របរឡើងត្នោត នឿយហត់បន្តិច តែអាចរកចំណូលចិញ្ចឹមគ្រួសារបានគ្រប់គ្រាន់ 

ដើមត្នោត គឺជាអត្តសញ្ញាណជាតិនៃកម្ពុជា ត្បិតវាបានផ្តល់នូវអត្ថប្រយោជន៍យ៉ាងលើសលប់រាប់ចាប់តាំងពីដើម ស្លឹក ធាង ផ្កា ផ្លែ ទាំងខ្ចី ទាំងទុំ ដែលអាចយកទៅច្នៃធ្វើជាអាហារ នំ បង្អែម ព្រមទាំងជាឱសថបែបបុរាណផងដែរ។ ជាក់ស្ដែង កសិករមួយរូបបានចាប់យកមុខរបរជាអ្នកឡើងដើមត្នោតគាបផ្កាត្រងយកទឹកមកកូររម្ងាស់ធ្វើជាស្ករត្នោតយ៉ាងឈ្ងុយឆ្ងាញ់ និងបោះលក់នៅក្នុងទីផ្សារក្នុងតំបន់ ក៏ដូចជាក្នុងស្រុកផងដែរ ដែលអាចទទួលបានចំណូលគ្រាន់ទំនុកបម្រុង និងផ្គត់ផ្គង់ជីវភាពគ្រួសារបានសមរម្យ។

លោក ជា គុណ ជាអ្នកប្រកបមុខរបរឡើងដើមត្នោតម្នាក់រស់នៅភូមិពន្លឺព្រះផុស ឃុំកំពង់ក្ដី ស្រុកជីក្រែង ខេត្តសៀមរាប បានរៀបរាប់ប្រាប់ឱ្យដឹងថា ៖ មុខប្រកបរបរឡើងដើមត្នោតនេះលោកបានចាប់យកធ្វើជាអាជីពជាយូរណាស់មកហើយ ដោយសារតែគ្រួសាររបស់លោកមិនមានដីស្រែធ្វើដូចប្រជាជនទូទៅ ហើយដោយមើលឃើញថា នៅវាលស្រែសម្បូរដើមត្នោត លោកក៏ចាប់ជំនាញឡើងត្នោតគាបផ្កាយកទឹកត្នោតមកកូររម្ងាស់ធ្វើជាស្ករដែលអាចរកចំណូលបានគួរសម។

លោកបានបញ្ជាក់ថា ៖

“តាមធម្មតា រដូវដែលយើងឡើងត្នោតអាចគាបយកទឹកត្នោតបានល្អគឺចាប់ពីខែធ្នូ ដល់ខែមិថុនា ដែលនៅដើមដៃ និងចុងដៃអាចប្រមូលបានប្រមាណ ១០០លីត្រក្នុងមួយថ្ងៃ ចំណែកឯនៅពាក់កណ្ដាលរដូវអាចប្រមូលបានដល់ទៅ ៣០០លីត្រក៏មាន ព្រោះត្នោតមានច្រើនដើម (ជួលដើមត្នោតអ្នកភូមិ)។ សម្រាប់ទឹកត្នោតទាំងនេះ ខ្ញុំឡើងយកពេលព្រឹកម្ដង ល្ងាចម្ដង ហើយទឹកត្នោត ១០០លីត្រ អាចកូរស្ករបានប្រមាណ ១០គីឡូក្រាម។”

ចំពោះការឡើងត្នោតនេះ លោក ជា គុណ បានរៀបរាប់ទៀតថា ដើមត្នោតដែលលោកឡើងហើយគាបយកទឹកមកកូរស្ករនេះ លោកត្រូវឱ្យម្ចាស់ដីដែលមានដើមត្នោតវិញក្នុងមួយដើម ៣គីឡូក្រាមជាថ្នូរ ហើយក្រៅពីនេះលោកកូរស្ករលក់ឱ្យឈ្មួញដែលកម្ម៉ង់ទិញ និងអាជីវករធ្វើនំដែលផ្ដាំឱ្យលោកធ្វើទុកឱ្យផងដែរ។

ចំពោះតម្លៃស្ករវិញ អ្នកឡើងត្នោតរូបនេះបញ្ជាក់ដែរថា ៖

“យើងអាចលក់បានប្រមាណ ៥០០០រៀលក្នុងមួយគីឡូក្រាម ហើយតែងតែមានអតិថិជនមកបញ្ជាទិញជារឿយៗ ដោយសារតែគេដឹងថា យើងឡើងត្នោតខ្លួនឯង និងកូរស្ករខ្លួនឯងដែលជាស្ករសុទ្ធល្អ ជាស្ករធម្មជាតិផងដែរ។ ពាក់ព័ន្ធនឹងរឿងតម្លៃស្ករនេះដែរ នៅដើមរដូវស្ករត្នោតអាចមានតម្លៃខ្ពស់ជាងនេះ ដោយសារស្ករត្នោតមិនទាន់សម្បូរ លុះដល់ពាក់កណ្ដាលរដូវដែលអាចប្រមូលទឹកត្នោតបានច្រើន តម្លៃស្ករក៏អាចចុះតាមនោះដែរ។”

គួរបញ្ជាក់ដែរថា លោក ជា​ គុណ បានប្រកបរបរឡើងត្នោតនេះប្រមាណ៥ឆ្នាំមកហើយ ដែលបានជួបផលលំបាកភាគច្រើនទាក់ទងនឹងការឡើងត្រូវប្រើកម្លាំងខ្លាំង ដែលអាចចុកដៃ ចុកជើង ចុកចង្កេះ ជាដើម ពោលគឺត្រូវការលាបប្រេងរឹតដើម្បីសម្រួលសរសៃជាប្រចាំផងដែរ។ យ៉ាងណាក៏ដោយ អ្នកឡើងត្នោតរូបនេះ ក៏មានមតិដែរថា ទោះបីវាជាការងារនឿយហត់ព្រឹកល្ងាចយ៉ាងណា ក៏លោកនៅតែរីករាយ និងខិតខំប្រកបមុខរបរនេះដែរ ព្រោះអាចទទួលបានចំណូលគួរសម អាចផ្គត់ផ្គង់ជីវភាពគ្រួសារ និងចិញ្ចឹមកូនក្នុងបន្ទុកឱ្យរស់បានស្រួល ដោយមិនចាំបាច់ទៅប្រកបរបរឆ្ងាយ ឬចំណាក់ស្រុកនោះទេ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ

ព្រឹត្តិការណ៍, អត្ថបទពាណិជ្ជកម្ម

• 13/06/2024

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ

អាជីវកម្មកែច្នៃភេសជ្ជៈទឹកអំពិលទុំផ្គត់ផ្គង់ទីផ្សារក្នុងស្រុក កំពុងមានតម្រូវការខ្ពស់

ជំនួញ, ព្រឹត្តិការណ៍

• 13/06/2024

សហគ្រាសទឹកអំពិលទុំស្នាដៃអ្នកម្តាយ TAPT ជាសហគ្រាសដែលកំពុងផលិតភេសជ្ជៈទឹកអំពិលទុំមានរសជាតិឆ្ងាញ់ និងកំពុងមានតម្រូវការទីផ្សារខ្ពស់

គិតត្រឹមត្រីមាសទី១ ឆ្នាំ២០២៤ ស្ថានភាពបំណុលសាធារណៈរបស់កម្ពុជា ស្ថិតក្នុងភាពអាចគ្រប់គ្រងបាន

ព្រឹត្តិការណ៍, ហិរញ្ញវត្ថុ

• 13/06/2024

ស្ថានភាពបំណុលសាធារណៈរបស់កម្ពុជា គិតត្រឹមត្រីមាសទី១ ឆ្នាំ២០២៤ នេះ នៅតែត្រូវបានវាយតម្លៃថា ស្ថិតក្នុងភាពអាចគ្រប់គ្រងបាន ពោលគឺនៅតែមាន “ចីរភាព” និង “ហានិភ័យកម្រិតទាប” ដដែល

ការជួបជុំធុរជនជិត ៥ពាន់នាក់មកពី ៥០ប្រទេសនៅសៀមរាប ផ្តល់ចំណូលដល់វិស័យទេសចរណ៍ និងសេដ្ឋកិច្ចកម្ពុជា

ព្រឹត្តិការណ៍, សេដ្ឋកិច្ច

• 13/06/2024

ការជួបជុំធុរជនជិត ៥ ពាន់នាក់មកពី ៥០ប្រទេស ទីក្រុងសៀមរាប ខេត្តសៀមរាប ផ្តល់ចំណូលដល់វិស័យទេសចរណ៍ និង សេដ្ឋកិច្ចកម្ពុជា

សម្ដេចធិបតី ៖ យើងមិនអាចរស់ដោយពឹងគេរហូតទេ ត្រូវតែពង្រឹងខ្លួនឯងឱ្យដើរចេញពីប្រទេសអភិវឌ្ឍន៍តិច

ព្រឹត្តិការណ៍, សេដ្ឋកិច្ច

• 13/06/2024

សម្រាប់កម្ពុជា គឺកំពុងតែរំកឹលខ្លួនបន្តិចម្ដងៗចេញពីប្រទេសដែលមានចំណូលមធ្យមកម្រិតទាប ទៅជាប្រទេសដែលមានចំណូលមធ្យមកម្រិតខ្ពស់ក្នុងរយៈពេល៥ឆ្នាំខាងមុខនេះ

មធ្យោបាយ​ធ្វើដំណើរ​ទៅកាន់បណ្ដាខេត្ត​ជាប់​សមុទ្រ​នឹង​កាន់តែសំបូរបែប​នាពេលឆាប់ៗនេះ ខណៈ​សក្ដានុពល​វិនិយោគ​ក៏​កាន់​តែ​ទាក់​ទាញ​​

ព្រឹត្តិការណ៍, អចលនទ្រព្យ

• 13/06/2024

តំបន់​សមុទ្រ​កាន់តែបង្ហាញពីសក្ដានុពល​ទាក់ទាញខ្លាំង ក្រោយសមិទ្ធផល​ និងគម្រោង​វិនិយោគ​របស់រដ្ឋ​ និងឯកជន​បានបង្ហាញ​ខ្លួន​ជា​បន្តបន្ទាប់

ប្រទេសសមាជិកអាស៊ានចំនួន ៦ មានកំណើនសេដ្ឋកិច្ចល្អប្រសើរ

ព្រឹត្តិការណ៍, សេដ្ឋកិច្ច

• 13/06/2024

យោងតាម​ការ​ព្យាករណ៍​របស់ Maybank Research Pte Ltd បានឲ្យដឹងថា ផលិតផលក្នុងស្រុកសរុបរបស់ប្រទេសអាស៊ានទាំង ៦ រួមមាន៖ ឥណ្ឌូណេស៊ី ម៉ាឡេស៊ី សិង្ហបុរី ថៃ វៀតណាម និងហ្វីលីពីន

ម៉ាឡេស៊ី ចំណាយលុយពង្រឹងវិស័យយោធាជើងទឹកតាមរយៈកុងត្រាសាងសង់នាវាចម្បាំងធុនធ្ងន់ថ្មីចំនួន៣គ្រឿង

ព្រឹត្តិការណ៍, អាជីវកម្មថ្មី និងនវានុវត្ត

• 13/06/2024

STM នឹងចាប់ផ្តើមសាងសង់នាវាចម្បាំងទាំង៣គ្រឿងនៅក្នុងឆ្នាំ២០២៤នេះហើយនឹងបញ្ចប់ការងារព្រមទាំងប្រគល់នាវាទៅឱ្យម៉ាឡេស៊ីក្នុងរយៈពេល៣ឆ្នាំកន្លះខាងមុខ

តំណាងធនាគារ មីក្រូហិរញ្ញវត្ថុ និងម្ចាស់អាជីវកម្មធុន មីក្រូ តូច និងមធ្យម ប្រមាណ ៣០០ នឹងមានវត្តមានក្នុងពិធីសម្ពោធកម្មវិធី «វិថីហិរញ្ញវត្ថុ រដូវកាលទី២»

ព្រឹត្តិការណ៍, ហិរញ្ញវត្ថុ

• 13/06/2024

តំណាងធនាគារ មីក្រូហិរញ្ញវត្ថុ និងម្ចាស់អាជីវកម្មធុន មីក្រូ តូច និងមធ្យម ប្រមាណ ៣០០នាក់ នឹងមានវត្តមានក្នុងពិធីសម្ពោធកម្មវិធី «វិថីហិរញ្ញវត្ថុ រដូវកាលទី២»

កម្ពុជា-សហភាពអឺរ៉ុប ឯកភាពក្នុងការពង្រឹងទំនាក់ទំនងសេដ្ឋកិច្ច និងពាណិជ្ជកម្មបន្ថែម

ព្រឹត្តិការណ៍, សេដ្ឋកិច្ច

• 12/06/2024

កម្ពុជាបានយកចិត្តទុកដាក់ជាខ្លាំង ចំពោះការលើកកម្ពស់ទំនាក់ទំនងនិងកិច្ចសហប្រតិបត្តិការ ជាមួយសហភាពអឺរ៉ុប និងអរគុណសហភាពអឺរ៉ុបដែលបានជួយកម្ពុជាក្នុងការស្ដារប្រទេសជាតិឡើងវិញក្រោយវិបត្តិផ្សេងៗ ដូចជាការកសាងហេដ្ឋារចនាសម្ព័ន្ធ កសិកម្ម ធនធានមនុស្ស និងការបោសសម្អាតមីនជាដើម...