សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
អាហ្សង់ទីន ត្រូវបានគេមើលឃើញថាគឺជាប្រទេសដែលបានធ្លាក់ចូលក្នុងស្ថានភាពអាក្រក់ខ្លាំងជាងគេក្នុងតំបន់អាមេរិកឡាទីនបើទោះបីធ្លាប់មានឈ្មោះជាប្រទេសដែលមានភាពចម្រុងចម្រើនខ្លាំងជាងគេកន្លងមកលើគ្រប់វិស័យក៏ដោយ ជាក់ស្តែងនៅពេលនេះពលរដ្ឋប្រមាណ១ ភាគ ៣ កំពុងរស់នៅប្រឈមមុខទៅនឹងបញ្ហាអស្ថិរភាពស្បៀងអាហារ។
នៅក្នុងឯកសារស្រាវជ្រាវមួយដែលធ្វើឡើងដោយទូរទស្សន៍ CNN ដោយផ្តោតសំខាន់ទៅលើជីវិតពលរដ្ឋអាហ្សង់ទីនរាប់រយគ្រួសារកំពុងប្រាស្រ័យទាំងស្រុងទៅលើការស់នៅលើគំនរសំរាម និងសំណង់អាណាធិបតេយ្យមួយកន្លែងក្នុងទីក្រុង Cordoba ហើយសកម្មភាពនេះហាក់ដូចជាមានស្ថានភាពកាន់តែអាក្រក់ឡើងក្នុងពេលដែលកំពុងមានវិបត្តិធំៗ ដូចជា បញ្ហាកូវីដ បញ្ហាអតិផរណា បញ្ហាបម្រែបម្រួលអាកាសធាតុ និងបញ្ហានៅអ៊ុយក្រែន ដែលកំពុងរុញច្រានឲ្យសេដ្ឋកិច្ចអាហ្សង់ទីនពិបាកនឹងងើបឡើងវិញ។
ទីក្រុង Cordoba ជាទីក្រុងដែលមានពលរដ្ឋរស់នៅក្នុងជីវភាពក្រីក្រជាងគេបំផុតរបស់ប្រទេសអាហ្សង់ទីន ហើយក៏ជាទីក្រុងដែលមានប្រជាពលរដ្ឋច្រើនជាងពាក់កណ្តាលរស់នៅក្រោមបន្ទាប់ភាពក្រីក្រ ខណៈដែលតំបន់នៃគំនរសំរាមដ៏ធំល្វឹងល្វើយមួយកន្លែងបានក្លាយទៅជាទីជម្រក និងប្រភពចំណូលចាំបាច់ប្រចាំថ្ងៃសម្រាប់ពលរដ្ឋរាប់ពាន់នាក់កំពុងអាស្រ័យផល។
ពួកគេរស់នៅក្នុងសំណង់អាណាធិបតេយ្យដែលផ្ទះតូចខ្លះមានសមាជិករស់នៅដល់ទៅ៦នាក់ ហើយអ្វីដែល CNN បានផ្តោតសំខាន់នោះគឺគំនរសំរាមដែលជាទីជម្រក និងជាប្រភពចំណូលប្រចាំថ្ងៃរបស់គេដែលពោរពេញទៅដោយភាពប្រថុយប្រថាននឹងគ្រោះថ្នាក់បំផុតចំពោះសុខភាព។
នៅក្នុងចំណោមពលរដ្ឋដែលកំពុងរស់នៅក្នុងតំបន់ដែលប្រឈមនឹងហានិភ័យទៅលើសុខភាពនោះ ក្មេងតូចៗជាច្រើនត្រូវបានឪពុកម្តាយទុកចោលឱ្យនៅជាមួយនឹងបងប្អូន ខណៈដែលមនុស្សចាស់ និងវ័យជំទង់ត្រូវបង្ខំចិត្តទៅធ្វើការនៅលើគំនរសំរាមមួយកន្លែងក្នុងទីក្រុងដែលជាទូទៅមានសំរាមរាប់រយតោនត្រូវបានយកមកចាក់ចោលនៅទីនេះជារៀងរាល់ថ្ងៃ។
គ្រប់ពេលដែលរថយន្តដឹកសំរាមបានមកដល់ទីតាំងចាក់សំរាមមនុស្សវ័យចំណាស់ វ័យជំទង់ទាំងនោះនាំគ្នាដណ្តើមយកថង់សំរាមឲ្យបានមុនគេ ពីព្រោះវាគឺជាឱកាសដែលពួកគេអាចស្វែងរកវត្ថុមានតម្លៃបានច្រើន ហើយភាគច្រើនគឺជាកាកសំណល់ដែលជាវត្ថុធាតុដើមសម្រាប់កែច្នៃឡើងវិញ និងខ្លះទៀតជាអាហារដែលអាចយកមកទទួលទានបាន។ នេះបើយោងតាមសំដីដែលក្រុមក្មេងជំទង់បានបញ្ជាក់ប្រាប់ទៅកាន់ក្រុមការងាររបស់ CNN។
ពួកគេបន្តថា ការងារនេះគឺពិតជាលំបាកខ្លាំងណាស់ដោយត្រូវងើបឡើងតាំងតែពីព្រឹកព្រលឹមដើររើសសំរាមដែលពោរពេញទៅដោយភាពកខ្វក់ ហើយពេលខ្លះត្រូវមុតដៃ មុតជើង ដោយសារតែអំបែង និងកាកសំណល់រឹង ប៉ុន្តែចំណូលដែលពួកគេទទួលបានក្នុងមួយសប្តាហ៍មានត្រឹមតែប៉ុន្មានប៉េសូ (Peso) ប៉ុណ្ណោះ។
ក្រុមមនុស្សជំទង់ទាំងនោះបានឱ្យដឹងថែមទៀតថា មិនត្រឹមតែពិបាកក្នុងការស្វែងរកចំណូលប៉ុណ្ណោះទេ ពលរដ្ឋភាគច្រើនដែលបានធ្វើដំណើរមកដល់ទីតាំងចាក់សំរាមនេះគឺមិនមានផ្ទះរស់នៅសមរម្យឡើយដោយពួកគេចាំបាច់ត្រូវស្វែងរកវត្ថុធាតុដើមដូចជាឈើ និងដែកកំណាត់ៗយកមករៀបចំ និងសាងសង់ផ្ទះដោយខ្លួនឯងបន្តិចម្តងៗទម្រាំមានកន្លែងស្នាក់នៅមួយសមរម្យនឹងគេ។
ទោះបីជាយ៉ាងណាក្តី បញ្ហាបៃកាកសំណល់បានកើតឡើងនៅស្ទើរគ្រប់បណ្តាប្រទេសទាំងអស់លើពិភពលោក មិនថាជាប្រទេសអភិវឌ្ឍ និងកំពុងអភិវឌ្ឍ ឬប្រទេសក្រីក្រនោះទេ គឺតែងកើតមានដូចគ្នា។ គួរបញ្ជាក់ផងដែរថា គំនរសំរាម នៅតែជាបញ្ហាក្នុងការគ្រប់គ្រង រួមតាំងការបែងចែកកាកសំណល់ផងដែរ បើទោះបីជាប្រទេសដែលមានបច្ចេកវិទ្យាទំនើបយ៉ាងណាក៏ដោយ។ ជាក់ស្តែង ផ្អែកតាមទិន្នន័យកាលពីឆ្នាំ២០១៩ ដែលបង្ហាញដោយបណ្ដាញផ្សព្វផ្សាយ Statista បានបញ្ជាក់ថា Las Vegas ដែលជាទីក្រុងមួយស្ថិតនៅក្នុងរដ្ឋណេវ៉ាដា (Nevada) សហរដ្ឋអាមេរិក ក៏មានគំនរសំរាមធំជាងគេបំផុតលើពិភពលោកផងដែរ (Apex Regional Landfill) ដែលមានទំហំរហូតទៅដល់ប្រមាណជា៨៩០ហិកតា និងមានកាកសំណល់សរុបដល់ទៅ៥០លានតោន ហើយបើយើងពិនិត្យទៅលើទិន្នន័យរបស់អង្គការអន្តរជាតិបានបង្ហាញថា គំនរសំរាមគឺមានវត្តមាននៅគ្រប់ទីកន្លែង រាប់ចាប់ពីតំបន់អាហ្វ្រិកទៅដល់អាមេរិកឡាទីនក៏ដូចគ្នា ដែលសូម្បីតែនៅតំបន់អឺរ៉ុបក៏មានដូចគ្នា៕
អ្នកសារព័ត៌មានអន្តរជាតិ
របាយការណ៍ថ្មីៗ
មើលទាំងអស់ ➧
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
សហគមន៍ព្រៃឈើត្រពាំងពិការ ផ្ដល់អត្ថប្រយោជន៍ដល់ពលរដ្ឋជាង ៤០០ គ្រួសារនៅរមាសហែក
ព្រឹត្តិការណ៍, អត្ថបទពាណិជ្ជកម្ម
• 20/09/2026
សហគមន៍ព្រៃឈើត្រពាំងពិការ ក្នុងឃុំអំពិល ស្រុករមាសហែក ខេត្តស្វាយរៀង កំពុងផ្ដល់អត្ថប្រយោជន៍ដល់ប្រជាពលរដ្ឋជាង ៤០០ គ្រួសារ តាមរយៈការប្រមូលអនុផលព្រៃឈើ និងការទាក់ទាញភ្ញៀវទេសចរ
ទិន្នផលគ្រាប់ស្វាយចន្ទី ឆ្នាំ២០២៧ អាចធ្លាក់ចុះ ខណៈដែលសមាគមអំពាវនាវឱ្យកសិករយកចិត្តទុកដាក់ថែទាំប្រភពទឹក
ជំនួញ, ព្រឹត្តិការណ៍, សេដ្ឋកិច្ច
• 18/09/2026
ភ្នំពេញ ៖ សមាគមស្វាយចន្ទីកម្ពុជា បានបង្ហាញពីក្ដីព្រួយបារម្ភចំពោះការកើនឡើងកម្តៅ និងគ្រោះរាំងស្ងួតបង្កដោយបាតុភូត អែល នីញ៉ូ(El Niño) ដែលអាចគំរាមកំហែងដល់ទិន្នផល និងគុណភាពស្វាយចន្ទីនៅឆ្នាំ២០២៧ ហើយបានអំពាវនាវឱ្យកសិករដាំដុះទាំងអស់យកចិត្តទុកដាក់ថែទាំ និងរក្សាប្រភពទឹកឱ្យបានល្អ។ ប្រធានសមាគមស្វាយចន្ទីកម្ពុជា លោក អួន ស៊ីឡុត បានប្រាប់បណ្ដាញព័ត៌មាន AMS ថា ពេលនេះកសិករបានដាំស្វាយចន្ទីថ្មីរួចរាល់ហើយ
មេផ្សារមូលបត្រកម្ពុជា បញ្ជាក់ពីការកើនឡើងផលចំណេញ និងការជួញដូរភាគហ៊ុនកំពុងមានភាពមមាញឹក
ជំនួញ, ព្រឹត្តិការណ៍, សេដ្ឋកិច្ច
• 18/09/2026
ភ្នំពេញ ៖ អគ្គនាយកក្រុមហ៊ុនផ្សារមូលបត្រកម្ពុជា បានលើកឡើងថា គិតត្រឹមដើមខែកញ្ញា ឆ្នាំ២០២៦នេះ ទីផ្សារមូលបត្រកម្ពុជាបន្តទទួលបានផលជាវិជ្ជមាន ខណៈអ្នកវិនិយោគខ្លះអាចរកចំណេញបានប្រមាណ ២០ ទៅ ៣០ភាគរយ ក្នុងរយៈពេលតែប៉ុន្មានសប្តាហ៍ ស្របពេលដែលទំហំជួញដូរភាគហ៊ុនក៏បន្តកើនឡើងយ៉ាងខ្លាំងគួរឱ្យកត់សម្គាល់។ លោក ហុង សុហួរ អគ្គនាយកក្រុមហ៊ុនផ្សារមូលបត្រកម្ពុជា បានឱ្យដឹងថា បច្ចុប្បន្ន ទីផ្សារភាគហ៊ុនកម្ពុជាកំពុងផ្តល់ផលចំណេញខ្ពស់ក្នុងរយៈពេលខ្លីដល់អ្នកវិនិយោគ
អារ៉ាប៊ីសាអូឌីត ត្រៀមបំពាក់យន្តហោះបំបាំងកាយ F-35 ចំនួន ៤៨គ្រឿង ក្រោយអាម៉េរិកអនុម័តលក់
ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
អារ៉ាប៊ីសាអូឌីតគ្រោងទិញយន្តហោះចម្បាំងបំបាំងកាយ F-35 Lightning II ចំនួន ៤៨គ្រឿងពីរដ្ឋាភិបាលអាម៉េរិក ក្រោយទីក្រុងវ៉ាស៊ីនតោនអនុម័តកិច្ចព្រមព្រៀងលក់អាវុធដែលមានទំហំទឹកប្រាក់សរុប ២៤,៣ពាន់លានដុល្លារ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content