ចិន ហាមឃាត់ផលិតផល​របស់​ក្រុមហ៊ុនបន្ទះ​ឈីប​ដ៏ធំមួយរបស់​អាមេរិក

បរទេស ៖ យោងទៅតាមប្រភពព័ត៌មានពី BBC បានរាយការណ៍ថា ចិនបានហាមឃាត់ផលិតផល​ដែល​ផលិតឡើង​ដោយ​ក្រុមហ៊ុនបន្ទះ​ឈីប​ដ៏ធំមួយរបស់​អាមេរិក Micron Technology ដើម្បីការពារសន្តិសុខ​ជាតិរបស់ខ្លួនពីហានិភ័យ។

កាលពីថ្ងៃអាទិត្យកន្លងទៅនេះ និយ័តករសន្តិសុខតាមប្រព័ន្ធអ៊ីនធឺណិតរបស់ចិនបានប្រកាសថា ក្រុមហ៊ុនផលិតបន្ទះឈីបដ៏ធំមួយរបស់អាមេរិក Micron Technology អាចបង្កហានិភ័យដល់សុវត្ថិភាពបណ្តាញយ៉ាងធ្ងន់ធ្ងរ។ នេះមានន័យថាផលិតផលមួយចំនួនរបស់ក្រុមហ៊ុននឹងត្រូវបានហាមឃាត់ពីគម្រោងហេដ្ឋារចនាសម្ព័ន្ធសំខាន់ៗនៅក្នុងប្រទេសចិន ហើយវាគឺជាការផ្លាស់ប្តូរដ៏សំខាន់លើកដំបូងរបស់ចិនប្រឆាំងនឹងក្រុមហ៊ុនផលិតបន្ទះឈីបរបស់សហរដ្ឋអាមេរិក ខណៈ​ដែលភាពតានតឹងរវាងទីក្រុងប៉េកាំង និងទីក្រុងវ៉ាស៊ីនតោនកំពុងកើនឡើង។ សេចក្តីប្រកាសនេះ គឺស្ថិតនៅក្នុងដំណាក់កាលចុងក្រោយបំផុតនៃជម្លោះរវាងសហរដ្ឋអាមេរិក និងចិន ជុំវិញបញ្ហាបច្ចេកវិទ្យាសម្រាប់សេដ្ឋកិច្ចជុំវិញពិភពលោក។ ជម្លោះបច្ចេកវិទ្យាដ៏ស្មុគស្មាញមួយនេះក៏ត្រូវបានគេមើលឃើញថា ទីក្រុងវ៉ាស៊ីនតោនបានដាក់វិធានការជាបន្តបន្ទាប់ប្រឆាំងនឹងឧស្សាហកម្មផលិតបន្ទះឈីបរបស់ទីក្រុងប៉េកាំង និងបណ្តាក់ទុនរាប់ពាន់លានដុល្លារដើម្បីជំរុញវិស័យ semiconductor របស់ខ្លួន។

នៅក្នុងសេចក្តីថ្លែងការណ៍មួយ រដ្ឋបាលគ្រប់គ្រងប្រព័ន្ធអ៊ីនធើណិតរបស់ចិន (CAC) បាននិយាយថា ការពិនិត្យឡើងវិញបានរកឃើញថាផលិតផលរបស់ Micron មានហានិភ័យដល់សុវត្ថិភាពបណ្តាញធ្ងន់ធ្ងរ ​និងហានិភ័យសន្តិសុខដល់ខ្សែសង្វាក់ផ្គត់ផ្គង់ហេដ្ឋារចនាសម្ព័ន្ធព័ត៌មានសំខាន់ៗរបស់ចិន ដែលធ្វើឲ្យប៉ះពាល់ដល់សន្តិសុខជាតិរបស់ប្រទេស។ ទោះជាយ៉ាងណាក្តី CAC មិនបានផ្តល់ព័ត៌មានលម្អិតអំពីហានិភ័យដែលបានរកឃើញនៅក្នុងផលិតផល Micron ដែលពួកគេបានរកឃើញនោះទេ។

ស្របពេលនេះដែរ អ្នកនាំពាក្យរបស់ Micron បាននិយាយថា ក្រុមហ៊ុនបានទទួលសេចក្តីជូនដំណឹងរបស់ CAC បន្ទាប់ពីការត្រួតពិនិត្យលើផលិតផល Micron ដែលបានលក់នៅក្នុងប្រទេសចិន។ Micron កំពុងវាយតម្លៃការសន្និដ្ឋាន និងទន្ទឹងរង់ចាំចូលរួមក្នុងការពិភាក្សាជាមួយរដ្ឋាភិបាលចិន។ ជាការឆ្លើយតប រដ្ឋាភិបាលអាមេរិកក៏បាននិយាយផងដែរថា ខ្លួននឹងធ្វើការជាមួយសម្ព័ន្ធមិត្តរបស់ខ្លួនដើម្បីដោះស្រាយនូវបញ្ហាដែលពួកគេហៅថា “ការបង្ខូចទ្រង់ទ្រាយនៃទីផ្សារបន្ទះឈីប ដែលបណ្តាលមកពីសកម្មភាពរបស់ចិន”។ លើសពីនេះ អ្នក​នាំពាក្យ​ក្រសួង​ពាណិជ្ជកម្ម​អាមេរិក​បាន​និយាយ​ថា ពួកគេ​ប្រឆាំង​យ៉ាង​ម៉ឺងម៉ាត់​ចំពោះ​ការ​រឹតបន្តឹង​ដែល​គ្មានការពិតជាមូលដ្ឋានច្បាសលាស់។ យ៉ាងណាមិញ តម្លៃភាគហ៊ុនរបស់ Micron បានធ្លាក់ចុះ ៥,៣ ភាគរយនៅក្នុងទីផ្សារសហរដ្ឋអាមេរិក។

អ្នកវិភាគនៅធនាគារវិនិយោគ Jefferies បាននិយាយថា ផលប៉ះពាល់ពីការហាមឃាត់លើផលិតផល Micron នឹងមានកម្រិត ដោយសារតែវាមិនពឹងផ្អែកលើរដ្ឋាភិបាលចិន ឬទូរគមនាគមន៍ចិនទាំងស្រុងនោះទេ។ ទោះជាយ៉ាងណាក្តី អតិថិជនរបស់ Micron នៅចិន ភាគច្រើនផ្តោតលើស្មាតហ្វូន និងកុំព្យូទ័រផ្ទាល់ខ្លួន​ ប៉ុន្តែហានិភ័យនោះគឺអតិថិជន Micron នៅចិនអាចនឹងឈប់ប្រើប្រាស់ផលិតផលរបស់ខ្លួន ហើយបង្វែរទៅរកគូប្រជែងរបស់ Micron គឺ Samsung និង SK Hynix ដែលក្រុមហ៊ុនទាំងពីរមានមូលដ្ឋាននៅកូរ៉េខាងត្បូង។ ទន្ទឹម​នឹង​នេះដែរ ​អាមេរិក​បាន​ជំរុញ​កូរ៉េ​ខាង​ត្បូង​កុំ​ឲ្យ​បំពេញ​ការ​ខ្វះខាត​ណាមួយ​របស់​ចិន​។

ការប្រកាសរបស់ CAC បានកើតឡើងមួយថ្ងៃបន្ទាប់ពីកិច្ចប្រជុំមេដឹកនាំ G7 នៅជប៉ុនបានចេញសេចក្តីថ្លែងការណ៍រួមមួយដែលបានរិះគន់ពីការបង្ខិតបង្ខំផ្នែកសេដ្ឋកិច្ចរបស់ចិន។ កាលពីថ្ងៃអាទិត្យកន្លងទៅនេះ ប្រធានាធិបតីសហរដ្ឋអាមេរិក លោក Joe Biden បាននិយាយថា បណ្តាប្រទេស G7 កំពុងសម្លឹងរកមើលដំណោះស្រាយដើម្បីកាត់បន្ថយហានិភ័យ និង តាមដានមើលទំនាក់ទំនងរបស់អាមេរិកជាមួយនឹងចិនបន្ថែមទៀត។ ស្របពេលនោះដែរ នាយកប្រតិបត្តិក្រុមហ៊ុន Micron លោក Sanjay Mehrotra ក៏បានចូលរួមកិច្ចប្រជុំកំពូលនៅទីក្រុងហ៊ីរ៉ូស៊ីម៉ានោះដែរ ក្នុងនាមជាផ្នែកមួយនៃក្រុមអ្នកដឹកនាំអាជីវកម្ម។ កាលពីសប្តាហ៍មុនកន្លងទៅនេះ ក្រុមហ៊ុន Micron បានបញ្ជេញថា ខ្លួននឹងវិនិយោគប្រហែល ៥០០ ពាន់លានយ៉េន (៣,៦ ពាន់លានដុល្លារ) ដើម្បីអភិវឌ្ឍបច្ចេកវិទ្យានៅក្នុងប្រទេសជប៉ុន។
គួរឲ្យបញ្ជាក់ផងដែរថា ចិនគឺជាទីផ្សារដ៏សំខាន់មួយសម្រាប់ក្រុមហ៊ុន Micron និង បានរួមចំណែកប្រហែល ១០ ភាគរយនៃការលក់ពេញមួយឆ្នាំនៅក្នុងប្រទេស។ កាលពីឆ្នាំ ២០២២ កន្លងទៅនេះ Micron ទទួលបានប្រាក់ចំណូលសរុបចំនួន ៣០,៧ ពាន់លានដុល្លារ ដែលក្នុងនោះមានចំណែកពីចិនដីគោក ៣,៣ ពាន់លានដុល្លារ ហើយក៏មានរោងចក្រផលិតនៅចិនផងដែរ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ក្រសួងរៀបចំដែនដី យកចិត្តទុកដាក់ដោះស្រាយបញ្ហាសំណង់មានសភាពចាស់ទ្រុឌទ្រោមដែលងាយបង្កហានិភ័យដល់អាយុជីវិតប្រជាពលរដ្ឋ

ព្រឹត្តិការណ៍, អចលនទ្រព្យ

• 08/02/2025

ក្រសួងរៀបចំដែនដី នគរូបនីយកម្ម និងសំណង់ យកចិត្តទុកដាក់គិតគូរដោះស្រាយបញ្ហាសំណង់មានសភាពចាស់ទ្រុឌទ្រោមដែលងាយបង្កហានិភ័យរងគ្រោះដល់អាយុជីវិតរបស់ប្រជាពលរដ្ឋ

ចំណេះដឹងផ្នែកហិរញ្ញវត្ថុ មានភាពចាំបាច់បំផុតសម្រាប់មនុស្សគ្រប់រូប ជាពិសេសអាចជួយជំរុញកំណើនដល់សេដ្ឋកិច្ចជាតិ

ព្រឹត្តិការណ៍, ហិរញ្ញវត្ថុ

• 07/02/2025

ចំណេះដឹងហិរញ្ញវត្ថុរបស់ប្រជាពលរដ្ឋ គឺជាកត្តាចាំបាច់មួយក្នុង​កា​រជំរុញកំណើនសេដ្ឋកិច្ច និងសង្គម ម្លោះហើយការផ្ដោតការយកចិត្តទុកដាក់លើការលើកកម្ពស់ ចំណេះដឹងផ្នែកហិរញ្ញវត្ថុរបស់ប្រជាជន គឺជាការងារអាទិភាពមួយ

ឧបនាយករដ្ឋមន្ត្រី សាយ សំអាល់ ៖ ការកសាងបញ្ជាការដ្ឋានកងរាជអាវុធហត្ថខេត្តតាកែវ ជាការពូនជ្រុំ និងកសាងបន្តនូវស្មារតី ៧ មករា

ព្រឹត្តិការណ៍, អចលនទ្រព្យ

• 07/02/2025

ថ្នា្កក់ដឹកនាំក្រសួងរៀបចំដែនដី នគរូបនីយកម្ម និងសំណង់ ចាត់ទុកការកសាងបញ្ជាការដ្ឋានកងរាជអាវុធហត្ថខេត្តតាកែវថាជាការពូនជ្រុំនិងកសាងបន្តនូវស្មារតី ៧ មករា រក្សាបាននូវសុខសុវត្ថិភាព សន្តិភាព និងភាពសុខដុមរមនាសម្រាប់ប្រទេសជាតិ និងប្រជាជន

កូនខ្មែរមានសត្ថភាពផលិតគ្រឿងសំអាង និងមានការគាំទ្រច្រើននៅលើទីផ្សារ

ជំនួញ, ព្រឹត្តិការណ៍

• 07/02/2025

ដោយមើលឃើញសក្តានុពល និងភាពងាយស្រួលក្នុងការស្វែងរកវត្ថុធាតុដើមដ៏សំបូរបែប កូនខ្មែរមួយរូបបានខិតខំរិះរកគំនិតកែច្នៃរុក្ខជាតិធ្វើជាគ្រឿងសំអាង ហើយដាក់លក់នៅលើទីផ្សារក្នុងស្រុក

កម្ពុជាលើកទឹកចិត្តអង្គការស្បៀង និងកសិកម្មនៃអង្គការសហប្រជាជាតិ ជួយដល់សហគមន៍កសិកម្មទំនើប

ព្រឹត្តិការណ៍, សេដ្ឋកិច្ច

• 07/02/2025

កម្ពុជាលើកទឹកចិត្តអង្គការFAOជួយដល់សហគមន៍កសិកម្មទំនើបដែលជួយកាត់បន្ថយថ្លៃដើមផលិត មានប្រសិទ្ធភាពសេដ្ឋកិច្ច និង មាននិរន្តរភាព

ក្រុមហ៊ុន​ផលិត​រថយន្ត​​របស់ចិន BYD សម្រេចបោះទុន​បង្កើត​រោងចក្រ​ផ្គុំ​ និងដំឡើ​ង​នៅ​ខេត្តព្រះសីហនុ

ព្រឹត្តិការណ៍, សេដ្ឋកិច្ច

• 07/02/2025

ទី​បំផុ ក្រុមហ៊ុន​ផលិត​រថយន្តអគ្គិសនី​របស់ចិន បាន​សម្រេច​បោះទុនវិនិយោគបង្កើត​រោងចក្រ​ដំឡើង​រថយន្តអគ្គិសនី​នៅកម្ពុជា​ហើយ​

វិថីតេជោសន្តិភាពឆ្នេរអង្កោល កំពុងលើកសម្រស់ខេត្តកែបឱ្យកាន់តែស្រស់ស្អាត និងទាក់ទាញទេសចរ

ព្រឹត្តិការណ៍, អចលនទ្រព្យ

• 07/02/2025

«វិថីតេជោសន្តិភាពឆ្នេរអង្កោល» ជាសមិទ្ធផលឆ្លងសម័យកាល ពោល​ត្រូវបានសាង​សង់​ឡើង​ក្នុងពេលសម្តេច​តេជោជានាយករដ្ឋមន្ត្រី ហើយសម្រេចក្នុងពេលសម្តេចមហាបវរធិបតីជានាយក​រដ្ឋមន្ត្រី។

ក្រសួងពាណិជ្ជកម្ម នឹងរៀបចំពិព័រណ៍ផលិតផលខ្មែរ និងបន្លែផ្លែឈើ ជំរុញផលិតកម្មក្នុងស្រុក

ព្រឹត្តិការណ៍, សេដ្ឋកិច្ច

• 07/02/2025

ក្រសួងពាណិជ្ជកម្ម នឹងរៀបចំពិព័រណ៍ផលិតផលខ្មែរនិង បន្លែផ្លែឈើ ក្នុងគោលបំណងជំរុញផលិតកម្មក្នុងស្រុក គាំទ្រផលិតផលខ្មែរ និងផ្គូផ្គងពាណិជ្ជកម្មរវាងអ្នកផលិត និងអ្នកទិញ

តម្លៃមាសបន្តឡើងថ្លៃខ្ពស់ ១តម្លឹង ៣ ៤៤១ ដុល្លារអាម៉េរិក ដោយសារភាពតានតឹងផ្នែកពាណិជ្ជកម្មរបស់ប្រទេសមហាអំណាច

ព្រឹត្តិការណ៍, សេដ្ឋកិច្ច

• 07/02/2025

តម្លៃមាសឡើងថ្លៃ ១ ភាគរយ ឬ ២ ៨៥៨ ដុល្លារអាម៉េរិកក្នុងមួយអោន (នៅលើទីផ្សារកម្ពុជា មាសមួយតម្លឹងមានតម្លៃ ៣ ៤៤១ ដុល្លារអាម៉េរិក និង មួយជីមានតម្លៃ ៣៤៤ ដុល្លារអាម៉េរិក)។ អ្នកវិភាគព្យាករណ៍ថា តម្លៃអាចឡើងថ្លៃដល់ ២ ៩០០ ដុល្លារអាម៉េរិកក្នុងមួយអោននាពេលឆាប់ៗនេះ

គិតត្រឹមឆ្នាំ២០២៤ កម្ពុជា​មានអ្នក​ប្រើទូរសព្ទចល័ត​ចំនួន ២០,៦លាន ខណៈអ្នកប្រើប្រាស់សេវាអ៊ីនធើណេត​មានចំនួន ១៩​លាន​

ព្រឹត្តិការណ៍, សេដ្ឋកិច្ច

• 07/02/2025

គិតត្រឹម​ចុងឆ្នាំ២០២៤ ទូទាំង​ប្រទេស​កម្ពុជា​មាន​អ្នកប្រើប្រាស់ទូរសព្ទចល័ត​ចំនួន ​២០​លាន ​៦សែន ដែល​មានន័យ​ថា មនុស្ស​ម្នាក់អាច​មានទូរសព្ទ ២គ្រឿង​ និងខ្លះ​ ៣គ្រឿង