ឌីជីថលូបនីយកម្មបានជួយសម្រួលដល់ទីផ្សារការងារ និងផលិតភាពការងារ

បរទេស ៖ យោងទៅតាមប្រភពព័ត៌មានពី IMF បានរាយការណ៍ថា ពិភពលោកបានទទួលយកបច្ចេកវិទ្យាឌីជីថលកាន់តែច្រើន ចាប់តាំងមានការរាតត្បាតកូវីដ-១៩ ហើយការងារពីចម្ងាយឥឡូវនេះគឺជារឿងធម្មតា ដោយសារក្រុមហ៊ុនជាច្រើនបានពង្រីកប្រតិបត្តិការតាមប្រព័ន្ធអ៊ីនធឺណិត។

នៅពេលដែលវិបត្តិបានធូរស្បើយ មនុស្សបានមើលឃើញថា ឌីជីថលូបនីយកម្មមានការរីកចម្រើនខ្លាំង តាមរយៈការប្រើប្រាស់កុំព្យូទ័រភ្ជាប់ទៅអ៊ីនធឺណិត និងជាប្រយោជន៍ដល់សេដ្ឋកិច្ចជាច្រើនដូចជា ផលិតភាព និងទីផ្សារការងារជាដើម។ មិនត្រឹមតែប៉ុណ្ណោះ ឌីជីថលូបនីយកម្មបានផ្លាស់ប្តូរយ៉ាងទូលំទូលាយទៅតាមប្រទេស វិស័យឧស្សាហកម្ម និងក្រុមហ៊ុននានា។

ឧទាហរណ៍ បុគ្គលិកជាងបួនភាគប្រាំនៅប្រទេសស៊ុយអែតប្រើប្រាស់កុំព្យូទ័រ ជាមួយនឹងប្រព័ណ្ធអ៊ីនធឺណិតនៅឆ្នាំ ២០១៩ ខណៈដែលប្រទេសក្រិកមានអត្រាទាបបំផុត ឬតិចជាងពីរភាគប្រាំ ប៉ុន្តែក្នុងកំឡុងពេលកូវីដ-១៩ ក្រិកបានកើនឡើងដល់ ៤៥ ភាគរយស្ទើរតែប្រហាក់ប្រហែលជាមួយនឹងជាមួយស៊ុយអែត។

លើសពីនេះផងដែរ IMF បានស្រាវជ្រាវឃើញថា ឌីជីថលូបនីយកម្មនៅទូទាំងប្រទេស ដែលមានសេដ្ឋកិច្ចជឿនលឿនបានកើនឡើងជាមធ្យម ៦ ភាគរយ ដែលនេះជាលទ្ធផលបានគូសបញ្ជាក់ថា ការរាតត្បាតបានពន្លឿនការធ្វើឌីជីថលភាវូបនីយកម្ម ជាពិសេសនៅក្នុងសេដ្ឋកិច្ច ឬឧស្សាហកម្មដែលមានភាពយឺតយ៉ាវ។ សូម្បីតែក្រុមហ៊ុនតូចៗ ដែលពីមុនមកមិនសូវប្រើបច្ចកវិទ្យាឌីជីថល ក៏បានបណ្តាក់ទុនកាន់តែច្រើននៅក្នុងឌីជីថលនីយកម្មផងដែរ ដោយសារការកើនឡើងនៃឌីជីថលូបនីយកម្មបានជួយសង្គ្រោះក្រុមហ៊ុនជាច្រើនក្នុងអំឡុងពេលរាតត្បាត ដោយជួយពួកគេសម្របខ្លួនទៅនឹងការធ្វើការពីចម្ងាយ និងប្រតិបត្តិការតាមប្រព័ន្ធអ៊ីនធឺណិត។

ការស្រាវជ្រាវបានរកឃើញដែរថា កម្រិតខ្ពស់នៃឌីជីថលភាវូបនីយកម្មបានជួយការពារផលិតភាព និងការងារពីអត្រាអត់ការងារធ្វើ ដោយឧស្សាហកម្មឌីជីថលភាគច្រើនជួបប្រទះការខាតបង់តិចតួចនៅក្នុងផលិតភាពការងារ និងជួយសម្រួលម៉ោងធ្វើការផងដែរ។

កំឡុងពេលមានការរាតត្បាតឆ្នាំ ២០២០ កន្លងទៅនេះ ការស្រាវជ្រាវក៏បានបង្ហាញទៀតថា ឌីជីថលូបនីយកម្មកាន់តែខ្ពស់នៅក្នុងវិស័យមួយអាចកាត់បន្ថយការបាត់បង់ផលិតភាពការងារបាន ២០ ភាគរយ ហើយកំណើនផលិតភាពការងារសរុបបានកើនឡើងមួយភាគបួន។ នេះបញ្ជាក់បានថា វាបានជួយបង្កើនផលិតភាព ការពារអត្រាមានការងារធ្វើ និងកាត់បន្ថយការរំខានផ្នែកសេដ្ឋកិច្ចអំឡុងពេលជំងឺរាតត្បាត។

ទោះជាយ៉ាងណាក្តី នៅពេលចាប់ផ្តើមនៃការរាតត្បាត អ្នកបង្កើតគោលនយោបាយជាច្រើនភ័យខ្លាចថា ឌីជីថលូបនីយកម្មកាន់តែច្រើនអាចពង្រីកវិសមភាពទីផ្សារការងារ ដោយការកើនឡើងតម្រូវការសម្រាប់បុគ្គលិកដែលមានជំនាញខ្ពស់ និងផ្តល់សម្ពាធដល់បុគ្គលិក ដែលមានជំនាញទាប និងមធ្យម។ ជាក់ស្តែង បច្ចេកវិទ្យាឌីជីថលបានការពារបុគ្គលិកជាច្រើនពីការបញ្ឈប់ការងារ ហើយការជ្រើសរើសបុគ្គលិកមានការកើនឡើងយ៉ាងខ្លាំង ខណៈដែលសេដ្ឋកិច្ចបានចាប់ផ្តើមងើបឡើងវិញ។

មិនត្រឹមតែប៉ុណ្ណោះ ការផ្លាស់ប្តូរនេះមានឥទ្ធិពលដល់ទីផ្សារការងារ គឺបដិវត្តន៍ធ្វើការពីផ្ទះ ដោយមុនពេលមានវិបត្តិ មានតែបុគ្គលិក ៥ ភាគរយប៉ុណ្ណោះដែលធ្វើការពីផ្ទះនៅខាងអឺរ៉ុប ប៉ុន្តែអត្រានេះបានកើនឡើងដល់ ១៦ ភាគរយកាលពីឆ្នាំ​២០២១ កន្លងទៅនេះ។ នៅក្នុងប្រទេសហូឡង់ដែលមានបុគ្គលិកជាង ២០ ភាគរយបានធ្វើការពីផ្ទះ ខណៈដែលនៅក្នុងប្រទេសអ៊ីតាលីមានតិចជាង ១០ ភាគរយនៃកម្មករធ្វើការពីផ្ទះ ដោយសារការធ្វើការពីផ្ទះអាចបង្កើតផលចំណេញយ៉ាងសំខាន់ ដោយកាត់បន្ថយការធ្វើដំណើរ និងបង្កើនភាពបត់បែននៃការគ្រប់គ្រងពេលវេលា។

លើសពីនេះ ការងារពីផ្ទះអាចជំរុញការភ្ជាប់ទៅនឹងទីផ្សារការងារ និងកម្លាំងពលកម្ម ខណៈពេលដែលជួយដល់បរិស្ថានដោយកាត់បន្ថយការធ្វើដំណើរ។ សព្វថ្ងៃនេះ ប្រទេសជាច្រើនបានទទួលស្គាល់ថា ការធ្វើការពីផ្ទះជារឿងធម្មតា ដោយសារការរាតត្បាតបានបង្កើនល្បឿននៃការទទួលយកបច្ចេកវិទ្យាឌីជីថល និងការពារផលិតភាពការងារ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

សហភាពអឺរ៉ុបលើកឡើងថា ការដាក់ទណ្ឌកម្មលើសេដ្ឋកិច្ចរុស្ស៊ីពិតជាមានប្រសិទ្ធភាព

ព្រឹត្តិការណ៍, សេដ្ឋកិច្ច

• 25/07/2024

រដ្ឋមន្ត្រីហិរញ្ញវត្ថុសហភាពអឺរ៉ុប ៨ រូប លើកឡើងថា រុស្ស៊ីនិយាយកុហកអំពីកម្លាំងសេដ្ឋកិច្ចរបស់ខ្លួន ដោយសារមាន​សញ្ញា​ជា​ច្រើន​ដែល​បង្ហាញ​ថា​សេដ្ឋកិច្ច​រុស្ស៊ី​កំពុង​ធ្លាក់​ចុះ ហើយគួរតែមានទណ្ឌកម្ម ​និង​វិធានការ​ផ្សេង​បន្ថែមទៀត​ ដើម្បី​ធ្វើ​ឲ្យ​សេដ្ឋកិច្ច​រុស្ស៊ី​ចុះ​ខ្សោយ​កាន់តែមានប្រសិទ្ធភាព

រដ្ឋាភិបាល និងស្ថាប័នហិរញ្ញវត្ថុ សហការបង្កើនអាទិភាពហិរញ្ញប្បទានសម្រាប់វិស័យទឹកស្អាត

ព្រឹត្តិការណ៍, អាជីវកម្មថ្មី និងនវានុវត្ត

• 25/07/2024

វេទិកាទឹកស្អាតត្រូវផ្តោតលើការពង្រឹង​កិច្ច​សហការរវាងរដ្ឋ វិស័យឯកជននិងស្ថាប័នហិរញ្ញវត្ថuលើកកម្ពស់​លទ្ធភាព​ទទួលសេវា​ទឹក​ស្អាតទូទាំង​ប្រទេស​

នាពេលអនាគត កម្ពុជានឹងមានមជ្ឈមណ្ឌលភស្តុភារកម្មភ្នំពេញសម្រាប់ទាក់ទាញការវិនិយោគផ្នែកឡូជីស្ទីក

ព្រឹត្តិការណ៍, សេដ្ឋកិច្ច

• 25/07/2024

នាពេលអនាគតឆាប់ៗកម្ពុជា នឹងមានមជ្ឈមណ្ឌលភស្តុភារកម្មភ្នំពេញ សម្រាប់ទាក់ទាញការវិនិយោគផ្នែកឡូជីស្ទីកទាំងក្នុង និង ក្រៅប្រទេស

វិស័យមីក្រូហិរញ្ញវត្ថុបន្តចូលរួមចំណែកយ៉ាងសំខាន់ក្នុងការជំរុញកំណើនសេដ្ឋកិច្ច

ព្រឹត្តិការណ៍, ហិរញ្ញវត្ថុ

• 25/07/2024

វិស័យមីក្រូហិរញ្ញវត្ថុនៅតែបន្តចូលរួមចំណែកយ៉ាងសំខាន់ក្នុងការជំរុញកំណើនសេដ្ឋកិច្ច តាមរយៈការផ្តល់ផលិតផល និងសេវាហិរញ្ញវត្ថុផ្លូវការដល់ប្រជាពលរដ្ឋ ជាពិសេសប្រជាពលរដ្ឋនៅតាមតំបន់ជនបទ

រាជរដ្ឋាភិបាល​អាណត្តិថ្មី បាន​ដាក់​ចេញវិធានការជា​បន្តបន្ទាប់​ ​ដើម្បីជំរុញ​ការស្ដារ​វិស័យ​សំណង់ ​និងអចលនទ្រព្យ​

ព្រឹត្តិការណ៍, អចលនទ្រព្យ

• 25/07/2024

រដ្ឋាភបិាលបាល​បានដាក់ចេញនូវ​វិធានការ​ជា​បន្តបន្ទាប់ដើម្បីជំរុញវិស័យ​អចលនទ្រព្យ ​និងសំណង់ឱ្យ​ងើ​បឡើងវិញតាំងពីអាណត្តិ​ចាស់​ដល់អាណត្តិ​ថ្មី

F-16ថ្មីចំនួន២គ្រឿងនៃកញ្ចប់ចំណាយជិត២ពាន់លានដុល្លារ ចុះចតដល់ទឹកដីស្លូវ៉ាលើកដំបូងក្រោយរង់ចាំជាង២ឆ្នាំ

ព្រឹត្តិការណ៍, អាជីវកម្មថ្មី និងនវានុវត្ត

• 25/07/2024

F-16 បានបង្ហាញអំពីការចូលរួមចំណែកយ៉ាងសំខាន់ក្នុងការធ្វើឲ្យប្រសើរឡើង និងកាន់តែមានប្រសិទ្ធភាពនៃសមត្ថភាពការពារជាតិរបស់ស្លុវ៉ាគី

រដ្ឋាភិបាលអភិវឌ្ឍបណ្តាខេត្តជាប់ឆ្នេរសមុទ្រទៅជារបៀងសេដ្ឋកិច្ចពហុបំណង និងឈានទៅគោលដៅឆ្នេរទេសចរណ៍កម្រិតពិភពលោក

ព្រឹត្តិការណ៍, សេដ្ឋកិច្ច

• 25/07/2024

កម្ពុជា នឹងអភិវឌ្ឍបណ្តាខេត្តជាប់ឆ្នេរសមុទ្រឱ្យទៅជារបៀងសេដ្ឋកិច្ចពហុបំណង ប្រទាក់ក្រឡា និងជាគោលដៅទេសចរណ៍ឆ្នេរកម្រិតពិភពលោក

ការចូលរួមសេដ្ឋកិច្ចឌីជីថលសម្រាប់សហគ្រិនស្ត្រី នឹងធ្វើឱ្យកម្ពុជាឈានទៅរកការពង្រីកអាជីវកម្មក្នុងតំបន់អាស៊ាន

ព្រឹត្តិការណ៍, សេដ្ឋកិច្ច

• 25/07/2024

ការលើកកម្ពស់នៃការចូលរួមសេដ្ឋកិច្ចឌីជីថលសម្រាប់សហគ្រិនស្ត្រី នឹងធ្វើឲ្យកម្ពុជាឈានទៅរកការពង្រីកអាជីវកម្មទៅកាន់តំបន់អាស៊ានតាមរយៈប្រព័ន្ធអេឡិចត្រូនិក

ស្វែងយល់ពីបច្ចេកទេសដាំដំណាំផ្ទី ងាយៗមិនចំណាយកម្លាំងច្រើន ប៉ុន្តែទទួលបានទិន្នផលខ្ពស់

ជំនួញ, ព្រឹត្តិការណ៍

• 24/07/2024

ផ្ទី ជាដំណាំមួយប្រភេទងាយស្រួលដាំដុះ ទទួលបានផលច្រើន និងមានតម្រូវការទីផ្សារល្អ