សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
សម័យកាលកាន់តែទៅមុខ បច្ចេកវិទ្យាកាន់តែទំនើបបានធ្វើឲ្យបដិវត្តឧស្សាហកម្ម ៤.០ ដែលទើបតែកកើតឡើងក្នងរយៈពេលមួយទសវត្សរ៍ចុងក្រោយនេះបានក្លាយទៅជាឧបករណ៍ដ៏សំខាន់ក្នុងការផ្លាស់ប្តូរពិភពលោកឲ្យកាន់តែមានសន្ទុះអភិវឌ្ឍ និងវឌ្ឍភាពកាន់តែរីកចម្រើនឡើងក្នុងពេលជាមួយគ្នា។
ជាពាក្យដែលត្រូវបានមនុស្សគ្រប់ៗគ្នាបានប្រើប្រាស់យ៉ាងទូលាយរួចទៅហើយ ប៉ុន្តែនៅមានអ្នកខ្លះអាចនៅតែមានការភាន់ច្រឡំកិច្ចការងារឧស្សាហកម្ម ៤.០ នេះទៅនឹងបច្ចេកវិទ្យាមួយចំនួនផ្សេងទៀតដូចជារោងចក្រឆ្លាតវៃ (Smart factories), IoT ឧស្សាហកម្ម (Industrial Internet of Things), ឧស្សាហកម្មឆ្លាតវៃ (Smart industry), រឺផលិតកម្មជឿនលឿន (Advanced manufacturing) ជាដើម។
ការពន្យល់ឲ្យងាយស្រួលស្តាប់យើងអាចនិយាយបានថា បច្ចេកវិទ្យាខាងលើទាំងអស់គ្នាគឺជាផ្នែកមួយចំណែកនៃបដិវដ្តឧស្សាហកម្ម ៤.០ប៉ុណ្ណោះ ពីព្រោះថា បដិវត្តឧស្សាហកម្ម ៤.០ គឺជាទំរង់នៃការផ្លាស់ប្តូរពិភពលោកទាំងមូលយ៉ាងទូលាយបំផុតដែលផ្តោតទៅលើទាំងវិស័យឧស្សាហកម្ម និងផលិតកម្មតាមរយៈការប្រើប្រាស់បច្ចេកវិទ្យាទំនើបៗដែលមានទាំងឌីជីថលគ្រប់ប្រភេទប្រព័ន្ធអនឡាញគ្រប់បែបយ៉ាង និងប្រព័ន្ធបច្ចេកវិទ្យាឆ្លាតវ៉ៃទាំងអស់ដែលមានរួមចាប់តាំងពី AI(បច្ចេកវិទ្យាសិប្បនិម្មិត) ទៅដល់ Automation(ប្រព័ន្ធស្វ័យប្រវត្តិកម្ម)។
ពណ៌នាឲ្យលំអិតជាងនេះទៅទៀតនោះក្រៅតែពីបច្ចេកវិទ្យារៀបរាប់ខាងលើបដិវត្តឧស្សាហកម្ម ៤.០ ក៏នឹងទាមទារឲ្យមានការបញ្ចូលបច្ចេកវិទ្យាសំខាន់ៗជាច្រើនផ្សេងទៀតផងដែរដូចជាការប្រើប្រាស់បច្ចេកវិទ្យាពត៌មាន និងគមនាគមន៍ ICT ការប្រើប្រាស់ ប្រព័ន្ធ Cyber-physical systems ការប្រើប្រាស់បច្ចេកវិទ្យា ប្រព័ន្ធ Cyber-physical systems ការប្រើប្រាស់ប្រព័ន្ធគ្រប់គ្រងទិន្នន័យបែប Big Data និង Cloud Computing និងក៏ដូចជាការប្រើប្រាស់ប្រព័ន្ធធនធានពលកម្មជំនួសឲ្យមនុស្សដូចជា Robot និងបច្ចកវិទ្យា AR (augmented reality) ។
ការត្រៀមខ្លួនសម្រាប់អនាគតគឺជាកិច្ចការងារចំបាច់សម្រាប់រដ្ឋាភិបាលក្រុមហ៊ុន និងពលរដ្ឋគ្រប់គ្នាដើម្បីតាមឲ្យទាន់សម័យកាលនៃការប្រកួតប្រជែងទីផ្សារដ៏សំបូរបែប ដូចនេះបច្ចេកវិទ្យាទាំងអស់នៅក្នុងបដិវត្តឧស្សាហកម្ម ៤.០នឹងក្លាយទៅជាមុខអាជីពដែលមានទីផ្សារបំផុតនាពេលខាងមុខដើម្បីគាំទ្រដល់ការស្វែងរកការងារឲ្យខ្លួនឯងរបស់ពលរដ្ឋផង និងដើម្បីអាចឲ្យរដ្ឋាភិបាលនៃបណ្តាប្រទេសមានកម្លាំងកាន់តែខ្លាំងក្នុងការប្រជែងសេដ្ឋកិច្ច និងពាណិជ្ជកម្មជាមួយនឹងបណ្តាប្រទេសផ្សេងទៀត។
គួរឲ្យដឹងដែរថា សារៈសំខាន់របស់បដិវត្តបច្ចេកវិទ្យានេះនឹងត្រូវចាក់បញ្ចូល និងចាក់ស្រេះទៅក្នុងស្ទើរគ្រប់យ៉ាងជាពិសេសនៅក្នុងកិច្ចការងារកសាងហេដ្ឋារចនាសម្ព័ន្ធជាតិសំខាន់ៗ ក្នុងវិស័យជាច្រើន ដូចជា វិស័យការពារជាតិ វិស័យបច្ចេកវិទ្យា និងទូរគមនាគមន៍ វិស័យគីមីសាស្ត្រ វិស័យពាណិជ្ជកម្ម វិស័យសេវាកម្មហិរញ្ញវត្ថុ វិស័យគ្រប់គ្រងសេវាដឹកជញ្ជូន វិស័យកសិកម្ម និងស្បៀងអាហារ វិស័យរោងចក្រផលិតកម្ម វិស័យអគ្គីសនី និងផ្គត់ផ្គង់ថាមពល វិស័យសុខាភិបាលសាធារណៈ វិស័យសេវាសង្គ្រោះបន្ទាន់ វិស័យរោងចក្រនុយក្លេអែរ និងកាកសំណល់ វិស័យផ្គត់ផ្គង់ទឹកស្អាត និងគ្រប់គ្រងទឹកស្អុយ៕
Account
Security
Favourite Content