ព្រលានយន្តហោះអន្តរជាតិ​តេជោ ​​ចាយអស់ទឹកប្រាក់អស់ ​៩៦១​លាន​ដុល្លារ​អាមេរិកហើយ ​និងគ្រោ​ងបើក​ដំណើរការ​នៅពាក់​កណ្ដាលឆ្នាំក្រោយ

ភ្នំពេញ ៖ អាកាស​យានដ្ឋានអន្តរជាតិ​តេជោ ស្រុក​កណ្ដាល​ស្ទឹង​ ខេត្តកណ្ដាល​ គិតត្រឹម​ថ្ងៃទី២១ ខែកុម្ភៈ ឆ្នាំ២០២៤​កន្លងទៅនេះ បាន​ចំណាយទឹក​ប្រាក់អស់​ប្រមាណ៩៦១​លានដុល្លារអាមេរិក ឬសម្រេច​បាន​ប្រមា​ណ​៦​៦ភា​គ​រយ​ ។ នេះបើតាមការ​បញ្ជាក់ពីឯកឧត្តម ​ម៉ៅ ហាវណ្ណាល់​ រដ្ឋ​មន្ត្រីទទួល​បន្ទុក​រដ្ឋលេខាធិការដ្ឋាន​អាកា​សចរណ៍ស៊ីវិល​នៅព្រឹកថ្ងៃទី ១២ ខែមីនា ២០២៤ ។​

ឯកឧត្តម​ ម៉ៅ ហាវណ្ណាល់​ បានមានប្រសាសន៍ថា​ គិតត្រឹម​បច្ចុប្បន្ន​នេះ វឌ្ឍនភាពនៃ​គម្រោ​ងសាងសង់​អាកាស​យានដ្ឋាន​អន្តរ​ជាតិ​តេជោ​លំដាប់​4F ដំណាក់​កាលទី​១​ សម្រេច​បានដូចជា អគារ​ស្ថានីយ៍​អ្នកដំណើរ​​សម្រេច​​​៥៦,៨ភាគរយ ដោយ​គ្រោង​នឹង​បញ្ចប់​នៅ​ខែធ្នូឆ្នាំ ២០២៤ និង​ហេដ្ឋារចនាសម្ព័ន្ធ ហោះហើរ​សម្រេចបាន​ ៦៤,៤ភាគរយ​ គ្រោង​នឹង​បញ្ចប់​នៅ​ខែ​កក្កដា ឆ្នាំ ២០២៤ អគារ​​បញ្ជាចរាចរណ៍​ដែន​អាកាស​សម្រេច​១០០ភាគរយ ​មជ្ឈម​ណ្ឌល​​ផ្គត់ផ្គង់ថាមពល​សម្រេច​បាន​៧៦​,៨​ភាគរយ​ ហើយគ្រោងនឹង​បញ្ចប់​នៅខែមេសា ឆ្នាំ ២០២៤ ។

ឯកឧត្តម​បន្តថា សម្រាប់ការភ្ជាប់​ទឹកពីប្រភពដើមចូលមក​អាកាស​យានដ្ឋានអន្តរជាតិតេជោ គិត​មក​ដល់​ពេល​នេះ សម្រេច​បាន៨៥​ភាគរយ គ្រោង​នឹង​បញ្ចប់​នៅអំឡូ​ងខែមេសា​ឆ្នាំ២០២៤​នេះ ដោយ​ឡែក​សម្រាប់​សំណង់​អគារ​ទ្រទ្រង់​ប្រតិបត្តិការ ក៏សម្រេច​បាន​ប្រមាណ៦០ភាគរយ​ និងគ្រោងបញ្ចប់​នៅខែមិថុនា ឆ្នាំ ២០២៤ ។​

ឯកឧត្តម​បន្ថែមថា ៖

«ផ្អែក​តាមផែនការ​ និងទំហំការងារ​ដែល​សម្រេច​បាន​នេះ អាកាស​យានដ្ឋាន​អន្តរជាតិតេជោ​លំដាប់ 4F ដំណាក់​កាលទី​១ គ្រោង​នឹង​បើក​ឱ្យដំណើរការ​នៅឆមាស​ទី​១​ឆ្នាំ ២០២៥ខាងមុខនេះ ។ ដូច្នេះ​ដើម្បី​ឈាន​ទៅ​សម្រេច​ឱ្យបាន​ទៅផែនការ​ រដ្ឋលេខាធិការ​ដ្ឋានអាកាស​ចរណ៍ស៊ីវិល នៅថ្ងៃទី ១៨ខែធ្នូ ឆ្នាំ​២០២៣ បានបង្កើត​គណៈកម្មាធិការ​បច្ចេកទេស​មួយជាសេនាធិការ​ដើម្បីដឹកនាំ គ្រប់គ្រង​​និង​សម្រប​សម្រួល​ដោះ​ស្រាយ កា​ររៀបប្រតិបត្តិការ​អាកាស​យានដ្ឋានអន្តរជាតិតេជោ​លំដាប់​ 4F ដំណាក់​កាលទី​១ ដែល​​បច្ចុ​ប្បន្ន​​គណៈកម្មាធិការនេះ កំពុង​បំពេញការងាររបស់ខ្លួន​និង​បាន​សហការ​យ៉ាង​ជិតស្និទ្ធ​ជាមួយ​ក្រុម​ហ៊ុន​​អភិវឌ្ឍន៍​ព្រលានយន្តហោះ​មួយនេះ» ។

ថ្លែង​នៅក្នុង​ពេលចុះត្រួតពិនិត្យ​វឌ្ឍនភាពនៃគម្រោងសាងសង់​អាកាស​យានដ្ឋាន​អន្តរជាតិ​តេជោ​នៅ​ព្រឹក​ថ្ងៃទី​១២ ខែមីនា ឆ្នាំ២០២៤ សម្ដេច​មហា​បវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា​​បាន​មានប្រសាសន៍ថា​ នៅពេល​ព្រលានយន្តហោះអន្តរជាតិតេជោ​សាងសង់​រួចរាល់​ និងដាក់ដំណើរការ ​នឹង​អនុញ្ញាតឱ្យយន្តហោះ​ប្រភេទធំៗ​ចុះចតបាន ដូចជា​យន្តហោះមកពី​ប្រទេស​ឆ្ងាយៗ រួមមាន​អូស្ត្រាលី អឺរ៉ុប ​និង​ប្រទេស​ជាច្រើន​ទៀត​ចូលមក ។

សម្ដេចធិបតី​បានមានប្រសាសន៍ថា នៅពេលនោះដែរ កម្ពុជា​ក៏អាច​ទទួល​បានភ្ញៀវទេសចរ ក៏ដូចជា​អ្នក​ដំណើរ​ដែល​ធ្វើ​ដំណើរ​តាមផ្លូវ​អាកាស​ឆ្លងកាត់​ព្រលានយន្តហោះអន្តរជាតិ​របស់​កម្ពុជា​កាន់តែ​ច្រើន​ ដែល​អាច​កើនឡើង​ដល់​រាប់សិបលាន​នាក់ នៅពេលខាងមុខ ។

សម្ដេច​បញ្ជាក់ថា ព្រលានយន្តហោះ អន្តរជាតិតេជោ​នេះគឺ​សាងសង់ឡើង​ដោយ​គុណភាព​ ទំនើប និង​បច្ចេក​វិទ្យា​ខ្ពស់ ពីព្រោះយើងមាន​ការ​ចូល​រួមពី​ក្រុមហ៊ុន​ជំនាញៗ​ទាំង​ការគូសប្លង់​ និង​ការ​សាងសង់ ៕



របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

សាកល្បងជោគជ័យភ្លាម សហគមន៍កសិកម្មទំនើបស្រុកព្រះស្តេច ត្រៀមបង្កើនទុនដាំត្រសក់ផ្អែម ២៥ ០០០ដុល្លារ ភ្លែត!

ព្រឹត្តិការណ៍, សេដ្ឋកិច្ច

• 20/11/2026

ព្រៃវែង ៖ សហគមន៍កសិកម្មទំនើបស្រុកព្រះស្តេច ខេត្តព្រៃវែង គ្រោងពង្រីកផ្ទៃដីដាំត្រសក់ផ្អែម ២ប្រភេទដែលមានតម្រូវការខ្ពស់នៅលើទីផ្សារ ទៅដល់ ៤៥ ០០០ម៉ែត្រការ៉េ ឬស្មើនឹង ៥០ ខ្នងផ្ទះសំណាញ់ បន្ទាប់ពីជោគជ័យលើការប្រមូលផលសាកល្បងលើកដំបូងបានជិត ២តោន។ កញ្ញា ហួន ស៊ីអឺ ប្រធានសហគមន៍កសិកម្មទំនើប ស្រុកព្រះស្តេច បានប្រាប់បណ្តាញសារព័ត៌មាន

កម្មវិធីថ្មី គាំទ្រដោយសហភាពអឺរ៉ុប កំណត់គោលដៅធ្វើសវនកម្មថាមពលបៃតងចំនួន ២១០ លើក នៅតាមរោងចក្រកម្ពុជា

ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត

• 20/11/2026

ភ្នំពេញ ៖ រោងចក្រកាត់ដេរសម្លៀកបំពាក់ និងស្បែកជើងនៅកម្ពុជា នឹងទទួលបានការធ្វើសវនកម្មថាមពលចំនួន ២១០ លើក លើការគាំទ្រផ្នែកថាមពលកកើតឡើងវិញ និងការលើកកម្ពស់សុវត្ថិភាពនៅកន្លែងការងារ ក្រោម «ភាពជាដៃគូកម្ពុជា-សហភាពអឺរ៉ុប សម្រាប់ការអនុវត្តថាមពលប្រកបដោយចីរភាពក្នុងវិស័យឧស្សាហកម្ម» ដែលត្រូវបានប្រកាសដាក់ឱ្យដំណើរការជាផ្លូវការនៅរាជធានីភ្នំពេញ កាលពីថ្ងៃទី១៩ ខែវិច្ឆិកា ឆ្នាំ២០២៦។ វិស័យកាត់ដេរសម្លៀកបំពាក់ ស្បែកជើង និងផលិតផលធ្វើដំណើរ (GFT)

រាជរដ្ឋាភិបាល ជំរុញឱ្យ​មានការវិនិយោគ​គម្រោងអភិវឌ្ឍរមណីយដ្ឋានទេសចរណ៍នៅលើកោះក្នុងខេត្ត​ព្រះសីហនុ

ព្រឹត្តិការណ៍, សេដ្ឋកិច្ច

• 20/11/2026

រដ្ឋាភិបាល​បានលើកទឹកចិត្ត​និង​ជំរុញ​ឱ្យមានការ​វិនិយោគតាមបណ្ដាកោះ​នានា​ក្នុងខេត្ត​ព្រះសីហនុ ជាពិសេស​វិស័យទេសចរណ៍

អតិផរណាស្នូលរបស់ជប៉ុនកើនឡើងលើសគោលដៅ ២ % ខណៈអ្នកជំនាញរំពឹងថា អត្រាការប្រាក់អាចនឹងដំឡើងខ្ពស់នៅក្នុងខែធ្នូ

ព្រឹត្តិការណ៍, សេដ្ឋកិច្ច

• 20/11/2026

អតិផរណាស្នូលប្រចាំឆ្នាំរបស់ជប៉ុនបន្តកើនឡើងលើសពីគោលដៅ ២ ភាគរយរបស់ធនាគារកណ្តាលពីរខែជាប់ៗគ្នា ដែលជំរុញឱ្យមានការរំពឹងទុកកាន់តែខ្ពស់អំពីការដំឡើងអត្រាការប្រាក់ក្នុងពេលឆាប់ៗខាងមុខ

១៨ខែ ខេត្ត​​ភាគឦសានទទួលបានគម្រោង​វិនិយោគចំនួន ៧៦គម្រោង​ បង្កើតឱកាស​ការងារ​បានជាង​ ៨,៣ម៉ឺនកន្លែង​

ព្រឹត្តិការណ៍, សេដ្ឋកិច្ច

• 20/11/2026

ក្នុងរយៈពេលត្រឹមតែ១៨ខែ ឬ១ឆ្នាំកន្លះ តំបន់ភូមិភាគឦសាន​បានទទួល​គម្រោង​វិនិយោគ៧៦គម្រោង​ជាមួយនឹងទុនវិនិយោគ ២,៦៥ពាន់​លានដុល្លារអាម៉េរិក​បង្កើតការងារបានជា​ង៨ម៉ឺននាក់​

ក្រោយកិច្ចប្រជុំកំពូលអាស៊ាន លោក ដូណាល់ ត្រាំ ប្រមូលកិច្ចព្រមព្រៀង និងគម្រោងវិនិយោគជាង ១៧ ពាន់លានដុល្លារនៅអាស៊ីអាគ្នេយ៍

ព្រឹត្តិការណ៍, សេដ្ឋកិច្ច

• 20/11/2026

បរទេស៖ ប្រធានាធិបតីអាម៉េរិកលោក ដូណាល់ ត្រាំ បានប្រកាសពីកិច្ចព្រមព្រៀងពាណិជ្ជកម្ម និងការវិនិយោគជាយុទ្ធសាស្ត្រដែលមានទំហំទឹកប្រាក់សរុបជាង ១៧ ពាន់លានដុល្លារសម្រាប់ក្រុមហ៊ុនអាម៉េរិកនៅក្នុងតំបន់អាស៊ីអាគ្នេយ៍ បន្ទាប់ពីបញ្ចប់ដំណើរទស្សនកិច្ចនៅប្រទេសហ្វីលីពីន នេះបើយោងតាមសេចក្ដីរាយការណ៍ពី CNA។ សេតវិមានបានបញ្ជាក់នៅក្នុងសេចក្តីថ្លែងការណ៍មួយថា កិច្ចព្រមព្រៀងទាំងនោះរួមមាន ការសម្រេចជាស្ថាពររបស់ក្រុមហ៊ុន Boeing និង GE Aerospace ក្នុងការលក់យន្តហោះប្រភេទ Boeing

អ្នកជំនាញអាមេរិក កោតសរសើរសន្ទុះនៃភាពរីកចម្រើនផ្នែក Fintech និងបរិយាកាសវិនិយោគនៅកម្ពុជា

ជំនួញ, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត

• 20/11/2026

ភ្នំពេញ ៖ ក្រោយពេលបានមកទស្សនាប្រទេសកម្ពុជាចំនួន ៨ ដង ចាប់តាំងពីឆ្នាំ២០១២ លោក Mitch Pettit ភ្ញៀវទេសចរក៏ដូចជាអ្នកជំនួញជនជាតិអាមេរិក បានកោតសរសើរចំពោះភាពរីកចម្រើនឥតឈប់ឈររបស់កម្ពុជា ដោយសង្កត់ធ្ងន់ថា ក្រុមហ៊ុនបច្ចេកវិទ្យាហិរញ្ញវត្ថុថ្មីៗ (Fintech startups) សហគ្រិន ត្រួសត្រាយផ្លូវ និងការអភិវឌ្ឍហេដ្ឋារចនាសម្ព័ន្ធយ៉ាងឆាប់រហ័ស បានលេចចេញជារូបរាងឡើងជារៀងរាល់ឆ្នាំ។ ថ្លែងប្រាប់សារព័ត៌មាន

ក្រសួង​កសិកម្ម​​ និង​ FAO ​ផ្តល់​គ្រឿងយន្ត​ ​៣​១​គ្រឿង​ ​ជំរុញ​ផលិតកម្ម​ស្រូវ​សរីរាង្គ​នៅ​ព្រះវិហារ​

ព្រឹត្តិការណ៍, សេដ្ឋកិច្ច

• 20/11/2026

ក្រសួង​កសិកម្ម​ ​រុក្ខា​ប្រមាញ់​ និង​នេសាទ​ ​សហការ​ជាមួយ​អង្គការ​ស្បៀង ​និង​កសិកម្ម​នៃ​សហ​ប្រជា​ជាតិ​ ​(​FA​O​)​ ​តាមរយៈ​គម្រោង​គជ់ ​បាន​ផ្តល់​គ្រឿងយន្ត​កសិកម្ម​ចំនួន​ ៣១​គ្រឿង​ ដល់​សហគមន៍​កសិកម្ម​ក្នុង​ខេត្ត​ព្រះវិហារ ​ដើម្បី​ជំរុញ​ផលិតកម្ម​ស្រូវ​សរីរាង្គ ​បង្កើន​ផលិតភាព​ ​និង​កាត់បន្ថយ​ថ្លៃ​ដើម​ផលិតកម្ម​

ទូតអាមេរិកថ្មី បន្តពូនជ្រំ និងជំរុញកិច្ចសហប្រតិបត្តិការទ្វេភាគី ខណៈពាណិជ្ជកម្មកម្ពុជា-អាមេ​រិក ១០ខែ ឆ្នាំ២០២៦ ហក់ឡើងដល់ជិត ១៤ពាន់លានដុល្លារ

ព្រឹត្តិការណ៍, សេដ្ឋកិច្ច

• 19/11/2026

ភ្នំពេញ៖ ឯកអគ្គរដ្ឋទូតសហរដ្ឋអាមេរិកថ្មីប្រចាំកម្ពុជា ឯកឧត្តម Christopher Anderson បានបង្ហាញពីការប្តេជ្ញាបន្តពូនជ្រុំទំនាក់ទំនង និងជំរុញកិច្ចសហប្រតិបត្តិការសេដ្ឋកិច្ច ពាណិជ្ជកម្ម និងវិនិយោគទ្វេភាគីឱ្យកាន់តែរឹងមាំ ខណៈដែលពាណិជ្ជកម្មរវាងប្រទេសទាំងពីរក្នុងរយៈពេល ១០ខែ ឆ្នាំ២០២៦ សម្រេចបានទំហំទឹកប្រាក់រហូតដល់ ១៣,៨២ពាន់លានដុល្លារ ដែលជាសញ្ញាវិជ្ជមានគួរជាទីមោទន។ ក្នុងឱកាសទទួលបានការអនុញ្ញាតចូលជួបសម្តែងការគួរសមជាមួយសម្តេចធិបតី ហ៊ុន ម៉ាណែត នាព្រឹកថ្ងៃទី១៨ ខែវិច្ឆិកា

ទំហំពាណិជ្ជកម្មកម្ពុជា-អូស្ត្រាលី ហក់ឡើងជាង ៣.៥ពាន់លានដុល្លារនៅក្នុងរយៈពេលប៉ុន្មានឆ្នាំចុងក្រោយ

Top News, ព្រឹត្តិការណ៍, សេដ្ឋកិច្ច

• 19/11/2026

ភ្នំពេញ ៖ ពាណិជ្ជកម្មរវាងប្រទេសកម្ពុជា -អូស្ត្រាលី នាពេលបច្ចុប្បន្នបានកើនឡើងប្រមាណ ៣ដង គិតត្រឹមរយៈពេល ៥ ឆ្នាំចុងក្រោយនេះ ដែលកាន់តែបង្កើតឱកាសការងារជាច្រើនសម្រាប់ពលរដ្ឋក្នុងស្រុក ក៏ដូចជាអាជីវកម្មរបស់អូស្ត្រាលីផងដែរ។  យោងតាមរបាយការណ៍របស់ក្រសួងពាណិជ្ជកម្មបានបង្ហាញថា បច្ចុប្បន្ន ទំហំពាណិជ្ជកម្មសរុបរវាងកម្ពុជា និងអូស្ត្រាលី បានកើនឡើងលើសពី ៣ ០០០លានដុល្លារ គិតចាប់ពីឆ្នាំ២០២០ រហូតដល់ដំណាច់ខែតុលា