សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ តម្លៃប្រេងសកលបានធ្លាក់ចុះជាង ៤% បន្ទាប់ពីប្រធានាធិបតីអាម៉េរិក Donald Trump បានបរិយាយបង្ហាញពីភាពថមថយនៃក្តីបារម្ភទៅលើបញ្ហាសង្គ្រាម និងការវាយប្រហារដោយយោធាទៅលើអ៊ីរ៉ង់ នេះបើយោងតាមសេចក្ដីរាយការណ៍ពី CNBC ។
នៅក្នុងសប្ដាហ៍នេះ តម្លៃប្រេងឆៅ Brent បានធ្លាក់ចុះ ៤,១៥% ឬ ៦៣,៧ ដុល្លារក្នុងមួយបារ៉ែល ខណៈដែលតម្លៃប្រេងឆៅ West Texas Intermediate (WTI) បានធ្លាក់ចុះ ៤,៥៦% ឬ ៥៩,២ ដុល្លារក្នុងមួយបារ៉ែល។
ថ្លែងទៅកាន់បណ្តាអ្នកសារព័ត៌មាន ប្រធានាធិបតីអាម៉េរិក លោក Trump បានលើកឡើងថា លោកទទួលបានដំណឹងថា អ៊ីរ៉ង់ បានបញ្ឈប់ការសម្លាប់បាតុករ ដែលវាជាដំណឹងល្អ និងកាត់បន្ថយនូវក្ដីបារម្ភពីសំណាក់អ្នកវិនិយោគដែលថាអាម៉េរិកអាចនឹងវាយប្រហារដោយយោធាទៅលើអ៊ីរ៉ង់ បង្កើតជាវិនាសកម្មកាន់តែធ្ងន់ធ្ងរ។ សូមរំលឹកថា ថ្មីៗនេះ ពលរដ្ឋអ៊ីរ៉ង់ជាង ៦០០ នាក់ត្រូវបានបាត់បង់ជីវិតនៅក្នុងហេតុការណ៍បាតុកម្មដ៏ធំមួយក្នុងប្រទេស ដោយសារការបង្រ្កាបដោយហិង្សាពីកងកម្លាំងសន្តិសុខរបស់រដ្ឋាភិបាល។ ទន្ទឹមនឹងនោះ លោក Trump បានគំរាមម្តងហើយម្តងទៀតថា យោធាអាម៉េរិកនឹងធ្វើអន្តរាគមន៍ប្រសិនបើជនស៊ីវិលត្រូវបានសម្លាប់ឥតឈប់ឈរ។ ការគំរាមនេះបង្កជាក្ដីព្រួយបារម្ភសម្រាប់ទីផ្សារប្រេងដែលធ្វើឲ្យតម្លៃឡើងថ្លៃក្នុងរយៈពេលប៉ុន្មានថ្ងៃកន្លងមកនេះ ខណៈដែលអ៊ីរ៉ង់គឺជាអ្នកផលិតប្រេងដ៏សំខាន់នៅមជ្ឈិមបូព៌ា។
លោក Jim Reid អ្នកស្រាវជ្រាវរបស់ធនាគារ Deutsche Bank បានលើកឡើងថា ការអត្ថាធិប្បាយរបស់លោក Trump អំពីការបញ្ឈប់ការសម្លាប់នៅក្នុងប្រទេសអ៊ីរ៉ង់ ជាការបង្ហាញពីសញ្ញាវិជ្ជមានសម្រាប់ទីផ្សារប្រេង ដោយហេតុថា អាម៉េរិក អាចនឹងពន្យារពេលសម្រាប់ការវាយប្រហារ ឬ មិនប្រើប្រាស់ផ្នែកយោធាតែម្ដង។ យ៉ាងណាមិញ វានៅតែមានការប្រុងប្រយ័ត្ន ដោយសារការវាយប្រហាររបស់អាម៉េរិកលើអ៊ីរ៉ង់អាចនឹងកើតឡើងដោយនឹកស្មានមិនដល់ដូចកាលពីខែមិថុនា ឆ្នាំ ២០២៥ កន្លងទៅនោះដែរ៕
Account
Security
Favourite Content