សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ថ្វីត្បិតតែស្ថានភាពអចលនទ្រព្យជួបប្រទះនឹងបញ្ហាក៏ដោយ ក៏វិស័យលំនៅឋាននៅតែទទួលបានគម្រោងវិនិយោគច្រើនជាងគេ ដោយក្នុងឆ្នាំ២០២៣កន្លងទៅនេះ តាមការប៉ាន់ស្មាន គម្រោងអភិវឌ្ឍលំនៅឋានមានផ្ទៃក្រឡាប្រមាណជាង ៥លានម៉ែត្រក្រឡា ។ នេះបើតាមការស្រាវជ្រាវរបស់ក្រុមហ៊ុន CBRE Cambodia ដែលបានចេញផ្សាយនាពេលថ្មីៗកន្លងទៅនេះ ។
យោងតាមរបាយការណ៍របស់ក្រុមហ៊ុនប្រឹក្សាអចលនទ្រព្យអន្តរជាតិ CBRE Cambodia បានបង្ហាញឱ្យឃើញថា ការអភិវឌ្ឍលំនៅឋាននៅក្នុងឆ្នាំ២០២៣កន្លងទៅនេះ បើធៀបនឹងឆ្នាំ២០១៩ មានការធ្លាក់ចុះរហូតដល់ ៣៧ភាគរយ ប៉ុន្តែគម្រោងសាធារណៈរបស់រដ្ឋឃើញមានកំណើនខ្ពស់រហូតដល់ ២៤៤ភាគរយឯណោះ មានន័យថា គម្រោងអភិវឌ្ឍន៍របស់រដ្ឋក្នុងឆ្នាំ២០២៣ ដែលជាពេលវេលាក្រោយកូវីដ១៩មានចំនួនច្រើន ។
ក្រៅពីវិស័យលំនៅឋាន វិស័យឧស្សាហកម្មក៏ទទួលបានការវិនិយោគច្រើនជាងគេដែរក្នុងឆ្នាំ២០២៣កន្លងទៅនេះ ប៉ុន្តែបើធៀបនឹងឆ្នាំ២០១៩ គឺមានធ្លាក់ចុះប្រមាណ ១៥ភាគរយ ដោយក្នុងនោះគម្រោងឧស្សាហកម្មមានផ្ទៃក្រឡាប្រមាណជាង ៣លានម៉ែត្រការ៉េ ។
របាយការណ៍ដដែលបានបង្ហាញថា ក្នុងឆ្នាំ២០២៣កន្លងទៅ គម្រោងអភិវឌ្ឍន៍សំណង់ដែលបានអនុម័តមានចំនួនជាង ៣០០០ គម្រោង គិតជាទឹកប្រាក់មានទំហំជិត៥០០០លានដុល្លារអាមេរិក បើធៀបនឹងឆ្នាំ២០១៩ គ្រាមុនពេលមានវិបត្តិកូវីដ១៩មានការធ្លាក់ចុះរហូតដល់ ៥៤ភាគរយ ។
យ៉ាងណាក៏ដោយ បើទោះជាគម្រោងអភិវឌ្ឍន៍លំនៅឋានមានចំនួនច្រើនជាងគេក្ដី ប៉ុន្តែបើគេក្រលេកមើលក្រុមហ៊ុនអភិវឌ្ឍន៍មួយចំនួនបានបង្អង់សកម្មភាពរបស់ខ្លួនមួយរយៈសិន ដោយរង់ចាំមើលទីផ្សារល្អប្រសើរឡើងវិញ ។
លោកឧកញ៉ា នួន រឹទ្ធី ប្រធានក្រុមប្រឹក្សាភិបាលក្រុមហ៊ុន KFA Group ដែលជាអ្នកអភិវឌ្ឍន៍ក្នុងវិស័យលំនៅឋានបានបង្ហើបឱ្យដឹងថា លំនៅឋានដែលមានតម្លៃសមរម្យនៅតែមានការទិញដោយបង់រំលស់ ដូច្នេះហើយ អ្នកអភិវឌ្ឍន៍លំនៅឋានប្រភេទនេះនៅតែបន្តអភិវឌ្ឍន៍ដើម្បីបំពេញតម្រូវការទីផ្សារ ប៉ុន្តែសម្រាប់លំនៅឋានតម្លៃមធ្យម អាចជួបប្រទះនឹងបញ្ហាទីផ្សរបន្តិច ដែលជំរុញឱ្យអ្នកអភិវឌ្ឍន៍មួយចំនួនបានបង្អង និងផ្អាកសកម្មភាពសាងសង់មួយរយៈសិន ។
ជាមួយគ្នានេះដែរ អ្នកគ្រប់គ្រងគម្រោងបុរី វិមានភ្នំពេញ លោក មឿង រដ្ឋា បានលើកឡើងថា ក្នុងដំណាក់កាលនេះ ស្ថានភាពទីផ្សារអចលនទ្រព្យនៅមិនទាន់មានភាពល្អប្រសើរឡើងវិញនៅឡើយ ដោយគម្រោងអភិវឌ្ឍន៍លំនៅឋានថ្មីៗមួយចំនួនបានផ្អាក និងរង់ចាំមើលស្ថានការណ៍ ហើយគម្រោងបច្ចុប្បន្នដែលក្រុមហ៊ុនបាន និងកំពុងសាងសង់មានការលក់ចេញជាហូរហែរដែរ ប៉ុន្តែមានចំនួនតិចតួច ។
Account
Security
Favourite Content