សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ មានការលើកឡើងថា ការវិនិយោគអាចជាហានិភ័យ ប៉ុន្តែការសន្សំអាចមានន័យថាជាការខាតបង់។ ជាធម្មតាការវិនិយោគ ឬការសន្សំប្រាក់ វាអាស្រ័យលើស្ថានភាពជាក់ស្តែងរបស់បុគ្គលម្នាក់ៗ។ ដោយឡែកវិធីមួយដែលជួយកំណត់ថា តើគួរសន្សំ ឬវិនិយោគប្រាក់ គឺការគិតគូរអំពីប្រភេទគោលដៅផ្ទាល់ខ្លួន ដែលក្នុងនោះមានគោលដៅរយៈពេលវែង និងគោលដៅរយៈពេលខ្លី។
ជាធម្មតា អ្នកគួរវិនិយោគប្រាក់របស់អ្នកសម្រាប់គោលដៅហិរញ្ញវត្ថុរយៈពេលវែង ដូចជាការចូលនិវត្តន៍ ពីព្រោះអ្នកមានពេលយូរ ដើម្បីបត់បែនពីការប្រែប្រួលនៃទីផ្សារភាគហ៊ុន។ ប៉ុន្តែប្រសិនបើគោលដៅហិរញ្ញវត្ថុមានរយៈពេលខ្លី (៥ឆ្នាំ ឬតិចជាងនេះ) ដូចជាគោលដៅធ្វើដំណើរកំសាន្តទៅបរទេស អ្នកគួរជ្រើសរើសការសន្សំដោយរក្សាប្រាក់ទុកក្នុងគណនីសន្សំ ដែលមានការប្រាក់ខ្ពស់ជាជាងការវិនិយោគ។ ហេតុផលនៅត្រង់ថា បើសិនជាចំពេលមានវិបត្តិសេដ្ឋកិច្ចធ្វើឲ្យទីផ្សារធ្លាក់ចុះនោះវាត្រូវការពេលច្រើនទើបទីផ្សារត្រឡប់មករកសភាពដើម ដែលនេះធ្វើឲ្យការសន្សំជាជម្រើសល្អសម្រាប់គោលដៅរយៈពេលខ្លី។ ជាក់ស្តែងវាក៏ពឹងផ្អែកលើភាពអត់ធ្មត់របស់អ្នកផ្ទាល់ និងសុខភាពហិរញ្ញវត្ថុទូទៅរបស់អ្នកផងដែរ។
ចំណុចល្អ និងមិនល្អនៃការវិនិយោគ
- ល្អ ៖ ប្រើពេលយូរធ្វើឲ្យមានសុវត្ថិភាពខ្ពស់ និងបានផលចំណេញកើនឡើងជាលំដាប់។
- មិនល្អ ៖ ទីផ្សារមានហានិភ័យ និងការវិនិយោគអាចនឹងធ្លាក់ចុះ។
ចំណុចល្អ និងមិនល្អនៃការសន្សំ
- ល្អ ៖ លុយរបស់អ្នកអាចដកយកប្រើគ្រប់ពេលអ្នកចង់ និងមិនស្ថិតនៅក្រោមការប្រែប្រួលទីផ្សារ។
- មិនល្អ ៖ អ្នកអាចនឹងខកខានការចំណេញពីទីផ្សារ និងប្រឈមនឹងអតិផរណា។
បន្ថែមពីនេះអ្នកក៏គួរពិចារណានូវសំណួរទាំង៥ខាងក្រោម ដែលអាចជួយសម្រួលដល់ការសម្រេចចិត្ត។
១- តើអ្នកមានសាច់ប្រាក់គ្រប់គ្រាន់ដែលអាចចំណាយពី ៣ខែ ទៅ ៦ខែនៃការចំណាយចាំបាច់ដែរឬទេ? បើមិនមានទេ សូមចាប់ផ្តើមសន្សំ។
២- តើអ្នកមានគោលដៅរយៈពេលខ្លីផ្សេងទៀតដែលត្រូវការការប្រើសាច់ប្រាក់រហ័ស (ដូចជាផែនការធ្វើដំណើរ) ដែរឬទេ? បើមាន សូមចាប់ផ្តើមសន្សំ។
៣- តើអ្នកកំពុងឈានទៅរកគោលដៅចូលនិវត្តន៍របស់អ្នកតាមអាយុដែលអ្នកចង់បានឬទេ? បើមិនដូច្នោះទេ សូមចាប់ផ្តើមវិនិយោគ។
៤- តើអ្នកយល់អំពីហានិភ័យដែលពាក់ព័ន្ធនឹងការវិនិយោគប្រាក់នេះសម្រាប់គោលដៅរយៈពេលវែងដូចជាការចូលនិវត្តន៍ដែរឬទេ? អ្នកប្រហែលជាមិនអាចប្រើប្រាក់វិនិយោគនោះបានតាមចិត្តដោយគ្មានការផាកពិន័យនោះទេ និងប្រឈមហានិភ័យនៃការប្រែប្រួល។ បើអ្នកយល់ និងទទួលយកបាន អ្នកគួរចាប់ផ្តើមវិនិយោគហើយ។
៥- តើអ្នកមានអារម្មណ៍សុខស្រួលជាមួយនឹងការបែងចែកការសន្សំផង និងការវិនិយោគផងជារៀងរាល់ខែឬទេ?
ចំណុចទាំងអស់នេះមិនមែនជាច្បាប់អាទិភាពដែលគ្របដណ្តប់លើអ្វីៗទាំងអស់ទេ ប៉ុន្តែវាជាការចាប់ផ្តើមដ៏ល្អមួយឆ្ពោះទៅរកក្តីស្រមៃនៃអនាគតដែលអ្នកចង់បាន។ អ្នកត្រូវតែរៀបចំផែនការពីរបៀបទៅដល់គោលដៅ និងពីអ្វីដែលអ្នកត្រូវចំណាយ។ ក្រៅពីនេះអ្នកអាចណាត់ជួបជាមួយទីប្រឹក្សាហិរញ្ញវត្ថុផ្ទាល់ខ្លួនរបស់អ្នកដើម្បីពិនិត្យមើលស្ថានភាពហិរញ្ញវត្ថុបច្ចុប្បន្នរបស់អ្នក គោលដៅហិរញ្ញវត្ថុនាពេលអនាគត និងរៀបចំផែនការ ដើម្បីធ្វើដំណើរឆ្ពោះទៅរកភាពជោគជ័យប្រកបដោយទំនុកចិត្តនិងប្រសិទ្ធភាពខ្ពស់៕
ជីវប្រវត្តិ: លោកមានបទពិសោធន៍ជិត ១០ឆ្នាំក្នុងប្រព័ន្ធផ្សព្វផ្សាយទូរទស្សន៍ វិទ្យុ និងកាសែតផ្នែកសេដ្ឋកិច្ច អប់រំ និងសង្គម។ បច្ចុប្បន្នលោកជានិពន្ធនាយកសារព័ត៌មាន AMS Economy និង AMS Education។
របាយការណ៍ថ្មីៗ
មើលទាំងអស់ ➧
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន
បទយកការណ៍, អាជីវកម្មថ្មី និងនវានុវត្ត
• 16/10/2024
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ
ព័ត៌មានទូទៅ
មើលទាំងអស់ ➧
ម្ហូបឌីមសាំ ប៉ះជាមួយគ្រឿងទេសកំពត បង្កើតរសជាតិឆ្ងាញ់ ប្លែក និងច្នៃប្រឌិត
ព្រឹត្តិការណ៍, អត្ថបទពាណិជ្ជកម្ម
• 03/04/2026
ដើម្បីអបអរសាទរ និងលើកកម្ពស់រសជាតិអាហារបែប "Glocal" (ការរួមបញ្ចូលគ្នារវាងរសជាតិសកល និងរសជាតិក្នុងស្រុក) កាលពីល្ងាចថ្ងៃទី២ ខែមេសា ឆ្នាំ២០២៦ ភោជនីយដ្ឋាន Yi Sang ដែលទើបនឹងសម្ពោធថ្មីៗស្ថិតនៅក្នុងអាកាសយានដ្ឋានអន្តរជាតិតេជោ
អ៊ីរ៉ង់ បានបាញ់ទម្លាក់ F-35 របស់អាម៉េរិកយ៉ាងជោគជ័យ ក្រោយការចែករំលែកទិចនិកបាញ់ពីសំណាក់អ្នកជំនាញចិន
ព្រឹត្តិការណ៍, អាជីវកម្មថ្មី និងនវានុវត្ត
• 03/04/2026
វិស្វករជនជាតិចិនម្នាក់បានធ្វើឱ្យមានការភ្ញាក់ផ្អើលយ៉ាងខ្លាំងនៅលើបណ្តាញសង្គម បន្ទាប់ពីបានបង្ហោះវីដេអូបង្រៀនលម្អិតអំពីរបៀបបាញ់ទម្លាក់យន្តហោះចម្បាំងបំបាំងកាយទំនើបបំផុត F-35 របស់សហរដ្ឋអាម៉េរិក។
ក្រោយបញ្ចប់ការចុះបញ្ជីទូទាំងប្រទេស ក្រសួងដែនដីបន្តបេសកកម្មផ្សេងទៀត ដើម្បីឱ្យពលរដ្ឋរស់នៅកាន់តែស្រួល តជំនាន់
Top News, ព្រឹត្តិការណ៍, អចលនទ្រព្យ
• 02/04/2026
ក្រសួងរៀបចំដែនដី នគរូបនីយកម្ម និងសំណង់ នឹងបន្តបេសកកម្មធ្វើការងារផ្សេងទៀត ដើម្បីធ្វើយ៉ាងណាឱ្យប្រទេសជាតិ ក៏ដូចជាប្រជាពលរដ្ឋកម្ពុជាទាំងអស់រស់នៅប្រកបដោយសុខុដុមរមនាទាំងអស់គ្នា និងតជំនាន់
Hacker កូរ៉េខាងជើង អាចលួចបញ្ចូល bug software ទៅក្នុងដំណើរប្រតិបត្តិការក្រុមហ៊ុនរាប់ពាន់នៅអាម៉េរិក
ព្រឹត្តិការណ៍, អាជីវកម្មថ្មី និងនវានុវត្ត
• 02/04/2026
អ្នកជំនាញអាម៉េរិកថា hackers របស់កូរ៉េខាងជើងកំពុងប្រើប្រាស់ software មួយប្រភេទដែលមានផ្ទុកទៅដោយមេរោគ ឬ bug ជាយុទ្ធសាស្ត្ររបស់ខ្លួនដំណើរការនៅក្នុងក្រុមហ៊ុនរាប់ពាន់នៅសហរដ្ឋអាម៉េរិក
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content