សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
កំពត ៖ កំពត គឺជាខេត្តមួយដែលមានសក្ដានុពលខ្ពស់ក្នុងវិស័យទេសចរណ៍ ដោយមានតំបន់ជាច្រើនត្រូវបានអ្នកវិនិយោគ និងអ្នកអភិវឌ្ឍន៍បានជ្រើសរើសជាគោលដៅ និងសម្រុកអភិវឌ្ឍបន្ថែមក្នុងរូបភាពជាកន្លែងកម្សាន្តធម្មជាតិ ជាពិសេសប្រភេទលំនៅឋានបែបលំហែរដែលមានតម្លៃសមរម្យ។
លោក ជិន ណារិន នាយកប្រតិបត្តិក្រុមហ៊ុនអចលនទ្រព្យ Sunshine Realty ប្រចាំខេត្តកំពតបានមានប្រសាសន៍ថា បច្ចុប្បន្ននេះនៅក្នុងខេត្តកំពត ក្រៅពីមានក្រុមហ៊ុនអភិវឌ្ឍន៍តំបន់លំហែរកាយ ក៏មានក្រុមហ៊ុនមួយចំនួនបានបន្តពុះដីឡូត៍សម្រាប់សាងសង់លំនៅឋានបែបលំហែកាយ ជាពិសេសនៅតំបន់ជាប់មាត់ព្រែក និងដងព្រែក ដើម្បីលក់ជូនប្រជាពលរដ្ឋដែលភាគច្រើនមកពីរាជធានីភ្នំពេញ និងតាមបណ្តាខេត្តមួយចំនួន ដើម្បីទុកអភិវឌ្ឍន៍ជាលំនៅឋាន ឬលក់បន្តយកចំណេញនៅពេលអនាគត ។
លោកបន្តថា ៖
“ក្រៅពីក្រុមហ៊ុនអភិវឌ្ឍន៍ដីឡូត៍នៅក្នុងខេត្តកំពតនេះ ក៏មានក្រុមហ៊ុនមួយចំនួនទៀតបានអភិវឌ្ឍន៍ជាផ្ទះលំហែកាយ ហើយបច្ចុប្បន្ននេះ មានក្រុមហ៊ុនក្នុងមូលដ្ឋានជាច្រើនបានស្វែងរកទិញដី និងអភិវឌ្ឍន៍ជាផ្ទះលំហែលក់ជូនប្រជាពលរដ្ឋ ជាពិសេសអ្នករស់នៅក្នុងរាជធានីភ្នំពេញ ហើយក៏មានការគាំទ្រច្រើនផងដែរ ជាក់ស្ដែងគម្រោងផ្ទះលំហែកាយដែលក្រុមហ៊ុនរបស់ខ្ញុំបានកាន់កាប់ និងទទួលលក់ឃើញថាមានការគាំទ្រ និងមានអតិថិជនទិញជាបន្តបន្ទាប់”
លោក កែវ សុជាតិ ប្រធានសាខានៃក្រុមហ៊ុនអចលនទ្រព្យ KW Kampot បានមានប្រសាសន៍ថា នៅក្នុងខេត្តកំពតនាពេលនេះមានការអភិវឌ្ឍទៅលើលំនៅឋានច្រើន ដោយអ្នកអភិវឌ្ឍន៍បានទិញដីនៅតំបន់ជាយៗក្រុង ហើយអភិវឌ្ឍន៍ជាផ្ទះលំហែដើម្បីផ្គត់ផ្គង់ជូនអ្នកមានតម្រូវការ ។
លោកបន្តថា ៖
“នៅក្នុងខេត្តកំពតគេមើលឃើញថា មានក្រុមហ៊ុនអភិវឌ្ឍន៍លំនៅឋានទំនើបមួយគឺ Forest Harmony ដែលជាកត្តាទាក់ទាញមួយសម្រាប់ការអភិវឌ្ឍលើផ្ទះលំហែនៅក្នុងខេត្តកំពត ដោយរំពឹងថាខេត្តនេះនឹងមានការអភិវឌ្ឍកាន់តែខ្លាំង”
លោក ច្រឹក សុខនីម ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា (CVEA) ក៏បានមានប្រសាសន៍ផងដែរថា កំពត ជាខេត្តដែលស្ថិតនៅជិតរាជធានីភ្នំពេញ មានចំងាយត្រឹមតែ ជាង១៤០គីឡូម៉ែត្រ និងមានផ្លូវស្រួលធ្វើដំណើរថែមទៀតផង។
លោកថា សម្រាប់ផ្ទះលំហែនឹងក្លាយជាផ្ទះទី២ដ៏ពេញនិយមសម្រាប់អ្នកដែលមានប្រាក់ចំណូលមធ្យមឡើងទៅ ហើយតំបន់ដែលមានការអភិវឌ្ឍលំនៅឋានលំហែកាយកាន់តែច្រើននោះគឺតំបន់ដែលសំបូរទៅដោយរមណីយដ្ឋាន ហើយក្រៅពីខេត្តកំពត ខេត្តផ្សេងទៀតក៏មានសក្ដានុពលក្នុងការអភិវឌ្ឍលើលំនៅឋានលំហែកាយដែរ ដូចជាខេត្តមណ្ឌលគីរី ខេត្តសៀមរាប ខេត្តព្រះសីហនុ និងកោះកុងជាដើម ពីព្រោះខេត្តទាំងនេះមានសម្បូរតំបន់ទេសចរណ៍ធម្មជាតិច្រើន ដែលជាកត្តាទាក់ទាញភ្ញៀវទេសចរជាតិ និងអន្តរជាតិទៅសម្រាកកម្សាន្តច្រើន៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
បុរសម្នាក់កែច្នៃត្រឡោកដូងទៅជាធ្យូងអនាម័យ ជួយដល់សុខមាលភាពប្រជាជន
ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច
• 26/04/2024
ជំនួសឱ្យការយកឈើទៅដុត បុរសម្នាក់បានប្រមូលយកត្រឡោកដូងដែលគេកោសសាច់រួច ទៅដុតឱ្យចេញជាធ្យូងអនាម័យ។
Hilltribe Organics ជួយបង្កើនប្រាក់ចំណូលជនជាតិភាគតិចនៅប្រទេសថៃជាង ៥០០ ដុល្លារក្នុងមួយខែពីការចិញ្ចឹមមាន់យកស៊ុតសរីរាង្គ
ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច
• 26/04/2024
Hilltribe Organics បានរួមបញ្ចូលជនជាតិដើមភាគតិចដែលចិញ្ចឹមមាន់យកស៊ុតទៅក្នុងខ្សែសង្វាក់តម្លៃនៃផលិតផលសរីរាង្គរបស់ខ្លួន និងបានជួយបង្កើនប្រាក់ចំណូលរបស់ពួកគេបីដង ឬជាង ៥០០ ដុល្លារក្នុងមួយខែ
Doi Kham ក្រុមហ៊ុនធុរកិច្ចបរិយាបន្នថៃផ្តោតសំខាន់ជួយគាំទ្រជីវភាពក្រុមកុលសម្ព័ន្ធភ្នំ
ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច
• 26/04/2024
Doi Kham បានជួយគាំទ្រដល់ក្រុមពលរដ្ឋកុលសម្ព័ន្ធជាច្រើនរយពាន់គ្រួសារតាមរយៈការទទួលទិញគ្រាប់កាហ្វេដែលមានគុណភាពខ្ពស់ដោយផ្ទាល់ពីសហគមន៍ទាំងនេះ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content