សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ ឯកសារបឋមនៃក្របខ័ណ្ឌយុទ្ធសាស្ត្រគោលនយោបាយដីធ្លីរបស់រាជរដ្ឋាភិបាលចុះ កាលបរិច្ឆេទថ្ងៃទី០៦ ខែកញ្ញា ឆ្នាំ២០០២ ក្នុងកថាខណ្ឌ៦-៣-៨ បានចែងថា ការវាយតម្លៃដី គឺជាការចាំបាច់សម្រាប់ការទិញនិង/ឬការលក់ជាសាធារណៈនូវដី និងអចលនវត្ថុសម្រាប់ការ ដកហូតនិងការទូទាត់សំណង សម្រាប់ការយកពន្ធដី និងទ្រព្យ និងសម្រាប់បំពេញមុខងារ របស់ទីផ្សារដឹងកជន។
ការវាយតម្លៃដីនិងទ្រព្យបានត្រឹមត្រូវគឺជាជំនាញអាជីពមួយដែលតម្រូវឲ្យមានការបណ្តុះបណ្តាល មានការអនុវត្តទូលំទូលាយ និងមានព័ត៌មានសំខាន់ជាច្រើនស្តីអំពីតម្លៃ ប្រាក់ចំណូល ព្រមទាំងលក្ខខណ្ឌនានានៃទីផ្សារដែលបានបញ្ចូលទៅក្នុងក្បាលដីនិងទ្រព្យ ជាក់ស្តែង។ នៅខែកក្កដា ឆ្នាំ២០០៩ សេចក្ដីថ្លែងការណ៍របស់រាជរដ្ឋាភិបាលស្តីពីគោលនយោបាយដីធ្លី បានចែងតម្រូវឲ្យ «រៀបចំប្រព័ន្ធវាយតម្លៃថ្លៃដីដែលមានលក្ខណ:ចូលរួម តម្លាភាព និងការទទួលស្គាល់ជាផ្លូវការ»។
ច្បាប់និងបទដ្ឋានគតិយុត្តជាច្រើនទៀត ដូចជាក្រមនីតិវិធីរដ្ឋប្បវេណី ក្រមរដ្ឋប្បវេណី ច្បាប់គ្រប់គ្រងហិរញ្ញវត្ថុ ច្បាប់ស្ដីពីអស្សាមិករណ៍ជាដើម បង្ហាញនូវទំនាក់ទំនងនិងភាពចាំបាច់ ក្នុងការរៀបចំយន្តការសម្រាប់វាយតម្លៃថ្លៃអចលនទ្រព្យមួយជាផ្លូវការនិងមានតម្លាភាព ដើម្បីអាចអនុវត្តច្បាប់និងលិខិតបទដ្ឋានទាំងនោះប្រកបដោយប្រសិទ្ធភាពនិងយុត្តិធម៌។
ការវាយតម្លៃថ្លៃអចលនទ្រព្យសំដៅលើការវាយតម្លៃទាំងថ្លៃដី ទាំងថ្លៃសំណង់ផ្សេងៗ នៅជាប់នឹងដី។
ភាពមិនច្បាស់លាស់លើការវាយតម្លៃថ្លៃអចលនទ្រព្យនិងការប្រែប្រួលថ្លៃដី គួបផ្សំនឹងជំនាញបច្ចេកទេសមិនទាន់ស៊ីជម្រៅនិងកង្វះខាតឯកសារលម្អិតជាមូលដ្ឋាន ធ្វើឲ្យប្រតិបត្តិការវាយតម្លៃថ្លៃអចលនទ្រព្យនៅមិនទាន់សុក្រឹតនៅឡើយ។ ប្រការនេះបានបណ្ដាលឲ្យមានផលវិបាក ឬជះឥទ្ធិពលមិនល្អដល់ការចុះបញ្ជីដីធ្លីលើកដំបូងនិងការចុះបញ្ជីបន្ត ការប្រមូលពន្ធលើអចលនទ្រព្យការអនុវត្តសេចក្តីសម្រេចរបស់តុលាការ ការវិនិយោគ និងការផ្តល់ឥណទាន លើអចលនទ្រព្យដែលជាទូទៅអាចខ្ពស់ជាងឬទាបជាងតម្លៃទីផ្សារ។ល។ ជារួម គោលនយោបាយវាយតម្លៃថ្លៃអចលនទ្រព្យមានសារ:សំខាន់ណាស់ក្នុងការផ្តល់ទិសដៅការងារដែលត្រូវអនុវត្ត ដើម្បីឈានទៅបង្កើតបានជាប្រព័ន្ធវាយតម្លៃថ្លៃអចលនទ្រព្យ មួយមានវិសាលភាពទូលំទូលាយ សម្រាប់បម្រើសេចក្ដីត្រូវការរបស់វិស័យសាធារណៈ និងវិស័យឯកជន និងធានានូវទីផ្សារដីធ្លីមួយមានប្រសិទ្ធភាពនិងតម្លាភាព។ ដូច្នេះ ការរៀបចំឲ្យមានប្រព័ន្ធវាយតម្លៃថ្លៃអចលនទ្រព្យ គឺជាការឆ្លើយតបទៅនឹងរបត់នយោបាយ សង្គម និងសេដ្ឋកិច្ចរបស់ប្រទេសជាតិដែលកាន់តែរីកចម្រើនពីមួយថ្ងៃទៅមួយថ្ងៃ និងរួមចំណែកដល់ការអភិវឌ្ឍសេដ្ឋកិច្ច សង្គម ក្នុងបរិបទនៃសេដ្ឋកិច្ចទីផ្សារ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
រយៈពេល ៣ឆ្នាំ កម្ពុជាទទួលបានគម្រោងវិនិយោគសរុបចំនួនជាង ១៤៩០គម្រោង ក្នុងទំហំទុនវិនិយោគជិត ២៦ពាន់លានដុល្លារ
Top News, ព្រឹត្តិការណ៍, សេដ្ឋកិច្ច
• 21/08/2026
ចាប់តាំងពីការកកើតរាជរដ្ឋាភិបាលក្នុងអាណត្តិទី៧ រហូតដល់ដំណាច់ខែកក្កដា ឆ្នាំ២០២៦ ក្រុមប្រឹក្សាអភិវឌ្ឍន៍កម្ពុជាទទួលបានគម្រោងវិនិយោគចុះបញ្ជីសរុបចំនួន ១ ៤៩៣គម្រោង ជាមួយនឹងដើមទុនសរុបចំនួនជិត ២៦ពាន់លានដុល្លារអាម៉េរិក
៣ឆ្នាំ នៃអាណត្តិសម្ដេចធិបតី យុវជនក្រក្រី និងប្រជាពលរដ្ឋជិត ៥០ម៉ឺននាក់ មានជំនាញជាក់លាក់ ជាគន្លឹះទទួលបានការងារសមរម្យ
Top News, ព្រឹត្តិការណ៍, សេដ្ឋកិច្ច
• 21/08/2026
រយៈពេល ៣ឆ្នាំ នៃអាណត្តិសម្ដេចធិបតី យុវជនក្រក្រី និងប្រជាពលរដ្ឋជិត ៥០ម៉ឺននាក់ មានជំនាញជាក់លាក់ ជាគន្លឹះទទួលបានការងារសមរម្យ បង្កើនប្រាក់ចំណូល
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
របាយការណ៍ CDRI៖ កម្ពុជាត្រូវពន្លឿនការពង្រឹងសន្តិសុខថាមពល ខណៈទីផ្សារថាមពលសកលរងការរំខាន
សន្និសីទធនាគារនៅកម្ពុជាលើកទី៥៖ “ការដាក់ចេញអាទិភាពសម្រាប់ស្ថិរភាពហិរញ្ញវត្ថុ បង្កើនជំនឿទុកចិត្ត និងកំណើនដោយចីរភាព”
Account
Security
Favourite Content