សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ជនជាតិភាគតិច និងធម្មជាតិនៅតាមបណ្តាប្រទេសនានាលើសកលលោក គឺភាពទំនាក់ទំនងគ្នាយ៉ាងអស្ចារ្យដែលមិនអាចកាត់ផ្តាច់បានឡើយនៅក្នុងការរស់នៅប្រចាំថ្ងៃ ពោលគឺទាំងជីវិតជនជាតិភាគតិច ក៏ដូចជាការថែរក្សាពូជរុក្ខជាតិធម្មជាតិអស់រយៈពេលជាច្រើនរយឆ្នាំមកហើយ។ ជាក់ស្ដែង ប្រភេទរុក្ខជាតិព្រៃ Stevia ជារុក្ខជាតិដ៏មានសារៈប្រយោជន៍រាប់មិនអស់សម្រាប់ក្រុមជនជាតិភាគតិច Pai Tavytera ទាំងផ្នែកចំណីអាហារ និងថ្នាំឱសថបុរាណ ខណៈដែលបច្ចុប្បន្នមានទំហំទីផ្សាររហូតទៅដល់ ៥០០លានដុល្លាររួចមកហើយ។
ពួកគេក៏ជាអ្នកដែលមានការយល់ដឹងយ៉ាងស៊ីជម្រៅជាមួយនឹងធម្មជាតិនានាជាច្រើន ពីព្រោះថាបទពិសោធន៍អស់រយៈកាលជាយូរតាំងពីដូនតាគឺពិតជាតម្លៃមិនអាចកាត់ថ្លៃបានឡើយ។ ពួកគេអាចមើលដឹង និងយល់ឃើញពីរបៀបនៃការវិវត្តទៅនៃជីវៈចម្រុះនៅក្នុងបរិស្ថានរបស់ពួកគេ ហើយក៏អាចមើលឃើញពីហានិភ័យដែលអាចធ្វើឲ្យបាត់បង់និរន្តភាពរបស់ធម្មជាតិទាំងនោះផងដែរ។ ជាឧទាហរណ៍ និងជាគំរូមួយសម្រាប់ផែនការវិនិយោគ និងអភិវឌ្ឍមួយចំនួននៅលើដែនដីរបស់ក្រុមជនជាតិភាគតិចនៅប្រទេសប៉ារ៉ាហ្គាយ និងអាហ្វ្រិកការសម្រេចចិត្តដ៏ចម្រូងចម្រាសមួយបានកើតឡើងចំពោះក្រុមជនជាតិភាគតិច Pai Tavytera នៅប៉ារ៉ាហ្គាយ និង Khoisan នៅអាហ្វ្រិកខាងត្បូង។
រុក្ខជាតិព្រៃ Stevia ជារុក្ខជាតិដ៏មានសារៈប្រយោជន៍ជាច្រើនរាប់មិនអស់សម្រាប់ក្រុមជនជាតិភាគតិច Pai Tavytera ទាំងផ្នែកចំណីអាហារ និងថ្នាំឱសថបុរាណ ខណៈដែលបច្ចុប្បន្នមានទំហំទីផ្សាររហូតទៅដល់ ៥០០លានដុល្លារមកហើយ និងអាចបន្តកើនឡើងទ្វេដងនៅក្នុងឆ្នាំ២០២៨ ឬស្ថិតនៅក្នុងអត្រាកើនឡើង៩ភាគរយជារៀងរាល់ឆ្នាំ។
កាលពីឆ្នាំ២០១៤ អាជ្ញាធរតំបន់បានអនុម័តកាត់ដីប្រមាណ ២ ៣០០ហិកតា ក្នុងការដាំដុះ Stevia ហើយអាចផលិតបានមកវិញប្រមាណជា៣៦៨០តោន។ Stevia បានក្លាយទៅជាប្រធានបទដ៏ចម្រូងចម្រាសបំផុតរបស់ប្រទេសក្នុងការអភិវឌ្ឍដែលគាំទ្រដោយរដ្ឋាភិបាលពីព្រោះថាបច្ចុប្បន្នវាមិនត្រឹមតែបានធ្វើឲ្យប៉ះពាល់ដល់ទីតាំងដាំដុះរបស់វាប៉ុណ្ណោះទេវាថែមទាំងបញ្ហាបែងចែកផលប្រយោជន៍ជាមួយនឹងក្រុមជនជាតិភាគតិចដែលជាអ្នកប្រមូលផលផងដែរ។
ប្រវត្តិប្រើប្រាស់រុក្ខជាតិ Stevia មានជាយូរលង់ណាស់មកហើយ ប៉ុន្តែដោយសារតែការមិនចេះប្រើប្រាស់ឲ្យបានត្រឹមត្រូវ ឬតាមក្បួនខ្នាតដូនតាដែលធ្លាប់បានរកឃើញកាលពីអតីតកាល ទើបធ្វើឲ្យដំណាក់កាលនៃការប្រើប្រាស់ Stevia ត្រូវបានបាត់បង់បន្តិចម្ដងៗ ប៉ុន្តែក្រោយមកទើបវាត្រូវបានស្រាវជ្រាវ និងសិក្សាបានកាន់តែច្បាស់តាមរយៈក្រុមជនជាតិភាគតិចដែលជាអ្នកជំនាញ ហើយបច្ចុប្បន្នវាត្រូវបានយកទៅបណ្តុះ និងដាំដុះនៅតាមបណ្តាប្រទេសជាច្រើនលើពិភពលោក ដូចជាប្រទេសប៉ារ៉ាហ្គាយ កេនយ៉ា ចិន អាមេរិក វៀតណាម ប្រេស៊ីល ឥណ្ឌា អាហ្សង់ទីននិងប្រទេសកូឡំប៊ី។
ដោយឡែក នៅអាហ្វ្រិកខាងត្បូង រុក្ខជាតិព្រៃប្រភេទ Rooibos ដែលសម្រាប់យកធ្វើជាតែដ៏មានរសជាតិរបស់ក្រុមជនជាតិភាគតិច Khoisan ក៏មានស្ថានភាពចម្រូងចម្រាសស្រដៀងគ្នានេះផងដែរ ប៉ុន្តែកាលពីឆ្នាំ២០១៥ នៅពេលដែលក្រុមអ្នកអភិរក្សរុក្ខជាតិ Rooibos បានយកឈ្នះក្តីជាមួយនឹងក្រុមហ៊ុនអ្នកអភិវឌ្ឍន៍នោះ នៅពេលនេះក្រុមជនជាតិភាគតិចបានទទួលអត្ថប្រយោជន៍មួយចំនួនអំពីផលិតផលមួយនេះ។ ក្រៅតែពីទទួលបានកិច្ចការងារជាអ្នកប្រមូលផលហើយនោះ Khoisan ក៏នឹងមានទំនួលខុសត្រូវក្នុងការថែរក្សាព្រមទាំងធានាឲ្យបាននូវនិរន្តភាពចំពោះ Rooibos ស្របទៅតាមប្រព័ន្ធជីវៈធម្មជាតិរបស់វាផងដែរ។
បទពិសោធទាំងអស់ខាងលើនេះអាចឲ្យមនុស្សគ្រប់គ្នាមើលឃើញបានថា ទោះបីជាមានតម្រូវការការអភិវឌ្ឍចាំបាច់យ៉ាងណាក្តី ប៉ុន្តែយើងមិនអាចបំភ្លេចចោលពីជំនាញ និងចំណេះដឹងរបស់ក្រុមជនជាតិភាគតិច ដែលជាក្រុមមនុស្សរស់នៅជាមួយនឹងធម្មជាតិ និងជាមនុស្សដែលអាចធ្វើឲ្យបរិស្ថាន និងជីវៈចម្រុះ មាននិរន្តភាពបំផុត ខណៈដែលមនុស្សនៅតែអាចទាញយកប្រយោជន៍ដ៏លើសលប់ពីធម្មជាតិបានជំនួសឲ្យការអភិវឌ្ឍដែលមិនបានគិតដល់កូនចៅជំនាន់ក្រោយ៕
អ្នកសារព័ត៌មានអន្តរជាតិ
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
កម្មវិធី «នវានុវត្តន៍បញ្ច្រាស» ជួយធុរកិច្ចថ្មីដោះស្រាយបញ្ហាទីផ្សារ តាមរយៈការបង្កើតជាដំណោះស្រាយប្រកបដោយភាពច្នៃប្រឌិត និង នវានុវត្តន៍
ព្រឹត្តិការណ៍, អាជីវកម្មថ្មី និងនវានុវត្ត
• 14/08/2026
កម្មវិធី «នវានុវត្តន៍បញ្ច្រាស» ជាទុនជួយធុរកិច្ចថ្មីដោះស្រាយបញ្ហាប្រឈមក្នុងទីផ្សារតាមរយៈការបង្កើតដំណោះស្រាយប្រកបដោយភាពច្នៃប្រឌិត នវានុវត្តន៍
ក្រសួងរៀបចំដែនដីទទួលបានគំនិតថ្មីៗបន្ថែម ក្នុងគោលដៅធ្វើឱ្យប្រជាពលរដ្ឋមានលំនៅឋានរស់នៅសមរម្យ
Top News, ព្រឹត្តិការណ៍, អចលនទ្រព្យ
• 14/08/2026
កិច្ចការស្រាវជ្រាវអំពីអចលនទ្រព្យ និងស្ថានភាពលំនៅឋាននេះមានសារៈសំខាន់ គឺផ្ដោតទៅលើការបង្កើតទំនៀមទម្លាប់ និងផ្នត់គំនិតការងារថ្មីមួយ ដែលមានភាពច្បាស់លាស់ និងមិនធ្វើការតាមអារម្មណ៍ដែលនាំឱ្យមានកំហុសឆ្គងច្រើន
ការស្ទង់មតិពី ៣៦ ប្រទេសបង្ហាញថា ចិន ទទួលបានប្រជាប្រិយភាពជាងអាមេរិកនៅលើឆាកអន្តរជាតិ
ព្រឹត្តិការណ៍, អាជីវកម្មថ្មី និងនវានុវត្ត
• 14/08/2026
ការស្ទង់មតិជាលក្ខណៈអន្តរជាតិដ៏ធំមួយនៅលើបណ្តាប្រទេសចំនួន ៣៦ បានបង្ហាញពីទស្សនៈជាសកល ដែលភាគច្រើនមានទំនោរទៅលើប្រទេសចិនក្នុងផ្លូវវិជ្ជមាន ច្រើនជាងសហរដ្ឋអាមេរិក
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
សមាគមមីក្រូហិរញ្ញវត្ថុកម្ពុជា និងវិទ្យាស្ថានសិក្សាបច្ចេកទេសធនាគារ រួមគ្នាលើកកម្ពស់ចំណេះដឹងផ្នែកហិរញ្ញវត្ថុ
វិស័យ MSMEs ជាឆ្អឹងខ្នងដ៏សំខាន់ និងជាកម្លាំងចលករចម្បងជំរុញសេដ្ឋកិច្ចកម្ពុជាឱ្យមានភាពធន់ អភិវឌ្ឍន៍ប្រកបដោយចីរភាព
Account
Security
Favourite Content