សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ គិតត្រឹមដើមខែតុលា ឆ្នាំ ២០២៤កន្លងទៅនេះ ក្រសួងរៀបចំដែនដី នគរូបនីយកម្ម និងសំណង់ បានសម្រេចនូវការវាស់វែងដីធ្លីបានចំនួន ២ ៨៣៦ ៩៣២ ក្បាលដី លើផែនការចំនួន ៤ ៧៥០ ៣៦៧ក្បាលដី ស្មើនឹងប្រមាណ ៥៩,៧២ភាគរយ ដែលរំពឹងថា ការវាស់វែងនឹងបញ្ចប់ទៅនៅក្នុងឆ្នាំ២០២៥ខាងមុខ ។ នេះបើតាមរបាយការណ៍របស់បូកសរុបលទ្ធផលនៃការអនុវត្តការងារឆ្នាំ២០២៤ និងទិសដៅការងារឆ្នាំ២០២៥ ។
យោងតាមរបាយការណ៍របស់ក្រសួងរៀបចំដែនដី នគរូបនីយកម្ម និងសំណង់ បានឱ្យដឹងថា គិតចាប់ពីពេលចាប់ផ្ដើមរហូតមកដល់ពេលនេះ ក្រសួងបានចេញបណ្ណចំនួន ៨ ០៥៣ ៧១០ បណ្ណ ដោយបានបញ្ចប់ការចេញបណ្ណជំហានទី១ ចំនួន៧ក្បាលដី និងបានអនុវត្តការចេញបណ្ណជំហានទី២ បានចំនួន១ ០៥៣ ៧១០ បណ្ណ ស្មើនឹង ២២,១៨ភាគរយ នៃចំនួនក្បាលដីប៉ាន់ស្មានជំហានទី២ សរុបចំនួន ៤ ៧៥០ ៣៦៧ក្បាលដី ( ជិត ៥លានក្បាលដី ) ។
របាយការណ៍បានបង្ហាញថា ការចុះបញ្ជីដីធ្លីមានលក្ខណៈជាប្រព័ន្ធ ចេញបណ្ណបានចំនួន ៧ ៤២០ ៣២១បណ្ណ និងចែកបណ្ណបានចំនួន ៦ ៥៧៩ ១៦២បណ្ណ ដែលក្នុងនោះមានបណ្ណសម្បទានដីសង្គមកិច្ចចំនួន ១៧ ៩៩៣បណ្ណ ព្រមទាំងការចេញបណ្ណដីគរុភណ្ឌវត្ត បានចំនួន ២ ២០៩វត្ត និងស្មើនឹង ២ ៥០៧បណ្ណ ។ សម្រាប់ការចុះបញ្ជីដីធ្លីមានលក្ខណៈដាច់ដោយដុំបានចេញ និងចែកបណ្ណចំនួន ៦៣៣ ៣៨៩បណ្ណ ក្នុងនោះដីឯកជនបានចំនួន ៦២៩ ៦៨០ ដីរដ្ឋបានចំនួន២៤០ទីតាំង ស្មើនឹង ២ ៥៦០បណ្ណទំហំ ៨៩៣ ៧៩១ហិចតា រួមមានសម្បទានដីសេដ្ឋកិច្ច ២០៨ទីតាំង ស្មើនឹង ២ ២៥៣បណ្ណទំហំ៨៩១ ៩៦៣ហិចតា តំបន់ការងារឬព្រៃស្ដារឡើងវិញ២៥ទីតាំង ស្មើនឹង ១៥៥បណ្ណ ទំហំ ២២៥ ០៩៤ហិចតា ដែលក្នុងនោះដីក្រសួងបរិស្ថាន១១ទីតាំង ស្មើនឹង ៧៨បណ្ណ ទំហំ ១៨៩ ៤០៣ហិចតា និងក្រសួងកសិកម្មចំនួន១៤ទីតាំង ស្មើនឹង៧៧បណ្ណ ទំហំ ៣៥ ៦៩១ហិចតា ក្រសួងវប្បធម៌២ទីតាំង ស្មើនឹង៩បណ្ណ ទំហំ ១ ៤៧៩ហិចតា ដីបឹងទន្លេសាប ៤ទីតាំង ស្មើនឹង១៤២បណ្ណ ទំហំ ២៧៣ ៩០៦ហិចតា ដីសម្ប្តទានសង្គមកិច្ច ១ទីតាំងស្មើ១បណ្ណ មានទំហំ ១ ៣៤៩ហិចតា ។
ក្រៅពីនេះដែរ ក្រសួងរៀបចំដែនដី នគរូបនីយកម្ម និងសំណង់ ក៏បានចុះបញ្ចីដីរដ្ឋតាមនីតិវិធីពិសេសចំនួន ៤៤បណ្ណ ទំហំ ១០៤ ៦៨៥ហិចតា ក្នុងនោះក្រសួងបរិស្ថានមាន ៧បណ្ណ ទំហំ ១ ៧១៦ហិចតា ក្រសួងកសិកម្មចំនួន១៧បណ្ណ ទំហំ ២ ៧០៣ហិចតា ដីតំបន់២ បឹងទន្លេសាបចំនួន ២០បណ្ណ ទំហំ១០០ ២៦៦ហិចតា ។
ឯកឧត្តម សរ សុវណ្ណ រដ្ឋលេខាធិការក្រសួងរៀបចំដែនដី នគរូបនីយកម្ម និងសំណង់ បានមានប្រសាសន៍ថា ការងារសុរិយោដី គឺជាការងារដែលស្ថិតនៅក្នុងគោលnយោបាយអាទិភាពគន្លឹះទី៥ ក្នុងចំណោមគោលនយោបាយទាំង១៥ របស់ក្រសួងរៀបចំដែនដី នគរូបនីយកម្ម និងសំណង់ ក្នុងអាណត្តិទី៧ «ការចុះបញ្ជីដីធ្លី » គឺជាការផ្ដល់បណ្ណកម្មសិទ្ធិដល់ពលរដ្ឋឱ្យបានលឿន ដើម្បីជាមូលដ្ឋានប្រភពសេដ្ឋកិច្ច និងសុវត្ថិភាពក្នុងការកាន់កាប់ដី ។ ជាមួយគ្នានោះដែរ បង្កើនការគ្រប់គ្រងដីធ្លីរបស់រដ្ឋដែលជាធនធានរបស់ជាតិឱ្យបានកាន់តែល្អថែមទៀត៕
Account
Security
Favourite Content