សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ឯកឧត្តមស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូនកម្ពុជាបានបង្ហាញពីកាលានុវត្តន៍ភាពវិនិយោគដល់វិនិយោគិនបរទេស ព្រមទាំងជំរុញ និងលើកទឹកចិត្តដល់វិនិយោគិន ជាពិសេសវិស័យឯកជនងាកមកចាប់អារម្មណ៍បណ្ដាក់ទុនវិនិយោគនៅក្នុងប្រទេសកម្ពុជាបន្ថែមទៀត។
នៅក្នុងវេទិកាមួយដែលបានធ្វើឡើងកាលពីដើមសប្ដាហ៍កន្លងទៅនេះ ឯកឧត្តម ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូនបានមានប្រសាសន៍ថា រាជរដ្ឋាភិបាលកម្ពុជាបាន និងកំពុងផ្ដល់អាទិភាពលើគម្រោងជាច្រើនដើម្បីអភិវឌ្ឍន៍វិស័យដឹកជញ្ជូន និងភស្តុភារកម្ម នៅកម្ពុជាឱ្យកាន់តែប្រសើរឡើង ដែលក្នុងនោះមានគម្រោងអភិវឌ្ឍន៍វិស័យដឹកជញ្ជូនផ្លូវគោក ផ្លូវទឹក ផ្លូវអាកាស ផ្លូវដែក គម្រោងអភិវឌ្ឍន៍កំពង់ផែ និងក្របខណ្ឌនយោបាយស្ដីពីការដឹកជញ្ជូននិងភស្តុភារកម្ម ។
ឯកឧត្តមបានបង្ហាញពីកាលានុវត្តន៍ភាពវិនិយោគជាច្រើននៅក្នុងវិស័យដឹកជញ្ជូន និងភស្តុភារកម្មនៅកម្ពុជា និងបានជំរុញលើកទឹកចិត្តឱ្យវិស័យឯកជនពិចារណា និងងាកមកវិនិយោគនៅកម្ពុជាឱ្យបានច្រើន ស្របពេលធនាគារពិភពលោកបានបញ្ជាក់ថា កម្ពុជាមានរបបវិនិយោគសេរីបំផុតនៅក្នុងតំបន់អាស៊ាន ហើយដើរតួនាទីជាអ្នកសម្របសម្រួល និងផ្ដល់ការគាំទ្រយ៉ាងពេញទំហឹងលើការវិនិយោគរបស់វិស័យឯកជន ដើម្បីធានាបានថា វិស័យឯកជននឹងទទួលបានភាពជោគជ័យ ។
ឯកឧត្តមទេសរដ្ឋមន្ត្រីបានបន្ថែមថា កម្ពុជាមានផ្លូវល្បឿនលឿនតភ្ជាប់ពីភ្នំពេញទៅក្រុងព្រះសីហនុគ្រោងនឹងដាក់ដំណើរការនៅខែក្រោយនេះ ហើយកម្ពុជាក៏មានគម្រោងសាងសង់ផ្លូវល្បឿនលឿនមួយខ្សែទៀតពីភ្នំពេញទៅក្រុងបាវិត និងតភ្ជាប់ទៅកាន់ប្រទេសវៀតណាមដែលជាការសម្រួលដល់ការដឹជញ្ជូនពីកម្ពុជាទៅវៀតណាម និងទៅបណ្ដាប្រទេសផ្សេងៗទៀតក្នុងតំបន់ ។
លោកឧកញ៉ា ស៊ិន ចន្ធី ប្រធានសមាគមភស្តុភារកម្មកម្ពុជា បានថ្លែងប្រាប់ AMS ឱ្យដឹងថានៅពេលកម្ពុជាមានផ្លូវដឹកជញ្ជូនតាមផ្លូវល្បឿនលឿននឹងធ្វើឱ្យការដឹកជញ្ជូនបានលឿនរហ័ស ធ្វើឱ្យសេដ្ឋកិច្ចកម្ពុជាដើរលឿនជាងមុន ហើយក្នុងនាមជាអ្នកដឹកជញ្ជូនពិតជាចង់ឃើញកម្ពុជាមានល្បឿនលឿនដូចនៅបណ្ដាប្រទេសរីកចម្រើនដែរ ។
លោកឧកញ៉ាបន្តថា ការតភ្ជាប់ផ្លូវដឹកជញ្ជូនរបស់កម្ពុជាទាំងក្នុងប្រទេស និងទៅកាន់តំបន់ព្រំដែន ហើយតទៅបណ្ដាប្រទេសជិតខាងវាគឺជាអ្វីដែលអ្នកដឹកជញ្ជូនក្នុងស្រុកចង់បានដែលវាចំណេញដល់រដ្ឋាភិបាលផង និងចំណេញដល់អ្នកដឹកជញ្ជូនផងដែរ។ ការអភិវឌ្ឍហេដ្ឋារចនាសម្ព័ន្ធនេះដែរ វាក៏នឹងធ្វើឱ្យការវិនិយោគនៅក្នុងប្រទេសកម្ពុជាកាន់តែមានសន្ទុះបន្ថែមទៀត ហើយនឹងធ្វើឱ្យកម្ពុជាកាន់តែមានភាពទាក់ទាញពីវិនិយោគិនបរទេសក្នុងការស្វែងរកការវិនិយោគនានា ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
អាម៉េរិក កំណត់ពន្ធគយ ១០% លើទំនិញនាំចូលពីកម្ពុជា ប៉ុន្តែលើកលែងលើទំនិញគ្រាប់ស្វាយចន្ទី និងសម្លៀកបំពាក់
Top News, ព្រឹត្តិការណ៍, សេដ្ឋកិច្ច
• 24/07/2026
អាម៉េរិកសម្រេចកំណត់ពន្ធគយ ១០% លើទំនិញនាំចូលពីកម្ពុជាក្រោមមាត្រា៣០១ ប៉ុន្តែផ្តល់ការលើកលែងលើទំនិញគ្រាប់ស្វាយចន្ទី និងសម្លៀកបំពាក់
ឯកឧត្តម ឧបនាយករដ្ឋមន្ត្រី សាយ សំអាល់ ជំរុញឱ្យអាជ្ញាធរ និងសហគមន៍នេសាទនៅតំបន់ឆ្នេរ កែច្នៃសក្ដានុពលដែលមានស្រាប់ដើម្បីបង្កើនចំណូលគ្រួសារ
Top News, ព្រឹត្តិការណ៍, សេដ្ឋកិច្ច
• 23/07/2026
ឯកឧត្តម ឧបនាយករដ្ឋមន្ត្រី សាយ សំអាល់ ជំរុញឱ្យអាជ្ញាធរ និងសហគមន៍នេសាទនៅតំបន់ឆ្នេរ កែច្នៃសក្ដានុពលដែលមានស្រាប់ឱ្យមានលទ្ធភាព និងផលិតភាពខ្ពស់ ដើម្បីបង្កើនចំណូលគ្រួសារ
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
បារាំង ប្ដេជ្ញាពង្រឹង និងពង្រីកវិស័យពាណិជ្ជកម្ម និងវិនិយោគជាមួយកម្ពុជា
ដំណើរទស្សនកិច្ចរបស់មន្ត្រីជាន់ខ្ពស់បារាំងនៅកម្ពុជា មិនត្រឹមតែបង្កើនពាណិជ្ជកម្ម ការវិនិយោគ តែជាផ្នែកមួយនៃតុល្យភាពភូមិសាស្ត្រនយោបាយ
Account
Security
Favourite Content