សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
កាកសំណល់អាហារ ឬសំណល់ផ្ទះបាយ គឺជាបញ្ហាមួយក្នុងចំណោមបញ្ហាដ៏ធ្ងន់ធ្ងរផ្សេងទៀតដែលបាន និងកំពុងតែដាក់បន្ទុកយ៉ាងខ្លាំងដល់បរិស្ថានរស់នៅរបស់មនុស្ស ក៏ដូចជាពិភពលោកជារៀងរាល់ថ្ងៃ។
ជារៀងរាល់ថ្ងៃ កាកសំណល់អាហាររាប់លានតោនត្រូវបានគេបោះបង់ចោល ឬប្រហែលជា៣០ភាគរយនៃអាហារដែលមនុស្សនៅទូទាំងពិភពលោកប្រើប្រាស់ជាប្រចាំ ហើយមិនត្រឹមតែប៉ុណ្ណោះកាកសំណល់ទាំងនោះបានចូលរួមបំពុលអាកាសធាតុដល់ទៅប្រមាណ១០ភាគរយនៃការបំពុលអាកាសនៅលើភពផែនដី។ នេះបើយោងតាមការស្រាវជ្រាវដោយ WWF ។
ក្រុមអ្នកវិទ្យាសាស្ត្រ និងក្រុមហ៊ុនអាជីវកម្មកើតថ្មីជាច្រើនកំពុងស្វះស្វែងរកវិធីក្នុងការរិះរកដំណោះស្រាយបញ្ហារួមគ្នាដោយផ្តោតសំខាន់ទៅលើការកែច្នៃម្ហូបអាហារដែលត្រូវបានបោះបង់ចោលទៅជាអាហារដែលអាចទទួលទានឡើងវិញបាន។
នៅក្នុងចំណោមនៃដំណោះស្រាយជាច្រើនដែលត្រូវបានលើកឡើង ក្នុងនោះឃើញមានក្រុមហ៊ុនអាជីវកម្មថ្មី (Business Start-up) របស់ប្រទេសសិង្ហបុរីមានឈ្មោះថា SinFooTech បានរកឃើញវិធីដ៏សាមញ្ញមួយដែលអាចច្នៃយកទឹកតៅហ៊ូដែលជាធម្មតាត្រូវបានគេបោះបង់ចោលទៅផលិតបានជាស្រាដ៏មានឱជារសមួយប្រភេទទៅវិញ។ ទឹកតៅហ៊ូ ដែលបានមកពីសង្វាក់ផលិតកម្មផលិតតៅហ៊ូមានសារជាតិកាល់ស្យូមខ្ពស់ និងសារជាតិចិញ្ចឹមខ្ពស់ ប៉ុន្តែដោយសារតែវាមិនអាចមានអាយុកាលយូរថ្ងៃ ដូចនេះទើបធ្វើឲ្យ SinFooTech រកឃើញវិធីសាស្ត្រដ៏សាមញ្ញមួយប្រែក្លាយវាទៅជាប្រភេទភេសជ្ជៈបែបអាល់កុលជំនួសវិញ។
ទឹកតៅហ៊ូដែលត្រូវបានបោះចោលពីរោងចក្រផលិតតៅហ៊ូត្រូវបាន SinFooTech ប្រមូលយកដោយបន្ថែមសារជាតិស្ករស និងមេដំបែមួយចំនួនមុនពេលយកទៅបិតទុកចោលរយៈពេល៦សប្តាហ៍ដើម្បីក្លាយទៅជាស្រាសមួយប្រភេទ និងត្រូវបានដាក់ឈ្មោះថា Sachi ។ ក្រោយបិត និងក្លាយទៅជាស្រាហើយនោះ Sachi មានសារធាតុអាល់កុលប្រមាណជា៥,៨ភាគរយប៉ុណ្ណោះ ប៉ុន្តែវាមានរសជាតិផ្អែមឆ្ងាញ់បែបស្រាប្រភេទ dessert wine ។
មិនត្រឹមតែមានគុណភាពរសជាតិឆ្ងាញ់ និងមានតម្លៃផលិតតិចនោះទេ Sachi គឺជាផលិតផលថ្មីដែលស្ថិតនៅក្នុងសង្វាក់ផលិតកម្មដែលមាននិរន្តភាព និងប៉ះពាល់តិចតួចបំផុតសម្រាប់បរិស្ថានផងដែរ ខណៈដែលបច្ចុប្បន្នត្រូវបានគេដាក់លក់ និងចរាចរនៅតាមទីផ្សារនានានៅទូទាំងប្រទេសជាមួយនឹងតម្លៃចាប់ពី១៥ដុល្លារប៉ុណ្ណោះក្នុងមួយដបដោយបូកបញ្ចូលជាមួយនឹងពន្ធរួចរាល់។ គួរឲ្យដឹងដែរថា បច្ចេកវិទ្យាច្នៃប្រឌិតកាកសំណល់អាហារទៅជាអាហារថ្មីសម្រាប់ប្រើប្រាស់ឡើងវិញមិនមែនមានតិចតួចនោះទេនៅពេលបច្ចុប្បន្ន ហើយក្រៅពីនោះគេសង្កេតឃើញមានដូចជានៅចក្រភពអង់គ្លេស ក៏មានការកែច្នៃកម្ទេចនំប័ងទៅជាស្រាបៀរដូចគ្នា ខណៈដែលនៅប្រទេសសិង្ហបុរីគេទាញយកទឹកកខ្វក់ផលិតទៅជាទឹកស្អាតសម្រាប់ប្រើប្រាស់ឡើងវិញ ដែលបានធ្វើឲ្យមានការកាត់បន្ថយកាកសំណល់រាប់តោន និងទទួលបានប្រាក់ចំណូលមកវិញរាប់លានដុល្លារផងដែរ៕
អ្នកសារព័ត៌មានអន្តរជាតិ
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
រកឃើញយន្តហោះចម្បាំងជប៉ុន សម័យសង្គ្រាមលោកលើកទី ២ ក្រោយបាត់ខ្លួនអស់ ៨១ ឆ្នាំ
ព្រឹត្តិការណ៍, អាជីវកម្មថ្មី និងនវានុវត្ត
• 10/04/2026
យន្តហោះចម្បាំងមួយគ្រឿង ដែលធ្លាប់ត្រូវបានប្រើប្រាស់អំឡុងសម័យសង្គ្រាមលោកលើកទី ២ ដោយកងទ័ពជើងទឹកអធិរាជជប៉ុន ឬ Imperial Navy ត្រូវបានគេរកឃើញ បន្ទាប់ពីវាបានដេកលង់លក់នៅក្រោមបាតសមុទ្រអស់រយៈពេល ៨១ ឆ្នាំ
៥ឆ្នាំទៀត ចិននឹងមានឡានតាក់ស៊ីគ្មានមនុស្សបើករហូតដល់ ៤លានគ្រឿង
ព្រឹត្តិការណ៍, អាជីវកម្មថ្មី និងនវានុវត្ត
• 10/04/2026
៥ឆ្នាំទៀត ឬនៅឆ្នាំ២០៣០ ប្រទេសចិនបានកំណត់គោលដៅដាក់ដំណើរការឡានតាក់ស៊ីគ្មានមនុស្សបើក ឬបើកបរដោយស្វ័យប្រវត្តិរហូតដល់ ៣០០ ០០០គ្រឿង នៅតាមបណ្តាទីក្រុងធំៗចំនួន៤
ចិន ជោគជ័យសាកល្បងហោះហើរយន្តហោះគ្មានមនុស្សបើកធំបំផុតក្នុងលោក
ព្រឹត្តិការណ៍, អាជីវកម្មថ្មី និងនវានុវត្ត
• 10/04/2026
ចិន កាន់តែវិវឌ្ឍរីកចម្រើនថែមមួយកម្រិតទៀត ស្របពេលដែលមហាយក្សនៅអាស៊ីមួយនេះ បានទទួលជោគជ័យក្នុងការសាកល្បងហោះហើរយន្តហោះដ្រូនដឹកជញ្ជូនធំជាងគេបំផុតរបស់ពិភពលោក
៣ ខែដំបូង កូរ៉េខាងជើង បាញ់តេស្តមីស៊ីល ១៣ គ្រាប់ ខណៈ លោក គីម ជុងអ៊ុន ថាមកពីវិបត្តិភូមិសាស្ត្រនយោបាយ
ព្រឹត្តិការណ៍, អាជីវកម្មថ្មី និងនវានុវត្ត
• 10/04/2026
ត្រឹមរយៈពេល ៣ ខែដំបូងនៃឆ្នាំ២០២៦ នេះ ប្រទេសកូរ៉េខាងជើងបានបាញ់សាកល្បងមីស៊ីលផ្លោងរបស់ខ្លួនចំនួន ៣ លើក និងមានមីស៊ីលសរុបចំនួន ១៣ គ្រាប់
រោងចក្រ Newbustar (crossleader) ជារោងចក្រទីពីរ ដែលមានសិទ្ធិលក់ ចែកចាយ និងផលិតសំបកកង់ឡាននៅខ្មែរ
ព្រឹត្តិការណ៍, អត្ថបទពាណិជ្ជកម្ម
• 10/04/2026
ស្របពេលគ្រប់ទំនិញឡើងថ្លៃស្ទើរគ្រប់មុខដោយសារតែប្រេងឥន្ធន:ឡើងថ្លៃធ្វើឱ្យប៉ះពាល់ដល់ទីផ្សារទំនិញទូទាំងសកលលោក។ ទោះជាយ៉ាងណាក្តីអ្វីដែលល្អសម្រាប់កម្ពុជាត្រូវបានទទួលកាដូពិសេសមុនចូលឆ្នាំថ្មីប្រពៃណីជាតិខ្មែរខាងមុខនេះបែរជាមានវត្តមានសំបកកង់ខ្មែរមួយម៉ាកទៀត ហើយជារោងចក្រទីពីរ ផងដែរដែលមានសិទ្ធិលក់ និងចែកចាយសំបកកង់ឡានផលិតនៅខ្មែរ លើទឹកដីថ្មីនៃខេត្តក្រចេះ ក្រោមការផលិតដោយរោងចក្រឈ្មោះ Newbustar ផលិតសំបកកង់ឡានម៉ាក (crossleader)។
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content