សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ថាមពលកកើតឡើងវិញបានក្លាយជាវត្ថុបំណងដ៏សំខាន់បំផុតសម្រាប់ពិភពលោកក្នុងសម័យកាលបច្ចេកវិទ្យាទំនើបនេះ។ រាប់ចាប់តាំងពីថាមពលដែលសំយោគពីពន្លឺព្រះអាទិត្យដល់ថាមពលសំយោគពីខ្យល់ ឬថាមពលដែលទាញចេញពីរលកសមុទ្រ សុទ្ធតែជាបច្ចេកវិទ្យាដែលអាចជួយឲ្យពិភពលោកអាចងាកចេញពីការប្រើប្រាស់ធនធានធម្មជាតិយកពីក្រោមដី និងកាត់បន្ថយផលប៉ះពាល់ដល់បរិស្ថានផងដែរ។
កាន់តែទំនើប និងមិននឹកស្មាន កាលពីពេលថ្មីៗនេះ ក្រុមអ្នកវិទ្យាសាស្ត្ររបស់ប្រទេសកូរ៉េខាងត្បូងបានប្រកាសអះអាងថា ពួកគេបានរកឃើញ និងអភិវឌ្ឍបាននូវបច្ចេកវិទ្យាដ៏អស្ចារ្យមួយទៀតដែលអាចទាញយកថាមពលអគ្គិសនីបានដូចគ្នា ប៉ុន្តែចេញពីសកម្មភាពប្រចាំថ្ងៃរបស់រាង្គកាយមនុស្សយើងធម្មតា។
ការដេក ដើរ អង្គុយ និងការធ្វើគ្រប់សកម្មភាពរបស់មនុស្សអាចក្លាយទៅជាវិធិសាស្ត្រថ្មីក្នុងការទាញយកថាមពលអគ្គិសនីសមល្មមក្នុងការប្រើប្រាស់ទៅលើឧបករណ៍បច្ចេកវិទ្យាមួយចំនួនតាមរយៈបច្ចេកវិទ្យាថ្មីដែលស្រាវជ្រាវរកឃើញដោយអ្នកវិទ្យាសាស្ត្រមកពីវិទ្យាស្ថាន Daegu Gyeongbuk នៃប្រទេសកូរ៉េខាងត្បូង។
បច្ចេកវិទ្យាដ៏ស្មុគ្រស្មាញត្រូវបានឌីសាញ និងបំពាក់ជាមួយនឹងឧបករណ៍ដែលមានរូបរាងអាចយកមកស្លៀកពាក់លើខ្លួនបាន ហើយមិនត្រឹមតែអាចផលិតបានជាថាមពលដើម្បីអាចផ្គត់ផ្គង់ទៅលើឧបករណ៍មួយចំនួន ដូចជា នាឡិកាឆ្លាតវ៉ៃ ឧបករណ៍តាមដានសុខភាព និងឧបករណ៍វេជ្ជសាស្ត្រមួយចំនួននោះ វាថែមទាំងផ្តល់ផាសុខភាព និងភាពបត់បែនល្អបំផុតសម្រាប៉អ្នកប្រើប្រាស់ទៀតផង។
អ្នកជំនាញរបស់វិទ្យាស្ថាន Daegu Gyeongbuk បានលើកឡើងថា តាមរយៈរបកគំហើញដ៏ថ្មីស្រឡាងនេះវានឹងក្លាយទៅជាការត្រួសត្រាយផ្លូវសម្រាប់ពិភពលោកក្នុងពេលអនាគតនៃការអភិវឌ្ឍ និងផលិតឧបករណ៍ដែលអាចពាក់បានលើខ្លួនមនុស្ស ប៉ុន្តែផលិតទៅជាថាមពលអគ្គិសនីបានកាន់តែច្រើនដោយគ្រាន់តែធ្វើសកម្មជាទូទៅប្រចាំថ្ងៃរបស់ពួកគេប៉ុណ្ណោះ។
តាមផែនការការស្រាវជ្រាវបន្ថែមទៅលើគម្រោងការនេះ អ្នកវិទ្យាសាស្ត្រទាំងនោះនឹងផ្តោតលើការអភិវឌ្ឍឧបករណ៍សម្រាប់ការប្រើប្រាស់ឲ្យបានកាន់តែទូលំទូលាយលើទីផ្សារ និងការពង្រីកសក្តានុពលរបស់វានៅគ្រប់ឧស្សាហកម្មជាច្រើនផ្សេងទៀត ហើយការរីកចម្រើនទាំងនេះ គឺជាជំហានដ៏សំខាន់មួយឆ្ពោះទៅរកដំណោះស្រាយថាមពលប្រកបដោយនិរន្តរភាព និងងាយស្រួលជាងមុននៅក្នុងបច្ចេកវិទ្យាដែលអាចពាក់បាន ឬ Wearable tech ៕
Account
Security
Favourite Content