សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ គម្រោងសាងសង់ផ្លូវជាតិលេខ១០ ដែលកំពុងសាងសង់នាពេលបច្ចុប្បន្ននេះបាន និងកំពុងជំរុញឱ្យចលនាទិញ-លក់ដីធ្លី និងអចលនទ្រព្យ នៅតាមបណ្ដាខេត្តជាប់ព្រំដែនថៃមានសន្ទុះកើនឡើងមួយកម្រិតទៀត ស្របពេលផ្លូវជាតិថ្មីមួយខ្សែនេះបានតភ្ជាប់ជាមួយនឹងបណ្ដាខេត្តសំខាន់ៗនៅតាមព្រំដែនកម្ពុជា-ថៃ ។
លោក ហេង តុងហៃ ប្រធានសាខានៃក្រុមហ៊ុន Century 21 Zillion Holding ប្រចាំខេត្តប៉ៃលិនបានមានប្រសាសន៍ឱ្យដឹងថា លោកមានក្ដីរំពឹងខ្ពស់ចំពោះគម្រោងផ្លូវជាតិលខ១០ដែលតភ្ជាប់ពីខេត្តកោះកុង ពោធិ៍សាត់ និងបាត់ដំបង ហើយនឹងអាចតភ្ជាប់មកខេត្តប៉ៃលិន។ គម្រោងផ្លូវនេះនឹងអាចនាំភ្ញៀវទេសចរជាតិអន្តរជាតិ ក៏ដូចជាវិនិយោគិនអចលនទ្រព្យមកកាន់ខេត្តបាត់ដំបង ខណៈខេត្តបាត់ដំបង និងខេត្តប៉ៃលិនជាខេត្តជាប់ព្រំប្រទល់នឹងគ្នា ដូច្នេះវិនិយោគិន ក៏ដូចជាទេសចរមកលេងខេត្តបាត់ដំបងអាចបង្ហួសមកលេងខេត្តប៉ៃលិនបានផងដែរ ដែលធ្វើឱ្យប៉ៃលិនអាចទទួលផលពីគម្រោងផ្លូវមួយនេះដែរ ។
លោកបន្តថា ៖ គម្រោងផ្លូវនេះនឹងជំរុញឱ្យមានការទិញលក់ដីធ្លីនៅតាមបណ្ដាខេត្តជាប់ព្រំដែនថៃបន្ថែមទៀត ហើយនឹងធ្វើឱ្យតម្លៃដីធ្លីនៅតាមបណ្ដាខេត្តទាំងនេះមានសន្ទុះមួយកម្រិតទៀតនៅពេលផ្លូវនេះសាងសង់រួច និងដាក់ឱ្យដំណើរការជាផ្លូវការ។ កាលពីមុនប្រជាពលរដ្ឋនៅប៉ែកពាយ័ព្យចង់ទៅលេងសមុទ្រដូចជាកំពង់សោម និងកោះកុង ត្រូវធ្វើដំណើរមកភ្នំពេញ ហើយទើបបន្តទៅខេត្តតំបន់សមុទ្រ ប៉ុន្តែនៅពេលផ្លូវលេខ១០សាងសង់រួច ប្រជាពលរដ្ឋខេត្តបាត់ដំបង ប៉ៃលិន បន្ទាយមានជ័យអាចធ្វើដំណើរទៅលេងកោះកុង ក្រុងព្រះសីហនុ អាចធ្វើដំណើរតាមផ្លូវលេខជាតិលេខ១០បាន ចំណេញពេលវេលា និងថវិកាផងដែរ។
លោក អ៊ិន ដារ៉ា ប្រធានសាខានៃក្រុមហ៊ុន KW ប្រចាំខេត្តបាត់ដំបងបានមានប្រសាសន៍ឱ្យដឹងថា ផ្លូវលេខ១០នឹងជួយសន្សំពេលវេលាសម្រាប់ទេសចរនិងវិនិយោគដែលចង់ធ្វើដំណើរកម្សាន្តតាមបណ្ដាខេត្តជាប់ព្រំដែនថៃ ដូចជាខេត្តបាត់ដំបង ពោធិ៍សាត់ និងកោះកុង ហើយនឹងធ្វើឱ្យបណ្ដាខេត្តទាំងនេះ ទទួលបាននូវសន្ទុះតម្លៃដីធ្លីមួយកម្រិតទៀតផងដែរ ។
លោកបន្តថា ៖
“ការអភិវឌ្ឍហេដ្ឋារចនាសម្ព័ន្ធ មិនថាតភ្ជាប់ពីខេត្តមួយទៅខេត្តមួយ ឬហេដ្ឋារចនាសម្ព័ន្ធក្នុងខេត្តផ្ទាល់នោះទេ គឺតែងតែធ្វើឱ្យមានចលនានៃការទិញលក់ដីធ្លី និងតម្លៃដីធ្លីនៅតំបន់នោះទទួលបានសកម្មភាពមួយកម្រិតទៀត តិច ឬច្រើនវាអាស្រ័យទៅលើទីតាំងសក្ដានុពល”
ចំណែកលោក ទុយ ប៉ោហេង ប្រធានសាខានៃក្រុមហ៊ុន Century 21 Zillion Holding ប្រចាំខេត្តកោះកុង បានឱ្យដឹងផងដែរថា ចាប់តាំងពីផ្លូវជាតិលេខ១០បានចាប់ផ្ដើមដំណើរការសាងសង់ ឃើញថាមានអ្នកចាប់អារម្មណ៍លើខេត្តកោះកុងច្រើន និងមានអ្នកស្វែងរកទិញដីធ្លីនៅខេត្តកោះកុងច្រើនជាងមុន ដូច្នេះគេរំពឹងថា នៅពេលផ្លូវនេះសាងសង់រួចនឹងជួយឱ្យខេត្តកោះកុងកាន់តែទាក់ទាញទេសចរ និងវិនិយោគិនបន្ថែមទៀត ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ទិន្នផលគ្រាប់ស្វាយចន្ទី ឆ្នាំ២០២៧ អាចធ្លាក់ចុះ ខណៈដែលសមាគមអំពាវនាវឱ្យកសិករយកចិត្តទុកដាក់ថែទាំប្រភពទឹក
ជំនួញ, ព្រឹត្តិការណ៍, សេដ្ឋកិច្ច
• 18/09/2026
ភ្នំពេញ ៖ សមាគមស្វាយចន្ទីកម្ពុជា បានបង្ហាញពីក្ដីព្រួយបារម្ភចំពោះការកើនឡើងកម្តៅ និងគ្រោះរាំងស្ងួតបង្កដោយបាតុភូត អែល នីញ៉ូ(El Niño) ដែលអាចគំរាមកំហែងដល់ទិន្នផល និងគុណភាពស្វាយចន្ទីនៅឆ្នាំ២០២៧ ហើយបានអំពាវនាវឱ្យកសិករដាំដុះទាំងអស់យកចិត្តទុកដាក់ថែទាំ និងរក្សាប្រភពទឹកឱ្យបានល្អ។ ប្រធានសមាគមស្វាយចន្ទីកម្ពុជា លោក អួន ស៊ីឡុត បានប្រាប់បណ្ដាញព័ត៌មាន AMS ថា ពេលនេះកសិករបានដាំស្វាយចន្ទីថ្មីរួចរាល់ហើយ
មេផ្សារមូលបត្រកម្ពុជា បញ្ជាក់ពីការកើនឡើងផលចំណេញ និងការជួញដូរភាគហ៊ុនកំពុងមានភាពមមាញឹក
ជំនួញ, ព្រឹត្តិការណ៍, សេដ្ឋកិច្ច
• 18/09/2026
ភ្នំពេញ ៖ អគ្គនាយកក្រុមហ៊ុនផ្សារមូលបត្រកម្ពុជា បានលើកឡើងថា គិតត្រឹមដើមខែកញ្ញា ឆ្នាំ២០២៦នេះ ទីផ្សារមូលបត្រកម្ពុជាបន្តទទួលបានផលជាវិជ្ជមាន ខណៈអ្នកវិនិយោគខ្លះអាចរកចំណេញបានប្រមាណ ២០ ទៅ ៣០ភាគរយ ក្នុងរយៈពេលតែប៉ុន្មានសប្តាហ៍ ស្របពេលដែលទំហំជួញដូរភាគហ៊ុនក៏បន្តកើនឡើងយ៉ាងខ្លាំងគួរឱ្យកត់សម្គាល់។ លោក ហុង សុហួរ អគ្គនាយកក្រុមហ៊ុនផ្សារមូលបត្រកម្ពុជា បានឱ្យដឹងថា បច្ចុប្បន្ន ទីផ្សារភាគហ៊ុនកម្ពុជាកំពុងផ្តល់ផលចំណេញខ្ពស់ក្នុងរយៈពេលខ្លីដល់អ្នកវិនិយោគ
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
កសិករវ័យ ៦៤ ឆ្នាំនៅបាត់ដំបង បង្កើនស្រះត្រីដល់ ២៦ រំពឹងរកចំណូលបាន ៥០ លានរៀល/១ឆ្នាំ
វិញ្ញាបនបត្រសម្គាល់ម្ចាស់អចលនវត្ថុចំនួន ៣ ៣៦១បណ្ណ បានប្រគល់ជូនប្រជាពលរដ្ឋមកពីភូមិចំនួន២ក្នុងឃុំខ្នាចរមាស ស្រុកបវេល
Account
Security
Favourite Content