សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ក្អមយក្ស ជាឈ្មោះយីហោតូបលក់នំបញ្ចុកឆ្ងាញ់មួយកន្លែង ដែលកំពុងមានប្រជាប្រិយភាព និងមានអតិថិជនគាំទ្រយ៉ាងច្រើន ដោយសារមានរសជាតិឈ្ងុយឆ្ងាញ់ តម្លៃសមរម្យ ទីតាំងល្អធំទូលាយស្អាត ងាយស្រួលអង្គុយទទួលទាន ស្ថិតនៅក្នុងផ្សារបោះដុំឃ្លាំងរំសេវថ្មីសែនសុខ ដែលបើកលក់ចាប់ពីម៉ោង ៦កន្លះព្រឹករហូតដល់ម៉ោង៧យប់។
លោក ឈុន ចិន្ដា វ័យ ៤៥ឆ្នាំ ជាម្ចាស់តូបលក់នំបញ្ចុកឆ្ងាញ់ខាងលើនេះបានរៀបរាប់ប្រាប់ AMS ឱ្យដឹងថា មុខរបរលក់នំបញ្ចុកនេះលោកទើបតែចាប់ប្រកបរយៈពេលជិត១ឆ្នាំប៉ុណ្ណោះ ដោយសារតែមានចំណូលចិត្ត មានជំនាញផ្នែកដាំស្ល និងមើលឃើញពីការពេញនិយមទទួលទានរបស់មនុស្សទូទៅ ជាពិសេសក្រោយពេលផ្សារបោះដុំឃ្លាំងរំសេវថ្មីសែនសុខចាប់បើកដំណើរការ ដែលវាជាឱកាសល្អសម្រាប់អាជីវកម្មមួយនេះ ខណៈដែលការចំណាយដើមទុនលើកដំបូងត្រឹមតែ៧០០ដុល្លារតែប៉ុណ្ណោះ។
លោកបន្តទៀតថា ៖
“ការលក់នៅទីនេះគឺមានភាពងាយស្រួល ដោយសារនៅក្នុងផ្សារមានទីធ្លាធំទូលាយ មានខ្យល់ចេញចូលគ្រប់គ្រាន់ ហើយអតិថិជនក៏មានច្រើនរាប់ទាំងបងប្អូនអាជីវករដែលលក់ដូរនៅក្នុងផ្សារស្រាប់ និងមានអ្នកមកពីខាងក្រៅ ជាពិសេសអ្នកធ្វើការនៅក្បែរផ្សារ និងបណ្តាកម្មកររោងចក្រក្នុងតំបន់ផងដែរ”
លោកបានបញ្ជាក់ឱ្យដឹងដែរថា មូលហេតុដែលធ្វើឱ្យអតិថិជននិយមគាំទ្រច្រើនបែបនេះដោយសារតែរសជាតិឈ្ងុយឆ្ងាញ់អាចទទួលយកបាន ហើយតម្លៃក៏សមរម្យ ខណៈដែលភ្ញៀវភាគច្រើនជាបងប្អូនកម្មកររោងចក្រក៏ដូចជាអ្នករស់នៅក្នុងបុរីជិតៗនេះ ដែលពួកគាត់និយមដើរផ្សារ អាចមកទិញ និងទទួលទានផ្ទាល់ ឬអាចកម្ម៉ង់ឱ្យដឹកដល់បុរីក៏បាន។
ចំពោះនំបញ្ចុកក្អមយក្សដែលកំពុងដំណើរការលក់យ៉ាងមមាញឹកនេះមានពីរប្រភេទគឺ ប្រភេទនំបញ្ចុកសម្លរប្រហើរ មានតម្លៃត្រឹមតែ ៤ ០០០រៀលសម្រាប់មួយចាន និងប្រភេទសម្លរការី ដែលមានតម្លៃ ៦ ០០០រៀល សម្រាប់មួយចាន ហើយជារៀងរាល់ថ្ងៃអាចលក់បានជាមធ្យមជាង ១០គីឡូក្រាមសាច់នំបញ្ចុក ស្មើនឹងប្រមាណ ៤០ម៉ឺនរៀល ហើយថ្ងៃខ្លះអាចលក់អស់ដល់ ២០គីឡូក្រាមសាច់នំក៏មាន។
លោកបន្តថា ៖
“សម្រាប់ការធ្វើអាជីវកម្មប្រចាំថ្ងៃនៃនំបញ្ចុកក្អមយក្សរបស់ខ្ញុំដូចជាមិនមានអ្វីដែលពិបាកនោះទេ ពោលគឺព្រឹកឡើងបើកទ្វារតូបគឺមានអតិថិជនមកដល់ ហើយការស្វែងរកវត្ថុធាតុដើមសម្រាប់ដាំស្ល និងគ្រឿងផ្សំផ្សេងៗដូចជាបន្លែស្រស់ ត្រី សាច់ ជាដើមក៏មានភាពងាយស្រួល ព្រោះមានម៉ូយដែលជាអ្នកលក់នៅផ្សារនេះស្រាប់ គ្រាន់តែទូរស័ព្ទទៅប្រាប់ពួកគាត់ គឺគាត់យកមកដាក់ឱ្យដល់តូបតែម្ដង ពោលគឺមិនចាំបាច់ពិបាកទៅរកទិញនៅឯណានោះឡើយ”
ជាមួយនឹងភាពងាយស្រួលក្នុងការប្រកបអាជីវកម្មនំបញ្ចុកក្អមយក្សដែលកំពុងទទួលបានការគាំទ្រយ៉ាងច្រើនពីសំណាក់អតិថិជនទូទៅនេះ លោក ឈុន ចិន្តា ក៏បានបង្ហាញពីភាពរីករាយផងដែរ ដែលក្រៅពីអាចរកបានចំណូលគួរសមសម្រាប់ផ្គត់ផ្គង់ជីវភាពគ្រួសារបានយ៉ាងប្រសើរនោះ ផ្សារបោះដុំឃ្លាំងរំសេវថ្មីសែនសុខបានបំពេញក្ដីស្រមៃរបស់លោកដែលចង់បើកអាជីវកម្មមួយនេះជាយូរណាស់មកហើយ ប៉ុន្តែមិនអាចមានលទ្ធភាពដំណើរការបានដោយសារតែតម្លៃជួលទីតាំងថ្លៃពេក ប៉ុន្តែពេលនេះអាជីវកម្មដែលលោកប្រាថ្នាត្រូវបានលេចចេញជារូបរាងហើយ។
ជាមួយគ្នានេះ លោក ចិន្ដា ក៏បានប្រាប់ពីគោលបំណងទៅថ្ងៃអនាគតផងដែរ ដោយលោកចង់ពង្រីកអាជីវកម្ម នំបញ្ចុកក្អមយក្សឱ្យបានធំទូលាយ និងមានសាខាបន្ថែម រួមជាមួយនឹងការបង្កើតប្រភេទទឹកសម្លរថ្មីៗឱ្យបាន៤មុខ សម្រាប់បំពេញតម្រូវការ និងចំណង់ចំណូលចិត្តរបស់អតិថិជន។ ជាចុងក្រោយ លោក និងក្រុមគ្រួសារក៏សូមអរគុណដល់អតិថិជនដែលតែងតែគាំទ្រដល់ «នំបញ្ចុកក្អមយក្ស» ជាពិសេស គណៈគ្រប់គ្រងផ្សារបោះដុំឃ្លាំងរំសេវថ្មីសែនសុខ ដែលបានជួយបំពេញក្ដីស្រមៃរបស់លោក៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
គណៈកម្មាធិការរៀបចំដែនដី និងនគរូបនីយកម្មថ្នាក់ជាតិ ដាក់ចេញផែនការរៀបចំដែនដីខេត្ត-ក្រុងថ្មី នៅតាមតំបន់គោលដៅទូទាំងប្រទេស
Top News, ព្រឹត្តិការណ៍, អចលនទ្រព្យ
• 05/10/2026
(ភ្នំពេញ)៖ ថ្នាក់ដឹកនាំក្រសួងរៀបចំដែនដី នគរូបនីយកម្ម និងសំណង់ បានដាក់ចេញផែនការរៀបចំដែនដីខេត្ត-ក្រុងថ្មី ដើម្បីធានាលើការគ្រប់គ្រងការប្រើប្រាស់ដីធ្លីនៅតាមតំបន់គោលដៅទូទាំងប្រទេស និងណែនាំឱ្យគ្រប់ស្ថាប័នពាក់ព័ន្ធ បន្តពង្រឹងការរៀបចំផែនការយុទ្ធសាស្ត្រអភិវឌ្ឍន៍សេដ្ឋកិច្ច និងការដោះស្រាយបញ្ហាប្រឈមនានា រួមទាំងរំលេចអំពីវិស័យកសិឧស្សាហកម្មជាឆ្អឹងខ្នងដ៏សំខាន់ក្នុងការជំរុញកំណើនសេដ្ឋកិច្ច ។ ថ្លែងក្នុងកិច្ចប្រជុំគណៈកម្មាធិការរៀបចំដែនដី និងនគរូបនីយកម្មថ្នាក់ជាតិ ដែលបានធ្វើឡើងនៅទីស្ដីការក្រសួង នារសៀលថ្ងៃទី ២ ខែតុលា ឆ្នាំ ២០២៦ ឯកឧត្តម
កម្ពុជា កំពុងពិនិត្យលទ្ធភាពកែច្នៃសំរាម ទៅជាអគ្គិសនី និងឥន្ធនៈ ដើម្បីបង្កើតតម្លៃសេដ្ឋកិច្ចជាតិ
Top News, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 02/10/2026
ភ្នំពេញ ៖ រាជរដ្ឋាភិបាលកម្ពុជា តាមរយៈក្រសួងបរិស្ថាន កំពុងពិនិត្យលទ្ធភាពកែច្នៃសំរាម និងសំណល់រឹង ទៅជាថាមពលអគ្គិសនី និងឥន្ធនៈ ដើម្បីបង្កើតតម្លៃសេដ្ឋកិច្ចជាតិ។ មន្ដ្រីជាន់ខ្ពស់ក្រសួងបរិស្ថាន បានប្រាប់បណ្ដាញសារព័ត៌មាន AMS នៅថ្ងៃទី២ ខែតុលា នេះ ថា លទ្ធភាពកែច្នៃទៅរួច ឬអត់ គឺស្ថិតនៅលើទុនវិនិយោគរបស់ក្រុមហ៊ុនធំណាមួយនឹងចូលខ្លួនមកកែច្នៃ ព្រោះគម្រោងនេះត្រូវចំណាយច្រើន
អាម៉េរិកចំណាយជាង ៥ ពាន់លានដុល្លារជួសជុល និងធ្វើទំនើបកម្មនាវាផ្ទុកយន្តហោះ USS Harry S. Truman
ព្រឹត្តិការណ៍, អាជីវកម្មថ្មី និងនវានុវត្ត
• 02/10/2026
សហរដ្ឋអាម៉េរិកគ្រោងចំណាយ ៥,១ ពាន់លានដុល្លារ ដើម្បីជួសជុល ថែទាំ និងធ្វើទំនើបកម្មនាវាផ្ទុកយន្តហោះចម្បាំង USS Harry S. Truman ដើម្បីត្រៀមនាវានេះសម្រាប់បន្តប្រើប្រាស់ក្នុងពាក់កណ្តាលជីវិតបម្រើការងារដែលនៅសល់
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content