សិប្បកម្មផលិតម្សៅភីហ្សាក្នុងស្រុកមួយផ្ដល់ឱកាសការងារ ជំនាញ និងប្រាក់ចំណូលដល់ពលរដ្ឋកម្ពុជា រាប់រយនាក់

ភ្នំពេញ ៖ ជាសិប្បកម្មផលិតម្សៅភីហ្សាមួយកន្លែង នៅជាយរាជធានីភ្នំពេញ បាន និងកំពុងផ្ដល់ឱកាសការងារប្រាក់ចំណូល និង ជំនាញបន្ថែមដល់ប្រជាពលរដ្ឋកម្ពុជារាប់តាំងពីអ្នកផលិត រហូតដល់អ្នកលក់រាយនៅតាមផ្សារ និងតាមដងផ្លូវនានា ។

លោក កឹម សាន ម្ចាស់សិប្បកម្មផលិតម្សៅភីហ្សាគ្រួសាររីករាយ ដែលមានទីតាំងនៅខាងលិចរាជធានីភ្នំពេញបានមានប្រសាសន៍ប្រាប់សារព័ត៌មាន AMS នៅព្រឹកថ្ងៃទី០១ មីនា ២០២៤នេះឱ្យដឹងថា សិប្បកម្មរបស់លោកបាន និងកំពុងផ្ដល់ឱកាសការងារដល់អ្នកផលិត អ្នកដឹកជញ្ជូន និងអ្នកលក់រាយផ្ទាល់ជាច្រើននាក់ ហើយអ្វីដែលពិសេសនោះ អ្នកផលិតម្សៅភីហ្សាក្នុងសិប្បកម្មនេះ ក៏ទទួលបាននូវជំនាញពិតប្រាកមួយដែលជាទុនសំខាន់មួយនៅពេលអនាគត ។

លោកបន្តថា បុគ្គលិកដែលមកបម្រើការនៅសិប្បកម្មភីហ្សាគ្រួសាររីករាយ ត្រូវបានបញ្ជូនឱ្យទៅសិក្សាជំនាញនៅវិទ្យាស្ថានពហុបច្ចេកទេសកម្ពុជា ហៅថា NIPC ជាមុនសិន ទើបឱ្យពួកគេចូលមកធ្វើការផលិតម្សៅភីហ្សាដើម្បីចែកចាយនៅលើទីផ្សារ ដូច្នេះពួកគេទទួលបានប្រាក់ខែពីក្រុមហ៊ុនផង និងទទួលបានជំនាញដែលបណ្ដុះបណ្ដាលដោយសាលាល្បីឈ្មោះ និងទទួលស្គាល់ពីស្ថាប័នជាតិ និងអន្តរជាតិផងដែរ។

លោកបន្តទៀតថា សព្វថ្ងៃបើនិយាយពីបុគ្គលិកបម្រើការផ្ទាល់នៅ ក្នុងសិប្បកម្ម ថ្វីត្បិតតែមិនច្រើនដូចបណ្ដារោងចក្រ សហគ្រាសពិតមែន តែសិប្បកម្មនេះបានចែកចាយផលិតផលម្សៅភីហ្សាទៅកាន់ទីផ្សារ បានផ្ដល់ការងារដល់ពលរដ្ឋនៅនឹងផ្ទះ ឬនៅជិតៗផ្ទះ និងបានផ្ដល់នូវប្រាក់ចំណូលដល់អ្នកលក់រាយសម្រាប់ផ្គត់ផ្គង់ជីវភាពគ្រួសារបានមួយកម្រិតទៀតផងដែរ ។

លោកបញ្ជាក់ថា ៖

« សិប្បិកម្មយើងបានផ្ដល់ការងារដល់យុវជនដែលមកពីគ្រួសារក្រីក្រ ឱ្យទទួលបានប្រាក់ចំណូលសម្រាប់ផ្គត់ផ្គង់គ្រួសារ និងជំនាញបន្ថែម អាចបង្កើតអាជីវកម្មខ្លួនឯងនៅពេលអនាគត, ផ្ដល់ការងារដល់ស្ត្រីមេផ្ទះដែលជាប់មើលថែកូនដោយពួកគាត់អាចលក់ភីហ្សានៅនឹងផ្ទះ ឬទីតាំងនៅជិតផ្ទះ ដូច្នេះពួកគាត់អាចរកចំណូលបានផង និងមានពេលមើលថែកូនៗនៅផ្ទះបានថែមទៀត » ។

លោកបន្ថែមថា ៖

«ក្រៅពីអត្ថប្រយោជន៍ទាំងនោះ ការផលិតនូវម្សៅភីហ្សានៅក្នុងស្រុកក៏បានកាត់បន្ថយនូវការនាំចូលម្សៅភីហ្សាពីបរទេស ជាពិសេសពីប្រទេសថៃ ដែលមិនមានប្រភពច្បាស់លាស់ មិនមានការទទួលស្គាល់ពីស្ថាប័នជាតិយើង ដែលអាចនឹងប៉ះពាល់ដល់សុខភាពរបស់អ្នកបរិភោគ ជាពិសេសនោះ គឺយើងត្រូវចំណាយលុយជាច្រើនទៅឱ្យគេដើម្បីយកម្សៅភីហ្សាទាំងនោះមកចែកចាយក្នុងស្រុក ។ ដោយឡែកសិប្បកម្មផលិតម្សៅភីហ្សាគ្រួសាររីករាយដែលផលិតក្នុងស្រុក គឺមានត្រួតពិនិត្យ និងទទួលស្គាល់ពីស្ថាប័នជាតិត្រឹមត្រូវ ដែលធានាបាននូវគុណភាព ដោយប្រើបច្ចេកកក្នុងការផលិតត្រឹមត្រូវអាចរក្សាទុកបានយូរថ្ងៃ ដោយមិនខូច ពលរដ្ឋអ្នកបរិភោគក៏មិនប៉ះពាល់សុខភាព ជាពិសេសបានផ្ដល់ការងារនិងប្រាក់ចំណូលដល់ពលរដ្ឋខ្លួនឯងជាច្រើនថែមទៀត »។

បើតាមលោក កឹម សាន គម្រូអាជីវកម្មរបស់សិប្បកម្មផលិតភីហ្សាគ្រួសាររីករាយ គឺផ្តោតសំខាន់លើនិរន្តរភាពនៃអាជីវកម្មដើម្បីទទួលបានផលចំណេញស្របពេលដែលគោលដៅសំខាន់មួយទៀតគឺជួយដល់សហគមន៍ ជាពិសេសយុវជនគ្រួសារក្រីក្រឱ្យទទួលបានឱកាសអប់រំ និងប្រាក់ចំណូលទៀងទាត់។ គម្រូអាជីវកម្មនេះជាការចែករំលែកផលដោយនាំមកនូវផលជាវិជ្ជមានផងដែរសម្រាប់សង្គមកម្ពុជា។

លោក អិន រដ្ឋា អនុប្រធានការិយាល័យសហប្រតិបត្តិការនៃនាយកដ្ឋានផែនការស្ថិតិ សហប្រតិបត្តិការ និងការងារអាស៊ាន នៃក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ បានលើកឡើងក្នុងកម្មវិធីជជែកពិភាក្សាស្តីពីធរុកិច្ចបរិយាបន្ន ក្នុង “យុទ្ធនាការធរុកិច្ចបរិយាបន្ន” ថា បច្ចុប្បន្ននេះ ម្ចាស់អាជីវកម្មជាច្រើនចាប់ផ្តើមគិតគូរពីការចូលរួមបង្កើតប្រព័ន្ធគ្រប់គ្រងអាជីវកម្មដើម្បីផ្តល់ផលប្រយោជន៍ដល់សហគមន៍ផង និងទទួលបានផលចំណេញដោយខ្លួនឯងផង។ គំរូអាជីវកម្មប្រភេទនេះអាចនឹងចាត់ចូលជាអាជីវកម្មបរិយាបន្នប្រសិនបើពួកគាត់បញ្ចូលនូវនវានុវត្តន៍ដើម្បីជំរុញឱ្យអាជីវកម្មនេះដំណើរការបានដោយភាពឆ្លាតវៃ។

អ្នកជំនាញផ្នែកអាជីវកម្មបរិយាបន្នខាងលើ បានបញ្ជាក់ថា ធាតុសំខាន់៣នៃអាជីវកម្មបរិយាបន្ន មានដូចជា និរន្តរភាពនៃផលចំណេញសម្រាប់ខ្លួនឯង ការផ្តល់ផលប្រយោជន៍ដល់សហគមន៍ ជាពិសេសប្រជាជនក្រីក្រ៤០%នៃបាតពីរ៉ាមីត និងចុងក្រោយគឺនវានុវត្តន៍។

ឯកឧត្តម ហេង សុខគង់ រដ្ឋលេខាធិការក្រសួងឧស្សាហកម្ម បច្ចេកវិទ្យា និងនវានុវត្តន៍ បានថ្លែងថា សហគ្រាសធុនមីក្រូ តូច និងមធ្យមកម្ពុជា បាន និងកំពុងផ្ដល់អត្ថប្រយោជន៍ដល់សេដ្ឋកិច្ចជាតិយ៉ាងច្រើន ជាក់ស្ដែង បច្ចុប្បន្នកម្ពុជាមានសហគ្រាសធុនតូច និងមធ្យមរាប់ម៉ឺនសហគ្រាស និងបានផ្ដល់ការងារដល់ប្រជាពលរដ្ឋកម្ពុជារាប់ម៉ឺននាក់ ផ្ដល់ប្រាក់ចំណូលសម្រាប់ពលរដ្ឋរាប់រាប់លានដុល្លារអាមេរិកក្នុងមួយខែៗ ។

ឯកឧត្តម មានប្រសាសន៍បញ្ជាក់ថា ៖

«ការអភិវឌ្ឍវិស័យសហគ្រាសធុនមីក្រូ តូច និងមធ្យម នឹងចូលរួមចំណែកយ៉ាងធំធេង ដល់ការលើកកម្ពស់ជីវភាពពលរដ្ឋ និងសេដ្ឋកិច្ចជាតិកាន់តែប្រសើរ »៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

គម្រោងលើកកម្ពស់គុណភាពផ្លូវជាតិលេខ៤៨ ស្រែអំបិល-កោះកុង សម្រេចបាន ៥២.១២ %

ព្រឹត្តិការណ៍, អចលនទ្រព្យ

• 18/04/2024

បច្ចុប្បន្ននេះគម្រោងលើកកម្រិតគុណភាពផ្លូវជាតិលេខ៤៨(ស្រែអំបិល-កោះកុង)សម្រេចបានលទ្ធផល ៥២.១២% ហើយក្រសួងបានប្តេជ្ញាសម្រេចឱ្យបាន ៦០% នៅខែមិថុនា ។

World Bank ៖ បំណុល និងជម្លោះជាវិបត្តិសកលរយៈពេលខ្លី ប៉ុន្តែភាពក្រីក្រ ជាវិបត្តិធ្ងន់ធ្ងររយៈពេលវែង

ព្រឹត្តិការណ៍, សេដ្ឋកិច្ច

• 18/04/2024

វិបត្តិសកលទាំងអស់គឺមានការជាប់ទាក់ទងគ្នាយ៉ាងខ្លាំង រាប់ចាប់តាំងពីបញ្ហាបម្រែបម្រួលអាកាសធាតុ, បញ្ហាបំណុល, បញ្ហាវិបត្តិស្បៀងអាហារ ទៅដល់ការពន្លឿននៃការរៀបចំប្រព័ន្ធខ្យល់អាកាស

អាកាសយានដ្ឋានអន្តរជាតិខេត្តព្រះសីហនុ សម្តែងរបាំត្រុដិ និងឆៃយ៉ាំ ទទួលស្វាគមន៍ទេសចរ

ព្រឹត្តិការណ៍, សេដ្ឋកិច្ច

• 18/04/2024

អាកាសយានដ្ឋានអន្តរជាតិខេត្តព្រះសីហនុ បានរៀបចំការសម្តែងរបាំត្រុដិ និងឆៃយ៉ាំ ដើម្បីទទួលស្វាគមន៍ទេសចរបរទេសក្នុងឱកាសសង្រ្កាន្តឆ្នាំថ្មីប្រពៃណីជាតិ

រដ្ឋមន្ត្រីក្រសួង​រៀបចំដែន​ដី ជំរុញឱ្យ​រៀបចំ​ទីក្រុង​ដើម្បី​សុខុមាលភាពពលរដ្ឋ​

ព្រឹត្តិការណ៍, អចលនទ្រព្យ

• 18/04/2024

រដ្ឋមន្ត្រីក្រសួង​រៀបចំដែនដី នគរូបនីយកម្ម និងសំណង់​ បាន​ជំរុញឱ្យក្រសួង និងស្ថាប័ន​ពាក់ព័ន្ធ​រៀបចំទីក្រុង​ដោយផ្ដោត​លើ​សុខុមាលភាព​ពលរដ្ឋ​

Dytech Limited ជួយបង្កើនចំណូលសហគមន៍នៅប្រទេសហ្សំប៊ីពីការផលិតទឹកឃ្មុំ និងការពារជីវៈចម្រុះ

ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត

• 18/04/2024

Dytech Limited បានធ្វើការជាមួយសហគមន៍នៅក្នុងតំបន់ដីសើមក្នុងការផលិតទឹកឃ្មុំ ដើម្បីឲ្យអ្នកភូមិចៀសឆ្ងាយពីការកាប់ដើមឈើ និងសកម្មភាពបរបាញ់ ដែលនាំឱ្យប៉ះពាល់ដល់ជីវៈចម្រុះ

អត្រាអតិផរណានៅកម្ពុជារំពឹងថានឹងបន្តក្នុងកម្រិតទាប និងមានស្ថិរភាព

ព្រឹត្តិការណ៍, ហិរញ្ញវត្ថុ

• 18/04/2024

អត្រាអតិផរណានៅកម្ពុជា ត្រូវបានព្យាករថានឹងបន្តថមថយនៅក្នុងរង្វង់ ២,០% នៅក្នុងរយៈពេល ២ ឆ្នាំខាងមុខ ស្របពេលកំណើនសេដ្ឋកិច្ចមានសម្ទុះវិជ្ជមានប្រសើរ

ត្រីមាស​ទី​១ ​ឆ្នាំ​២​០​២​៤​ កម្ពុជាទទួលបានចំណូលជិត ១០០លានដុល្លារពីការនាំចេញ​កង់​

ព្រឹត្តិការណ៍, សេដ្ឋកិច្ច

• 18/04/2024

របាយការណ៍អគ្គនាយកដ្ឋានគយនិងរដ្ឋាករបានឱ្យដឹងថាអំឡុងខែមករាដល់ខែមីនាកម្ពុជាបាននាំចេញកង់រួមទាំងកង់អគ្គិសនីដែលមានតម្លៃ ៩៦,៩ លានដុល្លារអាមេរិក

ទីផ្សារក្រមាខេត្តតាកែវ នៅតែមានប្រជាប្រិយភាព និងមានតម្រូវការទីផ្សារ

ជំនួញ, ព្រឹត្តិការណ៍

• 18/04/2024

បច្ចុប្បន្ន ទីផ្សារក្រមាក៏នៅតែមានដំណើរការ ព្រោះក្រៅពីការប្រើប្រាស់ ក្រមាក៏ជាអំណោយដ៏មានអត្ថន័យសម្រាប់ជូនដល់មនុស្សជាទីស្រឡាញ់ក្នុងឱកាសនានាផងដែរ។

ក្រុមហ៊ុនអ្នកឧកញ៉ា គិត ម៉េង ទិញក្បាលម៉ាស៊ីនរថភ្លើងល្បឿនលឿនចំនួន ១១គ្រឿងពីប្រទេសជប៉ុន

ព្រឹត្តិការណ៍, សេដ្ឋកិច្ច

• 18/04/2024

ក្រុមហ៊ុនរបស់អ្នកឧកញ៉ា គិត ម៉េង បានទិញក្បាលម៉ាស៊ីនរថភ្លើងល្បឿនលឿនចំនួន ១១គ្រឿង ពីប្រទេសជប៉ុន ដើម្បីអភិវឌ្ឍវិស័យរថភ្លើងនៅកម្ពុជា ។

ប្រជាពលរដ្ឋ​ខ្មែរ​​រីករាយ​នឹង​ពិធី​បុណ្យចូលឆ្នាំ​ថ្មី​ប្រពៃណី​ជាតិប្រកបដោយស្នាមញញឹម

ព្រឹត្តិការណ៍, សេដ្ឋកិច្ច

• 18/04/2024

ប្រជាពលរដ្ឋខ្មែរបានប្រារព្ធពិធីបុណ្យចូលឆ្នាំថ្មីប្រពៃណីជាតិក្នុងបរិយាកាសសាមគ្គីភាព រំភើប និងសប្បាយរីករាយ ជាមួយនឹងស្នាមញញឹម