សួនឧស្សាហកម្ម កម្ពុជា-ចិន អាចនឹងលេចចេញរូបរាងនៅចុងឆ្នាំ២០២៤

ភ្នំពេញ ៖ សួនឧស្សាហកម្ម កម្ពុជា-ចិន គ្រោងនឹងបង្កើតឱ្យបាននៅចុងឆ្នាំ២០២៤ ឬយ៉ាងហោចណាស់នៅដើមឆ្នាំ២០២៥ ខណៈដែលរាជរដ្ឋាភិបាលកម្ពុជា និងសាធារណរដ្ឋប្រជាមានិតចិនកំពុងផ្តោតការយកចិត្តទុយកដាក់លើរឿងនេះ។ នេះបើតាមការលើកឡើងរបស់អ្នកឧកញ៉ា លឹម ហេង អនុប្រធានសភាពាណិជ្ជកម្មកម្ពុជា នាថ្ងៃទី១៥ ខែឧសភា ឆ្នាំ២០២៤នេះ។

អ្នកឧកញ៉ា លឹម ហេង បានប្រាប់ AMS Economy ថា ៖ ក្រសួងពាណិជ្ជកម្មកម្ពុជា បានចុះកិច្ចព្រមព្រៀងកាលពីឆ្នាំមុនជាមួយភាគីចិននៅទីក្រុង ណាននីង ខេត្តគ័រងស៊ី ដើម្បីបង្កើតសួនឧស្សាហកម្មកម្ពុជាចិននៅប្រទេសកម្ពុជាមួយ និងមួយទៀតនៅក្នុងប្រទេសចិន ព្រមទាំងមានសួនឧស្សាហកម្មអាស៊ានចិនផងដែរ។

គណៈប្រតិភូចិនមកពីខេត្តគ័រងស៊ី បានមកកម្ពុជាដើម្បីជំរុញនូវកិច្ចព្រមព្រៀងដែលបានចុះហត្ថលេខារួចរាល់ក្នុងគោលបំណងជំរុញឲ្យចេញជាសួនឧស្សាហកម្មនេះឡើង។

អ្នកឧកញ៉ា លឹម ហេង អនុប្រធានសភាពាណិជ្ជកម្មកម្ពុជា បានមានប្រសាសន៍ថា៖

« យើងបានកម្រិតថា សួនឧស្សាហកម្មកម្ពុជាចិននឹងចេញជារូបរាងនៅចុងឆ្នាំ២០២៤នេះ ឬយ៉ាងយូរដើមឆ្នាំ២០២៥ »។

ចំពោះទីតាំងវិញ អ្នកឧកញ៉ាបានឱ្យដឹងថា៖

«យើងកំពុងសិក្សាកំណត់ទាំងអស់គ្នា ថាត្រូវយកទីតាំងកន្លែងណា។ ភាគីចិនសម្លឹងឃើញតំបន់ខាងមាត់សមុទ្រ ប៉ុន្តែអ្វីដែលយើងឲ្យយោបល់ទៅគាត់ ធ្វើម៉េចសួនឧស្សាហកម្មនេះត្រូវជិតតំបន់វត្ថុធាតុដើមដែលជាផលិតផលកសិកម្មរបស់យើង។ ពួកគាត់មកហ្នឹងគឺគោលបំណងកែច្នៃវត្ថុធាតុដើមដែលជាផលិតផលកសិកម្មកម្ពុជាយើងដើម្បីធ្វើការនាំចេញ។ដូច្នេះប្រហែលជាអាចកំណត់ទីតាំងមួយច្បាស់លាស់ក្នុងរយៈពេលមួយខែពីរខែនេះដើម្បីឈានដល់ការបង្កើតសួនឧស្សា​ហ​កម្មនេះឡើង»។

អ្នកឧកញ៉ា លឹម ហេង បានគូសបញ្ជាក់ថា៖

«បើសួនឧស្សាហកម្មនេះកើតចេញរូបរាងគឺជាការជំរុញពាណិជ្ជកម្មមួយដ៏ល្អប្រសើរនូវកិច្ចព្រមព្រៀងសេរីពាណិជ្ជកម្មកម្ពុជាចិនដែលយើងកំពុងអនុវត្ត ខណៈប្រទេសទាំងពីរកំពុងតែកំណត់គោលដៅថា តំបន់ប៉ូលសេដ្ឋកិច្ចពិសេសទី៤ដែលផ្តោតលើហ្វូងមច្ឆា និងស្រូវ នៅតំបន់ភូមិភាគពាយ័ព្យនិងការកែច្នៃឱ្យអស់លទ្ធភាព ដើម្បីជំរុញការនាំចេញនេះអាច»។

លោកឧកញ៉ា ឈិន កេន ដែលជាអ្នកសម្របសម្រួលការនាំចេញទំនិញពីកម្ពុជាទៅចិនបានមានប្រសាសន៍ប្រាប់ AMS Economy ថា៖ ការបង្កើតសួនឧស្សាហកម្មចិន កម្ពុជា នេះ មានសារៈសំខាន់ និងល្អសម្រាប់ប្រទេសទាំងពីរជាពិសេសកម្ពុជា។

លោកឧកញ៉ាបានលើកឡើងថា៖

«ពេលណាបង្កើតសួនឧស្សាហកម្ម គឺត្រូវការដី ដូច្នេះជួយធ្វើឱ្យវិស័យអចលទ្រព្យល្អប្រសើរ។ ពេលត្រូវការសាងសង់រោងចក្រ និងហេដ្ឋារចនាសម្ព័ន្ធ នឹងជួយឱ្យវិស័យសំណង់នៅកម្ពុជាកើនឡើង បង្កើតការងារ និងកំណើនតម្រូវការវត្ថុធាតុដើម​។ ជាងនេះទៅទៀត នឹងជួយជំរុញសេដ្ឋកិច្ច បង្កើនចំណូលពន្ធជាតិ ទាក់ទាញវិនិយោគិន និងលើកស្ទួយផលិតផលកសិកម្ម»។

គួររំលឹកថា៖ កាលពីដើមឆ្នាំ២០២៤ អ្នកជំនាញផ្នែកពាណិជ្ជកម្មកម្ពុជា និងចិន បានជួបពិភាក្សាគ្នាលើការសិក្សាកំណត់ទីតាំងដើម្បីឈានទៅសាងសង់សួនឧស្សាហកម្ម កម្ពុជា-ចិន ដែលមានហេដ្ឋារចនាសម្ព័ន្ធ រោងចក្រ និងបរិក្ខារទំនើបៗសម្រាប់សម្រួលដល់ការធ្វើពាណិជ្ជកម្ម។

លោកបណ្ឌិត មាស ពិសិទ្ឋ អនុរដ្ឋលេខាធិការនៃក្រសួងកសិកម្ម រុក្ខាប្រមាញ់និងនេសាទ និងមន្ត្រីនៃអង្គភាពជំនាញបានមានប្រសាសន៍ថា៖ រាជរដ្ឋាភិបាលកម្ពុជា យកចិត្តទុកដាក់ក្នុងរៀបចំឲ្យមានសួនឧស្សាហកម្មនេះ ដែលរួមចំណែកអភិវឌ្ឍវិស័យកសិកម្ម និងបង្កើនសេដ្ឋកិច្ចជាតិ ជាពិសេសក្នុងផ្នែកកែច្នៃ វេចខ្ចប់ ទុកដាក់ដោះរបាំងបច្ចេកទេស (SPS) និងនាំចេញកសិផល។

លោកស្រី តាន់ ស៊ីវហុង( Tan Xiuhong) ប្រធានគណៈប្រតិភូសេដ្ឋកិច្ចនិងពាណិជ្ជកម្មខេត្ត គ័រងស៊ី បានឱ្យដឹងថា៖ សួនឧស្សាហកម្មកម្ពុជា-ចិន នេះ  នឹងរួមចំណែកអភិវឌ្ឍ ដោយជួយសម្រួលដល់ការបង្កើនពាណិជ្ជកម្មរវាងប្រទេសទាំងពីរ ជាពិសេសការដោះរបាំងបច្ចេកទេសសម្រាប់ទំនិញនាំចេញពីកម្ពុជាទៅចិន និងទៅប្រទេសផ្សេងទៀត ខណៈទំនិញសំខាន់ៗដែលភាគីចិនចង់នាំចេញពីកម្ពុជា ដោយប្រើយន្តការសួនឧស្សាហកម្មនេះ មានដូចជា វត្ថុធាតុដើមសម្រាប់រោងចក្រ ដូចជាកម្ទេចឈើ អង្ករ កៅស៊ូ ផ្លែឈើ ដំឡូងមីស្ងួត ម្សៅដំឡូងមី ព្រមទាំងកសិផលជាច្រើនទៀត ។

លោកស្រីបានបញ្ជាក់ថា៖ សួនឧស្សាហកម្មកម្ពុជា-ចិននៅតំបន់ស្វយ័តគ័រងស៊ី នៃសាធារណរដ្ឋប្រជាមានិតចិន ជាច្រកទំនាក់ទំនងរបស់ប្រទេសចិនជាមួយប្រទេសក្នុងតំបន់អាស៊ាន និងច្រកនាំចេញ-នាំចូល។ខេត្តគ័រងស៊ី គឺជាតំបន់ឆ្នេរតែមួយគត់ នៅភាគខាងលិចប្រទេសចិន ដែលជាច្រកទ្វារសេដ្ឋកិច្ចដ៏សំខាន់និងជាច្រកព្រំដែនសម្រាប់ប្រទេសចិន ក្នុងការតភ្ជាប់សេដ្ឋកិច្ចរបស់ខ្លួនទៅកាន់ពិភពលោកនិងប្រទេសផ្សេងៗទៀតក្នុងតំបន់អាស៊ានព្រមទាំងជាច្រកចូលសមុទ្រដ៏ងាយស្រួលបំផុតនៅភាគនិរតីប្រទេសចិន។

សម្រាប់កម្ពុជា និងចិន បានពង្រឹងបន្ថែមទៀតនូវកិច្ចសហប្រតិបត្តិការសេដ្ឋកិច្ច ពាណិជ្ជកម្ម ការវិនិយោគ ទេសចរណ៍ និងកិច្ចសហប្រតិបត្តិការរវាងប្រជាជន និងប្រជាជន ដើម្បីជំរុញការអនុវត្តកិច្ចព្រមព្រៀងដែលមេដឹកនាំកំពូលនៃប្រទេសទាំងពីរសម្រេចបាន ជាពិសេសក្នុងការកសាងសហគមន៍កម្ពុជា-ចិន ជាមួយនឹងអនាគតរួមគ្នា។

គួរឱ្យដឹងផងដែរថា ក្នុងជំនួបដោយឡែកជាមួយលោកជំទាវ ចម និមល រដ្ឋមន្ត្រីក្រសួងពាណិជ្ជកម្ម និងឯកឧត្តម ស៊ាង ថៃ រដ្ឋលេខាធិការក្រសួងពាណិជ្ជកម្ម គណៈប្រតិភូសេដ្ឋកិច្ចនិងពាណិជ្ជកម្មចិន បានពិភាក្សាអំពីវឌ្ឍនភាព នៃការសាងសង់សួនឧស្សាហកម្មចិន-កម្ពុជា នៅតំបន់ស្វយ័តជនជាតិជាំងក្វាងស៊ីនៃសាធារណរដ្ឋប្រជាមានិតចិននិងដើម្បីសិក្សាស្វែងយល់ពីគោលនយោ​បាយ និងឱកាសវិនិយោគនៅកម្ពុជាជាពិសេសសិក្សាពីលទ្ធភាពក្នុងការសាងសង់សួនឧស្សាហកម្មកម្ពុជា-ចិននៅកម្ពុជា៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ធនាគារពិភពលោកអនុម័តឥណទាន ៤០លានដុល្លារអាមេរិក សម្រាប់គម្រោងបង្កើនជំនាញដល់ពលរដ្ឋកម្ពុជា

ព្រឹត្តិការណ៍, ហិរញ្ញវត្ថុ

• 24/05/2024

ធនាគារពិភពលោក បានអនុម័តឥណទានចំនួន ៤០លាន ដុល្លារអាមេរិក សម្រាប់គម្រោងបង្កើនជំនាញដល់ពលរដ្ឋកម្ពុជាដើម្បីរកការងារបានកាន់តែល្អប្រសើរ ។

ស្វែងយល់ពីការបែងចែកប្រភេទក្រុមហ៊ុនដែលមានអាជីវកម្មបរិយាប័ន្ននៅកម្ពុជា

ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត

• 24/05/2024

អាជីវកម្មបរិយាប័ន្ន គឺជាអាជីវកម្មឈរលើគោលការណ៍ធុរកិច្ច ដែលបង្កើតដំណោះស្រាយជាប្រព័ន្ធ មានភាពច្នៃប្រតិដ្ឋ និងមានទ្រង់ទ្រាយធំ ដែលឆ្លើយតបទៅនឹងបញ្ហាប្រឈមពាក់ព័ន្ធរបស់ប្រជាជនក្រីក្រ និងប្រជាជនមានចំណូលទាប (BoP និង B40)។

ឧបនាយករដ្ឋមន្ត្រី ស៊ុន ចាន់ថុល ពន្យល់លម្អិតបន្ថែមអំពីគម្រោងព្រែកជីកហ្វូណនតេជោ ជូនមន្ត្រីជាន់ខ្ពស់របស់វៀតណាម

ព្រឹត្តិការណ៍, អចលនទ្រព្យ

• 24/05/2024

ឧបនាយករដ្ឋមន្ត្រី ស៊ុន ចាន់ថុល បានពន្យល់លម្អិតបន្ថែមអំពីគម្រោងព្រែកជីកហ្វូណនតេជោ ជូនដល់ឧបនាយករដ្ឋមន្ត្រីនៃប្រទេសវៀតណាម ។

អ្នកនាំពាក្យ​ក្រសួងសាធារណការ​ បញ្ជាក់ពីកាលបរិច្ឆេទនៃការ​បើ​ក​ការដ្ឋានគម្រោងព្រែកជីកហ្វូណន​តេជោ​

ព្រឹត្តិការណ៍, អចលនទ្រព្យ

• 24/05/2024

គម្រោងព្រែកជីក​ហ្វូណនតេជោ​នៅមិនទាន់​បានកំណត់​កាលបរិច្ឆេទបើ​ក​ការដ្ឋាន​សាងសង់​នៅឡើយទេ ខណៈបណ្ដាញសង្គម​មួយចំនួន​ផ្សព្វផ្សាយដោយគ្មានប្រភពច្បាស់លាស់ថា ​នឹងចាប់ផ្ដើម​នៅខែ​ក្រោយ​

កសិករដាំដំណាំម្រះ កំពុងរីករាយជាមួយកំណើនទិន្នផលរបស់ខ្លួន ខណៈដែលតម្រូវការទីផ្សារមានភាពទូលាយ

ជំនួញ, ព្រឹត្តិការណ៍

• 24/05/2024

ដោយសារម្រះមានទីផ្សារល្អ កសិករដាំម្រះកាន់តែអាចពង្រីកការដាំដុះដើម្បីទទួលបានទិន្នផលច្រើនផ្គត់ផ្គង់តាមតម្រូវការ

តម្លៃប្រេងបានបន្តឡើងថ្លៃជាង ៨០ ដុល្លារក្នុងមួយបារ៉ែល

ព្រឹត្តិការណ៍, សេដ្ឋកិច្ច

• 24/05/2024

តម្លៃប្រេងឆៅម៉ាក Brent ឡើងថ្លៃ ០,៨៨ ភាគរយ ឬ ៨២,៦២ ដុល្លារក្នុងមួយបារ៉ែល ខណៈដែលតម្លៃប្រេងឆៅ West Texas Intermediate (WTI) ឡើងថ្លៃ ០,៩៣ ភាគរយ ឬ ៧៨,២៩ ដុល្លារក្នុងមួយបារ៉ែល

អ្នកឧកញ៉ា គិត ម៉េង ជំរុញ និងលើកទឹកចិត្តវិនិយោគិនចិនបណ្តាក់ទុនវិនិយោគបន្ថែមទៀតនៅកម្ពុជា

ព្រឹត្តិការណ៍, សេដ្ឋកិច្ច

• 24/05/2024

សភាពាណិជ្ជកម្មកម្ពុជា និងសហព័ន្ធឧស្សាហកម្ម និងពាណិជ្ជកម្មនៃសាធារណរដ្ឋប្រជាមានិតចិនជជែកគ្នាពីការវិនិយោគ និងជំរុញការបណ្តាក់ទុនបន្ថែមនៅកម្ពុជា

Pronaca អនុវត្តគំរូអាជីកម្មបរិយាបន្នដែលបង្កើតឱកាសទីផ្សារដល់កសិករ ដើម្បីឲ្យពួកគេរួចផុតពីជីវភាពក្រីក្រ

ជំនួញ, ធុរកិច្ចបរិយាបន្ន, ព្រឹត្តិការណ៍

• 24/05/2024

Pronaca ផ្តល់ជំនួយផ្នែកហិរញ្ញវត្ថុដលកសិករសម្រាប់ទិញគ្រាប់ពូជ ជី និងការផ្គត់ផ្គង់កសិកម្មផ្សេងទៀតដែលមានការបញ្ជាក់ក្នុងតម្លៃសមរម្យ និងផ្តល់ជំនួយបច្ចេកទេសក្នុងការលើកកម្ពស់ផលិតភាពដំណាំប្រកបគុណភាព និងនិរន្តរភាព

តុវិនិយោគកសិ-ចំណីអាហារជួយពង្រឹង និងពង្រីកមូលដ្ឋានវិស័យកសិកម្ម និងកសិ-ឧស្សាហកម្មនៅកម្ពុជាឱ្យកាន់តែរឹងមាំ និងមានភាពធន់

ព្រឹត្តិការណ៍, សេដ្ឋកិច្ច

• 24/05/2024

តុវិនិយោគកសិ-ចំណីអាហារ នឹងជួយពង្រឹង និង ពង្រីកមូលដ្ឋានវិស័យកសិកម្ម និង កសិ-ឧស្សាហកម្មនៅកម្ពុជាឱ្យកាន់តែរឹងមាំ និង មានភាពធន់ ។

Mustard Tree ផ្តល់់ឱកាសដល់ជនពិការ និងអ្នកអសមត្ថភាពដែលចូលចិត្តបង្ហាញភាពច្នៃប្រតិដ្ឋតាមរយៈសិប្បកម្មកែច្នៃ

ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត

• 24/05/2024

មានទីតាំងនៅក្នុងប្រទេសសិង្ហបុរី បច្ចុប្បន្នអាជីវកម្ម Mustard Tree កំពុងដើរតួជាសហគ្រាសសង្គមជាមួយនឹងបេសកកម្មដែលលើសពីការងារសិប្បកម្មមានលក់នូវផលិតផលកែច្នៃដ៏ស្រស់ស្អាត