ឯកឧត្តម ​សាយ សំអាល់ បង្ហាញពី​ផែនកា​រសាងសង់​ផ្លូវ​ជិះកង់តភ្ជាប់ពី​ខេត្ត​កែបទៅកាន់​ខេត្ត​កោះកុង​

ភ្នំពេញ ៖ យោងតាម​ផែនការ​របស់​ឯកឧត្តម ​សាយ សំអាល់ ឧបនាយករដ្ឋមន្ត្រី និងជារដ្ឋមន្ត្រីក្រសួង​រៀបចំដែន​ដី នគរូប​នីយកម្ម និងសំណង់ ដែលបានជម្រាបទៅកាន់​សម្ដេច​មហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា គ្រោង​នឹង​រៀបចំ​ផ្លូវ​សម្រាប់ជិះកង់​​ពីខេត្តកែប​រហូតដល់​ខេត្តកោះកុងស្រប​តាម​ឆ្នេរ​សមុទ្រ ។

សម្ដេច​ធិបតី ហ៊ុន ម៉ាណែត នៅ​ក្នុងពិធីសម្ពោធកំពង់ផែ​ពហុ​បំណង​កំពត​នៅព្រឹកថ្ងៃទី​០៦ ខែ​មិថុនា ឆ្នាំ ២០២៤ បានមានប្រសាសន៍ថា​​ បើសិនជា​អាច​​រៀបចំ​ធ្វើ​ផ្លូវ​សម្រាប់ជិះកង់​ពី​ខេត្តកែបទៅកាន់​ខេត្តកោះ​កុង​បាន​នោះ វា​អាចទាក់ទាញភ្ញៀវទេសចរ​បានមួយកម្រិតទៅលេង​តំបន់ឆ្នេរ ហើយសប្បុរស​ជន​ដែល​តែតែ​រៀបចំ​កម្មវិធីនានា​ដើម្បី​ប្រមូល​ថវិកា​ជូន​មន្ទីរពេទ្យ​គន្ធបុប្ផា​ក៏​អាច​រៀបចំ​កម្មវិធីជិះកង់ពី​ខេត្តកែបទៅកំពត​បាន ។ ​អ្វីដែលពិសេស​នោះ គឺវា​នឹង​ជួយ​លើកកម្ពស់​សុខុមាលភាពសុខភាពរបស់​ប្រជាពលរដ្ឋ​បានមួ​យ​កម្រិត​ទៀត​ផង ។

សម្ដេចធិបតីក៏បាន​បន្ថែម​ថា ​រដ្ឋាភិបាល​បាន​ខិតខំ​កសាង​ហេដ្ឋារចនាសម្ព័ន្ធតភ្ជាប់​ រួមមានផ្លូវ​ថ្នល់​ ផ្លូវដែក និងផ្លូវទឹក​រវាង​ខេត្ត​នៃតំបន់សមុទ្រ​ប្រទេស​កម្ពុជា ។​ ក្នុងនោះដែរ​ រដ្ឋាភិបាលក៏បាន​កសាង​ហេដ្ឋារចនាសម្ព័ន្ធ​ផ្លូវនៅក្នុង​តំបន់​សមុទ្រ​ជាច្រើនខ្សែ​ទៀតដើម្បីសម្រួលដល់ការធ្វើដំណើ​ររបស់ប្រជាពលរដ្ឋ​ទាក់ទាញ​ភ្ញៀវទេ​សច​រ វិនិយោគិនចូលមកកាន់​តំបន់​សមុទ្រ​កាន់តែច្រើនថែមទៀត ។

ឯកឧត្តម​ សាយ សំអាល់ ឧបនាយករដ្ឋមន្ត្រី និងជា​រដ្ឋមន្ត្រីក្រសួង​រៀបចំដែន​ដី នគរូប​នីយ​កម្ម​ និងសំណង់ ​ធ្លាប់បានលើកឡើងផងដែរថា ក្រសួងរៀបចំ​ដែន​ដីនគរូបនីយកម្ម​ និងសំណង់ នឹ​ង​ជំរុ​ញ​ឱ្យ​មាន​ការ​​រៀបចំទីក្រុង​សំខាន់ៗ​នៅតាមបណ្ដា​រាជធានី ខេត្ត​ឱ្យក្លាយជា​ទីក្រុង​ដែល​ជួយ​លើក​កម្ពស់​សុខុមាលភាព​ប្រជាពលរដ្ឋ​ ។ ក្នុងនោះដែរ ក្រសួង​ក៏បានជំរុញឱ្យ​មានការរៀបចំជាផ្លូវ​សម្រាប់ថ្មើ​ជើង ដើម្បីឱ្យ​ពលរដ្ឋ​ផ្លាស់​ប្តូរ​ឥរិយាបថ​មក​ដើរ​ឱ្យបាន​ច្រើន ។

គួរកត់សម្គាល់ថា ថ្មីៗនេះ រដ្ឋបាលសាលា​រាជធានីភ្នំពេញ ក៏បាន​ប្រកាស​បើក​ការដ្ឋាន​សាងសង់ផ្លូវ​ថ្មើជើង​ និងផ្សាររាត្រី​ចំនួន៣កន្លែង​នៅក្នុងរាជធានីភ្នំពេញ​ដើម្បី​ឱ្យ​ពលរដ្ឋ​ក្នុងរាជធានីភ្នពេញ ក៏ដូចជា​ភ្ញៀវ​ទេសចរជាតិអន្តរជាតិ​អាច​ដើរកម្សាន្ត​នៅពេលរាត្រីផង និងជា​ការ​ហាត់ប្រាណ​នៅក្រោយ​ធ្វើការ​ងារ​រួច​ផង ។ ទាំងនេះ នឹង​អាច​ជួយឱ្យការ​រស់នៅ​របស់ប្រជាពលរដ្ឋ​កាន់តែប្រសើរ​ និងអាច​ទាក់ទាញភ្ញៀវទេសចរ​បានមួយកម្រិតទៀត ជាពិសេស​ក៏អាច​ផ្ដល់​ជា​ប្រាក់ចំណូល​ដល់​អាជីវករ​លក់ដូរពេលរាត្រី​បាន​ថែមទៀត​ផង​ ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

អ្នកជំនាញណែនាំដល់កសិករឱ្យចេះប្រើឱកាសដាំដំណាំតាមរដូវកាល និងក្នុងបរិបទមានបម្រែបម្រួលអាកាសធាតុ

ព្រឹត្តិការណ៍, សេដ្ឋកិច្ច

• 19/07/2024

កសិករអាចកាត់បន្ថយការប្រើប្រាស់ទឹកបានតាមរយៈការប្រើប្រាស់ប្រព័ន្ធស្រោចស្រពតាមបច្ចេកទេសកសិកម្មទំនើប ដែលអាចជួយសន្សំទឹកបានរហូតដល់៤០ភាគរយ

កូរ៉េផ្តល់ជំនួយឥតសំណង៨លានដុល្លារជួយកម្ពុជា កសាងសមត្ថភាពបណ្តុះបណ្តាលធនធានមនុស្ស

ព្រឹត្តិការណ៍, សេដ្ឋកិច្ច

• 19/07/2024

ប្រទេសកូរ៉េបានផ្តល់ជំនួយឥតសំណងចំនួន៨លានដុល្លារអាមេរិកជួយកម្ពុជាលើការកសាងសមត្ថភាព និងបណ្តុះបណ្តាលធនធានមនុស្សខាង ICT និងបច្ចេកទេសវិជ្ជាជីវៈ

កូរ៉េ នឹងជួយបណ្តុះបណ្តាលពលករកម្ពុជាឱ្យមានជំនាញខាងកសិកម្មដើម្បីចូលរួមកសាងសេដ្ឋកិច្ចជាតិ

ព្រឹត្តិការណ៍, សេដ្ឋកិច្ច

• 19/07/2024

សាធារណរដ្ឋកូរ៉េ នឹងជួយបណ្តុះបណ្តាលពលករ/កសិករកម្ពុជាឱ្យមានជំនាញខាងកសិកម្មច្បាស់លាស់ ដើម្បីចូលរួមកសាងសេដ្ឋកិច្ច និងអភិវឌ្ឍជាតិ

តម្លៃប្រេងសកលធ្លាក់ចុះបន្តិច ខណៈដែលការនាំចូលប្រេងរបស់ចិនកើនឡើងយឺតជាងការរំពឹងទុក

ព្រឹត្តិការណ៍, សេដ្ឋកិច្ច

• 19/07/2024

តម្លៃប្រេងឆៅម៉ាក Brent ធ្លាក់ចុះត្រឹម៨៥,៦៣ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក WTI ធ្លាក់ចុះ នៅត្រឹម ៨២,៤៦ ដុល្លារក្នុងមួយបារ៉ែល

កម្ពុជា នឹងធ្វើជាម្ចាស់ផ្ទះ«វេទិកាសហគ្រិន និងពានរង្វាន់សហគ្រិនអាស៊ាន២០២៤» ជាលើកដំបូង

ព្រឹត្តិការណ៍, សេដ្ឋកិច្ច

• 18/07/2024

ព្រះរាជាណាចក្រកម្ពុជា នឹងធ្វើជាម្ចាស់ផ្ទះរៀបចំ«វេទិកាសហគ្រិន និងពានរង្វាន់សហគ្រិនអាស៊ាន២០២៤» ជាលើកដំបូងក្នុងប្រវត្តិសាស្ត្រ

ក្រុមប្រទេស​ G7 គ្រោងផ្តល់កម្ចី ៥០ ពាន់លានដុល្លារជួយអ៊ុយក្រែនកសាងប្រទេសឡើងវិញ

ព្រឹត្តិការណ៍, សេដ្ឋកិច្ច

• 18/07/2024

ក្រុមប្រទេស G7 បានឈានដល់កិច្ចព្រមព្រៀងមួយស្តីពីការប្រើប្រាស់ការប្រាក់ពីការបង្កកមូលនិធិរុស្ស៊ី ដោយគ្រោងផ្តលកម្ច ៥០ ពាន់លានដុល្លារក្នុងការជួយអុយក្រែ

តម្លៃមាសឡើងថ្លៃដល់កម្រិតខ្ពស់ជិតដល់ ២ ៥០០ ដុល្លារក្នុងមួយអោន

ព្រឹត្តិការណ៍, សេដ្ឋកិច្ច

• 18/07/2024

តម្លៃមាសនៅលើទីផ្សារអន្តរជាតិបានឡើងថ្លៃដល់កម្រិតខ្ពស់ ២ ៤៨០ ដុល្លារក្នុងមួយអោន ហើយតម្លៃមាសអាចនឹងឡើងថ្លៃដល់ ៣ ០០០ ដុល្លារក្នុងមួយអោនក្នុងរយៈពេល ១២ខែបន្ទាប់

អ្នកជាប់ពន្ធត្រៀម ! ពន្ធដារ នឹងចុះធ្វើសវនកម្មដល់ទីកន្លែងលើសហគ្រាសជាង៣០០០ ក្នុងឆ្នាំ២០២៤

ព្រឹត្តិការណ៍, សេដ្ឋកិច្ច

• 18/07/2024

អគ្គនាយកដ្ឋានពន្ធដារ បានចេញសេចក្តីប្រកាសថា មន្ត្រីជំនាញពន្ធដារនឹងចុះធ្វើសវនកម្មដល់ទីកន្លែងលើសហគ្រាសជាង៣០០០ ក្នុងឆ្នាំ២០២៤

កិច្ចប្រជុំពេញអង្គលើកទី៣នៃបក្សកុម្មុយនីស្តចិនធ្វើឡើងចំពេលសេដ្ឋកិច្ចមានកំណើនយឺតយ៉ាវ

ព្រឹត្តិការណ៍, សេដ្ឋកិច្ច

• 18/07/2024

ចិនបន្តជួបបញ្ហារាំងស្ទះជាច្រើនក្រោយពេលវិបត្តិកូវីដដែលរួមមានបញ្ហាបំណុលក្នុងវិស័យអចលនទ្រព្យ និងបញ្ហានៃការធ្លាក់ចុះទំនុកចិត្តទីផ្សារជាដើម

សម្ដេចតេជោ ហ៊ុន សែន ស្នើជប៉ុន​បង្កើន​ការ​វិនិយោគ​បន្ថែម​នៅ​កម្ពុជា​ ដើម្បីជំរុញកំណើនសេដ្ឋកិច្ច

ព្រឹត្តិការណ៍, សេដ្ឋកិច្ច

• 17/07/2024

សម្តេចតេជោ ហ៊ុន សែន ប្រធានព្រឹទ្ធសភានៃកម្ពុជា បានស្នើឱ្យជប៉ុនបង្កើនការវិនិយោ​គ​​បន្ថែមទៀតនៅកម្ពុជា ដើម្បីជំរុញកំណើនសេដ្ឋកិច្ច