងស្រុកសរុបរបស់ប្រទេសអាស៊ានទាំង ៦ រួមមាន៖ ឥណ្ឌូណេស៊ី ម៉ាឡេស៊ី សិង្ហបុរី ថៃ វៀតណាម និងហ្វីលីពីន

ម៉ាឡេស៊ី ចំណាយលុយពង្រឹងវិស័យយោធាជើងទឹកតាមរយៈកុងត្រាសាងសង់នាវាចម្បាំងធុនធ្ងន់ថ្មីចំនួន៣គ្រឿង

ព្រឹត្តិការណ៍, អាជីវកម្មថ្មី និងនវានុវត្ត

• 13/06/2024

STM នឹងចាប់ផ្តើមសាងសង់នាវាចម្បាំងទាំង៣គ្រឿងនៅក្នុងឆ្នាំ២០២៤នេះហើយនឹងបញ្ចប់ការងារព្រមទាំងប្រគល់នាវាទៅឱ្យម៉ាឡេស៊ីក្នុងរយៈពេល៣ឆ្នាំកន្លះខាងមុខ

តំណាងធនាគារ មីក្រូហិរញ្ញវត្ថុ និងម្ចាស់អាជីវកម្មធុន មីក្រូ តូច និងមធ្យម ប្រមាណ ៣០០ នឹងមានវត្តមានក្នុងពិធីសម្ពោធកម្មវិធី «វិថីហិរញ្ញវត្ថុ រដូវកាលទី២»

ព្រឹត្តិការណ៍, ហិរញ្ញវត្ថុ

• 13/06/2024

តំណាងធនាគារ មីក្រូហិរញ្ញវត្ថុ និងម្ចាស់អាជីវកម្មធុន មីក្រូ តូច និងមធ្យម ប្រមាណ ៣០០នាក់ នឹងមានវត្តមានក្នុងពិធីសម្ពោធកម្មវិធី «វិថីហិរញ្ញវត្ថុ រដូវកាលទី២»

កម្ពុជា-សហភាពអឺរ៉ុប ឯកភាពក្នុងការពង្រឹងទំនាក់ទំនងសេដ្ឋកិច្ច និងពាណិជ្ជកម្មបន្ថែម

ព្រឹត្តិការណ៍, សេដ្ឋកិច្ច

• 12/06/2024

កម្ពុជាបានយកចិត្តទុកដាក់ជាខ្លាំង ចំពោះការលើកកម្ពស់ទំនាក់ទំនងនិងកិច្ចសហប្រតិបត្តិការ ជាមួយសហភាពអឺរ៉ុប និងអរគុណសហភាពអឺរ៉ុបដែលបានជួយកម្ពុជាក្នុងការស្ដារប្រទេសជាតិឡើងវិញក្រោយវិបត្តិផ្សេងៗ ដូចជាការកសាងហេដ្ឋារចនាសម្ព័ន្ធ កសិកម្ម ធនធានមនុស្ស និងការបោសសម្អាតមីនជាដើម...