សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ចាប់តាំងពីសម័យកាលវិបត្តិកូវីដរហូតមកគេសង្កេតឃើញថា ពលរដ្ឋអាមេរិកដែលមានទ្រព្យសម្បត្តិហូរហៀរជាច្រើនបានសម្រេចចិត្តផ្លាស់ប្តូរទីលំនៅទៅកាន់ប្រទេសផ្សេង និងការបន្ថែមសញ្ជាតិទី២ ហើយរហូតមកដល់ពេលនេះ ចំនួននៃពលរដ្ឋអាមេរិកកាន់តែច្រើនឡើងកំពុងពិចារណាអំពីលទ្ធភាពនៃការទៅរស់នៅប្រទេសផ្សេង ខណៈដែលអ្នកដែលមានទ្រព្យសម្បត្តិកាន់តែច្រើនគឺបានដំណើរការសុំលិខិតឆ្លងដែនរួចទៅហើយ ជាពិសេសនៅមុនការបោះឆ្នោតជ្រើសតាំងប្រធានាធិបតីអាមេរិកថ្មីអាណត្តិនេះ។
កាសែត CNBC បានចូលរួមក្នុងការស្រាវជ្រាវទៅលើករណីចាកចេញពីប្រទេសរបស់ក្រុមពលរដ្ឋដែលជាអ្នកមានទ្រព្យសម្បត្តិច្រើនទាំងនោះ ហើយជាលទ្ធផលគេបានរកឃើញថា ចំនួននៃពលរដ្ឋមានទ្រព្យដែលបានសម្រេចចិត្តស្នើសុំលិខិតឆ្លងដែន និងសញ្ជាតិពីប្រទេសផ្សេងនោះមានការកើនឡើងប្រមាណជា៣០ភាគរយធៀបទៅនឹងចំនួនកាលពីឆ្នាំកន្លងទៅ។
របាយការណ៍ស្រាវជ្រាវបានបង្ហាញទៀតថា ពលរដ្ឋអាមេរិកទាំងនោះមិនបានខ្វាយខ្វល់ឡើយថាលទ្ធផលនៃការបោះឆ្នោតប្រធានាធិបតីអាមេរិកថ្មីនៅថ្ងៃទី៥ ខែវិច្ឆកានេះនឹងទៅជាយ៉ាងណា ឬអ្នកណាជាអ្នកឈ្នះឆ្នោតនោះទេ ដោយពួកគេភាគច្រើនបានបង្ហាញអារម្មណ៍ធុញទ្រាន់ទៅនឹងស្ថានភាពនយោបាយរបស់ក្រុមអ្នកនយោបាយអាមេរិករួចទៅហើយ។
ប្រធានផ្នែកបម្រើអតិថិជនឯកជននៃក្រុមហ៊ុន Henley & Partners លោក Dominic Voleck បានអះអាងថា អតិថិជនដែលស្វែងរកប្រឹក្សាផ្នែកចូលសញ្ជាតិភាគច្រើនគឺជាពលរដ្ឋអាមេរិកដែលក្នុងនោះមានទៅដល់២០ភាគរយនៃចំណែកទីផ្សារសរុបរបស់ក្រុមហ៊ុននៅទូទាំងសកលលោក។ សូមបញ្ជាក់ថា Henley & Partners ត្រូវបានគេស្គាល់ថាជាក្រុមហ៊ុនអន្តរជាតិដ៏ល្បីល្បាញផ្នែកផ្តល់ប្រឹក្សាក្នុងការធ្វើអន្តោប្រវេសន៍ស្របច្បាប់ទៅកាន់អតិថិជនដែលសុទ្ធតែជាអ្នកមានទ្រព្យសម្បត្តិស្តុកស្តម្ភមកពីជុំវិញពិភពលោក។
ដោយឡែកការស្ទាបស្ទង់មួយទៀតដោយក្រុមហ៊ុនផ្តល់កម្មវិធីសម្រាប់អន្តោប្រវេសន៍ Arton Capital កាលពីខែតុលាកន្លងទៅនេះបានរកឃើញថា ពលរដ្ឋជាសេដ្ឋីមានប្រាក់រាប់លានដុល្លាររបស់អាមេរិកប្រមាណជា៥៣ភាគរយកំពុងមានទំនោរក្នុងការចាកចេញពីអាមេរិកនៅក្រោយការបោះឆ្នោតអាមេរិករួចរាល់ ដោយពួកគេមិនខ្វល់ថាបក្សណាជាអ្នកឈ្នះនោះទេ។
គួរឲ្យដឹងដែរថា ការបោះឆ្នោតជ្រើសរើសប្រធានាធិបតីអាមេរិកថ្មីនឹងប្រព្រឹត្តទៅនៅថ្ងៃទី៥ ខែវិច្ឆិកានេះ ក្នុងគ្រាដែលបច្ចុប្បន្នសម្លេងឆ្នោតស្ទាបស្ទង់បានបង្ហាញថា បេក្ខភាពដ៏មានសក្តានុពលទាំង២គឺលោកស្រី Kamala Harris និងលោក Donald Trump មានការគាំទ្រប្រហាក់ប្រហែលគ្នា៕
Account
Security
Favourite Content