សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពីរ៉យទ័រ បានរាយការណ៍ថា ការធ្វើកូដកម្មរយៈពេល ៦ ថ្ងៃរបស់កម្មកររថភ្លើងអាល្លឺម៉ង់ គឺជារយៈពេលវែងបំផុតដែលមិនធ្លាប់មាន ហើយអ្នកវិភាគព្រមានថា វាអាចនឹងធ្វើឲ្យសេដ្ឋកិច្ចរបស់ប្រទេសខាតបង់រហូតដល់ ១ ពាន់លានអឺរ៉ូ (១,០៩ ពាន់លានដុល្លារ)។
កាលពីថ្ងៃអង្គារ ក្រុមសហជីពផ្លូវដែកមានឈ្មោះកាត់ហៅថា GDL បានចាប់ផ្តើមកូដកម្ម ហើយវានឹងមានរយៈពេល ៦ ថ្ងៃ គិតត្រឹមថ្ងៃច័ន្ទសប្តាហ៍ក្រោយ។ សកម្មភាពនេះបានធ្វើឲ្យចរាចរណ៍ផ្លូវដែកដឹកអ្នកដំណើរ និងទំនិញភាគច្រើនរាំងស្ទះឈប់នៅទូទាំងប្រទេស ហើយទាំងសេវារថភ្លើងផ្លូវឆ្ងាយ និងជាយក្រុងត្រូវបានរងផលប៉ះពាល់។
គួរឲ្យបញ្ជាក់ដែរថា កូដកម្មនេះកើតចេញពីជម្លោះដែលកំពុងបន្តរវាងក្រុមសហជីពផ្លូវដែរ GDL និងក្រុមហ៊ុនផ្លូវដែក Deutsche Bahn ជុំវិញប្រាក់ឈ្នួល និងម៉ោងធ្វើការ។ បន្ថែមពីនេះ កម្មករផ្លូវដែកបានអំពាវនាវឱ្យមានការកាត់បន្ថយម៉ោងធ្វើការពី ៣៨ ទៅ ៣៥ ក្នុងមួយសប្តាហ៍ និងដំឡើងប្រាក់ឈ្នួលបន្ថែមចំនួន ៥៥៥ អឺរ៉ូក្នុងមួយខែ ពីលើប្រាក់ឈ្នូល ៣០០០ អឺរ៉ូ ដើម្បីទប់ទល់នឹងអតិផរណា។
យ៉ាងណាមិញ Deutsche Bahn បានធ្វើការកែតម្រូវជាច្រើននៅក្នុងការផ្តល់ជូនចុងក្រោយរបស់ខ្លួនដល់ GDL រួមទាំងការដំឡើងប្រាក់ឈ្នួលរហូតដល់ ១៣ ភាគរយ និងកាត់បន្ថយម៉ោងការងារត្រឹមមួយម៉ោងចាប់ពីឆ្នាំ ២០២៦ ប៉ុន្តែសហជីពបាននិយាយថាសំណើនេះមិនគ្រប់គ្រាន់នោះទេ។ ទន្ទឹមនឹងនេះដែរ Deutsche Bahn បានរិះគន់ការដើរចេញថ្មី។ ទន្ទឹមនឹងនេះ លោក Anja Broeker អ្នកនាំពាក្យក្រុមហ៊ុនបានហៅសកម្មភាពនេះថាជា កូដកម្មប្រឆាំងនឹងសេដ្ឋកិច្ចអាល្លឺម៉ង់ ដោយសារទំនិញដែលគ្រប់គ្រងដោយក្រុមហ៊ុនរួមមានការផ្គត់ផ្គង់សម្រាប់រោងចក្រថាមពល រោងចក្រចម្រាញ់ប្រេង និងសហគ្រាសឧស្សាហកម្មផ្សេងទៀតត្រូវបានរាំងស្ទះ។
មិនត្រឹមតែប៉ុណ្ណោះ រដ្ឋមន្ត្រីដឹកជញ្ជូនអាល្លឺម៉ង់ លោក Volker Wissing ក៏បានរិះគន់កូដកម្មនេះផងដែរ ដោយនិយាយថា ការពិភាក្សារវាងសហជីព និងក្រុមហ៊ុន Deutsche Bahn បានក្លាយទៅជាការបំផ្លិចបំផ្លាញកាន់តែខ្លាំងឡើង ហើយការបញ្ឈប់ការងារនឹងធ្វើឱ្យបញ្ហាកាន់តែធ្ងន់ធ្ងរឡើង ខណៈដែលខ្សែសង្វាក់ផ្គត់ផ្គង់ត្រូវបានរងការរំខានពីបញ្ហាដឹកជញ្ជូននៅសមុទ្រក្រហម។
យោងតាមក្រុមហ៊ុនផ្លូវដែក Deutsche Bahn បានឲ្យដឹងថា ការធ្វើកូដកម្មជារៀងរាល់ថ្ងៃនឹងធ្វើឲ្យសេដ្ឋកិច្ចអាល្លឺម៉ង់ខាតបង់ច្រើន។ លើសពីនេះ អ្នកជំនាញខាងឧស្សាហកម្មបានព្រមានថា ការខាតបង់ជាក់ស្តែងអាចខ្ពស់ជាងការរំពឹងទុក ដោយប៉ាន់ប្រមាណថាការបញ្ឈប់ការងារអាចធ្វើឲ្យសេដ្ឋកិច្ចអាល្លឺំម៉ង់ចំណាយរហូតដល់ ១០០ លានអឺរ៉ូក្នុងមួយថ្ងៃ ដែលជាតួលេខអាចកើនឡើងដល់ ១ ពាន់លានអឺរ៉ូ៕
Account
Security
Favourite Content