សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងតាមការចេញផ្សាយរបស់ទូរទស្សន៍ BBC នៅថ្ងៃចុងសប្តាហ៍នេះបានឱ្យដឹងថាក្រុមហ៊ុនបច្ចេកវិទ្យាយក្សរបស់អាមេរិក IBM បាន ប្រកាសថា ខ្លួននឹងនាំយកមកនូវបច្ចេកវិទ្យាថ្មីស្រឡាងមួយដែលជួយឲ្យដំណើរការម៉ាស៊ីនកំព្យូទ័រកាន់តែមានប្រសិទ្ធភាព ជាមួយនឹងផលិតផលបន្ទះឈីបថ្មីមួយប្រភេទដែលមានទំហំតូចបំផុតត្រឹមតែ 2nm (ណាណូម៉ែត្រ)តែប៉ុណ្ណោះ។
ក្រុមហ៊ុន IBM បានអះអាងថា៖
“បន្ទះឈីបដែលជាសមិទ្ធលថ្មីរបស់ខ្លួននេះមិនត្រឹមតែមានរូបរាងតូចជាងបន្ទះឈីបធម្មតាដែលកំពុងមានដំណើរការលើទីផ្សារបច្ចុប្បន្ន 7nm នោះទេ បន្ទះឈីបទំហំ 2nm អាចមានសមត្ថភាពក្នុងការដំណើរការតួនាទីរបស់ខ្លួនបានខ្លាំងជាងសមិទ្ធផលចាស់រហូតដល់ទៅ 45 ភាគរយ នៅពេលដែលវាក្លាយជាផលិតផលសម្រេច និងត្រូវបានដាក់លក់នៅលើទីផ្សារ។ លើសពីនេះបន្ទះឈីបរបស់ IBM នេះគឺទាមទារថាមពលតិចជាងមុនដល់ទៅ 75 ភាគរយ មានន័យថាវានឹងអាចជួយឲ្យថាមពលថ្មរបស់ស្មាតហ្វូនទាំងឡាយមានកម្លាំងខ្លាំងជាងមុនដល់ទៅ 4 ដង”
ទោះបីជាយ៉ាងណាក្តីក្រុមហ៊ុនប្រកួតប្រជែងធំៗរបស់ខ្លួនដូចជា Inter និង TSMC ក៏ធ្លាប់បានប្រកាសផងដែរថា ខ្លួនក៏បានត្រៀមផែនការរួចជាស្រេចក្នុងការសាងសង់រោងចក្រផលិតបន្ទះឈីបទំហំតូចជាង 7nm ផងដែរនៅក្នុងប៉ុន្មានឆ្នាំខាងមុខនេះ។ ក្នុងនោះ ក្រុមហ៊ុន Intel បានប្រកាសពីទំហំទុនក្នុងការវិនិយោគប្រមាណជា 20ពាន់លានដុល្លារក្នុងការកសាងរោងចក្រថ្មីរបស់ខ្លួនចំនួន 2 កន្លែងទៅក្នុងប្រទេសអាមេរិក។
និយាយជារួម ទាំងក្រុមហ៊ុន IBM និងក្រុមហ៊ុន Intel ដែលសុទ្ធតែមានឥទ្ធិពលនៅក្នុងទីផ្សារបច្ចេកវិទ្យាលំដាប់ពិភពលោកសុទ្ធតែបានបង្ហាញចេតនាដូចគ្នាថាការផ្គត់ផ្គង់បន្ទះឈីបដ៏ច្រើនលើសលប់ចេញពីប្រទេសក្នុងតំបន់អាស៊ីគឺមិនមែនជាគំនិតដ៏ល្អនោះទេ ខណៈដែលបច្ចុប្បន្ននេះគេបានដឹងថាការផ្គត់ផ្គង់សរុបរបស់ទីផ្សារបន្ទះឈីបមានរហូតទៅដល់ 80 ភាគរយចេញពីអាស៊ីដែលក្នុងនោះ TSMC របស់តៃវ៉ាន់គឺជាអ្នកក្តោបក្តាប់។
គួរបញ្ជាក់ថា ឧស្សាហកម្មផលិតបន្ទះឈីបសម្រាប់កំព្យូទ័រ ក៏ដូចជាទូរស័ព្ទស្មាតហ្វូននាពេលបច្ចុប្បន្នបានប្រើបច្ចេកវិទ្យាផ្សេងៗគ្នាដើម្បីប្រកួតប្រជែងគ្នា។ បន្ទះឈីបកាន់តែតូចត្រូវបានក្លាយទៅយុទ្ធសាស្ត្រម៉ាឃីតធីងសំខាន់បំផុតរបស់ក្រុមហ៊ុនផលិតក្នុងការចាប់យកទីផ្សារ ពីព្រោះថាវានឹងអាចធ្វើឲ្យឧបករណ៍ទាំងឡាយប្រើប្រាស់ថាមពលតិចជាងមុន៕
[ads-global layout_id=6 position_id=1 ads_size=2]
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
រដ្ឋាភិបាលសម្រេចបង្កើតក្រុមការងារហិរញ្ញវត្ថុបៃតង ដើម្បីរៀបចំគោនយោបាយ និងយុទ្ធសាស្ត្រអភិវឌ្ឍន៍ជាតិ
ព្រឹត្តិការណ៍, អាជីវកម្មថ្មី និងនវានុវត្ត
• 20/08/2026
រាជរដ្ឋាភិបាល បានសម្រេចបង្កើតក្រុមការងារហិរញ្ញវត្ថុបៃតង ក្នុងគោលបំណងដើម្បីចូលរួមរៀបចំគោលនយោបាយ យុទ្ធសាស្ត្រ និងវិធានការកៀរគរហិរញ្ញវត្ថុបៃតង សម្រា់បគាំទ្រដល់គោលដៅអភិវឌ្ឍន៍ប្រកបដោយចីរភាពរបស់រាជរដ្ឋាភិបាល
ក្រសួងនិងស្ថាប័នចំនួន៤ បានរួមគ្នាពង្រឹងការការពារបរិស្ថាន និងការរស់នៅប្រកបដោយចីរភាពនៅកម្ពុជា
ព្រឹត្តិការណ៍, អាជីវកម្មថ្មី និងនវានុវត្ត
• 20/08/2026
អនុស្សរណៈនៃការយោគយល់គ្នា រវាងក្រសួងបរិស្ថាន ជាមួយអាជ្ញាធរមីន ជាមួយក្រសួងធនធានទឹកនិងឧតុនិយម និងក្រសួងធម្មការនិងសាសនា ត្រូវបានចុះហត្ថលេខារួមគ្នា
[ads-global layout_id=6 position_id=2 ads_size=2]
កម្មវិធីពិសេសរបស់ AMS ECONOMY
ព័ត៌មានផ្សេងៗទៀត
Nvidia បង្កើតទំព័រប្រវត្តិសាស្ត្រថ្មីក្លាយជាក្រុមហ៊ុនដែលមានតម្លៃលើសពី៤ទ្រីលានដុល្លារ
បណ្តាក្រុមហ៊ុនបច្ចេកវិទ្យាធំៗ បោះទុនសរុបជាង ៣០០ពាន់លានដុល្លារទៅលើទីផ្សារ AI ដោយសង្ឃឹមថាអាចស្រូបទាញបានរាប់សិបទ្រីលានដុល្លារមកវិញ
Account
Security
Favourite Content