សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពីរ៉យទ័រ បានរាយការណ៍ថា តម្លៃប្រេងបានធ្លាក់ចុះបន្តិចបន្ទាប់ពីឡើងដល់កម្រិតខ្ពស់ក្នុងរយៈពេល ៧ សប្តាហ៍ជាប់ៗគ្នា ខណៈដែលរបាយការណ៍បង្ហាញថា ស្តុកប្រេងឆៅរបស់សហរដ្ឋអាមេរិកបានកើនឡើងលើសពីការព្យាករណ៍។
ទន្ទឹមនឹងនេះ តម្លៃប្រេងឆៅម៉ាកធ្លាក់ចុះ ០,៦២ ភាគរយ ឬ ៨៥,៦០ ដុល្លារក្នុងមួយបារ៉ែល ខណៈតម្លៃប្រេងឆៅម៉ាក West Texas Intermediate (WTI) ធ្លាក់ចុះ ០,៧១ ភាគរយ ឬ ៨១,១៥ ដុល្លារក្នុងមួយបារ៉ែល។ Tamas Varga ឈ្មួញកណ្តាលប្រេង PVM លើកឡើងថា ទោះបីជារូបភាពបច្ចុប្បន្នមិនគួរឱ្យចាប់អារម្មណ៍ក៏ដោយ ប៉ុន្តែវាមានសញ្ញានៃក្តីសង្ឃឹមដែលបង្ហាញពីភាពវិជ្ជមានបន្ថែមទៀតនៅពេលអនាគត។
យ៉ាងណាមិញ តម្លៃប្រេងពីរនេះបានស្ទុះងើបឡើងវិញយ៉ាងខ្លាំងក្នុងរយៈពេលពីរសប្តាហ៍ចុងក្រោយនេះ បន្ទាប់មានពីការវាយប្រហារដោយយន្តហោះគ្មានមនុស្សបើករបស់អ៊ុយក្រែនបាននាំឱ្យមានភ្លើងឆេះស្ថានីយប្រេងនៅកំពង់ផែរុស្ស៊ីដ៏សំខាន់មួយ។ ទន្ទឹមនឹងនេះ រដ្ឋមន្ត្រីការបរទេសអ៊ីស្រាអែល Israel Katz បានព្រមានអំពីសង្រ្គាមដែលអាចកើតមានជាមួយក្រុម Hezbollah របស់ប្រទេសលីបង់ ទោះបីជាសហរដ្ឋអាមេរិកព្យាយាមបញ្ចៀសជម្លោះរវាងអ៊ីស្រាអែល និងក្រុមដែលគាំទ្រដោយអ៊ីរ៉ង់ក៏ដោយ។ ប្រសិនបើសង្គ្រាមកាន់តែកើនឡើង នោះវានឹងបង្កឱ្យមានការរំខានដល់ការផ្គត់ផ្គង់នៅក្នុងតំបន់ផលិតប្រេង។ លោក Bart Melek ប្រធានយុទ្ធសាស្រ្តនៅធនាគារ TD Bank លើកឡើងថា ការកើនឡើងនៃភាពតានតឹងនៅមជ្ឈិមបូព៌ាកំពុងបន្ថែមហានិភ័យផ្គត់ផ្គង់មួយចំនួនដល់តម្រូវការប្រេង។
នៅក្នុងសប្តាហ៍នេះផងដែរ ទិន្នន័យរបស់ប្រទេសចិនបានបង្ហាញថា ទិន្នផលឧស្សាហកម្មនៅខែឧសភាបានធ្លាក់ចុះ ប៉ុន្តែការលក់រាយដែលជារង្វាស់នៃការប្រើប្រាស់បានកើនឡើងលឿនបំផុតចាប់តាំងពីខែកុម្ភៈ។ ស្របពេលនេះដែរ ស្តុកប្រេងឆៅរបស់សហរដ្ឋអាមេរិកបានកើនឡើងចំនួន ២,៥ លានបារ៉ែលនៅសប្តាហ៍នេះលើសពីការព្យាករណ៍ ២,២ លានបារ៉ែល ខណៈដែលស្តុកប្រេងសាំងបានធ្លាក់ចុះសល់ត្រឹម ១,០៧ លានបារ៉ែល។ មិនត្រឹមតែប៉ុណ្ណោះ Rystad Energy បានព្យាករណ៍ថាកំណើនការផ្គត់ផ្គង់ប្រេងពិភពលោកនឹងថយចុះនៅឆ្នាំនេះ និងអាចដល់ឆ្នាំបន្ទាប់ ដោយសារតែការបន្តកាត់បន្ថយការស្ម័គ្រចិត្តរបស់អង្គការ OPEC + ៕
Account
Security
Favourite Content