សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ដោយសារតែខេត្តកំពតជាខេត្តដែលមានសក្ដានុពលខ្ពស់លើវិស័យទេសចរណ៍ ការអភិវឌ្ឍលើផ្នែកសេវាកម្មបម្រើដល់ទេសចរក៏ឃើញថា បាន និងកំពុងមានការវិវត្តគួរឱ្យកត់សម្គាល់ ដោយក្នុងនោះដែរ ការអភិវឌ្ឍផ្ទះលំហែនៅក្នុងខេត្តជាប់មាត់សមុទ្រមួយនេះកំពុងមានសកម្មភាពផុសផុលគួរឱ្យកត់សម្គាល់ ជាពិសេសនៅក្រោយវិបត្តិកូវីដ-១៩ ក្នុងប្រទេសបានធូរស្រាល។
លោក ជិន ណារិន នាយកគ្រប់គ្រងក្រុមហ៊ុនអចលនទ្រព្យ Sun Shine Real Estate បានឱ្យដឹងថា នៅក្នុងរយៈពេលប៉ុន្មានខែចុងក្រោយនេះ សកម្មភាពនៃការអភិវឌ្ឍលំនៅឋានលំហែកាយក្នុងខេត្តកំពតឃើញថាមានសកម្មភាពផុសផុលបើធៀបនឹងពេលកន្លងមក ហើយក្នុងនោះក៏មានអ្នកអភិវឌ្ឍន៍ខ្លះទិញដីធ្លីក្នុងទំហំធំ ហើយពុះជាដីឡូត៍សម្រាប់លំនៅដ្ឋានបែបលំហែលក់ជូនប្រជាពលរដ្ឋដែលភាគច្រើនមកពីភ្នំពេញ។
លោកបន្តថា ៖
“ដោយសារតែសកម្មភាពនៃការអភិវឌ្ឍលំនៅដ្ឋានទូទៅកាន់តែមានច្រើន អ្នកអភិវឌ្ឍន៍មួយចំនួនបានងាកទៅអភិវឌ្ឍន៍លំនៅឋានបែបលំហែកាយវិញ ហើយក៏ទទួលបានទីផ្សារខ្ពស់ ជាពិសេសប្រភេទលំនៅឋានដែលមានតម្លៃក្រោម៥ម៉ឺនដុល្លារ”
លោក Cooler Tann អគ្គនាយកក្រុមហ៊ុន Youngsia Real Estate និងជាម្ចាស់គម្រោងដីឡូត៍លំហែបូកគោលែនដែលមានរហូតដល់៣ទីតាំងផ្សេងគ្នាក្នុងខេត្តតែមួយបានឱ្យដឹងផងដែរថា បច្ចុប្បន្នន្ននេះ លោកមើលឃើញថាអ្នកទិញគម្រោងដីឡូត៍លំហែរបស់លោកបានចាប់ផ្ដើមសាងសង់ផ្ទះជាបណ្ដើរៗហើយ តែដោយសារការសាងសង់ហេដ្ឋារចនាសម្ព័ន្ធរបស់យើងមិនទាន់រួចរាល់១០០ភាគរយ ធ្វើឱ្យអតិថិជនដែលចង់សង់ផ្ទះក្នុងដីឡូត៍មិនមានសន្ទុះខ្លាំង។ យ៉ាងណាក៏ដោយ លោករំពឹងថានៅពេលក្រុមហ៊ុនរៀបចំទីតាំងបានស្អាត១០០ភាគរយនឹងធ្វើឱ្យអតិថិជនដែលទិញដីឡូត៍ក្នុងគម្រោងរបស់លោកនឹងមានសកម្មភាពសាងសង់ផ្ទះកាន់តែច្រើនឡើងបន្ថែមទៀតជាមិនខាន ។
លោកបន្ថែមថា ៖
ទីផ្សារដីឡូត៍លំហែកាយនៅក្នុងខេត្តកំពតនាពេលបច្ចុប្បន្ននេះ មានការប្រកួតប្រជែងកាន់តែច្រើន ដោយអ្នកអភិវឌ្ឍន៍ខ្លះគឺផ្ដោតតែលើតម្លៃ ហើយអ្នកអភិវឌ្ឍន៍ខ្លះទៀតផ្ដោតលើគុណភាពជាចម្បង។ រវាងតម្លៃ និងគុណភាព អតិថិជនមួយចំនួនធំគឺចាប់អារម្មណ៍ខ្លាំងទៅលើតម្លៃជាជាងគុណភាព ប៉ុន្តែនៅពេលអនាគតដីដែលផ្ដោតលើតែតម្លៃ និងអាចជួបបញ្ហាជាច្រើន”
លោក ច្រឹក សុខនីម ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជាបានមានប្រសាសន៍ថា ខេត្តដែលនៅជាប់តំបន់មាត់សមុទ្រគឺទទួលបានការទាក់ទាញលើការវិនិយោគអចលនទ្រព្យច្រើនជាងគេ ហើយក្នុងនោះក៏មានខេត្តកំពតដែរ។ លោកបន្តថា ក្នុងចំណោមការអភិវឌ្ឍនៅក្នុងខេត្តកំពត ភាគច្រើនផ្ដោតលើការអភិវឌ្ឍលំនៅឋានលំហែកាយ ដោយមានក្រុមហ៊ុនក្រៅស្រុក និងក្នុងស្រុកជាច្រើនបានចូលទៅកាន់ខេត្តនេះ និងអភិវឌ្ឍន៍លំនៅឋានសម្រាប់ផ្គត់ផ្គង់តាមតម្រូវការជាក់ស្ដែង ។ លោកបន្តថា កត្តាដែលជំរុញឱ្យខេត្តនេះកាន់តែមានភាពទាក់ទាញទៅលើការអភិវឌ្ឍលំនៅឋានបែបលំហែរច្រើន ដោយសារ កំពត ជាខេត្តដែលនៅមិនឆ្ងាយពីរាជធានីភ្នំពេញ ហើយផ្លូវតភ្ជាប់ពីភ្នំពេញទៅកាន់ខេត្តកំពតក៏មានភាពងាយស្រួល ចំណាយពេលធ្វើដំណើរកាន់តិច ឆាប់ដល់គោលដៅ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content