សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ទំហំទុនវិនិយោគសរុបច្រើនជាង ៤ ០០០លានដុល្លារត្រូវបានបង្ហូរចូលទៅក្នុងគម្រោងអភិវឌ្ឍន៍វិស័យលំនោដ្ឋាននៅកម្ពុជារួមមានគម្រោងបុរី គម្រោងបណ្តុំលំនៅដ្ឋាន និងគម្រោងសំណង់លំនៅដ្ឋានដាច់ដោយដុំនៅក្នុងឆ្នាំ២០២១។
យោងតាមរបាយការណ៍ការងាររៀបចំដែនដី នគរូបនីយកម្ម និងសំណង់ ឆ្នាំ២០២១ និងទិសដៅឆ្នាំ២០២២បានឱ្យដឹងថា កាលពីឆ្នាំ២០២១កន្លងទៅនេះ គម្រោងបុរីលំនៅដ្ឋាន និងបណ្តុំលំនៅដ្ឋានដែលមានលក្ខណៈជាបុរី ចំនួន ៨១ គម្រោង ស្មើនឹង ២៧,២៧១ ខ្នងលើផ្ទៃក្រឡាកម្រាលសំណង់ ៥,៤០៨,៦២៣ ម៉ែត្រការ៉េ មានតម្លៃប៉ាន់ស្មានប្រមាណ ១,៨៩៣,០១៧,៩៩៥ ដុល្លារ (ជាង ១,៨ ពាន់លានដុល្លារ)។
របាយការណ៍បានបន្ថែមថា អគារផ្ទះល្វែងមាន ៣១,៩៨៥ ល្វែង/ខ្នង មានផ្ទៃក្រឡាកម្រាលសំណង់ ៦,៦១៧,៥៩៤ ម៉ែត្រការ៉េ តម្លៃប៉ាន់ស្មានទុនវិនិយោគប្រមាណ ២,៣១១,៥៨៥,១១២ ដុល្លារ (ជាង ២,៣ ពាន់លានដុល្លារ)។
សរុបជារួម នៅក្នុងឆ្នាំ២០២១ ទាំងទុនវិនិយោគលើលើបណ្តុំលំនៅដ្ឋានមានលក្ខណៈបុរី និងអគារផ្ទះល្វែងមានទំហំទឹកប្រាក់សរុប ៤,១ ពាន់លានដុល្លារ។
លោកឧកញ៉ា នួន រិទ្ធី ប្រធានក្រុមប្រឹក្សាភិបាលក្រុមហ៊ុន KFA Group ដែលជាអ្នកអភិវឌ្ឍន៍បុរីលំនៅដ្ឋានបែបទំនើបតម្លៃសមរម្យបានមានប្រសាសន៍ប្រាប់ AMS ថា ៖
“ការរំពឹងទុករបស់ខ្ញុំចំពោះទីផ្សារលំនៅដ្ឋានគឺនៅតែរក្សាបានភាពល្អប្រសើរបើទោះបីជាមានការរំខានពីវិបត្តិជំងឺឆ្លងជាង១ឆ្នាំនោះក៏ដោយ។ ជាក់ស្ដែង សកម្មភាពសាងសង់សំណង់លំនៅដ្ឋានក្នុងបុរីកៀនស្វាយ ផាក របស់ខ្ញុំនៅតែដំណើរការយ៉ាងរលូនមិនមានរាំងស្ទះនោះទេ ហើយជាឱកាសល្អដែរ នៅដើមឆ្នាំ២០២២ខាងមុខនេះ សំណង់លំនៅដ្ឋានរបស់ខ្ញុំត្រូវបានសាងសង់ស្ទើររួចរាល់ទាំងស្រុង ដែលនឹងអាចទទួលបានចំណែកទីផ្សារច្រើនជាមិនខាន”
ជាមួយនឹងការបង្ហាញពីក្ដីរំពឹងខាងលើនេះ លោកឧកញ៉ា នួន រិទ្ធី ក៏បានបន្តឲ្យដឹងថា នៅឆ្នាំ២០២២ ប្រជាជនស្ទើរទូទាំងប្រទេស ភាគច្រើនសុទ្ធតែបានចាក់វ៉ាក់សាំងបង្ការការឆ្លងជំងឺ ដូច្នេះបានបង្កើនទឹកចិត្ត និងទំនុកចិត្តដល់បងប្អូនប្រកបអាជីវកម្មទូទៅ ក៏ដូចជាអ្នកវិនិយោគក្នុងស្រុកឲ្យបង្កើនសកម្មភាពឡើងវិញ ហើយក៏មានឱកាសទទួលបានចំណូលច្រើនជាងឆ្នាំកន្លងទៅផងដែរ ដែលទាំងអស់នេះសុទ្ធជះឥទ្ធិពលល្អដល់វិស័យអចលនទ្រព្យ ជាពិសេសផ្នែកលំនៅដ្ឋាន៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន
បទយកការណ៍, អាជីវកម្មថ្មី និងនវានុវត្ត
• 16/10/2024
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ
ព័ត៌មានទូទៅ
មើលទាំងអស់ ➧
កំពង់ផែស្វយ័តក្រុងព្រះសីហនុ រកចំណូលបានជិត ៥០លានដុល្លារ នៅត្រីមាសទី៤ ឆ្នាំ២០២៥
Top News, ព្រឹត្តិការណ៍, សេដ្ឋកិច្ច
• 18/02/2026
កំពង់ផែស្វយ័តក្រុងព្រះសីហនុ ក្នុងត្រីមាសទី៤ ឆ្នាំ២០២៥ កំពង់ផែស្វយ័តក្រុងព្រះសីហនុរកចំណូលបានសរុបប្រហែល ៤៧,៤៧ លានដុល្លារ
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
ឆ្នាំ២០២៥ កម្ពុជាទទួលបានទុនវិនិយោគ ១០ប៊ីលានដុល្លារអាម៉េរិក ក្នុងនោះ ខេត្តកំពង់ស្ពឺទទួលបានគម្រោងវិនិយោគច្រើនជាងគេ
១០ថ្ងៃនៃដើមខែធ្នូ កម្ពុជា ទទួលបានគម្រោងវិនិយោគថ្មីចំនួន៣ មានទុនសរុបជាង១៥លានដុល្លារអាម៉េរិក
Account
Security
Favourite Content