សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
មនុស្សភាគច្រើនប្រហែលជាយល់ថា ការមានចំណូលតិចគឺជាឧបសគ្គក្នុងការសន្សំប្រាក់ ម្លោះហើយសុខភាពហិរញ្ញវត្ថុរបស់ពួកគេក៏ច្រើនតែមានបញ្ហា។ ប៉ុន្តែ សម្រាប់អ្នកស្រី យ៉ាង សាង ដែលជាកម្មការិនីរោងចក្រ មិនបានគិតដូច្នោះទេ ពោលគឺអ្នកស្រីយល់ថា កត្តាដែលសំខាន់បំផុតគឺការចេះទុកដាក់លុយដែលរកបានមកឱ្យបានល្អ និងមានការបែងចែកឱ្យបានច្បាស់លាស់។
រស់នៅស្រុកពារាំង ខេត្តព្រៃវែង អ្នកស្រី យ៉ាង សាង មានកូនម្នាក់ និងមានស្វាមីជាកម្មករសំណង់។ ដោយសារតែមានកូននៅក្នុងបន្ទុកផង អ្នកស្រីបានរៀបចំផែនការហិរញ្ញវត្ថុរបស់គ្រួសារយ៉ាងល្អិតល្អន់។
អ្នកស្រី យ៉ាង សាង បានរៀបរាប់ឱ្យដឹងថា៖
«ពីមុនមិនមានអ្វីទេ សូម្បីតែផ្ទះកម្មសិទ្ធិក៏មិនមាននៅផង ប៉ុន្តែដោយការចាយវាយត្បិតត្បៀត ខ្ញុំក៏មានលទ្ធភាពយកកម្ចីធនាគារមកសង់ផ្ទះបាន»។
ស្ថិតនៅក្នុងស្ថានភាពសងត្រឡប់ជាប្រចាំទៅកាន់ធនាគារផង មានកូនក្នុងបន្ទុកផង អ្នកស្រី យ៉ាង សាង បានចែករំលែកអំពីការបែងចែកចំណាយប្រចាំថ្ងៃរបស់ខ្លួនថា៖
«ប្រាកខែរបស់ខ្ញុំគឺសម្រាប់បង់ត្រឡប់ទៅធនាគារ ហើយអាចនៅសល់បន្តិចបន្តួចសម្រាប់សន្សំ។ ចំណែកប្រាក់ខែប្ដីដែលគាត់បើកជាថ្ងៃ ឬជាអាទិត្យនោះ ខ្ញុំយកទៅចាត់ចែងការចំណាយប្រចាំថ្ងៃ»។
សម្រាប់ប្រាក់សន្សំវិញ អ្នកស្រីទុកជាកញ្ចប់មួយផ្សេងដែលមិនប៉ះពាល់ឡើយ និយាយរួមគឺទុកសម្រាប់ទិញសម្ភារៈចាំបាច់ ឬសម្រាប់ទិញជាកាដូដើម្បីជាការជំរុញទឹកចិត្តដល់ខ្លួនឯង និងគ្រួសារឱ្យមានកម្លាំងចិត្តប្រឹងប្រែងធ្វើការបន្តទៀត។
ចំពោះការប្រើប្រាស់កម្ចីទៀតសោត អ្នកស្រីប្រើប្រាស់កម្ចីតែមួយប្រភព ដែលជាកម្ចីផ្លូវការ ជាមូលហេតុសំខាន់នាំឱ្យអ្នកស្រីអាចគ្រប់គ្រងហិរញ្ញវត្ថុរបស់ខ្លួនបានល្អ។
ទាក់ទិននឹងចំណុចនេះ អ្នកស្រីបានរៀបរាប់ឱ្យដឹងថា៖ «បើខ្ចី គឺខ្ញុំខ្ចីតែមួយប្រភពទេ មិនអាចខ្ចីពីប្រភពនេះ ទៅសងប្រភពនោះទេ! ធ្វើបែបនេះយើងមិនជាប់បំណុលលើសលប់ និយាយទៅយើងអាចមានលទ្ធភាពសងគេបានដោយមិនព្រួយភ័យរឿងការប្រាក់ថ្លៃ»៕
Account
Security
Favourite Content