មុខរបរកែច្នៃចំនួន ៣ ដែលកសិករមិនគួរមើលរំលង និងអាចទទួលបានចំណូលច្រើន

កម្ពុជា ជាប្រទេសមួយដែលមានសក្ដានុពលខ្លាំងខាងផ្នែកកសិកម្ម ដោយក្នុងនោះមានវិសាលភាពលើផ្ទៃដីដាំដុះយ៉ាងទូលំទូលាយ ជាពិសេសកត្តាអាកាសធាតុមានអំណោយផលពីធម្មជាតិស្រាប់តែម្ដង។ បន្ថែមពីលើនេះ ដើម្បីអាចទទួលបាននូវអត្ថប្រយោជន៍ និងចំណូលបន្ថែម កសិករគួរចេះកែច្នៃទៅលើធនធានដែលមានស្រាប់ដើម្បីប្រើប្រាស់ឱ្យអស់លទ្ធភាព។

ពាក់ព័ន្ធទៅនឹងប្រធានបទខាងលើនេះ យើងសូមលើកយកមុខរបរងាយៗចំនួន៣មកបង្ហាញដែលកសិករអាចធ្វើការកែច្នៃទៅលើធនធានដែលមានស្រាប់ដើម្បីអាចទទួលបានចំណូលបន្ថែមសម្រាប់ផ្គត់ផ្គង់ជីវភាពគ្រួសារឱ្យកាន់តែល្អប្រសើរ។

ទី១- របរចិញ្ចឹមបង្កងក្នុងស្រែ ដែលកសិករអាចពិចារណាកែច្នៃដីស្រែដែលមិនសូវទទួលបានផលចំណេញនោះឱ្យទៅជាកន្លែងសម្រាប់ចិញ្ចឹមបង្កងអូស្រ្តាលីវិញ ដែលអាចនឹងទទួលបានផលចំណេញច្រើន ដោយគ្រាន់តែធ្វើការកែច្នៃសម្រាប់ចិញ្ចឹមជាលក្ខណៈធម្មជាតិ ចំណាយពេលមើលថែទាំតិច អាចទទួលបានផលច្រើន និងមានតម្រូវការទីផ្សារខ្ពស់។

ជាក់ស្ដែង ដូចជាលោក ពៅ ប៉ឹង ជាអ្នកចិញ្ចឹមបង្កងអូស្ត្រាលីក្នុងស្រែមួយរូបមានទីលំនៅនៅភូមិដំរីស្លាប់ ឃុំចន្លាសដៃ ស្រុកក្រឡាញ់ ខេត្តសៀមរាប បានមានប្រសាន៍ប្រាប់ AMS ឱ្យដឹងថា ការច្នៃដីស្រែឱ្យទៅជាស្រែបង្កងអូស្ត្រាលី គឺទទួលបានផលចំណេញច្រើន។

លោកថា ៖

“ចំពោះបងប្អូនដែលមានដីស្រែ ហើយមិនសូវទទួលបានផលពីការធ្វើស្រូវ និងមិនសូវចំណេញ អាចពិចារណាងាកមកចិញ្ចឹមបង្កងអូស្ត្រាលីនៅក្នុងស្រែវិញបាន ដោយសារការចិញ្ចឹមនេះមិនពិបាកអ្វីច្រើននោះទេ ជាក់ស្ដែងដូចជាខ្ញុំផ្ទាល់ដែលមានដីស្រែទំនេរទុកចោលក៏ច្នៃចិញ្ចឹមបង្កងអូស្ត្រាលីបែបធម្មជាតិ ជាពិសេសនៅក្នុរដូវវស្សាដែលមានទឹកស្រាប់ គឺងាយស្រួលមិនចំណាយពេលច្រើន អាចសល់ពេលទៅធ្វើការងារផ្សេងទៀតបាន”

ទី២ – របរចិញ្ចឹមអង្ក្រងលក់ ជាមុខរបរមួយដែលបងប្អូនយើងអាចច្នៃទីធ្លាមុខផ្ទះមកចិញ្ចឹមបាន ងាយៗ ជិតផ្ទះ ដោយពុំចាំបាច់ចំណាយដើមទុនច្រើន ដោយគ្រាន់តែកាច់សំបុកអង្ក្រងពីដើមឈើ ហើយធ្វើធ្នើ កាត់កំប៉ុង និងដាក់ចំណីតែប៉ុណ្ណោះ។

ពាក់ព័ន្ធនឹងចំណីរបស់សត្វអង្ក្រង គឺកាន់តែងាយស្រួលថែមទៀត ដែលគេអាចប្រើជាសាច់មាន់ស្ងោរ ឬសត្វចង្រិតធ្វើជាចំណី ហើយទឹកត្រូវលាយជាមួយស្ករឱ្យមានរសជាតិផ្អែម ដោយសារអង្ក្រងជាសត្វផឹកទឹកដមផ្កា ហេតុនេះការប្រើទឹកស្ករជំនួសគឺមានប្រសិទ្ធភាពខ្ពស់។ ការឱ្យចំណី គេអាចឱ្យតែម្ដងក្នុងមួយថ្ងៃនៅពេលណាឃើញចំណីអស់ តែទឹកត្រូវដាក់ច្រើនដងដោយសារសត្វប្រភេទនេះចូលចិត្តផឹកទឹកច្រើន។ បន្ថែមលើនេះ ក្រៅពីទឹកស្ករ គេក៏អាចយកទឹកអំពៅក៏អាចដាក់ឱ្យអង្ក្រងបានដែរ ដែលចាត់ទុកជាអាហារប៉ូវមួយសម្រាប់សត្វអង្ក្រង។

ចុងក្រោយគឺ របរដាំត្រកួន ដែលជារបរងាយៗ អាចដាំបានទាំងទីធ្លាតូចកៀនផ្ទះ ឬក៏ដីស្រែចំការធំៗនោះទេ ឱ្យតែអាចលើករងបាន និងមានទឹកស្រោចគ្រប់គ្រាន់ គឺអាចដាំបានខួបប្រាំងខួបវស្សាតែម្ដង។

តួយ៉ាង អ្នកស្រី ង៉ែត សុភា ជាអ្នកដាំត្រកួនម្នាក់មានទីលំនៅស្ថិតក្នុងភូមិព្រៃដក់ពរ ឃុំត្រពាំងធំខាងជើង ស្រុកត្រាំកក់ ខេត្តតាកែវ បានមានប្រសាសន៍ថា ដំណាំត្រកួននេះគាត់ដាំរាប់ឆ្នាំហើយ ដោយសារតែវាងាយស្រួលដាំ មិនបាច់ថែទាំច្រើន ហើយដាំបានច្រើនដងដើម្បីយកទៅលក់ឱ្យឈ្មួញ។

អ្នកស្រីបញ្ជាក់ថា ៖

“ខ្ញុំដាំត្រកួនជិត ១០ឆ្នាំហើយ ដូចជាមិនពិបាកអ្វីច្រើនទេ និយាយរួមទៅដាំបានខួបប្រាំងខួបវស្សាឱ្យតែយើងស្រោចទឹកគ្រប់គ្រាន់ ដូចជាខែយើងច្រូតហើយ យើងអាចលើករងដាំក្នុងស្រែបន្ថែមទៀតក៏បាន ដោយដាំម្ដងខ្ញុំអាចលក់បាន ២០-៣០ម៉ឺនដែរ”

ជាចុងក្រោយ អ្នកស្រី ង៉ែត សុភា មានមតិចូលរួមថា​ ការដាំត្រកួននេះមិនសូវពិបាកអ្វីឡើយ បើទីផ្សារល្អគាត់នឹងពង្រីកការដាំដុះទៀត ដោយសារវាអាចផ្ដល់ចំណូលបន្ថែមសម្រាប់គ្រួសារ ដូច្នេះសម្រាប់បងប្អូនដែលមានដីទំនេរចោលអាចដាំដំណាំ ឬបន្លែផ្សេងៗទៀតទុកលក់ឬបរិភោគខ្លួន​ឯងក៏បាន៕ 


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ប្រាក់ចំណូលរបស់អ្នកបម្រើការងារតាមផ្ទះរួមចំណែកផ្នែកសេដ្ឋកិច្ចយ៉ាងសំខាន់ និងជួយកាត់បន្ថយភាពក្រីក្រ

ព្រឹត្តិការណ៍, សេដ្ឋកិច្ច

• 17/06/2024

ប្រាក់ចំណូលរបស់កម្មករការងារតាមផ្ទះ រួមចំណែកមួយផ្នែកធំដល់សេដ្ឋកិច្ចយ៉ាងសំខាន់ និង បានរួមចំណែកកាត់បន្ថយភាពក្រីក្រនៅកម្ពុជា

ផលិតផលថ្មីរបស់គ្រឿងហ្លួង កាន់តែជួយគាំទ្រ និងផ្សព្វផ្សាយមុខម្ហូបខ្មែរ

ជំនួញ, ព្រឹត្តិការណ៍

• 17/06/2024

គ្រឿងហ្លួង សាបារា ត្រូវបានគេស្គាល់យ៉ាងទូលាយថាជាផលិតផលក្នុងស្រុកដែលត្រូវបានបង្កើតឡើងដោយក្រុមហ៊ុន Sabara Best Food សម្រាប់ជាគ្រឿងផ្សំរសជាតិទៅលើមុខម្ហូបបែបខ្មែរ

សម្ដេច​ធិបតី​ ជំរុញឱ្យ​​គិតគូរ ​និងអនុវត្តន៍ឱ្យបានតឹងរ៉ឹង​លើ​គម្រោង​ប្លង់មេក្នុង​តំបន់​ក្រុង​រណប ​និង​បុរី

ព្រឹត្តិការណ៍, អចលនទ្រព្យ

• 17/06/2024

សម្ដេច​ធិបតី​ ហ៊ុន ម៉ាណែត បានជំរុញឱ្យ​រៀបចំ​ និងអនុវត្ត​ឱ្យ​បានតឹងរ៉ឹង​​ចំពោះ​គម្រោង​ប្លង់​មេ​នៅក្នុងតំបន់​ក្រុង​រណប និង​តាមបុរីនានា​

ផែនការមេដឹកនាំរុស្ស៊ីបំពេញទស្សនកិច្ចនៅវៀតណាមបង្កប្រតិកម្មពីប្រទេសជាដៃគូពាណិជ្ជកម្មធំៗ

ព្រឹត្តិការណ៍, សេដ្ឋកិច្ច

• 17/06/2024

វៀតណាមបានធ្វើពហិកាមិនចូលរួមកិច្ចប្រជុំនៅស្វីស ប៉ុន្តែបញ្ជូនអនុរដ្ឋមន្ត្រីការបរទេសទៅចូលរួម BRICS នៅក្នុងប្រទេសរុស្ស៊ីទៅវិញកាលពីសប្តាហ៍មុននេះ

ទុនពីវិស័យមីក្រូហិរញ្ញវត្ថុជួយបង្កើនចំណូលដល់ប្រជាពលរដ្ឋ ជាពិសេសកសិករ

ព្រឹត្តិការណ៍, ហិរញ្ញវត្ថុ

• 17/06/2024

វិស័យមីក្រូហិរញ្ញវត្ថុបានបង្កើតផលិតផលឥណទានកសិកម្ម និងសេវាកម្មហិរញ្ញវត្ថុសម្បូរបែប ដើម្បីឆ្លើយតបនឹងតម្រូវការរបស់ប្រជាកសិករ និងសហគមន៍កសិកម្មនៅតាមមូលដ្ឋាន

រដ្ឋមន្ត្រីកសិកម្ម ៖ ការចិញ្ចឹមត្រីតាមបច្ចេកទេសត្រឹមត្រូវធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ព្រឹត្តិការណ៍, សេដ្ឋកិច្ច

• 17/06/2024

រដ្ឋមន្ត្រីក្រសួងកសិកម្មបានលើកឡើងថា ការចិញ្ចឹមត្រីអនុវត្តតាមបច្ចេកទេសត្រឹមត្រូវ អាចធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ក្រុមហ៊ុនលំដាប់ពិភពលោក BOSCH នឹងមកសិក្សាពីលទ្ធភាពបើករោងចក្ររបស់ខ្លួននៅកម្ពុជា

ព្រឹត្តិការណ៍, សេដ្ឋកិច្ច

• 17/06/2024

ក្រុមហ៊ុន BOSCH លំដាប់ពិភពលោកដែលមានបុគ្គលិកជិត ៤៣ ម៉ឺននាក់ នឹងមកសិក្សាពីលទ្ធភាពបើករោងចក្ររបស់ខ្លួននៅព្រះរាជាណាចក្រកម្ពុជា ។

សហភាពអឹរ់ុបមានផែនការដាក់ពន្ធបន្ថែមជិត ៤០ ភាគរយលើរថយន្តអគ្គិសនីនាំចូលពីចិន

ព្រឹត្តិការណ៍, អាជីវកម្មថ្មី និងនវានុវត្ត

• 17/06/2024

សហភាពអឺរ៉ុបមានផែនការដាក់ពន្ធបន្ថែមលើរថយន្តអគ្គិសនីដែលនាំចូលពីចិនចន្លោះពី ១៧,៤ ភាគរយទៅ ៣៨,‌១ ភាគរយ ខណៈដែលអត្រាពន្ធបច្ចុប្បន្នមាន ១០ ភាគរយ

ធនាគារ វីង បើកសម្ពោធសាខាថ្មីក្នុងក្រុងកំពង់ឆ្នាំង

ព្រឹត្តិការណ៍, អត្ថបទពាណិជ្ជកម្ម

• 14/06/2024

សេវាធនាគារដ៏សម្បូរបែបរបស់ធនាគារ វីង ឥឡូវនេះបានពង្រីកទៅដល់ក្រុងកំពង់ឆ្នាំងហើយ ដើម្បីជួយសម្រួលប្រជាជនក្នុងខេត្តនេះជាមួយនឹងតម្រូវការសេវាហិរញ្ញវត្ថុប្រចាំថ្ងៃកាន់តែប្រសើរ

៤០ឆ្នាំក្នុងនាមជារោងចក្រពិភពលោក តែមិនប្រាកដថាអាចបន្តភាពជោគជ័យក្នុងទីផ្សាររថយន្តអគ្គិសនីនោះឡើយ

ព្រឹត្តិការណ៍, សេដ្ឋកិច្ច

• 14/06/2024

រថយន្តអគ្គិសនីរបស់ចិន មិនប្រាកដថាអាថវាយឡុកទីផ្សារពិភពលោកបានជោគជ័យដូចជាទីផ្សារផលិតផល និងទំនិញរបស់ខ្លួនដែលធ្លាប់ធ្វើបានជាង៤០ឆ្នាំនោះឡើយ