សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ក្រុមប្រឹក្សាកំពូលកិច្ចការងារបញ្ជាទិញអាវុធរបស់ប្រទេសឥណ្ឌាដែលហៅកាត់ថា DAC ( Defense Acquisition Council) សប្តាហ៍នេះបានឈានមកដល់ដំណើរការអនុម័តដំណាក់កាលដំបូងហើយដើម្បីអាចបញ្ចេញថវិកាជាតិប្រមាណជា៤,៨ពាន់លានដុល្លារក្នុងការសាងសង់នាវាផ្ទុកយន្តហោះចម្បាំងថ្មីមួយទៀតបន្ថែមពីលើនាវាធុនធ្ងន់ប្រភេទនេះចំនួន២ដែលកំពុងប្រតិបត្តិការ។
DAC គឺជាគណកម្មការកំពូលសម្រាប់កិច្ចការងារសម្រេចចិត្តទិញអាវុធនានាសម្រាប់វិស័យការពារជាតិដែលមានប្រធានជារដ្ឋមន្ត្រីក្រសួងការពារជាតិបច្ចុប្បន្នលោក Rajnath Singh ហើយតាមផែនការកិច្ចប្រជុំសម្រេចជាផ្លូវការនឹងត្រូវធ្វើឡើងនៅថ្ងៃព្រហស្បតិ៍នេះ។
យោងតាមការចេញផ្សាយរបស់ប្រភពព័ត៌មានជាច្រើនបានសរសេរថា គោលបំណងសំខាន់របស់រដ្ឋាភិបាលក្រុងញូវដេលីគឺដើម្បីបង្កើនសមត្ថភាពនៃកងទ័ពជើងទឹករបស់ខ្លួនស្របពេលដែលមានការព្រួយបារម្ភកាន់តែខ្លាំងនៃកងកម្លាំងយោធាចិននៅតាមតំបន់មហាសមុទ្រឥណ្ឌា។
កាលពីខែមុនមេបញ្ជាការកំពូលនៃកងកម្លាំងកងទ័ពជើងទឹកឥណ្ឌា លោក Hari Kumar ធ្លាប់បានប្រកាសម្តងហើយថា ឥណ្ឌាកំពុងស្វែងរកលទ្ធភាពក្នុងការសាងសង់នាវាផ្ទុកយន្តហោះចម្បាំងទី២ដែលផលិតក្នុងស្រុកមួយទៀតមានការរចនា និងសមត្ថភាពស្រដៀងទៅនឹងនាវា INS Vikrant។
គួរឲ្យដឹងដែរថា បច្ចុប្បន្នមហាយក្សអាស៊ីមួយនេះកំពុងប្រតិបត្តិការនាវាផ្ទុកយន្តហោះចម្បាំងចំនួន២ ដែលក្នុងនោះមួយជានាវាដែលផលិតអំឡុងសម័យសហភាពសូវៀតដែលមានឈ្មោះថា INS Vikramaditya និងនាវាផលិតក្នុងស្រុក INS Vikrant ដែលវាមានតម្លៃប្រមាណជា ៣,២ពាន់លានដុល្លារ។
នាវាផ្ទុកយន្តហោះចម្បាំង INS Vikramaditaya គឺជានាវាដែលប្រតិបត្តិដំបូងបំផុតក្នុងជួរទ័ពឥណ្ឌាបន្ទាប់ពីវាត្រូវបានបញ្ជាទិញពីប្រទេសរុស្ស៊ីអំឡុងឆ្នាំ២០០៤ក្នុងតម្លៃ ២,៣៥ពាន់លានដុល្លារ។ នាវានេះធ្លាប់បានបំពេញបេសកកម្មរបស់ខ្លួនតាំងតែពីសម័យសហភាពសូវៀតមកម្ល៉េះ៕
Account
Security
Favourite Content