សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ព្រះសីហនុ ៖ រាជរដ្ឋាភិបាលបានសម្រេចបង្កើតក្រុមប្រឹក្សាសម្រាប់រៀបចំផែនការមេការអភិវឌ្ឍខេត្តព្រះសីហនុឲ្យក្លាយជាតំបន់សេដ្ឋកិច្ចពិសេសគំរូពហុបំណង និងជំរុញការលេចចេញជាលទ្ធផលក្នុងពេលឆាប់ៗ ដោយក្រុមប្រឹក្សានេះ មានសម្ដេចអគ្គមហាសេនាបតីតេជោ ហ៊ុន សែន ជាប្រធានក្រុមប្រឹក្សាភិបាល ហើយក្នុងនោះក៏បានបង្កើតអនុគណៈកម្មការអន្តរក្រសួងចំនួន២ផងដែរ។
ឯកឧត្តម គួច ចំរើន បានថ្លែងមានប្រសាសន៍ថា ក្នុងដំណាក់ដំបូង អនុគណ:កម្មការសម្របសម្រួលរៀបចំផែនការមេអភិវឌ្ឍខេត្តព្រះសីហនុ ឱ្យក្លាយទៅជាតំបន់សេដ្ឋកិច្ចពិសេសគំរូពហុបំណង ដឹកនាំដោយឯកឧត្តម អគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីសេដ្ឋកិច្ច និងហិរញ្ញវត្ថុ ហើយរយៈពេលកន្លងមកបានចុះកិច្ចព្រមព្រៀងជាមួយទីក្រុងសិនជិន (ប្រទេសចិន) ដើម្បីសហការរៀបចំផែនការមេ ជាមួយនឹងខេត្តព្រះសីហនុ កំពុងដំណើរការយ៉ាងសស្រាក់សស្រាំ ។
ឯកឧត្តមបានបញ្ជាក់ថា ៖
«នៅក្នុងដំណាក់បន្ទាប់ នៅឆ្នាំខាងមុខយើងនឹងមានផែនការជាក់លាក់ស្តីពីការអភិវឌ្ឍខេត្តព្រះសីហនុប្រកបដោយចីរភាព បរិស្ថាន និងរស់នៅដោយសុខសាន្ត។ អនុគណៈកម្មការរៀបចំផែនការប្រើប្រាស់ និងគ្រប់គ្រងដីធ្លីអភិវឌ្ឍន៍ខេត្តព្រះសីហនុ ដឹកនាំដោយឯកឧត្តម ជា សុផារ៉ា ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ អនុគណៈកម្មការមួយនេះ កំពុងសិក្សាអំពីការប្រើប្រាស់ដីធ្លីប្រកបដោយចីរភាព និរន្តរភាព និងផាសុកភាពសម្រាប់ការរស់នៅ»
លោកអភិបាលខេត្តបានថ្លែងដូច្នេះថា ៖
«ការតម្រង់ទិសការប្រើប្រាស់ដីធ្លី ជំរុញសក្តានុពលទេសចរណ៍ ពាណិជ្ជកម្ម ឧស្សាហកម្ម និងតំបន់បច្ចេកវិទ្យា ឆ្លើយតបគោលដៅជំរុញការអភិវឌ្ឍខេត្ត»
គួររំលឹកថា សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានផ្តល់កញ្ចប់ថវិកាជាង ៣០០លានដុល្លារក្នុងការស្ថាបនាថ្លូវថ្នល់ចំនួន៣៤ខ្សែ នៅទូទាំងក្រុងព្រះសីហនុ រួមជាមួយនឹងធ្វើឲ្យប្រសើរឡើងនូវហេដ្ឋារចនាសម្ព័ន្ធផ្សេងៗដទៃទៀតនៅក្នុងខេត្ត ដើម្បីធ្វើការអភិវឌ្ឍក្រុងខេត្តព្រះសីហនុទាំងមូល ដូចជាផ្លូវថ្នល់ក្នុងមូលដ្ឋាន ដាក់ភ្លើងបំភ្លឺផ្លូវសាធារណៈ ភ្លើងស្តុប កាំម៉ារ៉ាសុវត្ថិភាព ផ្លូវថ្មើរជើង និងលំហរឆ្នេរសមុទ្រ បន្ទប់ទឹកសាធារណៈ ស្ថានីយប្រព្រឹត្តកម្មទឹកកខ្វក់ ដើម្បីអាចផ្តល់ឱកាសដល់ការវិនិយោគកាន់តែមានភាពងាយស្រួល និងទាក់ទាញទេសចរ។
ក្រៅពីនេះ រាជរដ្ឋាភិបាលបានជំរុញការវិនិយោគកំពង់ផែទឹកជ្រៅ ដោយសហការជាមួយរដ្ឋាភិបាលជប៉ុន ពង្រីកកំពង់ផែឱ្យមានសមត្ថភាពទទួលនាវាដែលមានជម្រៅទឹក ១៤,៥០ ម៉ែត្រ ដែលអនុញ្ញាតឲ្យនាវាដឹកទំនិញខ្នាតធំចូលចតបាន ដែលទាំងអស់នេះសុទ្ធតែជាការបង្កើនសក្ដានុពលវិនិយោគប្រកប់ដោយចីរភាពនៅក្នុងខេត្តព្រះសីហនុ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន
បទយកការណ៍, អាជីវកម្មថ្មី និងនវានុវត្ត
• 16/10/2024
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ
ព័ត៌មានទូទៅ
មើលទាំងអស់ ➧
កំពង់ផែស្វយ័តក្រុងព្រះសីហនុ រកចំណូលបានជិត ៥០លានដុល្លារ នៅត្រីមាសទី៤ ឆ្នាំ២០២៥
Top News, ព្រឹត្តិការណ៍, សេដ្ឋកិច្ច
• 18/02/2026
កំពង់ផែស្វយ័តក្រុងព្រះសីហនុ ក្នុងត្រីមាសទី៤ ឆ្នាំ២០២៥ កំពង់ផែស្វយ័តក្រុងព្រះសីហនុរកចំណូលបានសរុបប្រហែល ៤៧,៤៧ លានដុល្លារ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content