ប្រធាន CVEA ៖ ស្ថានភាពអចលនវត្ថុកម្ពុជា​ឆ្នាំ២០២៣​នេះ​រំពឹងថានឹង​ប្រសើរជាង​ឆ្នាំ២០២២​

ភ្នំពេញ ៖ ស្ថានភាពអចលនវត្ថុកម្ពុជា​ក្នុងរយៈ​ពេល​៣ឆ្នាំកន្លងមក ពោលគឺ​ឆ្នាំ២០២០-២០២១ ​​និងឆ្នាំ២០២២ នៅតែមិនទាន់​អាច​វិល​ទៅរក​ស្ថានភាពមុនកូវីដ-​១៩​នៅឡើយទេ​ ប៉ុន្តែ​ស្ថានភាពនៃវិស័យ​នេះពីមួយឆ្នាំទៅ​មួយឆ្នាំនៅតែមានដំណើរការ​ជា​ប្រក្រតី ដោយមិនមានការអាក់ ឬដួល​រលំនោះឡើយ។ សម្រាប់ឆ្នាំ ២០២៣​នេះ ​វិស័យ​អចលនវត្ថុ​ក៏ត្រូវ​រំពឹងថា​នឹង​ប្រសើរជាង​ឆ្នាំ២០២២​កន្លងទៅដែរ។​

លោក​ សន សៀប ប្រធានសមាគម​អ្នកវាយតម្លៃ និងភ្នាក់ងារអចលនវត្ថុកម្ពុជា (CVEA) ​បានថ្លែង​ឱ្យដឹងថា  ក្នុង​ឆ្នាំ​២០២៣​​នេះ កំណើនសេដ្ឋកិច្ចកម្ពុជា​ត្រូវ​បានស្ថាប័នធំៗព្យាករ​ថា​នឹងកើនឡើង​​ខ្ពស់ជាង​ឆ្នាំ២០២២​កន្លងទៅ ។ វិស័យ​អចលនវត្ថុ​ក៏ដូចគ្នា​ដែរ បើកាលណា​សេដ្ឋកិច្ច​រីក​ចម្រើន សេដ្ឋកិច្ច​មានកំណើន​ នោះ​វានឹង​បន្ត​កើន​ឡើង​​ដូចគ្នា ។​

លោកបន្តថា​​ ៖

“ក្នុង​ឆ្នាំ២០២៣​នេះ​វិស័យ​អចលនវត្ថុកម្ពុជាក៏ត្រូវ​រំពឹងថា​នឹង​កើនឡើង​ ហើយប្រសើរ​ជាង​ឆ្នាំ​២០២២​កន្លងទៅ ​។ ​យ៉ាងណាក្ដី សន្ទុះ​នៃការ​រីកចម្រើន​​វិស័យ​អចលនវត្ថុ​ក្នុងឆ្នាំ២០២៣​​នេះ ប្រហែលជាមិនទាន់​អាច​នឹង​វិលទៅរក​ស្ថានភាព​ដូចមុនវិបត្តិកូវីដ​១៩​នៅឡើយ។ វិស័យ​អចលនវត្ថុ​ក្នុងពេលមុន​វិបត្តិកូវីដ-១៩ កើន​ឡើ​ង​​ដល់​ចំណុ​ច​កំពូល​មួយ ដែលគ្រា​នោះ​សេដ្ឋកិច្ចកម្ពុជាក៏កើនឡើងដល់៧ភាគរយ​ក្នុងមួយឆ្នាំដែរ”

លោក សន ​សៀប បាន​បន្ថែមថា ៖

“ការ​រីកចម្រើន​នៃវិស័យអចលនវត្ថុទៀត​សោត គឺវា​ស្ថិតនៅឡើ​បរិបទ​នៃសង្គ្រាម​រវាង​រុស្ស៊ី និងអ៊ុយក្រែន ថា​តើ​សង្គ្រាម​នេះ​វានឹងបន្ត​ជះឥទ្ធិពល​យ៉ាងណា​ទៅលើ​ទីផ្សារ​អចលនវត្ថុ ខណៈ​ប​ច្ចុ​ប្បន្ន​​​នេះ​​វានៅតែមិនទាន់មានភាពច្បាស់លាស់​នៅឡើយ​​។ សង្គ្រាម​នេះដែរវាក៏នឹង​ប៉ះពាល់​មកដល់​សេដ្ឋកិច្ច​ប្រទេស​កម្ពុជា ហើយវិស័យ​អចលនទ្រព្យ​កម្ពុជា​ក៏នឹង​ប៉ះពាល់​ទៅតាមនោះដែរ”

យ៉ាងក៏ដោយ​ ការ​បើកប្រទេស​របស់ចិន​គឺជាក្ដីរំពឹងមួយសម្រាប់វិស័យ​អចលនទ្រព្យ និង​ទេសចរ​ណ៍កម្ពុជា ខណៈផ្នែកទាំង​ពីរ​នេះ កន្លងមក​គឺពឹង​ផ្អែកលើ​ចិន​ច្រើន​ ។ ដូច្នេះ នៅពេលចិនបើក​ប្រទេស​បើក​សេដ្ឋកិច្ច​ទូលាយ​ជាងមុន​​ កម្ពុជាក៏រំពឹងថា​ចិន​នឹងធ្វើឱ្យសកម្មភាព​នៃការ​វិនិយោគ​ សកម្មភាពទេសចរណ៍​នឹង​ទទួល​បាន​​អត្ថប្រយោជន​បន្ថែមទៀត ។

ស្រដៀងគ្នានេះ អ្នកអភិវឌ្ឍន៍​ និងភ្នាក់ងារអចលនវត្ថុកម្ពុជា​ជាច្រើន​បាន​បង្ហាញពីសុទិដ្ឋិនិយម​ខ្ពស់ចំពោះ​វត្តមាន​របស់ជន​ជាតិ​ចិន​មកកម្ពុជា​ជា​ថ្មី​ក្នុងឆ្នាំ២០២៣​នេះ ដោយពួកគេ​រំពឺងថា​ចិន​នឹងជួយ​បន្ត​គម្រោងជាប់គាំងមួយ​ចំនួន ​ជាពិសេស​នៅខេត្តព្រះសីហនុ ហើយចិន​នឹង​ដាស់​វិស័យ​ទេសចរណ៍​កម្ពុជា​ឱ្យ​ងើបឡើង​វិញ ជាមួយ​ប្រាក់​ចំណូ​ល​សម្រាប់អាជីវករ​និងពលរដ្ឋ​កម្ពុជា​មួយចំនួន​ធំ ។

តាមការព្យាកររបស់ក្រសួងសេដ្ឋកិច្ច និងហិរញ្ញវត្ថុកម្ពុជា​បង្ហាញផងដែរថា វិស័យ​អចលនទ្រព្យ និងសំណង់​ក្នុង​ប្រទេស​កម្ពុជា​នឹង​បន្ត​ងើបឡើង​ក្នុងកម្រិត​តិច​តួច​ ក្នុង​ឆ្នាំ២០២៣​នេះ ដែលមិនទាន់អាច​នឹង​វិលទៅរក​ស្ថានភាព មុនកូវីដ-​១៩​បាននៅឡើយ​ទេ ក្នុងនោះ​ការអភិវឌ្ឍ​លំនៅឋាន​​នឹង​បន្ត​មានកំណើន​ ស្របនឹង​តម្រូវការ​នៅតែបន្តកើនឡើង​ ៕ 


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

រដ្ឋមន្ត្រីពាណិជ្ជកម្ម ជំរុញពង្រឹងគុណភាព និងសុវត្ថិភាពម្ហូបអាហារ ដើម្បីប្រកួតប្រជែង និងផ្គត់ផ្គង់ទីផ្សារ

ព្រឹត្តិការណ៍, សេដ្ឋកិច្ច

• 24/07/2024

រដ្ឋមន្ត្រីពាណិជ្ជកម្ម ជំរុញពង្រឹងគុណភាព សុវត្ថិភាពម្ហូបអាហារចាប់ពីកសិដ្ឋានដល់កន្លែងបរិភោគ

ឯកអគ្គរដ្ឋទូតចិនប្រចាំនៅកម្ពុជា កំពុងជួយផ្សព្វផ្សាយលើកស្ទួយវិស័យទេសចរណ៍កម្ពុជាទៅកាន់ពិភពលោក

ព្រឹត្តិការណ៍, សេដ្ឋកិច្ច

• 24/07/2024

ជាជំហានវិជ្ជមានមួយរបស់ឯកឧត្តម ឯកអគ្គរដ្ឋទូតចិនដែលទើបតែងតាំងថ្មី ក្នុងការផ្សព្វផ្សាយវិស័យទេសចរណ៍របស់កម្ពុជា

ផលិតផលជលផល កំពុងត្រូវបានយកចិត្តទុកដាក់លើខ្សែច្រវាក់ផលិតកម្មនៃការផលិត និងជំរុញការនាំចេញ

ព្រឹត្តិការណ៍, សេដ្ឋកិច្ច

• 23/07/2024

គម្រោងអភិវឌ្ឍន៍ក្រោយប្រមូលផល(CAPFISH-Capture) នៃវិស័យជលផលកំពុងជំរុញខ្សែច្រវាក់ផលិតកម្មឱ្យកាន់តែទូលាយដើម្បីនាំចេញទៅកាន់ទីផ្សារអន្តរជាតិ

សម្តេចធិបតី ហ៊ុន ម៉ាណេត កត់សម្គាល់ពីការនាំចេញផលិតផលកសិកម្មសំខាន់ៗរបស់កម្ពុជា

ព្រឹត្តិការណ៍, សេដ្ឋកិច្ច

• 23/07/2024

សម្តេចធិបតី ហ៊ុន ម៉ាណេត កត់សម្គាល់ពីការនាំចេញផលិតផលកសិកម្មសំខាន់ៗរបស់កម្ពុជា ខណៈឯកអគ្គរដ្ឋទូតចិនថ្មី កោតសរសើរពីរសជាតិស្វាយចន្ទីខ្មែរ

ក្រុមហ៊ុនឧស្សាហកម្មវាយនភ័ណ្ឌចិន៤០ក្រុមហ៊ុន មកស្វែងយល់កាលានុវត្តភាពវិនិយោគនៅកម្ពុជា

ព្រឹត្តិការណ៍, សេដ្ឋកិច្ច

• 23/07/2024

ក្រុមហ៊ុនឧស្សាហកម្មវាយនភ័ណ្ឌចិនចំនួន៤០ក្រុមហ៊ុន បានមកស្វែងយល់ពីបរិយាកាស និង កាលានុវត្តភាពវិនិយោគនៅកម្ពុជា

ថៃអនុញ្ញាតឲ្យជនបរទេសមកពី ៩៣ ប្រទេសអាចស្នាក់នៅក្នុងប្រទេសបានរយៈពេល ៦០ ថ្ងៃដោយមិនចាំបាច់មានទិដ្ឋាការ ឬ Visa

ព្រឹត្តិការណ៍, សេដ្ឋកិច្ច

• 23/07/2024

ថៃអនុញ្ញាតឲ្យជនបរទេសមកពី ៩៣ ប្រទេសអាចស្នាក់នៅក្នុងប្រទេសបានរយៈពេល ៦០ ថ្ងៃដោយមិនចាំបាច់មានទិដ្ឋាការ ដើម្បីទាក់ទាញទេសចរ

ការរៀបចំយន្តការតាមដាន និងវាយតម្លៃការអនុវត្ដយុទ្ធសាស្រ្ដបញ្ចកោណដំណាក់កាលទី១ ជាដំណាក់កាលសំខាន់

ព្រឹត្តិការណ៍, សេដ្ឋកិច្ច

• 23/07/2024

ការរៀបចំយន្តការតាមដាន ត្រួតពិនិត្យ និងវាយតម្លៃការអនុវត្ដយុទ្ធសាស្រ្ដបញ្ចកោណដំណាក់កាល ទី១ គឺជាដំណាក់កាលសំខាន់នៃគោលនយោបាយរាជរដ្ឋាភិបាល

វេទិកាសេដ្ឋកិច្ចរបស់គណបក្សប្រជាធិបតេយ្យអាចនឹងនៅដដែលបន្ទាប់ពី Joe Biden បញ្ចប់តំណែងជាប្រធានាធិបតី

ព្រឹត្តិការណ៍, សេដ្ឋកិច្ច

• 23/07/2024

ការប្រកាសដកឈ្មោះរបស់ប្រធានាធិបតីសហរដ្ឋអាម៉េរិក Joe Biden ចេញពីគណបក្សប្រជាធិបតេយ្យក្នុងនាមជាបេក្ខជនឈរឈ្មោះបោះឆ្នោតជ្រើសរើសប្រធានាធិបតីឆ្នាំ ២០២៤ កំពុងក្លាយជាប្រធានបទជជែកដេញដោលទាក់ទងនឹងវេទិកាសេដ្ឋកិច្ច

ក្រុមហ៊ុនធំមួយរបស់ចិន នាំចូលរថយន្តអគ្គិសនីទំនើប​ និងបង្កើតមជ្ឈមណ្ឌលតាំងបង្ហាញនៅកម្ពុជា

ព្រឹត្តិការណ៍, សេដ្ឋកិច្ច

• 22/07/2024

ក្រុមហ៊ុនធំមួយរបស់ប្រទេសចិន នាំចូលរថយន្តអគ្គិសនីទំនើប និងបង្កើតមជ្ឈមណ្ឌលតាំងបង្ហាញរថយន្តនៅព្រះរាជាណាចក្រកម្ពុជា .