សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បច្ចេកវិទ្យាឆ្លាតវ៉ៃ ( AI Technology ) នឹងក្លាយជារឿងធម្មតារបស់មនុស្សគ្រប់គ្នានៅលើពិភពលោកនាពេលអនាគត ខណៈដែលបច្ចុប្បន្នវាកំពុងមានភាពរីកចម្រើន និងអភិវឌ្ឍយ៉ាងឆាប់រហ័សបំផុតស្ទើរគ្រប់វិស័យ។
មិនថាការងារលំបាក ការងារស្មុគ្រស្មាញ ឬកិច្ចការងារដែលមនុស្សមិនអាចធ្វើបានជាច្រើនផ្សេងទៀតនោះទេ AI សុទ្ធតែអាចចូលរួមពាក់ព័ន្ធ និងធ្វើឲ្យប្រសើរឡើងនូវកិច្ចការងារទាំងនោះទោះបីជាស្ថិតនៅក្នុងបរិបទផ្សេងគ្នា ឬវិស័យផ្សេងៗគ្នាក្តី។
កាន់តែបង្ហាញនូវភាពជឿជាក់ថាចំពោះបច្ចេកវិទ្យាអនាគតមួយនេះ បច្ចុប្បន្នជប៉ុនបានកំពុងតែចាប់ផ្តើមអនុវត្តការងាររបស់មន្ទីរពេទ្យមួយចំនួនជាមួយនឹងមុខងារឆ្លាតវ៉ៃជាច្រើនរបស់បច្ចេកវិទ្យា AI ដែលក្នុងរួមទាំងតុក្កតាសម្រាប់ជួយអ្នកជំងឺជាកុមារ មនុស្សយន្តដឹកជញ្ជូនអ្នកជំងឺ និងថ្នាំពេទ្យ រហូតទៅដល់ប្រព័ន្ធត្រួតពិនិត្យទិន្នន័យគ្រប់ប្រភេទ ក៏ដូចជាបច្ចេកវិទ្យាស្វែងរកកោសិកានៅក្នុងខ្លួនប្រាណរបស់អ្នកជំងឺទៀតផង។
គម្រោងមន្ទីរពេទ្យបច្ចេកវិទ្យាឆ្លាតវ៉ៃ ( AI Hospital) ដែលបច្ចុប្បន្នមានការចូលរួមពីសំណាក់មន្ទីរពេទ្យល្បីៗ និងនាំមុខគេបំផុតរបស់ប្រទេសជប៉ុន ជាគម្រោងដែលដឹកនាំដោយផ្ទាល់ពីសំណាក់លោក Yusuke Nakamura ដែលជាប្រធានវិទ្យាស្ថានជាតិជីវវេជ្ជសាស្ត្រ និងនវានុវត្តន៍។
លោក Nakamura បានលើកឡើងថា ៖ «ពួកយើងត្រូវការបច្ចេកវិទ្យា AI និងបច្ចេកវិទ្យា Digital ដើម្បីអភិវឌ្ឍ និងធ្វើឲ្យប្រសើរឡើងនូវមុខងាររ៉ូបូតដែលមានលក្ខណៈជាក្រុមគ្រូពេទ្យផង និងអ្នកថែរក្សាអ្នកជំងឺផង ហើយគោលបំណងនៃគម្រោងនេះទាំងមូលគឺធ្វើយ៉ាងណានាំមុខនូវភាពមេត្តា និងយកចិត្តទុកដាក់នៃសុខមាលភាព។
បច្ចុប្បន្ននៅតាមមន្ទីរពេទ្យគោលដៅទាំងអស់នោះ AI ត្រូវបានគេបំពាក់ដើម្បីអាចតាមដានទិន្នន័យអ្នកជំងឺឲ្យមានប្រសិទ្ធភាពជាងមុន និងចំណេញពេលវេលាបានយ៉ាងច្រើន ជាពិសេសអាចកាត់បន្ថយអត្រាអ្នកស្លាប់បាត់បង់ជីវិតដោយសារជំងឺមួយចំនួនបានយ៉ាងច្រើនទៀតផង។
កាន់តែពិសេសជាងនេះ ជប៉ុនក៏នឹងគ្រោងបង្កើនប្រតិបត្តិការពិសេសនៃបច្ចេកវិទ្យា AI សម្រាប់សេវាមន្ទីរពេទ្យនេះទៅកាន់តំបន់ជនបទទៀតផងតាមរយៈការគ្រប់គ្រងឧបករណ៍មួយចំនួនធំពីចំងាយដោយមិនចាំបាច់ទាមទារគ្រូពេទ្យជំនាញនៅប្រចាំការ២៤ម៉ោង ឬពេញមួយសប្តាហ៍ទៀតឡើយ។
ជាចុងក្រោយ លោក Nakamura បានលើកឡើងថា នៅពេលដែលគម្រោងសាកល្បងនេះជោគជ័យ១០០ភាគរយហើយនោះ លោកសង្ឃឹមថាវានឹងអាចក្លាយទៅជាសេវាកម្មមន្ទីរពេទ្យថ្មីដែលនឹងអាចប្រើប្រាស់នៅតាមបណ្តាប្រទេសនានាលើពិភពលោកក្នុងអំឡុងពី១០ទៅ២០ឆ្នាំទៀតប៉ុណ្ណោះ៕
Account
Security
Favourite Content