សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ចំណេះដឹង ៖ បញ្ហាកូវីដបានធ្វើឲ្យមានផលប៉ះពាល់ទៅដល់អាជីវកម្មតូចធំរាប់លាននៅទូទាំងពិភពលោក ហើយបានបណ្តាលឲ្យមានការផ្លាស់ប្តូរយ៉ាងខ្លាំងចំពោះទំនោរ និងទឹកចិត្តរបស់អតិថិជនដែលជាអ្នកទិញ។ ជាមួយគ្នានេះ សម្រាប់ម្ចាស់អាជីវកម្មនានាដែលមានបំណងផ្លាស់ប្ដូរស្លាកសញ្ញាអាជីវកម្មរបស់ខ្លួន បន្ទាប់ពីទទួលរងនូវការខាតបង់ក្នុងអំឡុងពេលជួបវិបត្តិកូវីដ ក៏ត្រូវតែមានការពិចារណាឲ្យបានគ្រប់ជ្រុងជ្រោយផងដែរ។
អាជីវកម្មដែលបានបិទ ឬផ្អាកបណ្តោះអាសន្នកាលនៅក្នុងអំឡុងវិបត្តិជំងឺកូវីដធ្ងន់ធ្ងរកាលពីពេលកន្លងទៅនេះ កំពុងស្វែងតែរកឱកាសត្រឡប់មកចូលរួមទីផ្សារប្រកួតប្រជែងវិញ ប៉ុន្តែត្រូវចាំថាអត្តចរិតរបស់អតិថិជនរបស់អ្នកមួយចំនួនធំគឺបានផ្លាស់ប្តូររួចទៅហើយចាប់គិតតាំងពីការជ្រើសរើស ការស្វែងរកប្រភេទទំនិញ ឬសេវាកម្មរហូតទៅដល់ការបញ្ជាទិញទំនិញ។
ផ្អែកតាមការស្រាវជ្រាវមួយដែលមានឈ្មោះថា McKinsey បានរកឃើញថា អតិថិជនជាជនជាតិអាមេរិកដល់ទៅប្រមាណ ៧៥ភាគរយ ក្នុងអំឡុងពេលរាតត្បាតនៃជំងឺបានផ្លាស់ប្តូរស្លាកយីហោនៃទំនិញប្រើប្រាស់របស់ពួកគេប្រចាំថ្ងៃ ក្រោមហេតុផលសំខាន់ៗចំនួន៣ រួមមាន កត្តាតម្លៃ, ការជំរុញ និងផ្តល់ភាពងាយស្រួល រួមជាមួយនឹងកត្តាផ្គត់ផ្គង់មុខទំនិញដែលមានក្នុងស្តុកស្រាប់។
ដូចនេះ សម្រាប់ម្ចាស់អាជីវកម្មទាំងឡាយដែលមានបំណងចង់ផ្លាស់ប្តូរស្លាកយីហោ ( Rebranding) ក្រោយវិបត្តិកូវីដនោះ គួរតែពិចារណាទៅលើកត្តាសាមញ្ញចំនួន ៨មុននឹងសម្រេច៖
១- ពិនិត្យមើលឡើងវិញចំពោះទស្សនៈវិស័យបេសកកម្ម និងតម្លៃរបស់ក្រុមហ៊ុនរបស់អ្នក (vision, mission & value)
២- វាយតម្លៃទៅលើភាពខ្លាំងនៃស្លាកយីហោរបស់អ្នក ទាំងគុណភាព បរិមាណ និងលទ្ធភាពនៅលើបណ្តាញសង្គម
៣- ព្យាយាមស្វែងយល់ពីទឹកចិត្តរបស់អតិថិជនគោលដៅ ឬអតិថិជនដែលមានសក្តានុពលនៅលើទីផ្សារការប្រកួតប្រជែង ក៏ដូចជាស្ថានភាពទូទៅនៃមជ្ឈដ្ឋានដែលបានផ្លាស់ប្តូរនៅក្នុងតំបន់គោលដៅ
៤- គិតឡើងវិញថា តើផ្នែកនៃអាជីវកម្មណាមួយរបស់អ្នកដែលគួរតែត្រូវបាននៅបន្ត ឬត្រូវតែកាត់ចោល និងយកមកធ្វើការកែប្រែថ្មី
៥- ពិចារណារកឲ្យឃើញនូវគោលគំនិតថ្មី ច្បាស់លាស់ អំពីយុទ្ធសាស្ត្រក្នុងការផ្លាស់ប្តូរស្លាកយីហោ (Rebrading strategy) ដែលមានបូករួមទាំងបេសកកម្មទស្សនៈវិស័យ ទីតាំង និងរូបរាងថ្មី
៦- ដាក់ផែនការក្នុងការធ្វើការឌីសាញថ្មីទៅលើគ្រប់ចំណុចដែលចាំបាច់បូករួមទាំងស្លាកសញ្ញាផង
៧- ចាប់ផ្តើមធ្វើតេស្តជាមួយនឹងអតិថិជនចំពោះការយល់ឃើញនៃរូបរាងថ្មីរបស់យីហោរបស់អ្នក ឬដំណើរការថ្មី ព្រមទាំងផលិតផលថ្មីជាដើម
៨- បើកសម្ពោធដោយមានការចូលរួម និងផ្សព្វផ្សាយទៅកាន់អតិថិជនអំពីការផ្លាស់ប្តូរយីហោរបស់អ្នកជាផ្លូវការ
ទោះបីជាយ៉ាងណាក្តី ដើម្បីអាចប្រតិបត្តិការអាជីវកម្មបានក្នុងពេលដែលពិភពលោកនៅមិនទាន់ស្រាកស្រាន្តពីវិបត្តិសេដ្ឋកិច្ចនៅឡើយក្រោយវិបត្តិកូវីដនេះ វាមិនមែនជារឿងដែលងាយស្រួលនោះទេ។ ក្នុងន័យនេះ អ្នកក៏ត្រូវតែធ្វើការពិចារណាទៅលើកត្តាជាច្រើនផ្សេងទៀតពាក់ព័ន្ធទៅវិធីសាស្ត្រនៃការផ្សព្វផ្សាយ (ធ្វើឌីជីថលម៉ាឃីតធីង) ដែលរួមមានទាំងការធ្វើវីដេអូផ្សព្វផ្សាយ និងការបង្កើនសកម្មភាពនៅក្នុងបណ្តាញសង្គមជាដើម ដើម្បីធ្វើយ៉ាងណាឲ្យយីហោរបស់អ្នកមានការទទួលស្គាល់កាន់តែច្រើន និងបានដឹងកាន់តែទូលាយទៅដល់អតិថិជនគោលដៅ៕
អ្នកសារព័ត៌មានអន្តរជាតិ
របាយការណ៍ថ្មីៗ
មើលទាំងអស់ ➧
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន
បទយកការណ៍, អាជីវកម្មថ្មី និងនវានុវត្ត
• 16/10/2024
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ
ព័ត៌មានទូទៅ
មើលទាំងអស់ ➧
កំពង់ផែស្វយ័តក្រុងព្រះសីហនុ រកចំណូលបានជិត ៥០លានដុល្លារ នៅត្រីមាសទី៤ ឆ្នាំ២០២៥
Top News, ព្រឹត្តិការណ៍, សេដ្ឋកិច្ច
• 18/02/2026
កំពង់ផែស្វយ័តក្រុងព្រះសីហនុ ក្នុងត្រីមាសទី៤ ឆ្នាំ២០២៥ កំពង់ផែស្វយ័តក្រុងព្រះសីហនុរកចំណូលបានសរុបប្រហែល ៤៧,៤៧ លានដុល្លារ
រកឃើញហើយ ! ម្ចាស់រង្វាន់សាច់ប្រាក់ទាំង ៣ រូប ដំបូង ដែលឈ្នះពីការប្រើប្រាស់ LOLC Mobile!
ព្រឹត្តិការណ៍, អត្ថបទពាណិជ្ជកម្ម
• 18/02/2026
អតិថិជនប្រើប្រាស់ LOLC Mobile សម្រាប់ការចាយវាយប្រចាំថ្ងៃ មិនត្រឹមតែទទួលបានភាពងាយស្រួលក្នុងការទូទាត់នោះទេ អតិថិជនថែមទាំងទទួលបានអត្រាការប្រាក់ ៤% ក្នុងមួយឆ្នាំ
ឧបនាយករដ្ឋមន្ត្រីប្រចាំការ ៖ បច្ចេកវិទ្យា AI ជាកម្លាំងចលករយ៉ាងសំខាន់នៃកំណើនសេដ្ឋកិច្ចសម្រាប់រយៈពេល ១០ ទៅ ២០ ឆ្នាំខាងមុខ
ព្រឹត្តិការណ៍, អាជីវកម្មថ្មី និងនវានុវត្ត
• 18/02/2026
ឧបនាយករដ្ឋមន្ត្រីប្រចាំការ បានលើកឡើងថា បច្ចេកវិទ្យា AI ជាកម្លាំងចលករយ៉ាងសំខាន់នៃកំណើនសេដ្ឋកិច្ចសម្រាប់រយៈពេល ១០ ទៅ ២០ ឆ្នាំខាងមុខ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content