សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពីបរទេសបានរាយការណ៍ថា កំណើនវិស័យសេវាកម្មរបស់ប្រទេសចិនបានកើនឡើងដល់កម្រិតខ្ពស់រយៈពេល ១០ខែ ខណៈដែលវិស័យបច្ចេកវិទ្យាព័ត៌មានក៏កើនឡើងទាំងប្រាក់ចំណូល និងប្រាក់ចំណេញផងដែរ។
S&P Global លើកឡើងថា ភាពប្រសើរឡើងជារួមត្រូវបានជំរុញដោយការកើនឡើងយ៉ាងខ្លាំងនៃលំហូរអាជីវកម្មថ្មីៗ ហើយកំណើនការងារថ្មីបានកើនឡើងក្នុងល្បឿនលឿនបំផុតចាប់តាំងពីខែឧសភា ឆ្នាំ២០២៣។ ទន្ទឹមនឹងនេះ កំណើនអាជីវកម្មសម្រាប់ការនាំចេញមានភាពរឹងមាំនៅឆ្នាំនេះ ខណៈដែលការកែលម្អលក្ខខណ្ឌទីផ្សារក្នុងស្រុក និងខាងក្រៅ និងការចេញលក់ផលិតផលថ្មីបានជួយជំរុញឱ្យមានការកើនឡើងនៃការងារថ្មីៗ។ មិនត្រឹមតែប៉ុណ្ណោះ ចំនួនបុគ្គលិកបានកើនឡើងជាលើកដំបូងក្នុងរយៈពេល ៤ខែដំបូងក្នុងឆ្នាំ២០២៤ ដោយបានកើនឡើងក្នុងល្បឿនដ៏លឿនបំផុតចាប់តាំងពីខែកញ្ញា ឆ្នាំ២០២៣។ ក្រុមហ៊ុន ឬអាជីវកម្មជាច្រើនបានជួលបុគ្គលិកបន្ថែម ដើម្បីបំពេញការងារដែលកំពុងកើនឡើង។
លើសពីនេះ ការស្ទង់មតិបានបង្ហាញថា វិស័យឯកជនទាំងមូលត្រូវបានពង្រីកក្នុងល្បឿនដ៏លឿនបំផុតក្នុងខែឧសភា ដែលជំរុញដោយការពន្លឿនកំណើនទាំងក្នុងវិស័យផលិតកម្ម និងសេវាកម្ម។ សន្ទស្សន៍ទិន្នផលសមាសធាតុបានកើនឡើងដល់ ៥៤,១ ភាគរយក្នុងខែឧសភា ដែលកើនឡើងពី ៥២,៨ ភាគរយក្នុងខែមេសា។ លោក Wang Zhe សេដ្ឋវិទូជាន់ខ្ពស់នៃក្រុមហ៊ុន Caixin Insight Group លើកឡើងថា សេដ្ឋកិច្ចរបស់ប្រទេសចិននាបច្ចុប្បន្ននេះមានស្ថិរភាព និងនៅតែស្ថិតនៅលើផ្លូវឆ្ពោះទៅរកការងើបឡើងវិញ។ គោលនយោបាយដែលមានគោលបំណងរក្សាស្ថិរភាពសេដ្ឋកិច្ច ការជំរុញតម្រូវការក្នុងស្រុក និងការបង្កើនការងារចាំបាច់ត្រូវពង្រឹងបន្ថែមពីទៀត។
ទន្ទឹមនឹងនេះ ផ្អែកលើរបាយការណ៍ពីក្រសួងឧស្សាហកម្ម និងបច្ចេកវិទ្យាព័ត៌មានរបស់ចិន បានឲ្យដឹងថា ប្រាក់ចំណេញសរុបនៃវិស័យនេះបានកើនឡើង ១៤,៣ ភាគរយ ឬ ៤៣១,៤ ពាន់លានយ័ន (៦០,៦៩ ពាន់លានដុល្លារអាមេរិក) ខណៈដែលប្រាក់ចំណូលរួមបញ្ចូលគ្នាបានកើនឡើង ១១,៦ ភាគរយ ឬ ៣,៨ ទ្រីលានយ័ន។ ជាពិសេស ប្រាក់ចំណូលរួមបញ្ចូលគ្នានៃ Cloud និងសេវាកម្មទិន្នន័យធំបានកើនឡើង ១៤,៣ ភាគរយធៀបនឹងរយៈពេលដូចគ្នានៃឆ្នាំ ២០២៣ ដែលឈានដល់ ៤១០,៧ ពាន់លានយ័ន (៥៦,៥៨ ពាន់លានដុល្លារអាមេរិក)។ មិនត្រឹមតែប៉ុណ្ណោះ ប្រាក់ចំណូលពីផលិតផល Software និងសេវាកម្មផ្នែកសុវត្ថិភាពព័ត៌មានបានកើនឡើងពី ៨,៧ ភាគរយដល់ ៩,៣ ភាគរយ។
យ៉ាងណាមិញ ទាក់ទងនឹងតម្លៃបានឲ្យថា ថ្លៃដើមបញ្ចូលក្នុងដំណើរការផលិតកម្មបានបន្តកើនឡើងជិត ៤ ឆ្នាំមកហើយ។ យ៉ាងណាមិញ ការកើនឡើងនៃធាតុចូលក្នុងដំណើរការផលិតកម្ម កម្លាំងពលកម្ម និងថ្លៃដឹកជញ្ជូន ជាកត្តាចម្បងដែលរួមចំណែកដល់អតិផរណាខ្ពស់។ ជាលទ្ធផល អ្នកផ្តល់សេវាបានដំឡើងថ្លៃផលិតកម្មនៅក្នុងខែឧសភា ដែលធ្វើឲ្យអត្រាអតិផរណាកើនឡើងលឿនបំផុតចាប់តាំងពីឆ្នាំ ២០២២។ មិនត្រឹមតែប៉ុណ្ណោះ ចិនបន្តប្រឈមនឹងវិបត្តិអចលនទ្រព្យនៅឡើយ ដែលស្រដៀងនឹងករណីរបស់សហរដ្ឋអាមេរិក និងអេស្បាញមានវិបត្តិអចលនទ្រព្យនៅចុងទសវត្សរ៍ឆ្នាំ ២០០០៕
Account
Security
Favourite Content