វិភាគ ៖ បេសកកម្មមេដឹកនាំរុស្ស៊ីសប្តាហ៍នេះអាចជាការទាក់ម៉ូយចាស់វៀតណាមយកលុយទិញគ្រាប់ពីកូរ៉េខាងជើង

ដំណើរទស្សនកិច្ចគួរឲ្យភ្ញាក់ផ្អើលរបស់មេដឹកនាំរុស្ស៊ី លោក Vladimir Putin ទៅកាន់វៀតណាមដែលជាសម្ព័ន្ធមិត្តអាមេរិកហាក់ដូចជាមិនមែនជារឿងសាមញ្ញពេកនោះទេ ពីព្រោះថាលោកខាងលិចតែងតែដាក់សំពាធជានិច្ចទៅដល់ប្រទេសទាំងឡាយណាដែលហ៊ានទទួលស្វាគមន៍វត្តមានរបស់មេដឹកនាំរុស្ស៊ីរូបនេះ។

មិនត្រឹមតែមិនខ្វាយខ្វល់នឹងការរិះគន់ និងការមិនសប្បាយចិត្តរបស់អាមេរិករួមទាំងលោកខាងលិចផងនោះ រដ្ឋាភិបាលទីក្រុងហាណូយថែមទាំងបានផ្តល់ឳកាសទៅដល់លោក Putin ក្នុងការធ្វើសេចក្តីថ្លែងការណ៍អំពីប្រធានបទជាច្រើនដោយក្នុងនោះមានទាំងការបញ្ចេញទស្សនៈផ្ទាល់ចំពោះបញ្ហាជម្លោះនៅអ៊ុយក្រែនទៀតផង។

ចំពោះដំណើរទស្សនកិច្ចលើកនេះគឺស្របពេលដែលលោក Putin ទើបតែបញ្ចប់ទស្សនៈកិច្ចជាប្រវត្តិសាស្ត្ររបស់លោកដែរទៅកាន់ប្រទេសកូរ៉េខាងជើងកាលពីដើមសប្តាហ៍។

តើការមកដល់របស់លោក Putin លើកនេះគឺជាការគាស់រំលឹកឡើងវិញនូវមិត្តភាពក្នុងអំឡុងពេលសំពាធពីអាមេរិក ឬដើម្បីស្តារឡើងវិញនូវទំនាក់ទំនងយោធា ជាពិសេសគឺការទិញ-លក់អាវុធរវាងគ្នាដែលប្រទេសទាំងពីរធ្លាប់មានឈ្មោះជាម៉ូយចាស់នឹងគ្នាអស់រយៈពេលជាយូរនោះហើយនោះឬក៏យ៉ាងណា?

The South China Morning Post (SCMP) បានដកស្រង់សំដីអ្នកវិភាគជាច្រើនរូបដែលជឿជាក់ថាបេសកកម្ម២ថ្ងៃរបស់លោក Putin គឺច្បាស់ណាស់គេចមិនផុតពីការពិភាក្សាគ្នាដើម្បីទិញ-លក់អាវុធនោះទេដោយក្នុងនោះពួកគេមើលឃើញថា រុស្ស៊ីកំពុងព្យាយាមទិញគ្រាប់កាំភ្លើងធំពីកូរ៉េខាងជើង ប៉ុន្តែចាំបាច់ត្រូវការលុយមួយចំនួនមកចំណាយ ដូច្នេះវាអាចធ្វើឡើងតាមរយៈការលក់អាវុធមួយចំនួនទៅឲ្យវៀតណាម។

សាស្ត្រាចារ្យ Carl Thayer នៅសកលវិទ្យាល័យ University of New South Wales ដែលជាអ្នកសិក្សាស្រាវជ្រាវផ្តោតលើវិស័យការពារជាតិវៀតណាមយល់ឃើញថា៖ ក្នុងគ្រាដែលតំរូវការនៃការធ្វើសង្គ្រាមនៅក្នុងប្រទេសអ៊ុយក្រែនគឺជាកិច្ចការងារអាទិភាពរបស់រុស្ស៊ី វាគ្មានហេតុផលអ្វីដែលលោក Putin ត្រូវបំពេញទស្សនកិច្ចម្តង២ប្រទេសជាប់គ្នាបែបនេះទេ។ ធ្វើបែបនេះលោក Carl ជឿជាក់ថា រុស្ស៊ីនឹងអាចងាកទៅរកអតិថិជនចាស់របស់ខ្លួនក្នុងស្ថានភាពដ៏លំបាកនេះ ហើយថែមទាំងអាចផ្តល់កុងត្រារយៈពេលវែងជូនវៀតណាមទៀតផង។

លោកបន្តថា រុស្ស៊ីបានត្រៀមខ្លួនរួចទៅហើយប្រសិនបើតម្លៃលក់គួរសមអាចពិចារណាបាន ឬក៏អាចមានជម្រើសជាការដោះដូរសព្វាវុធរវាងគ្នាក៏ថាបានរវាងរដ្ឋាភិបាលនៃប្រទេសទាំងពីរ។ ក្នុងនោះផងដែរ គេសង្កេតឃើញថាចាប់តាំងពីសង្គ្រាមនៅអ៊ុយក្រែនមក រុស្ស៊ី បានធ្លាក់ឈ្មោះចេញពីបញ្ជីប្រទេសដែលនាំចេញអាវុធច្រើនជាងគេបំផុតលើពិភពលោកដោយស្ថិតក្នុងអត្រាថយចុះដល់ទៅ៥៣ភាគរយចន្លោះពីឆ្នាំ២០១៩ ដល់ឆ្នាំ២០២៣ កន្លងមកនេះ។

ទោះបីជាយ៉ាងណាក្តី ទូតអ៊ុយក្រែនប្រចាំនៅក្រុងហាណូយ លោក Oleksandr Garman បានបង្ហាញភាពសុទិដ្ឋិនិយមថា វៀតណាមនឹងមិនហ៊ានសហការជាមួយនឹងរុស្ស៊ីដើម្បីគាំទ្ររដ្ឋាភិបាលដែលកំពុងតែលុកលុយប្រទេសអ៊ុយក្រែននោះទេ ហើយម្យ់ាងមេដឹកនាំអ៊ុយក្រែន និងវៀតណាមក៏ធ្លាប់បានជួបជុំពិភាក្សាគ្នាជាច្រើនលើមកហើយដែរ។

វៀតណាម តែងតែបញ្ជាក់អំពីជំហអព្យាក្រិតមិនលូកដៃកិច្ចការងារផ្ទៃក្នុង ​ជាពិសេសជម្លោះនៅអ៊ុយក្រែនក្តី ប៉ុន្តែគេសង្កេតឃើញថាមិនខុសពីកូរ៉េខាងជើងនោះទេពីព្រោះថាវៀតណាមគឺជាប្រទេសតិចតួចប៉ុណ្ណោះដែលអាចផលិតគ្រាប់កាំភ្លើងធំស្របតាមស្តង់រុស្ស៊ី និងក៏ជាប្រទេសដែលសំបូរអាវុធដែលសេសសល់ពីសហភាពសូវៀតផងដែរ។

យ់ាងណាក្តី គេអាចមើលឃើញថា អាមេរិក និងលោកខាងលិចនឹងនៅតែរង់ចាំមើលថា តើវៀតណាម-រុស្ស៊ី នឹងមានសកម្មភាពគួរឲ្យសង្ស័យយ៉ាងណានៅក្រោយជំនួបនេះទាំងដែលបានដឹងហើយថាបើវាអាចក្លាយទៅជាការពិតមែននោះ កុងត្រាទិញ-លក់អាវុធរ វាងវៀតណាម និងរុស្ស៊ី ប្រាកដណាស់នឹងអាចធ្វើឡើងតាមរយៈប្រទេសទី៣ជាមិនខាន។

រំលឹកដែរថា កាលពីឆ្នាំ២០២៣ វៀតណាមមិនមានធ្វើការបញ្ជាទិញអាវុធថ្មីបន្ថែមណាមួយគួរឲ្យកត់សំគាល់ឡើយ ហើយកំពុងសម្លឹងមើលដៃគូមួយចំនួនសម្រាប់បំពេញផែនការអាវុធរបស់ខ្លួនឡើងវិញដែលក្នុងនោះមានទាំងកូរ៉េខាងត្បូង និងប្រទេសរុស្ស៊ីផងដែរ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

អ្នកជំនាញណែនាំដល់កសិករឱ្យចេះប្រើឱកាសដាំដំណាំតាមរដូវកាល និងក្នុងបរិបទមានបម្រែបម្រួលអាកាសធាតុ

ព្រឹត្តិការណ៍, សេដ្ឋកិច្ច

• 19/07/2024

កសិករអាចកាត់បន្ថយការប្រើប្រាស់ទឹកបានតាមរយៈការប្រើប្រាស់ប្រព័ន្ធស្រោចស្រពតាមបច្ចេកទេសកសិកម្មទំនើប ដែលអាចជួយសន្សំទឹកបានរហូតដល់៤០ភាគរយ

ចំណេះដឹង ៖ ផ្អកដំឡូងឈើ ជាចំណីដ៏ល្អសម្រាប់ការចិញ្ចឹមជ្រូក មាន់ និងទា

ជំនួញ, ព្រឹត្តិការណ៍

• 19/07/2024

ជំនួសឱ្យការប្រើប្រាស់ចំណីសម្រេចដែលមានតម្លៃថ្លៃ គេអាចកែច្នៃមើម និងស្លឹកដំឡូងឈើ ធ្វើជាចំណីដ៏មានប្រូតេអ៊ីនខ្ពស់សម្រាប់ចិញ្ចឹមសត្វជ្រូក មាន់ និងទា

លុចសំបួរ ជាប្រទេស​តូច​​មួយ​ក្នុង​សហភាព​អឺរ៉ុប​ ប៉ុន្តែជា​ប្រទេស​មានជាងគេ​បំផុត​លើ​ពិភពលោក

ព្រឹត្តិការណ៍, អាជីវកម្មថ្មី និងនវានុវត្ត

• 19/07/2024

យោងតាម IMF បានឲ្យដឹងថា ​ផលិតផលសរុបក្នុងស្រុក (GDP) នៅប្រទេសលុចសំបួរមានជាង ១៣០ ០០០ ដុល្លារសម្រាប់មនុស្សម្នាក់

ចំណេះដឹង ៖ ស្វែងយល់ពីអាជ្ញាធរហិរញ្ញវត្ថុនៅកម្ពុជា

ព្រឹត្តិការណ៍, ហិរញ្ញវត្ថុ

• 19/07/2024

ធនាគារជាតិនៃកម្ពុជា គឺជាធនាគារកណ្ដាលតែមួយគត់របស់កម្ពុជា ដែលដើរតួនាទីជាអាជ្ញាធររូបិយវត្ថុ និងអាជ្ញាធរត្រួតពិនិត្យប្រព័ន្ធធនាគារនៅកម្ពុជា

​៦ខែ ដើមឆ្នាំ២០២៤​ ​ចិន​ឈរ​លើលំដាប់ទី​២ ក្នុងការបណ្តាក់ទុន​វិនិយោគនៅកម្ពុជា​ច្រើន​ជាង​គេ​

ព្រឹត្តិការណ៍, អចលនទ្រព្យ

• 19/07/2024

ចិននៅតែឈរ​លំដាប់ខ្ពស់​ដែលមាន​វិនិយោគិន​ដាក់ទុន​វិនិយោគ​នៅកម្ពុជា​ច្រើនជាងគេ ជាក់ស្ដែង​៦ខែ ចិនបានដាក់ទុន​ជាង ​១,៣ពាន​លានដុល្លារ​

កូរ៉េផ្តល់ជំនួយឥតសំណង៨លានដុល្លារជួយកម្ពុជា កសាងសមត្ថភាពបណ្តុះបណ្តាលធនធានមនុស្ស

ព្រឹត្តិការណ៍, សេដ្ឋកិច្ច

• 19/07/2024

ប្រទេសកូរ៉េបានផ្តល់ជំនួយឥតសំណងចំនួន៨លានដុល្លារអាមេរិកជួយកម្ពុជាលើការកសាងសមត្ថភាព និងបណ្តុះបណ្តាលធនធានមនុស្សខាង ICT និងបច្ចេកទេសវិជ្ជាជីវៈ

វិស័យធានារ៉ាប់រង ជាសូចនាករក្នុងការវាស់វែងភាពរីកចម្រើនរបស់ប្រទេសមួយ

ព្រឹត្តិការណ៍, ហិរញ្ញវត្ថុ

• 19/07/2024

នៅក្នុងប្រទេសដែលមានការអភិវឌ្ឍតិចតួច វិស័យធានារ៉ាប់រងមិនទាន់អាចមានលទ្ធភាពរីកលូតលាស់ខ្លាំងក្លានោះទេ

ធនាគារជាតិនៃកម្ពុជាគ្រោងដាក់ឱ្យប្រើប្រាស់ប្រព័ន្ធបាគង ដើម្បីសម្រួលដល់ការទូទាត់របស់ភ្ញៀវទេសចរ

ព្រឹត្តិការណ៍, ហិរញ្ញវត្ថុ

• 19/07/2024

ធនាគារជាតិនៃកម្ពុជាគ្រោងដាក់ឱ្យប្រើប្រាស់ប្រព័ន្ធបាគងសម្រាប់ភ្ញៀវទេសចរអន្តរជាតិ ដើម្បីដោះស្រាយបញ្ហាការប្រើប្រាស់រូបិយបណ្ណចាស់ៗ ទក់ រហែក

កូរ៉េ នឹងជួយបណ្តុះបណ្តាលពលករកម្ពុជាឱ្យមានជំនាញខាងកសិកម្មដើម្បីចូលរួមកសាងសេដ្ឋកិច្ចជាតិ

ព្រឹត្តិការណ៍, សេដ្ឋកិច្ច

• 19/07/2024

សាធារណរដ្ឋកូរ៉េ នឹងជួយបណ្តុះបណ្តាលពលករ/កសិករកម្ពុជាឱ្យមានជំនាញខាងកសិកម្មច្បាស់លាស់ ដើម្បីចូលរួមកសាងសេដ្ឋកិច្ច និងអភិវឌ្ឍជាតិ

តម្លៃប្រេងសកលធ្លាក់ចុះបន្តិច ខណៈដែលការនាំចូលប្រេងរបស់ចិនកើនឡើងយឺតជាងការរំពឹងទុក

ព្រឹត្តិការណ៍, សេដ្ឋកិច្ច

• 19/07/2024

តម្លៃប្រេងឆៅម៉ាក Brent ធ្លាក់ចុះត្រឹម៨៥,៦៣ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក WTI ធ្លាក់ចុះ នៅត្រឹម ៨២,៤៦ ដុល្លារក្នុងមួយបារ៉ែល