សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ការវិនិយោគលើវិស័យអចលនទ្រព្យនៅក្រៅប្រទេសគឺជារឿងដ៏លំបាកបំផុតសម្រាប់ការសម្រេចចិត្ត ពីព្រោះថាវាត្រូវទាមទារឲ្យមានការសិក្សាស្រាវជ្រាវយ៉ាងស៊ីជម្រៅទៅលើចរន្តសេដ្ឋកិច្ច និងវិវត្តន៍ទៅនៃស្ថិរភាពរបស់ប្រទេសនីមួយៗ ហើយកត្តាសំខាន់ៗដែលបាន ជួយដល់ការសម្រេចចិត្តរបស់អ្នកវិនិយោគបរទេសមកលើវិស័យអចលនទ្រព្យអាចមានដូចជាឱកាសការងារ ទំហំនៃការផ្គត់ផ្គង់លំនៅដ្ឋាន ផលិតផលក្នុងស្រុកសរុប ព្រមទាំងកត្តាសំខាន់ៗជាច្រើនទៀតដែលពាក់ព័ន្ធ។
Invest Asia ដែលជាវេបសាយអចលនទ្រព្យ និងវិនិយោគដ៏ចាស់វស្សាមួយបានចេញផ្សាយកាលពីពេលថ្មីៗនេះជាមួយនឹងការធ្វើចំណាត់ថ្នាក់ទៅលើទីក្រុងទាំង ៥ របស់អាស៊ី ដែលជឿជាក់ថា ជាទីកន្លែងដ៏មានសក្តានុពលបំផុតសម្រាប់វិនិយោគអចលនទ្រព្យ ជាពិសេស ការទិញអចលនទ្រព្យតែម្តង ដោយក្នុងនោះក៏មានរាជធានីភ្នំពេញនៃកម្ពុជារបស់យើងផងដែរ។
ជាមួយគ្នានេះ ដើម្បីផ្តល់ភាពងាយស្រួលក្នុងការសម្រេចចិត្តដល់ការវិនិយោគអចលនទ្រព្យនៅតំបន់អាស៊ី ជាពិសេសនៅក្នុងទីក្រុងទាំង ៥ ដែល Invest Asia បានធ្វើការណែនាំ ៖
១- ទីក្រុងបាងកក ៖ បាងកក ត្រូវបានចាត់ទុកថាជាទីក្រុងដែលទទួលស្វាគមន៍ភ្ញៀវអន្តរជាតិមកទស្សនាច្រើនបំផុតលើពិភពលោកនៅក្នុងអំឡុងពេលមុនវិបត្តិកូវីដ ឬជាមធ្យមប្រមាណជា ៣៥លាននាក់មកកាន់ទឹកដីដែលត្រូវបានគេដាក់ឈ្មោះថា Land of Smiles ។ ដូចនេះ ប្រសិនបើនិយាយពីអាស៊ី បាងកក គឺមិនត្រូវបានបំភ្លេចឡើយចំពោះក្រុមអ្នកវិនិយោគ ពីព្រោះថាក្រៅតែពីសេដ្ឋកិច្ចរឹងម៉ាំ រូបិយវត្ថុមានតម្លៃជាងគេ ក៏ជាទីក្រុងដែលមានតម្រូវការអចលនទ្រព្យខ្លាំងបំផុតផងដែរ។
២- ទីក្រុងកូឡាឡាំពួ ៖ បើប្រៀបធៀបទៅនឹងបាងកក ទីក្រុងកូឡាឡាំពួនៃប្រទេសម៉ាឡេស៊ី គឺជាទីក្រុងដែលមានលក្ខណៈស្រដៀងគ្នា ទាំងការរស់នៅ ទាំងបរិយាកាស ជាពិសេសតម្លៃអចលនទ្រព្យតែម្តង។ កាន់តែពិសេសជាងនេះ ទីក្រុងកូឡាឡាំពួ បានអនុញ្ញាតឲ្យជនបរទេសឈរឈ្មោះផ្ទាល់ក្នុងការទិញអចលនទ្រព្យបានថែមទៀតផង។
៣- ទីក្រុងភ្នំពេញ ៖ កម្ពុជា គឺជាប្រទេសមួយដែលមានល្បឿនសេដ្ឋកិច្ចលឿនបំផុតធៀបទៅនឹងបណ្តាប្រទេសក្នុងតំបន់អាស៊ាន ដោយក្នុងនោះ រាជធានីភ្នំពេញ ក្រៅតែពីមានគ្រឹះនគរូបនីយកម្មរឹងមាំ ក៏ជាមជ្ឈមណ្ឌលពាណិជ្ជកម្មដែលមានអត្រាកំណើនសេដ្ឋកិច្ចដ៏មានស្ថិរភាពផងដែរ ហើយតាមការព្យាករណ៍ អត្រាកំណើននៃចំនួនពលរដ្ឋក្នុងទីក្រុងអាចនឹងកើនឡើងទៅដល់៤លាននាក់នៅត្រឹមឆ្នាំ២០៣០ខាងមុខនេះ។ ណមិនត្រឹមតែប៉ុណ្ណោះ ភ្នំពេញក៏ជាកន្លែងប្រមូលផ្តុំទៅដោយធនាគារអន្តរជាតិល្បីៗ ដូចជា ICBC, Bank of China និង ABA ជាដើម ខណៈដែលយីហោផ្សារទំនើបដ៏ល្បីបំផុតរបស់ជប៉ុនដូចជា AEON Group ជាដើមក៏មានវត្តមាននៅទីនេះផងដែរ។ ទោះជាយ៉ាងណា បើងាកទៅមើលតម្លៃអចលនទ្រព្យវិញគឺនៅមានកម្រិតទាបជាងបណ្តាប្រទេស ក៏ដូចជាទីក្រុងនានានៅក្នុងតំបន់អាស៊ីអាគ្នេយ៍ ដោយតម្លៃដីធ្លីនៅក្នុងតំបន់មជ្ឈមណ្ឌលពាណិជ្ជកម្មពិសេសប្រចាំប្រទេសអាចស្ថិតនៅក្នុងចន្លោះពី ១០ ០០០-១២ ០០០ដុល្លារក្នុងមួយម៉ែត្រការ៉េប៉ុណ្ណោះ។
៤- ទីក្រុងម៉ានីល ៖ ជាទីក្រុងដ៏ធំដែលមានពលរដ្ឋរស់នៅដល់ទៅជាង ២៥លាននាក់ ហើយនឹងប្រហែល ៣៥លាននាក់នៅក្នុងឆ្នាំ២០៥០ខាងមុខ ដែលធ្វើឲ្យចំនួនពលរដ្ឋក្នុងទីក្រុងមានចំនួនច្រើនជាងទីក្រុងតូក្យូ និងក្រុងប៉េកាំងប្រទេសចិន។ ក្រុងម៉ានីល ត្រូវបានគេ ប្រដូច ទៅនឹងទីក្រុងតូក្យូនៅក្នុងសតវត្សរ៍ទី២១នេះ បើទោះបីជាលក្ខខណ្ឌមួយចំនួននៅតែបន្តផ្តល់ភាពលំបាកចំពោះជនបរទេសក្នុងការទិញយកអចលនទ្រព្យនៅទីនេះក្តី។
៥- ទីក្រុងសេអ៊ូល ៖ ជាទីក្រុងដែលមានកម្រិតប្រជាសាស្ត្រល្អ ហើយច្បាប់សម្រាប់អ្នកវិនិយោគបរទេសមានភាពរាក់ទាក់ និងស្វាគមន៍ជាងច្បាប់ដែលមាននៅក្នុងប្រទេសចិន ឬប្រទេសជប៉ុនហើយសេអ៊ូលបានផ្តល់លក្ខខណ្ឌដែលអនុញ្ញាតឲ្យជនបរទេសអាចទិញអចលនទ្រព្យក្នុងនាមជាម្ចាស់កម្មសិទ្ធឈ្មោះផ្ទាល់ខ្លួនឯងបានផងដែរដូចជាទីក្រុងកូឡាឡាំពួដែរ។
គួរឲ្យដឹងដែរថា សេអ៊ូល គឺទីក្រុងតែមួយគត់ដែលស្ថិតនៅក្នុងប្រទេសអភិវឌ្ឍធៀបទៅនឹងបណ្តាទីក្រុងខាងលើ ប៉ុន្តែលក្ខខណ្ឌនៃការជួញដូរក្នុងវិស័យអចលនទ្រព្យពិតជាមានភាពងាយស្រួលខ្លាំងជាងបណ្តាប្រទេសកំពុងអភិវឌ្ឍន៍ និងអភិវឌ្ឍផ្សេងទៀតក្នុងតំបន់អាស៊ីទាំងមូល៕
អ្នកសារព័ត៌មានអន្តរជាតិ
របាយការណ៍ថ្មីៗ
មើលទាំងអស់ ➧
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន
បទយកការណ៍, អាជីវកម្មថ្មី និងនវានុវត្ត
• 16/10/2024
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ
ព័ត៌មានទូទៅ
មើលទាំងអស់ ➧
កំពង់ផែស្វយ័តក្រុងព្រះសីហនុ រកចំណូលបានជិត ៥០លានដុល្លារ នៅត្រីមាសទី៤ ឆ្នាំ២០២៥
Top News, ព្រឹត្តិការណ៍, សេដ្ឋកិច្ច
• 18/02/2026
កំពង់ផែស្វយ័តក្រុងព្រះសីហនុ ក្នុងត្រីមាសទី៤ ឆ្នាំ២០២៥ កំពង់ផែស្វយ័តក្រុងព្រះសីហនុរកចំណូលបានសរុបប្រហែល ៤៧,៤៧ លានដុល្លារ
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
គម្រោងសាងសង់ស្ពានចំនួន២ តភ្ជាប់ពីរាជធានីភ្នំពេញ-ក្រុងអរិយក្សត្រ នឹងធ្វើឱ្យក្រុងថ្មីមួយនេះ កាន់តែទាក់ទាញ
រាជធានីភ្នំពេញ និងខេត្តចំនួន២ទៀតនៅកម្ពុជា មានចំនួនសំណង់អគារខ្ពស់ៗច្រើនជាងគេ
Account
Security
Favourite Content