សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ប្រធានក្រុមប្រឹក្សាភិបាលសមាគមអ្នកជំនាញអចលនទ្រព្យកម្ពុជា (CREA) បានលើកទឹកចិត្ត និងជំរុញដល់បណ្តាអ្នកអភិវឌ្ឍន៍ដីឡូត៍គម្បីបំបែកទំហំដីឡូត៍ឲ្យបានធំជាង ៥ x ២០ ម៉ែត្រ ដើម្បីអាចបង្កភាពងាយស្រួលដល់អតិថិជននៅពេលសាងសង់លំនៅដ្ឋានសម្រាប់រស់នៅប្រកបដោយផាសុកភាព និងធានាដល់ការអភិវឌ្ឍន៍ហេដ្ឋារចនាសម្ព័ន្ធក្នុងរយៈពេលយូរ។
លោកឧកញ៉ា ឃាង ពុទ្ធី ប្រធានក្រុមប្រឹក្សាភិបាលសមាគមអ្នកជំនាញអចលនទ្រព្យកម្ពុជា (CREA) បានមានប្រសាសន៍ប្រាប់ AMS ថា ហេដ្ឋារចនាសម្ព័ន្ធនៅក្នុងតំបន់មួយអាចមានភាពល្អប្រសើរបាន ក្រៅពីរាជរដ្ឋាភិបាល ក៏ត្រូវមានការចូលរួមពីសំណាក់អ្នកអភិវឌ្ឍន៍វិស័យឯកជនផងដែរ រាប់ចាប់តាំងពីអ្នកអភិវឌ្ឍន៍គម្រោងដីឡូតិ៍ឡើងទៅ។
លោកឧកញ៉ា ឃាង ពុទ្ធី បានមានប្រសាសន៍បន្តថា ៖
“ជាទូទៅការពុះដីឡូតិ៍ច្រើនតែមានទំហំត្រឹម ៥ x ២០ ដោយហេតុថា ដីឡូតិ៍ដែលមានទំហំតូច មានតម្លៃថោក ងាយស្រួលលក់ ងាយទទួលបានចំណេញ ហើយយកទុនទៅទិញទីតាំងថ្មីដើម្បីអនុវត្តគម្រោងបន្ត។ ការធ្វើបែបនេះ វាងាយទទួលបានផលចំណេញចំណេញសម្រាប់អ្នកអភិវឌ្ឍន៍ ប៉ុន្តែវាអាចនឹងជះឥទ្ធិពលអវិជ្ជមានសម្រាប់អតិថិជនដែលបានទិញយកទៅសាងសង់ជាលំនៅដ្ឋានសម្រាប់ស្នាក់នៅឲ្យបានសមរម្យ“
លោកឧកញ៉ាបន្តថា ៖
“ក្បាលដីត្រឹម៥ម៉ែត្រ នៅពេលសាងសង់ផ្ទះប្រាកដណាស់ ទទឹងផ្ទះស្ទើរមិនដល់៤ម៉ែត្រផង ព្រោះត្រូវចោលដីធ្វើរបងសងខាង ត្រូវចោលដីពីជញ្ជាំងរបង ដើម្បីសង់ជញ្ជាំងផ្ទះដែលធ្វើឲ្យទំហំទទឹងផ្ទះកាន់តែតូច ហើយរឹតមិនអាចមានសល់ដីសម្រាប់ដាំដើមរុក្ខជាតិបៃតង ឬសូម្បីតែ ជី ខ្ទឹម ស្លឹកគ្រៃ សម្រាប់តម្រូវការដាំស្លប្រចាំថ្ងៃក៏មិនមាន ណាមួយនៅពេលដែលផ្ទះមានទំហំតូចចង្អៀត មិនមានទីធ្លាជុំវិញផ្ទះ ច្បាស់ណាស់ថា វានឹងហប់គ្មានខ្យល់ចេញចូលជាមិនខាន។ ប៉ុន្តែបើបានក្បាលដីធំត្រឹម៨ម៉ែត្រឡើងទៅ នោះការរស់នៅអាចនឹងមានភាពល្អប្រសើរ”
ជាមួយនឹងការលើកឡើងខាងលើនេះ ប្រធានក្រុមប្រឹក្សាភិបាលសមាគមអ្នកជំនាញអចលនទ្រព្យកម្ពុជា លោកឧកញ៉ា ឃាង ពុទ្ធី បានលើកឡើងផងដែរថា ការបំបែកក្បាលដីឡូតិ៍ទំហំធំ និងប្រវែងបណ្តោយវែងជាង២០ម៉ែត្រ គឺត្រូវលក់ក្នុងតម្លៃមួយខ្ពស់ ប៉ុន្តែគេជឿថាក៏នៅតែអាចលក់បាន ដោយសារតែអតិថិជនក៏យល់ពីតម្លៃដីនៅលើទីផ្សារ ហើយប្រសិនបើគេមិនយល់ ឬមិនដឹងពីតម្លៃដីលើទីផ្សារក៏គេមិនទិញនោះដែរ ទោះជាដីទំហំតូច ឬថោកក៏ដោយ។
ស្រដៀងទៅនឹងការលើកឡើងរបស់អ្នកជំនាញផ្នែកអចលនទ្រព្យខាងលើនេះ បច្ចុប្បន្ននេះគេសង្កេតឃើញថា បណ្តាអ្នកអភិវឌ្ឍន៍ដីឡូតិ៍មួយចំនួនតូចចាប់ផ្តើមងាយទៅរកការបំបែកក្បាលដីដែលមានទំហំ ១០ x ៣០ ម៉ែត្រ ដែលអាចអនុគ្រោះដល់ការសាងសង់ជាប្រភេទលំនៅដ្ឋានបែបលំហែរ វីឡាតឿ ឬលំនៅដ្ឋានដែលមានដាំដំណាំជាលក្ខណៈគ្រួសារបាន ប៉ុន្តែគម្រោងប្រភេទច្រើនមាននៅតាមបណ្តាខេត្តមួយចំនួនដូចជា ខេត្តកំពង់ស្ពឺ កំពង់ឆ្នាំង តាកែវ កណ្តាល កំពត និងនៅជាយក្រុងភ្នំពេញ ប៉ុន្តែចំពោះតម្លៃគឺមានភាពខុសគ្នាអាស្រ័យតាមតំបន់ និងតម្រូវការទីផ្សារជាក់ស្ដែង៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
CMG អញ្ជើញអ្នកសារព័ត៌មានកម្ពុជា និងអាស៊ានទៅស្វែងយល់ពីសក្តានុពលខេត្តហៃណាន
• 19/10/2026
បុគ្គល ៤ អាចជំនួសតំណែងលោក Zelensky ក្រោយលោក Trump ជំរុញការផ្លាស់ប្តូរនយោបាយអ៊ុយក្រែន
បទយកការណ៍, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 13/10/2026
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
សិប្បកម្មកែច្នៃដូង ១៥ មូលដ្ឋាន ប្រើទុនជិត ៤៦ម៉ឺនដុល្លារ កំពុងដំណើរការ និងផ្គត់ផ្គង់ទីផ្សារក្នុងស្រុក
ក្រោយសម្រេចកំណត់ត្រា ១លានតោន កម្ពុជាកំណត់គោលដៅនៃការនាំចេញអង្ករកើនឡើងពី ៥% ទៅ១០%រៀងរាល់ឆ្នាំ
Top News, ព្រឹត្តិការណ៍, សេដ្ឋកិច្ច
• 21/10/2026
ភ្នំពេញ ៖ ការនាំចេញអង្ករលើសពី ១លានតោនក្នុងឆ្នាំ២០២៦ បានផ្តល់ទំនុកចិត្តយ៉ាងខ្លាំងដល់កសិករខ្មែរ ខណៈទីផ្សារអឺរ៉ុប និងចិន បន្តឈរជាអ្នកបញ្ជាទិញធំជាងគេសម្រាប់កសិផលកម្ពុជា។ ប្រទេសកម្ពុជាបានបង្កើតកំណត់ត្រាប្រវត្តិសាស្ត្រថ្មីមួយនៅក្នុងវិស័យពាណិជ្ជកម្មកសិកម្ម ដោយបាននាំចេញអង្ករសរុបកើនឡើងរហូតដល់ ១,០១៤,៤៤២ តោន គិតចាប់ពីថ្ងៃទី១ ខែមករា ដល់ថ្ងៃទី១៩ ខែតុលា ឆ្នាំ២០២៦ នេះបើយោងតាមទិន្នន័យផ្លូវការរបស់ក្រសួងកសិកម្ម រុក្ខាប្រមាញ់ និងនេសាទ។
ទំនិញថៃ មកកម្ពុជា បន្ដធ្លាក់ចុះខ្លាំង បង្ហាញពីរលកពហិការនៅខ្លាំងក្លា ដែលជាឱកាសមាសសម្រាប់សហគ្រាសក្នុងស្រុកពង្រឹងគុណភាព ពង្រីកទីផ្សារ
បទសម្ភាសន៍ និងបទយកការណ៍, ព្រឹត្តិការណ៍, សេដ្ឋកិច្ច
• 20/10/2026
ភ្នំពេញ៖ តួលេខនៃទំហំពាណិជ្ជកម្ម ក៏ដូចជាការនាំចូលទំនិញពីប្រទេសថៃមកកាន់ទឹកដីកម្ពុជាក្នុងរយៈពេល ៩ខែ ឆ្នាំ២០២៦ កន្លងទៅនេះ បានធ្លាក់ចុះជិត ៣៣.៩% បើធៀបនឹងរយៈពេលដូចគ្នាកាលពីឆ្នាំ២០២៥ ពោលបើគិតជាទឹកប្រាក់ គឺធ្លាក់ចុះពី ២ ៣៣៣លានដុល្លារអាមេរិក មកនៅត្រឹម ១ ៥៤២លានដុល្លារ។ ចំណែកឯការនាំចេញទំនិញរបស់កម្ពុជារយៈពេល ៩ខែដូចគ្នា ទៅប្រទេសថៃវិញ ក៏បានធ្លាក់ចុះ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content